רוסלאנד אינוואדירט אוקריינע - **בלויז נייעס**

[ישראל_הלוי]

דייטשע עקספארטן קיין רוסלאנד האט געטראסקעט צו די נידריגסטע שטאפל אין צוואנציג יאר.

[נקדימון]

מיר פארמאגן די בעסטע עיר דעפענס סיסטעמס, והא ראי' ווייל מיר בויען די מערסטע דעפענס מיסילס.

- חבר פוטין -

פארוואס האסטו באשלאסן צו צוזאם שטעלן צוויי סטעיטמענטס?

פוטין האט געהאט היינט א שמועס מיט וויטשעסלאוו גלאדקאוו דער בעלגאראד גובערנאטור.

פוטין האט געזאגט אז פון די צוזאמשטויסן ווייזט זיך ארויס אז רוסלאנד'ס לופט פארטיידיגונס סיסטעמען זענען פון דאס בעסטע אין די וועלט. (חחח)

באזונדער האט פוטין ארום גערעדט איבער די פראדוקציע און געזאגט אז רוסלאנד פראדוצירט עטליכע מאל אזוי סך ווי אמעריקא (וואס איז מעגליך ריכטיג. איך האב נישט נאכגעקוקט די ציפערן. מעסס פראדוקציע איז אלץ געווען אין רוסלאנד. שטייצעך קיין פארגלייך אין קוואליטעט צו די אמעריקאנער)

---
די קאמישע חלק איז געווען אז אין די זעלבע צוויי מינוט פון פוטין רימען די רוסישע פארטיידיגונס סיסטעמען האט אים גלאדקאוו געזאגט אז אין בעלגאראד זענען שוין געשטארבן 25 מענטשן און באלד הונדערט פארוואונדעטע.

[נקדימון]

רוסישע מידיע זעצערס זענען צעווילדעוועט איבער שולץ ערלויבן דאס שיקן דייטשע לעפערד-2 טאנקען קיין אוקריינע.

דער בחור שעלט די בייזע רוחות...

"רוסלאנד זאל אטאקירן דייטשלאנד". "זאל דייטשלאנד וויסן וואספארא נאצישע פירער זיי האבן אויפגעצויגן אין געברענגט צו די מאכט".

https://www.dropbox.com/s/oavufy855uo35 ... 4.mp4?dl=0

[נקדימון]

די טיימס ווייסט צו פארציילן אז אמעריקא שלעפט ארויס בערך 300 טויזנט 155 מילימעטער ארטילעריע רונדעס וואס זי האלט אויף אין מדינת ישראל צו שיקן פאר אוקריינע.

---
אמעריקא שיקט שוין מער וואפן פון מדינת ישראל זאפאסן ווי מדינת ישראל אליינס...

צוויי קלייניגקייטן וואס קומט מיר אין קאפ. קען זיין אמעריקא וויל אנגרייטן אוקריינע צו זיין אויסשטאפירט ביי זייער נעקסטע קאנטער אפענסיווע. לעצטנס איז דא שיינע פעקלעך מיט וואפנס און האפענטליך די זיצונג די וואך וועט ברענגן פירות. די אייראפעישע פון זייער זייט וועלן זייער מעגליך באקומען רשות פון דייטשלאנד פאר טאנקען און ענגלאנד האט שוין אויך געמאלדן שיינע פעקלעך וואס וועלן קומען בקרוב וכו'.

דאס אלעס איז שריט אין די ריכטיגע דירעקציע פון שיקן מער מאכטפולע וואפנס פאר אוקריינע.

נאך עפעס וואס איך טראכט איז, אז אפי' די מערב וועלט שטייט ווייטער צו די האנט פון אוקריינע און וויל געבן וואפנס איז "האבן די מעגליכקייט" צו געבן אויך עפעס וואס איז גאר וויכטיג.

נישט יעדער לאנד זיצט מיט זאפאסן פון וואפן צו שיקן קיין אוקריינע.

צום ביישפיל פראנקרייך האט געהאט געגעבען בערך א דריטל פון זייער סיזער האוויטצער פלאטע. זיי זיצן נישט מיט צוויי הונדערט שטיק.

וואפנס נעמט צייט צו פראדוצירן. אמאל וואכן, און צומאל חדשים און אפי' יארן...

צוויי טויזנט טאנקען לעפערד-2 עוועליבל פאר אוקריינע... האו אבאוט ריינמעטאל וועט האבן קארגע צוואנציג שטיק און נישט יעצט נאר אין יאר ארום...

אמעריקא האט אויך נישט ענדלאזע זאפאסן פון ארטילעריע רונדעס. אמעריקא קען אויך אויסלויפן פון געוויסע וואפנס. (געוויס קענען זיי טון דראסטישע שריט צו ארויפשרויפן די פראדוקציע אבער דערווייל איז עס נישט דארט).

אוקריינע דארף א געשאצטע הונדערט טויזנט ארטילעריע רונדעס חודש'לעך.

אמעריקא פאבריצירט פערצן טויזנט חודש'לעך...

אמעריקא האט געמאלדן עטליכע חדשים צוריק אז זיי לייגן אריין כוחות צו הייבן די פראדוקציע און וועט פראדוצירן צוואנציג טויזנט 155 מילימעטער ארטילעריע רונדעס ביי די זומער און פערציג טויזנט רונדעס ביי יארע 2025.

גאנץ אייראפע פראדוצירט יערליך ווייניגער פון וויפיל אוקריינע האט פארניצט אין א האלבער יאר.

צו דאס איז א זאפארטיגע פראבלעם? יא. צו עס זיך אן יעצט אויף די מינוט? ניין.

אויב די קריג גייט אזוי אנגיין פאר ווער ווייסט ווי לאנג גייט מען דארפן שארף הייבן די פראדוקציע.

רוסלאנד פארמאגט אפשר אפילו שטערקער די פראבלעם. רוסלאנד האט פארניצט צוריק אין יוני הונדערטע טויזנטע רונדעס. פרובירנדיג צו דעקן די לאך פון זייער מאנסקראפט דעפעציט.

דאס איז ווארשיינלעך פארוואס זיי האבן היפש פארמינערט די באראזשן די לעצטע חדשים ווען זיי פרובירן צו שפארן וויפיל זיי קענען ביז זיי באווייזן צו פראדוצירן מער רונדעס.

גיטע נייעס פון די פענטעגאן היינט. די פענטעגאן זאגט אז אמעריקא וועט קענען הייבן איר פראדוקציע פון די הונדערט פינעוו אין פופציג מילימעטער ארטילעריע רונדעס אויף אזויפיל ווי ניינציג טויזנט שטיק חודש'לעך אין צוויי יאר פון יעצט.

דאס איז א זעקס הונדערט פראצענט שפרינג אין פראדוקציע אין צוויי יאר.

[נקדימון]

עס איז שווער צו מיטהאלטן וויפיל מאל רוסלאנד טוישט קאמאנדירן...

עטליכע קוועלער שרייבן אז גענעראל סערגעי קאזאוולעוו וועט ווערן די קאמאנדיר איבער די דרום מיליטערישע דיסטריקט.

דאס האט באלאנגט פאר סאראווייקין בעפאר סאראווייקין האט באקומען די לייצעס צו זיין די הויפט איבערזיכט קאמאנדיר אויף די גאנצע אפעראציע/קריג.

עס איז נישט דא קיין נאמען ווער עס האט געפירט די פאזיציע ווען סאראווייקין איז געווארן געשטעלט אלץ הויפט קאמאנדיר.

אזוי אויך איז נישט קלאר [דערווייל] וואספארא פאזיציע סאראווייקין האט יעצט.

20230124_210045~2.jpg (134.69 KiB) געזעהן 5341 מאל

[נארמאליזעם]

פרישע פארשריפטן זענען געווארן ארויסגעשטעלט וואס אלע רוסישע סאלדאטן דארפן פאלגן אן קיין שאלות. יעדער דארף זיך שערן די האר פון קאפ - יעדער דארף זיין אנגעטוהן די זעלבע שיין געביגלט - מטאר נישט ניצן די אייגענע סעלפאון - מטאר נישט ניצן דראונס נאר וואס די מיליטער האט געבויט.

ביז יעצט איז עס געווען אביסעל צופארן. די פראבלעם איז אז זיי שטעלן זיך נישט אויף זייער עיקר פראבלעם וואס הייסט לאגיסטיקס...

[ידיד כל חי]

ISW
Jan 24

[כאפצעם]

סננ- אמעריקאנע שפיאנאזש האט די לעצטע וואכן אויפגעכאפט הויכע רוסישע אפישעלס דיסקוסירן דאס פארכאפן דעם שטאט כארקעוו

אמעריקאנע אפישעלס זענען אבער זייער סקעפטיש אז דאס איז אפילו 'נאענט צו מעגליך'.

[כאפצעם]

הויכע אמעריקאנע באאמטע וואס האבן באזיכט לעצטע וואך קיעוו האבן פרובירט אויסאיבן דרוק אויף זעלענסקי צו אויפגעבן אויף באקמוט און זיך ענדערש פארלייגן אויף א נייע אפענסיווע אין דרום. זעלענסקי איז אבער דערווייל אומבויגזאם און גלויבט אז באקמוט איז א סימבאל פון אוקריינעס שטאנדהאפטיגקייט

[כאפצעם]

קרעמלין פירט אצינד דורך אנקעטעס אויף א מעגליכע בעפאאשטייענדע פרישע 200,000 מאביליזאציע.

[שטופט אין ישיבה]

דער קרעמלין האט נעכטן געזאגט אז זיי ווילן אז די רוסישע בירגער מיט פארשידענע פעאיגקייטן און טאלאנטן וועלכע זענען יעצט באזירט אין אויסלאנד, זאלן זיך צוריקקערן קיין רוסלאנד און ווייטער ארבעטן פאר'ן בענעפיט פונעם לאנד. די אפענע ביטע פונעם קרעמלין קומט נאכדעם וואס הונדערטער טויזנטער רוסישע בירגער זענען אנטלאפן צו אנדערע לענדער אין לויף פון די לעצטע יאר צייט, אלס רעזולטאט פונעם קאנפליקט אין אוקראינע.
ק. דער איד טעגליך

[ידיד כל חי]

Jan 25

[ידיד כל חי]

British Update - Jan 25

[נקדימון]

די וואפ"א שרייבט אז די אמעריקאנער אבראהמס טאנקען איז ערווארטעט צו ווערן באשטעלט פון די פאבריצירער, אנשטאט צו טראנספארטירן עקזיסטירנדע טאנקען פון אמעריקאנער ארסענאלן אדער פון א צווייטער לאנד. דאס איז ווארשיינלעך נישט פאר די שלאכטן אין די נאנטע צוקונפט. דאס קען נעמען חדשים אויב נישט יארן.

---
מאנכע שפעקולירן וויבאלד אמעריקא האלט נישט ביים שוקן עקזיסטירנדע טאנקען וואס קומט מיט דיפליטעד אוראניום. עפעס וואס אמעריקא האט אויפגעהערט פראדוצירן פאר די אבראהמס טאנקען לעצטענס.

[ישראל_הלוי]

אמעריקאנער פרעזידענט דזשאו ביידען וועט אויפטרעטן פארן פאלק היינט מיטוואך אום 12 אזייגער מיטאג איבער די אמעריקאנער שטיצע פאר אוקריינע. דאס פאלגט נאך די באריכטן אז אמעריקע וועט שיקן אבראמס טאנקן קיין אוקריינע.

[נקדימון]

שפאניע קומט אריין מיט א שיינע נדבה.

עלמונדא באשטעטיגט אז שפאניע וועט שיקן 53 פון די 108 לעפערד-2 טאנקען וואס זי האט זיך איינגעהאנדלט אין 1998 פאר אוקריינע.

צוואנציג דערפון זענען אין א גוטער צושטאנד. די איבריגע וועט דארפן דורכגיין ערענסטע פארריכטונגען.

[נקדימון]

די ביידן אדמינעסטראציע וועט שיקן 31 אבראהמס טאנקען (מיט נאך אכט טרעקלעך?) קיין אוקריינע. א פעקל אין די ווערט פון פיר הונדערט מיליאן דאלער.

---
ווי עס זעט דערווייל אויס פון דאס ביסל אינפארמאציע עוועליבל, אז אמעריקא וועט שיקן די אבראהמס טאנקען צו פארשטארקערן אוקריינע'ס מיליטערישע קראפט פאר די צוקונפט. נישט אזוי ווייט פאר די נאנטע צוקונפט.

אפשר וועט ביידנס רעדע שפעטער אויסקלארן מער אינפארמאציע איבער די אבראהמס ליפערונגען.

איך טראכט נאך אלץ אז דאס איז ווארשיינלעך בלויז די ערשטע פעקל. עס וועט מסתמא נאכפאלגן מיט נאך אבראהמס. די קייט פון לאגיסטיקס דארף מאכן סענס. די מתנה דארף זיך אויסצאלן מיט פראפיטן פאר די ארבעט וואס עס פארלאנגט זיך. פאר צוואנציג דרייסיג שטיק איז עס אביסל אינטערגעצאלט.

[ישראל_הלוי]

שולץ האט אויפגעטרעטן אינעם דייטשן פארלימענט און געבעטן פונעם פאלק מען זאל געטרויען עם און זיין רעגירונג איבער זייער החלטה צו שיקן די לעמפערט-2 טאנקן קיין אוקריינע.

[ישראל_הלוי]

שולץ האט אויפגעטרעטן אינעם דייטשן פארלימענט און געבעטן פונעם פאלק מען זאל געטרויען עם און זיין רעגירונג איבער זייער החלטה צו שיקן די לעמפערט-2 טאנקן קיין אוקריינע.

דייטשע אויסערן מיניסטארשע האט אויפגעטרעטן אין פארלימענט און געזאגט בנוגע נאטא, מיר פירן א קריג אנטקעגן רוסלאנד נישט א קריג צווישן אונז אליין.

[שוויציגע ביר]

זעלענסקי פייערט היינט זיין 45 געבורטסטאג.

IMG_20230125_102814_050.jpg (56.61 KiB) געזעהן 1146 מאל

פאריאר ביי זיין 44 געבורטסטאג.

IMG_20230125_102813_742.jpg (28.13 KiB) געזעהן 1146 מאל

[רויטע קרעיאן]

טאנקע שיין...

[ישראל_הלוי]

פוטין כאווער אלעקסאנדער דוגין זאגט אז אלס אן אפענטפער צו די אמעריקאנער און אייראפעער החלטה צו שיקן טאנקן קיין אוקריינע, זאל פוטין באוואפענען קובא און ווענעזועלע ווי אויך געבן נוקלעארע וואפן פאר איראן.

[ישראל_הלוי]

פארטוגאל גרייט זיך צו שיקן 4 לעמפערט-2 טאנקן קיין אוקריינע.

[יאנקעל פעדראטשיק]

א בריטישע עירפארס גרופע וואס באשטייט פון א שפיאנאדזש פליגער, 2 פייטער דזשעט באגלייטער און א טאנקער פליגער, אין די הימלען העכער ראמעניע

[יאנקעל פעדראטשיק]

א בריטישע עירפארס גרופע וואס באשטייט פון א שפיאנאדזש פליגער, 2 פייטער דזשעט באגלייטער און א טאנקער פליגער, אין די הימלען העכער ראמעניע

איין פייטער דזשעט באקומט יעצט לאנטש. קוקט די הייעך ווי זיי זענען כמעט אייניג