פרייטאג האט טראמפ דערקלערט א נעצינאלע עמערדזשענסי ביים גרעניץ, און פארשפראכן צו ניצן עקזעקעטיוו מאכט צו באשטימען 8 בילאן דאלער ווייטער בויען דעם וואנט.
ווי איך האב שוין געשריבן דאנערשטאג, מיט דעם וואס טראמפ האט זיך געבראכן און מסכים געווען אינטערצושרייבן א ביל וואס ערהאלט נישט די ליין אויף וואס ער האט זיך געשלאגן מיט ציין און נעגל, האט ער געליטן זיין ערשטע לעגעסלעטיווע דורכפאל מיטן דעמעקראטישע אנגעפירטע קאנגרעס.
באמת גערעדט, איך הייב נישט אן צו פארשטיין ווי ס׳איז פארהאן ״בייפארטיזן׳שאפט אינעם ביל. מ׳האצעך פארשטענדיגט!? מיט וואס?. די פארטיי דיפערענסן איז דאך קלאר געווען בנוגע יא אדער נישט געלט פאר א ״וואנט״.. די 1.375 בילאון באשטימטע סכום פאר פיזישע גרעניץ זיכערהייט איז טאקע פאר פענסינג, ס׳עקסקלאד אבער זייער קלאר ארויס עני זאך וואס וואלט ווען געגעבן טראמפ די שאנס צו שרייען ״אה, דאס האבעך געוואלט״..
ווען טראמפ זאל ווען קענען ניצן די אויסגעבעטענע 1.375 צו בויען 20 פיס הויעכע אייזערנע פלאטעס - אפילו בלויז א שטרעקע פון 55 נייע מייל - אפילו בלויז אויף ערטער ווי ס׳איז שוין ביז יעצט געווען פשוטע פענסינג - איז קלאר אז ער וואלט געקענט יובל׳ן דערמיט אויף די גאסן פון שושן, און וואלט געהאט רעכט צו שרייען ״כ׳האב געווינען דעם בעעדל״, און אויסגעפירט מיט פעלאוסי!״.
למעשה - ווי געזאגט איז דאס נישט די קעיס, סוי כאפעך נישט ווי פינקטליך די בייפארטיזן איז דא באגראבן. אה, אז ס׳ווערט צוגעטיילט א גרויסע מוצא פאר בארדער סיקיאריטי!?.. כער, אבער נישט ״בארדער סיקיאריטי״ איז דאס וואס טראמפ האט ״עכט״ געוואלט. טראמפ האט געוואלט א וואנט!
אן אויסצוג פונעם ספענדינג ביל וואס קאנצערטרירט זיך איבער וויזוי די 1.375 קען אלטס געניצט ווערן.
- 16C3E391-70D7-4B36-929C-B87C418A4F71.jpeg (53.43 KiB) געזען 1107 מאל
די טראמפיסטן זענען שטייצעך נישט געווען זייער פרייליך, נישט אז טראמפ האט געהאט צוויי ברירות, נאך אלע מעשות איז ער פרעזידענט, און אויב עקשנט ער זיך נישט אינטערצושרייבן דעם ספענדינג ביל, און די גאווערמענט גייט אריין אין שאָטדאון נומבער 2, וועט אלעס פאלן אויף זיין פיקל. ס׳נישט געווען צו עקספעקטן אז פעלאוסי זאל זיך אינעם ענדע ברעכן. ס׳איז אפילו נישט געווען א סיבה פארוואס זי זאל.
און צוליב דעם לייגן עס מאנכע אראפ אז ווייל טראמפ האט זיך אין די ענדע געבראכן, איז הוברר הדבר למפרע אז די 35 טאגיגער שאָטדאון איז געווען זיין שילד, און אז די גאנצע בלעים פאלט אויף אים. מיסטעיק! ער האט יא ״געמיזט״ שפילן שאַך מיט פעלאוסי. און אפילו פעלאוסי האט נישט געהאט קיין שום סיבה פארוואס זי זאל זיך בייגן פאר טראמפ מיט 1 דאלער. מיטדעמאלעם האט טראמפ געמיזט צייגן זיין באזע אז ער גייט מיטן קאפ אין ״וואנט״.. און אז א עמערדזשענסי דעקלעראציע איז זיין לעצטע אפציע.
סוי ווי געזאגט, ס׳איז טאקע א לעגעסלעטיווע נידערלאגע פאר טראמפ, אבער דאס שרייען אז טראמפ וואלט ווען ׳מתחילה׳ [2.5 חדשים צוריק] געברויך אויפגעבן און דערקלערן א עמערזשענסי דעקלעראציע - אזוי ווי לינזי גרעהם האט עטליכע מאל געזאגט - איז א טעריבל Wראָנג מהלך אין הלכות פאליטיק.
איז פארגאנגענע פרייטאג פארמיטאג - ממש פאר די גאווערמענט וואלט צו געטרויטן צום שאָטדאון השני - ווען די גאנצע שאַך ברעיט איז נאך דעם לאגן שפיל שוין געווען ליידיג, פעלאוסי איז געבליבן מיט איין פערדל אין א לויפער, פונקט גענוג צו מאכן א שאַךמאַט, און טראמפ מיט גארנישט [ווייל ווי געזאגט איז ער למעשה דער פרעזידענט] - האט טראמפ ביי א פרעס קאנפרענס בחצר גינת ביתן המלך, צוגעטרויטן צו זיין דעקלעראציע.
זיין פרעס קאנפרענס איז געווען פּוי_פּוי_פּוי יאָמי פאני.. ער האט ארום גע׳בדחנ׳ט אזא 45 מינוט, די הויפט זאך וואס ער האט געצילט מיט זיינע ווערטער איז געווען, צו חנופה׳נען זיינע הויפט קאנסערוועטיווע קאמענטירער ראש לימבאו און שאהן העניטי (נדנ) - וואס ער האט פון זיי ביידע עקסטער גערעדט און דערמאנט ביי זייערע נעמען.
בנוגע די דעקלעראציע, א הויפט ליין וואס איז גראדע א טאג ביפאר געזאגט געווארן דורך העניטי אויף זיין שאו איז געווען דאס חוזק מאכן פון די לאו_סוט וואס וועט נאכפאלגן דעם דעקלעראציע זאגענדיג, אז ער וועט באקומען א שלעכטע רולינג אינעם נידריגן פעדעראלע געריכט, און נאכדעם וועט מען באקומען נאך א שלעכטע רולינג פונעם העכער׳ן געריכט, נאכדעם וועלן מיר אבער געווינען אינעם סופרים קארט.. ״אזוי ווי ביי די טרעוועל בען״ האט ער אויסגעפירט.
ער האט צונאר געלייגט א ריפארטער צייגנדיג אויף אים, זאגענדיג אז ביי איינע פון זייערע שאוס פאריגע וואך האבן זיי געזאגט ״טראמפ האט פארלוירן די [נידריגע] געריכט בנוגע די טרעוועל בען״.. זאגט טראמפ: ״יא יא, אבער אז איך האב למעשה געווינען אינעם סופרים קארט זאגט ער נישט״.. נאר אז כ׳האב [קודם] פארלוירן זאגט ער, און איך פארשטיי אים נישט, ווייל באמת קען ער זאגן אז כ׳האב גאר פארלוירן 2 מאל״...
נע.. דאס קעמען נישט ליינען! מ׳מיז דאס הערן פון אים אליינס..
דראפבאקס —
גוגל דרייוושפעטער ביים שו״ת סעסיע האט ער גענומען א שאלה פון דזשים אקאסטאו אויך, דזשים האט אים געפרעגט וואס ער זאגט צו די קריטיק וואס באשילדיגט אים אז ער פאברעצירט א נאצינאלע עמערזשענסי.. טראמפ האט אים [איבערגעהאקט, און ווינדער איבער ווינדער האט דזשים זיך אנידערגעזעצט אויסצופאלגן די רולס פונעם ווייסן הויז..] געענפערט אנצייגענדיג אויף אנוועזענדע עלטערן פון א יוגענטליכער וואס איז געהרגעט געווארן דורך א איליגעל אימיגראנט, ״קאנסט ביי זיי אנפרעגן אויב ס׳איז פאברעצירט צו נישט״..
בקיצור המעשה, מ׳האט שוין אנגעהויבן א פרישע שאַך שפיל, פונעם 35 טאגיגער גאווערמענט שאָטדאון האט שוין יעדער פארגעסן, און מ׳האלט ביי ״א״ פון א נייע פאליטישע פייט.