סאלוטירט ריכטיג

[Monticello]

אזוי ווי בארק ה. אבאמא די טעג פלאגט זיך צו פארעטפערן זיין מאמענט-אף-קלאצן בשעת ער האט געברויכט סאלוטירן, איז כדי אביסעל איבער צו פרישן און א שיעור כללי הלכות סאלוטירן.

באקענט אייך מיט די הלכות, כדי נישט צו ארויסרופן בייז בלוט ביי מענטשען וואס ס'איז ביי זיי טייער די ענינים. און אזוי ווי דער מסילת ישרים זאגט שוין, איך קום נישט זאגן קיין נייע זאכן, נאר בלוזי איבערחזרן זאכן וואס מחמת רגילות ווערן זיי פארגעסן.

איז אזוי:

ס'איז דא פיר פעלער, וואס איך ווייס, ווען מ'דארף סאלוטירן:

ווען מ'זינגט דעם נאציאנעל הימנע (NATIONAL ANTHEM) אפי' אויב ס'איז נישט אנוועזענד א פאן,
ווען די פאן גייט פארביי,
ווען מ'נידערט אדער ציהט ארויף דעם פאן,
אדער ווען מ'זאגט דעם "צוזאג פון געטריישאפט" (PLEDGE OF ALLEGIANCE).

וויאזוי טוט מען סאלוטירן?

קודם איז וויכטיג צו אנמערקן אז א ציווילע קען נישט סאלוטירן א מיליטערישע סאלוט - ביי די שלייפן. כ'האב שוין געזעהן דעם טעות ביי היימישע מענטשען. דאס איז רעזערווירט בלויז פאר פארזאנען אין יוניפארם.

א פשוט'ע בערל און שמערל ברויכן שטיין, מיטן פנים אין ריכטונג פון פאן (אין פאל ס'איז נישט דא קיין פאן אבער מ'שפילט דעם הימנע: און ריכטונג פון די מוזיק) מענער ברויכן אויסטוהן יעדע צודעק אויפן קאפ (נישט די קאפל) לייגן דעם רעכטן האנט אויפן הארץ.

ווי לאנג?

ביים זינגן דעם הימנע, פונעם ערשטן ביזן לעצטן נאטן. ביים פארבייטראגן די פאן, בלויז בשעת ס'ווערט אריבערגעפירט ממש נאנט. ביים הייבן און נידערן די פאן, ווען די לעצטע קנעפל איז אויפגעמאכט, אדער די לעצטע נאטן פונעם הימנע, וועלכעס ס'קומט ערשט.

[farshlufen]

און ווי אזוי איז די הלכה ווען מ'זעהט א קליפ?

[מיללער]

יישר-כח מאנטיסעלא פאר'ן נעמען די מיה מיט'ן מעתיק זיין די הלכות פסוקות הנוגע לענינינו, דער בי"ד איז דן בכובד ראש אלע צדדים פאר'ן ארויסקומען מיט א קלארע פסק הלכה צו 'ברק חוסן' האט א דין ווי א מורד במלכות.

[קרעמער]

איך האב שוין אליינס זיך טועה געגעסן עטליכע מאל ביים סאלוטירן ארמיי אפיצירן וכדומה מיט א האנט-ווינק אויפן שלייף.

וויאזוי דארף איך באגריסן די דזשאנדארן אויב נישט אזוי? לייגן די האנט אויפן בייכל איז א סאלוט פאר זיי אויך? אדער נאר פארן דומם-פאן?

[שוועמל]

איז דאס א סאלוט ביים שלייף? כ'אב נישט געוויסט איך טאר דאס נישט מאכן? איך פלעג עס אלץ מאכן פאר ר' עקיבא הענדלער

[בני היכלא]

נו גילוי...

[Monticello]

ווי ווייט איך ווייס אז סאלוטירן א פריווילעגיע און התחייבות בלויז פאר מיליטערלייט. געוואנדען לויטן ראנג, איז דא פארשידענע הלכות וויאזוי און ווען מ'ברויך אדער מעג סאלוטירן.

א ציווילע פערזאן טאר נישט סאלוטירן, און א מאן אין יוניפורעם וואלט דאס אנגעימען פאר א חוצפה.

[אנדי פעטיט]

לויט מיינע ידיעות ווייזט מען פאר סאלדאטען וכדו' די V סיין מיט די צווייטע און דריטע פינגער און מ'זאגט זיין גאד בלעס יו.

מאנטי,

וואס טוט מען אויב מען איז ביי א באלל געים ווען ס'שפילט די נאציאנאלע הימנע, ממה נפשך, טו איך נישט אויס די קעפ בין איך דאך א מורד במלכות, טו איך יא אויס די קעפ וועט דאך מיין פיאות ארוס פאלען פון אונטער די קעפ, וואס טוט מען?


סתם א שאלה לכבוד פורים...

[קרעמער]

דא שטייט אז א ציווילער האט נישט וואס צו סאלוטירן, נאר קען געבן א האנט שאקל און זיך באדאנקן פאר זייער סערוויס:
http://answers.yahoo.com/question/index ... 521AAovb2K

[זיידעניו]

שוועמל לויט מיינע אינפארמאציע איז די בילד פון דיין סאלאט.... אאפס סאלוט, גענומען פון די איינשווערונג און גראאדואציע צערעמאניע פון די נעווי סיעלס BUDS אפטייילונג

[שוועמל]

וועלכער בין איך? רעד קלאר

יא צוגעטראפן, די וואס גייען ווייס זענען געווענליך נעווי באאמטע ווי סובמארינערס אדער דעסטרויער אפיצירן. און דער בילד איז פון די אמעריקאנער יו עס עס קאראנעידא שיף אין יוקוסוקא יאפאן, ווי דער וויצע אדמיראל יונתן גרינערט נעמט איבער די פירערשאפט פון זיין פארגייער וויצע אדמיראל ראבערט ווילארד, איבער די יו עס זיבעטע פלאטע, אין א טויש-פון-קאמאנד צערעמאניע מיטן מאיאסטעטישן סאלוט.