יואל שרייבער האט געשריבן:עס זענען דא צוויי נקודות לכאורה, עס איז דא שטיצן טראמפ, אדער די קאנסערוואטיוון, און עס איז דא דאס האלטן אז לויטן יעצטיגן מצב איז וויכטיג אז קאנסערוואטיוון זאלן האבן א כח כדי אונז זאל מיר קענען בלייבן אידן.
נעם צום ביישפיל יונה כהן, מסתמא דער שטערקסטער אנטי טראמפסטער ביי היימישע אידן, ער זאגט אויך אז עס איז זייער וויכטיג צו האבן קאנסערוואטיווע דזשאדזשעס, ער האלט אבער אז טראמפ שאדט נאר פאר די קאנסערוואטיווע כח אין די לאנג טוירם.
חסיד'ישע אידן זענען פאר טראמפ פאר איין איינציגע סיבה: די פארטיי אין וועלכע ער איז געלאפן/לויפט.
איינער וואס קען אביסל די נאציאנאלע עלעקטאראלע היסטאריע און די פּרי-וואלן מקוה היסטעריע פון מעין-סטריעם חסידי'שן אידענטום אין אמעריקע, פארשטייט אז די זעלבע שרעק וואס איז געווען מיט א גאור געווינס בשעתו, א קערי געווינס בשעתו, אן אבאמא געווינס בשעתו, און א קלינטאן געווינס בשעתה וואלט געווען מיט א טראמפ געווינס בשעתו ווען ער זאל ווען לויפן אלס דעמאקראט.
וועגן יונה כהן, ער זאגט טאקע אז טראמפ קען שאטן פאר די קאנסערוואטיווע באוועגונג וואס קען אריינברענגען ליבעראלע ריכטער און אז דאס איז א פראבלעם, אבער פון די אנדערע זייט האב איך שוין געהערט פון אים מער ווי איינמאל אז ליבעראלע ריכטער האבן היסטאריש ענדערש באשיצט אונזערע רעליגיעזע רעכטן ווי קאנסערוואטיווע ריכטער.
אלזא, אדער שפילט ער מיט אונזערע קאנסערוואטיוון צו פארמיאוס'ן טראמפ אין זייערע אויגן פון א קאנסערוואטיווע שטאנדפונקט, אדער קען טאקע זיין אז ער האלט אז צו לינק איז אויך נישט גוט - זיין יארגאנג לאזט אים פארט נישט זיין צו לינק...
אזוי צו אזוי איז ער זיכער אסאך קלוגער, פארשטענדליכער, און מער באזעסן ווי מייסטנס אינגעלייט, און וועגן דעם איז ער נישט פארכאפט אין פוסטע רעכטע דעמאגאגיע. ער איז אבער פארט א חסידי'שע איד (און אויב איך מעג צולייגן אן אגודיסט) וואס וועט בדעת בעל הבית נישט זיין צו לינק און גאר רעכט אויף געוויסע אישוס (ווי למשל די דיעל מיט איראן).