Waukesha האט געשריבן:פאפיגיי האט געשריבן:
איך פארשטיי נאך אלץ נישט פארוואס דאס איז געווארן אין א מיינוס, און נאך אזא ריזיגע מיינוס (איבער $37).
פארוואס זאל איך נישט זאגן פאר די קאמפאני וואס פאמפט אויל, איך צאל דיר די $20 וואס איך האב מיר אונטערגענומען צו צאלען פאר א פעסל אויל, דו האלסט עס ביי דיר, איי דו האסט נישט קיין סטארעזש? נעקסטע חודש פאמפ נישט קיין פרישע אויל, פארקויף די, און דו וועסט נאך ארויסגיין מיט דאפעלט ריוח, נישט דארפן ארבעטן, און ווערן 2 מאל באצאלט פאר די זעלבע פעסל אויל!?
די אויל קאמפאני ווייסט אויך די מצב זייער גוט, ס׳קען גאר זיין אז ער איז די אייציגסט׳ע קונה, אויב אזוי, פארוואס זאל ער נישט בעטן מער געלט? חוץ מזה איז נישט אזוי גרינג צו פארמאכן די פאמפ אויף אזא אופן אז מען זאל עס נאכדעם ווען מען דארף דאס צוריק עפענען.
די יסוד איז, עס איז דא א סופליי און דימענד, סופליי איז טייטש וויפיל איז דא פון דעם, דימענד איז טייטש וויפיל ווילען עס מענטשען האבן. אויב די סופליי איז נידריגער פון די דימענד, גייט די פרייז ארויף, אויב די סופליי איז העכער, גייט די פרייז ארויף. די סופליי פון אויל פיוטשערס איז געווען זייער הויעך, מילא איז די פרייז פון די פיוטשערס געפאלן אפילו צו די נעגעטיוו נומערען
נאך א נקודה, אויל איז נישט די זעלבע זאך ווי אויל פיוטשערס, איינס איז פיזישע אויל, די צווייטע איז א התחייבות פון צוויי מענטשען, איינעם צום צווייטען אפצגעבען אויל. כאטש די צוויי זענען ענליך, און זענען געבינדען איינס צום צווייטען, זענען זיי נישט די זעלבע זאך, קיינער האט נאכנישט געצאלט קיינעם צו נעמען אויל, מען האט געצאלט זיך אונטערצונעמען צו נעמען אויל.
די סיבה פארוואס אויל איז נידריג, איז ווייל רוסלאנד און OPEC פארפלייצען די מארקעט, וואס דאס פארמערט סופליי, און קאראנא ברענגט אראפ דאס ניצען פון אויל, וואס דאס פארמינערט די דימענד, די סיבה פארוואס פיוטשערס זענען נידריג און אפילו נעגעטיוו, איז ווייל די פרייז פון אויל איז נידריג, און אסאך מענטשען האבן געהאפט ביזן לעצטען טאג אז די פרייז וועט נאך ארויפגיין, און עס זענען געבליבן אסאך מענטשען מיט התחייבות׳ער צו נעמען אויל, די מענטשען האבן נישט געקענט ערפילן די התחייבות׳ער און זיי האבן געמוזט באצאלען איינעם זיך אונטערצונעמען צו נעמען די אויל אנשטאט זיי.
זייער קלאר, מיינט עס אז עס וועט בלייבן אזוי פאר א לענגערע צייט?!