פעיק ניוז האט געשריבן:איך פארשטיי נישט פארוואס מען האט עס נאכנישט באריכטעט דא. א שווארצער איז נעכטן דערשטיקט געווארן בזדון צום טויט דורך פאליציי.
אין די גרויליגע ווידיאו זעט מען וויאזוי עטליכע פאליציי אפיצירן ארעסטירן א שווארצן אידענטיפיצירט אלס דזשארדזש פלאיד, און איינער פון די אפיצירן האבן געשליידערט פלאיד צו דעם טראטואר, געלייגט זיין קני אויף פלאיד'ס גענאק, און עס געהאלטן א שיינע פאר מינוט. אלעס אין די צייט וואס דער מענטש איז שוין געווען געקייטלט!
פיסגייער האבן דאס אלעס צוגעזען, און האבן מיטגעהאלטן וויאזוי פלאיד בעט זיך אז ער קען נישט אטעמען. די צושויער האבן זיך געבעטן ביי די פאליציי מיט טרערן, שרייענדיג אז פלאיד האלט ביים אויסגיין, אבער דער רשע מרושע האט אנגעהאלטן זיין קני מיט א שטייפקייט.
נאך עטליכע מינוט, ווען פלאיד האט שוין נישט געצייגט קיין צייכן פון לעבן, איז אן אמבולאנס אנגעקומען און אים אוועקגעפירט צו א לאקאלן שפיטאל. עס איז קורצליך דערנאך באשטעטיגט געווארן אז פלאיד איז געשטארבן בשעת'ן זיין אונטער די פאליצייאישע הענט.
ווי נאר די ווידעא איז פארשפרייט געווארן, האט דאס ארויסגערופן א צארן און אויפברויז, און די עף-בי-איי האט געזאגט אז זיי פארשן עס אויס. דאס האט געלייגט דרוק אויך די מינעאפאליס פאליציי, וועלכע האבן ארויסגעווארפן 4 אפיצירן וואס זענען געווען פארמישט.
לאקאלע און סטעיט באאמטע האבן פארדאמט די פאליציי אפיצירן פאר דער ברוטאלער באהאנדלונג, אבער די מאסן שווארצע איינוואוינער זענען נישט בארואיגט געווען מיט די אויפזאגונגען, נאר האבן נעכטן ראיאטירט אין די גאסן, פארלאנגענדיג יוסטיץ פאר פלאיד'ס לעבן.
דאס אכזריות דערפון איז אין לשער, איך האב פשוט נישט געקענט צוקוקן דעם ווידיאו.
רוצחים!!!
viewtopic.php?p=2374473#p2374473
געווארן א שטיקל שמועס דארט וואס באלאנגט אהער