עכט היימיש האט געשריבן:טעאריע וואס לעבט האט געשריבן:יענג און גאבארד האבן אינדראסירט בערני אין 2016 (ווארען נישט).
אבער ביידע לויפן יעצט קלאר נישט אויף א פראגרעסיווע אגענדע, און קיינער פון זייערע שטיצער שטיצן זיי נישט צוליב זייער שטיצע פאר בערני אין 2016, איז בסה"כ די שטיצע פאר פראגעסיוון דא אויף אייוועלט 12% פאר בערני און ווארען אינאיינעם. וועלכע זענען די איינציגסטע פראגרעסיוון אויף דער ליסטע.
איך האלט מיט וויאזוי יענג מאכט דאס גענאר פונעם רעכטן לאגער דורכ'ן זיך ברענדן אלס "נישט לינק", אנגעהויבן ביים סלאגאן "נישט רעכט, נישט לינק, נאר פאראויס" (וואס מיינט "פראגרעס" אויב נישט גיין "פאראויס"???) און געענדיגט ביים אידעע פון "מענטשליך-געצענטערטע קאפיטאליזם" (וואס מיינט "סאציאליזם" אויב נישט "שטעלן מענטשן בעפאר פראפיט"???) און איך האב הנאה.
איך שריי שוין לאנג אז פראגרעס איז וואס די מענטשהייט - אריינגערעכנט כלל ישראל - וויל, נאר די ספעציעלע אינטערעסן וועלן זיכער מאכן אז מענטשן זאלן שטיין דערפון ווייט כמטחוי קשת און עס אנקוקן ווי דאס ערגסטע פון דאס ערגסטע, און אודאי זאלן זיי נישט כאפן אז דאס איז וואס זיי פעלט.
און דעם אשכול זעט מען עס גראדע גאנץ שטארק, ווי דער עולם ברויזט קעגן ניו יארק, און אודאי קומען אלע פראבלעמען פון דעם וואס זי איז א לינקע שטאט, און די הויפט פראבלעם איז אז אפילו די עקאנאמיע בומט קען מען זיך נישט אויסקומען ווייל דער פשוט'ער ארבייטער פארדינט נישט פון די רייכטוהם וואס איז דארט פארהאן...
איז געקומען דער יענג און באשלאסן צו רייטן אויף דעם דורכשניטליכן מענטש וואס "עקלט זיך פון די לינקע אידעאלאגיע", אין די צייט וואס ער ליידט פון יעדע זאך וואס איז נישט לינק און ער וואלט גע'חלש'ט צו האבן די אלע לינקע זאכן (בתנאי אז זיי "הייסן" רעכטע זאכן פארשטייט זיך...), און ער שטיצט פראגרעס אונטער א שלייער פון "אנדערש" ווי אלגעמיינע לינקע, און עולם-עולם קויפט עס פאר גוט געלט...
און דאס איז טאקע פארוואס אזא לינקע קאנדידאט ציהט אן אזוי שטארק דא אויף אייוועלט. (אונז האמיר דא יענג אליין וואס האלט אונז אין איין זאגן ווי נישט לינק ער איז...)