געוואלדיג האט געשריבן:איך זעה מען האלט אין איין איבערפרעגן די זעלבע שאלות ואין פותר אותם.
הקדמה: איך קען מטבע הדברים נישט ברענגען פרוף אויך מיינע קומענדיגע שורות ופשוט הוא (גילוי ודי), והבוחר יבחרא. ביי די טאשנאד אטאקע איז געווען נאר איין אטאקירער, די שמועה איבער צוויי, איז געקומען צוליב וואס ביים ערשטן מאל איבערקוקן די טאשנאד קעמערעס וואו מען זעהט נשט די אטאקע זעלבסט ווייל עס איז געווען אריבער די געיט, אבער מען זעהט יא די פיס און מען האט געזעהן צוויי פאר פיס. שפעטער אין טאג ביים איבערקוקן נאכאמאל מיט ישוב הדעת האט מען קלארגעשטעלט אז עס איז געווען נאר איין אטאקירער, און די אנדער פאר פיס איז פונעם אטאקירטן מגי"ש לרפו"ש.
ב. קיינער איז נישט ארום מעקן קעמערעס, די חשש איז אויפגעקוטמען ווען א אינטרעסאנטער תמהוני איז געווארן א וואנעבי און אויך געוואלט זאמלען באווייזן, און ביז מען האט קלארגעשטעלט די סיטואציע האט מען חושש געווען פאר א מעקער, האט מען אויפמערקזאם געמאכט די מאסן.
ד. חברים'ס ארבעט אין אזעלעכע סיטואציעס איז נישט צו אויספארשן די פאברעך עפעס צו וואס זיי זענען אינגאנצן נישט געשטעלט און נישט געלערנט, זייער הילף איז מיט פארבינדן די היימישע קאמיוניטי און די פאליציי, דעריבער זענען זיי אריבער און צאמגענומען די קעמערעס כדי צו העלפן די פאליציי,
אין פאקט, האבן חברים קיינמאל נישט געסטאפט צאמנעמען קעמערעס, און אפילו נאך וואס די שקר אז די פאליס האט זיי ארויסגעווארפן צוליב חשש פון א קאווער-אפ, האבן זיי נאכאלס ווייטער צאמגענומען ווידיאו און איבערגעגעבן פאר די פאליציי.
ה. ווי געשריבן אין א אנדערע תגובה, איז די עלילת דם אז עס איז געווען ח"ו יד ישראל באמצע נישט געקומען פון די פאליצייאישע רייען וואס האבן געוואלט משתיק זיין די זאך און באשמוצן די היימישע ציבור, נאר ליידער איז געווען פארקערט,
עס איז געווען יד ישראל מתחילתו ועד סופו וואס האט פאבריצירט די מעשה און זיכער געמאכט אז עס קומט אן צו די אטאריטעטן כדי....
= ומכאן הקריאה יוצא, עס איז ברור כשמש אז ווען נישט די רשעות'דיגע, אומ'אחריות'דיעגע נידעריגע בלבול וואלטן די פאליציי ע"פ דרך הטבע געקענט פארמיידן די בלוט פארגיסונג די לעצטע מוצאי שבת =
ליידער בין איך געווען כמעט א קול קורא במדבר די לעצטע וואכן אין מיין סירקל, שרייענדיג אז מען זאל חלילה נישט גלייבן און נישט פירן ווייטער די עלילת דם, מענטשן האבן ליב צו וויסן אלעס און גלייבן אלעס און האבן ליב צו ברעכן נייעס אפילו אויפן חשבון פון אנדערע.
עורו עורו! פאר עס איז צו שפעט.
למען הסר ספק: איך בין נישט קייו פאליציאנט און איך בין נישט קיין אויספארשער, און אויך ישט קיין חברים מעמבער, איך ווייס נישט צו למעשה זענען די צויי אטאקעס טאקע פארבינדן מיט איין פאברעכער אדער נישט, אבער דאס איז קלאר אז די שפיכות דמים האט מען אפגעטוהן, והחי יתן אל לבו, ולא יוסיפו לדאבה עוד.