אמעריקאנער אמבאסאדע אין איראק אטאקירט/גענעראל סולימאני אומגעברענגט

[להבא]

אנדער קאנטראל?

[ענדע צדיק!]

קוקט אויס ווי איראקער סאלדאטן ווואס שטייען מיט די פראטעסטירער.

[אהבת השם]

פרעזידענט ירים הודו!!

20191231_124741.jpg (140.39 KiB) געזען 2690 מאל

[אהבת השם]

פרעזידענט ירים הודו!!

20191231_124808.jpg (85.95 KiB) געזען 2686 מאל

און א מעססעדזש לאנשי איראק!!

20191231_124808.jpg (85.95 KiB) געזען 2686 מאל

[farshlufen]

מילעטערישע מאנדירן?

איך מיין אז דאס קען מען דארט קריגן אין די used clothing סטארס, פאר פרוטות.

[זארג נישט]

וואס איז דער מצב? זענען די אמעריקאנער אינעווייניג סעיף?

האט איראק שוין געשיקט סאלדאטען זיי צו פארטרייבן?

[Kollel]

אויף די בילדער וואס איז דא געווען זעען די סאלדאטן נישא אויס צו שטארק באזארגט

[אחת ואחת]

אויף די בילדער וואס איז דא געווען זעען די סאלדאטן נישא אויס צו שטארק באזארגט

אין מיינע אויגן יא.

[מיט א פרישקייט]

איך זעה א שרעק אין זייערע אויגן.

[נא_שכל]

רבותי! מ'זוכט ווער ס'קען ברענגן פענער פון נאך גרופעס... יעדע מינוט קומען אן אנדערע חברה און האקן אריין א פאן זייערע.

[!want to be good]

ANY UPDATES

[הר גריזים]

די שטערן האט יארן צוריק געהאט א לאנגע ארטיקל איבער דעם איראקער עמבעסי, וויפיל הונדערטער מיליאנען די בוש אדמיניסטרעישאן האט געספענד אויפצובויען די פארזיכערסטע אמבאסאדע אין די וועלט אז די איראנע משכונות קריזיס זאל זיך נישט קענען דא איבערשפילן, דארף מען אויסווארטן און זען וואס ס'גייט זיך אויסלאזן דא.

שכח הלשון פאר די בילדער

[שלמה מולכו]

א יא.

ס׳דארף צו זיין די פארזיכערסטע אמעריקאנע אמבאסאדע אין די וועלט!

[שפיגליצקי]

מיר זעט בכלל נישט אויס ווי זיי זענען אין א סכנה, זיי קומען אפילו נישט נאנט צו דעם בנין גופא.

[פאלעסיידס]

קוקט אויס ווי איראקער סאלדאטן ווואס שטייען מיט די פראטעסטירער.

דע זענען אן איראנע מיליציע גארנישט מיט די אפעציעלע מיליטער זייער זענען איינגענטליך א צווייגעל פון חעזאבאלא אין טראגען אן ענליכע נאמען

[קו הישר]

פאַרטיידיקונג סעקרעטאַר

photo_2019-12-31_15-05-52.jpg (182.34 KiB) געזען 2127 מאל

[הלשון]

100 פרישע מארינען ווערן אריבער געשיקט פון קואוועיט צום עמבעססי אין איראק

[זארג נישט]

איראן שפילט זיך דא מיט פייער, דער שאלה איז וויאזוי עס וועט זיך ענדיגן.

איראן שפילט שוין לאנג א פראקסי מלחמה מיט מ"י, און יעצט גענומען די זעלבע תכסיסי מלחמה קעגן אמעריקע. עס הייסט "געשפילט" דערפאר ווייל עס איז א געים א שפיל, און יעצט מיט אמעריקע איז עס שוין א שפיל מיט פייער וואס צוריק מייניך איז שוין נישט דא א וועג. צו עס וועט קומען פון אינעוויינג און די איראנער וועלן איבערווארפן דער רעגירונג, אדער עס וועט קומען פון אינדרויסן און דער גאנצע נוקליארע און מיסל אינפרעסטראקטשער וועט צושמעטערט ווערן איז יעצט צו זעהן. אדער גאר א דריטע וועג וואס איך קען זיך נישט פארשטעלן וואס דאס קען זיין.

דער געים ארבעט אזוי, אנשטאטס מלחמה האלטען דירעקט און שיסן און ווערן געשאסן, נעמט איין צד א אנדערע לאנד (וואס איז אפגעשוואכט) אדער א גרופע מענטשן פון א אנדערע לאנד און ניצט זיי צו שיסן אויף יענעם, און אויב יענער וויל נישט א דירעקט מלחמה איז ער לימיטעד פון שיסן נאר אויף די פראקסי, און אזא מלחמה קען אין טעאריע שטייטליך פירן צום זעלבן ציל ווי א פולקאמע מלחמה.

דער ערשטע פראקסי פאר איראן איז געווען היזבאלע אין לבנון, וואס איז אוועק געשטעלט געווארן צענדליגער יארן צוריק אז אין דער פאל אז דער פיעס פראסעס ברענגט א שלום צווישן מד"י און די פאליסטינער, גייט וויטער אנגיין א מלחמה קעגן מ"י דורך היזאבאלע. מד"י האט צוריק גע'ענטפערט היזבאלע מיט חרוב מאכען די אינפרעסטראקשער אין לבנון כדי אז לבנון זאל זיין אינטרעסירט צוריק צו האלטן היזבאלע, און דערווייל האט עס מער ווייניגער גע'ארבעט. טייער געקאסט אבער גע'ארבעט.

כאמאס איז שוין אויך לאנג א פראקסי פאר איראן, אבער ווען כאמאס איז געשטעלט געווארן אין דער זעלבע ספאט ווי לבנון אז זיי זאלן דארפן צאלן א טייערען פרייז פאר ארבעטן דירעקט פאר איראן, האט איראן געשאפען א נייע גרופע אין עזה וואס איר עיקר פירער איז געהארגעט געוווארן לעצטענס.

ווען עס האט זיך געשאפן א גרויסע וועקיום אין סיריע, האט איראן אנגעהויבן ניצן סיריע אלץ א געווינטשענע באזע צו פירן א פראקסי מלחמה פון דארט אויף מ"י. געהאפט האבן זיי אז זיי וועלן העלפן רוסלאנד (מיט נישט שטערן), און רוסלאנד וועט דאך וועלן זיין דער בעל הבית אין סיריע וועלן זיי צוריק האלטן מ"י פון צופיל צוריק קלאפן, און שטייטליך וועלן זיי האבן דארט זייער עיקר באזע (אינטער דער שלייער אז עס איז א סירישע באזע) צו קענען אטאקירן מ"י.

דאס האט זיך אויך נישט אויסגע'ארבעט אזוי ווי זיי האבן געהאפט, ווייל רוסלאנד האט אויך געמאכט א יד אחת מיט מ"י וואס וועט איר העלפן זיין דער "גאנצע מושל" אין סיריע און פאר דעם וועלן זיי באקומען א פרייע האנט קעגן איראן און אויך קעגן דער סירישע חלק וואס העלפט איראן. און היות "נאר" רוסלאנד (און אויך מ"י מיט נישט שטערן) קענען מאכן זיכער אז אסאד זאל זיצן אויפן בענקל, האט אסאד נישט קיין ברירה און זיצט איינגעלייגט און קען נישט צופיל טוהן צו העלפן איראן. איראן האט מיט צוואנג געברענגט אסאד קיין טעהראן (עננליך ווי סאודי אראביע האט מיט צווואנג געברענגט חארירי פון לבנון) אבער דאס האט אויך נישט געהאלפן.

הרוצה לשקר (וואס דאס איז א פראקסי-וואר) ירחיק עדותו, און היזבאלע אין לבנון האט שוין נישט אזוי די חשק צו שטארבן פאר איראן, און אין עזה האבן זיי זיך נישט געקענט צופיל זיך אויף בויען, און אין סיריע כאפן זיי איין זעץ נאכן צווייטן, איז געבליבן דער לעצטע פארבליבענע פלאץ צו פירן א ערענסטע פראקסי מלחמה "אומגעשטערט" און דאס איז פון איראק. או דא הייבט זיך אן די היינטיגע נייעס וואס ציהט זיך שוין א שטיקל צייט אבער געווען ביז יעצט אינטער דער ראדאר. מער באריכות אפשר שפעטער.

[שפיגליצקי]

יישר כח פאר דער הערליכער אנאליז!

[עקבי הצאן]

@זארג נישט, יישר כחכם!

[זארג נישט]

יישר כוחכם עקבי הצאן.

[זארג נישט]

מיי פלעשור שפיגליצקי, און איך באמערק יעצט קומט דיר א מזל טוב פאר ווערן א שר האלף. איך גלייך דיינע שרייבונגן, א ייש"כ.

בקיצור, איראן האט אריבער געפירט זייער גרעסטע כוחות קיין איראק, און אנגעהויבן מיטן צוועק ארויס צו זעהן אמעריקע אין גאנצן פון סיריע און נאך דעם פון איראק.

ווי געמאלדן א פאר וואכן צוריק אין דער אנדערע אשכול
viewtopic.php?p=2040429#p2040429

איראנער גענעראלן האבן שוין געהאלטן אינמיטן פלאנירן מאסיווע אטאקע אויף אמעריקאנער באזעס,

א באַריכט ברענגט פון קוועלער אינערהאַלב די איראַנער מיליטער, אַז א גרופּע איראַנער הויכראַנגיקע גענעראַלן האָבן זיך געטראָפן פאַר פינף זיצונגען אין א ספּעציעלן בונקער, וואו זיי האָבן פּלאַנירט א מאַסיווע באָמבאַרדירונג אויף אַמעריקאַנער באַזעס.

#קאלמע

האבן זיי דא אין איראק געפלאנט דער גרויסע אטאקע אויף אמעריקע וואס זיי האבן צוריק געצויגן און אנשטאטס דעם געוויזן וואס זיי קענען מיט אטאקירן סאודי אראביע און אירע אויל פעלדער אין א העכסט פראפעשענאלן און העכסט פארגעשריטענע אקט.

און דא האבן זיי געמאכט זייער פאטאלען טעות.

דער טעות איז צוויי פאכיג. איינס אז זיי האבן דערמיט מודיע געווען וואס זיי קענען אלס, און צווייטענס, זיי האבן זיך דא אנגעהויבן מיט אמעריקע מיטן ווייזן וואס זיי האבן אין פלאן פאר אמעריקע און דאס קען זיי טייער קאסטן, ווייל אמעריקע האט יעצט די מאראלישע רעכט און אפילו די פליכט פון צונישט מאכן זייערע פלענער.

די גאנצע צייט, די לעצטע פאר יאר, האט מען נאר שפעקולירט וואס איראן האט בדעה צו טוהן, אבער מען האט געמיינט אז זיי רעדן נאר זיך גרויס צו האלטן (ווי טאריק אזיז ווארטזאגער פון סאדאם כוסעין), אבער דא האבן זיי עס מגלה געווען און נעווירט די סטראטעגן אין דער אמעריקאנער ארמיי אז זיי האבן טאקע די כח פון מאכן גרויס שאדן פאר אמעריקע.

מ"י האט אויך גענוצט דער פראקסי שפיל אויף דער זעלבן אופן און אויך נאר באמבארדירט איבעראל נאר נישט אין איראן גופא, און האט דעמאלט באקומען דער גוטהייסונג פון אמעריקע און באמבאדירט צום ערשטען מאל איראנער אינסטולאציעס אין איראק, און איראן האט טאקע געסטראשעט מיט מלחמה ווייל עס האלט שוין ביים טיר פון איראן, און זיי האבן אומגערישטערהייט פארלוירן מיסעלס און אנדערע פארגעשריטענע וואפן וואס האט זיי געקאסט ביליאנען וואס זיי האבן נישט.

כדי ארויס צו זעהן אמעריקע אין גאנצן פון סיריע וואס וואלט געווען פאר איראן א גרויסע נצחון, האבן זיי נאר געשאסן (דורך פראקסעיס אין איראק פארשטייט זיך) בקצה המחנה קעגן אמעריקע כדי זיי צו דערשרעקן און אויך צו ווייזן אז זיי זענען שטארק. ווען אבער אמעריקע האט זיי שטארק צוריק געקלאפט נאכען הארגענען א קאנטראטער פאר אמעריקע און פארוואונדן א פאר אמעריקאנער סאלדאטן, האבן זיי עס גענומען צום נעקסטן לעוועל פון וועלן שטורעמען די אמעריקאנער אמסבאסאדע אין איראק, און דא האלטן מיר יעצט.

איך מיין אז ווען איראן קען ווען צוריק ציהען דער מצב ווי פאר א פאר חדשים צוריק וואלטן זיי עס געטוהן, אבער עס איז שוין צו שפעט.

זאל דער אייבערשטער האלטן דער רעכטע האנט.

[שואלכענין]

פון וואו ווייסט מען אז עס קומט פון איראן?

(אויסער וואס טראמפ זאגט, וואס מוז נאכנישט מיינען אז עס איז אמת)

[זארג נישט]

ווייסט וואס מיינט פראקסי? יעדער פאפעט האט א פאפעט מעסטער.

טראמפ קומט (דערווייל) נישט דא אריין.

[הר גריזים]

זייער שיין זארג נישט

עני אפדעיטס מיט די מצב דארט?