אלעקסיי דער דריטער האט געשריבן:דזשערעמי קארבין - פירער פון די אפאזיציע לעיבאר פארטיי - האט טאקע געזאגט ביי א רעדע אז ער איז גרייט און וויליג זיך צו פארמעסטן אין א זשענעראל עלעקשאן, איז אבער די פארטיי פירערשאפט ביטער צוריסן אינערליך צו ס'לוינט זיך אדער נישט - הגם אז לכאורה וועלן זיי נישט קענען אפזאגן אזא פארשלאג... די געוועזענע לעיבאר פארטיי פירער און פרעמיער טאני בלעיר האט טאקע נעכטן געזאגט ביי א גרויסארטיגע רעדא אז קארבין זאל זיך נישט לאזן ארייננארן אין פאסטקע.
וואָס איז די פאסטקע און פארוואס זאל די אפאזיציע נישט שטיצן פרישע וואלן?
ווי איך פארשטיי איז די עיקר זארג אז קארבין'ס אומפאפולאריטעט וועט אפשרעקן אסאך וויילער פון די לעיבאר פארטיי און געבן אן אויבערהאנט פאר די קאנסערוואטיוו'ס. ווי אויך, איז דא באריכטן אז די ברעקזיט פארטיי (וואס איז געגרינדעט געווארן פאר די איינע סיבה פון ארויסנעמען ענגלאנד פון די אי.יו. - און האט אפגעהאלטן שטוינענדע זיגן ביי די פארלאפענע אייראפעישע וואלן) וועט זיך צאמשטעלן מיט די קאנסערוואטיווע פארטיי און נישט ארויסשטעלן קאנדידאטן צו לויפן אין פארזיכערטע דיסטריקטס, אזוי וועלן זיי קענען פאראייניגן אלע ברעקזיט שטיצער צו וואוטען פאר די זעלבע פארטיי, משא"כ די וואס זענען קעגן ברעקזיט וועלן זיך לכאורה צוטיילן מיט די וויילער - ווייל די לעיבאר פארטיי שטיצט אפיציעל דעם געדאנק פון ברעקזיט, אבער די ליבעראל-דעמאקראט פארטיי זאגט קלרא אז זיי ווילן אפשטעלן דעם גאנצן עסק, וועלן די אפאזיציע פארטייען נישט זיין אזוי פאראייניגט
האמיר יעצט געזעהן פרישע אנקעטע ציפערן וואס צייגן אז אזויפיל ווי העכער 60% פון די אויסגעפרעגטע זענען ביי די מיינונג אז עס וועט העכסט-ווארשיינליך פארקומען אן עלעקשאן נאך פאר די סוף פונעם למספרם יאר. אבער בלויז 19% זאגן אז אן עלעקשאן זאל עפעס אויפטוהן אדער צוגעבן א קלארקייט צום ברעקזיט פראצעדור, אין די צייט וואס 37% זאגן אז ס'וועט בלויז ערגער מאכן און ארום 17% האלטן ס'וועט בכלל נישט אויסמאכן צו סאך.
ווען עס קומט צו די פראגע פון "ווי קלאר און פארשטענדליך איז די פארטיי'ס ליניע איבער ברעקזיט" ווערט אנגעוויזן אז אזויפיל ווי 70% פון אלע אויסגעפרעגטע האלטן אז די לעיבאר פארטיי פלאן איבער ברעקזיט איז זייער אומקלאר און/אדער גאר צומישענד - אזויפיל ווי 48% פון לעיבאר וויילער האלטן אויך אזוי.
ביי די קאנסערוואטיווע פארטיי, זאגן 55% פון די וואס האבן געשטימט צו פארלאזן די אי.יו. אז די פארטיי ליניע איז היבש/זייער קלאר - אריינגערעכנט א פולע דריי-פערטל קאנסעוואטיווע וויילער.
אויך ווערט אנגעוויזן אז אזויפיל ווי 62% פון די וואס האבן געשטימט אין די 16' רעפערענדום צו איבכרלאזן די אי.יו. זאגן אז זיי האבן (גאר אסאך) צוטרוי אין זשאנסאן איבער ברעקזיט, וואס פון די מענטשען טוען כמעט 85% שטיצן די יעצטיגע צוגאנג פון די פארטיי איבער דעם נושא. ווידעראום ווען עס קומט צו זשערעמי קארבין זאגן אזויפיל ווי 70% פון די וואס האבן געשטימט צו בלייבן אין די אי.יו. אז האבן נישט קיין צוטרוי אז ער וועט באהאנדלן די פראגע אויפן ריכטיגן אופן.
פרעמיער באריס זשאנסאן האט היינט - מיטוואך - געלטן צוויי נידערלאגעס אינעם פארליאמענט, איינע ערגער פונעם צווייטן. צו ערשט איז אויפגעברענגט געווארן א געזעץ פארשלאג אז אויב ביז אקטאבער 19 איז נאכנישט באשטעטיגט געווארן א אפמאך צווישן גרויס-בריטאניע און די אי.יו., מוז זשאנסאן בעטן די אי.יו. פירערשאפט פאר א פארלענגערונג פון דריי חדשים - ד.ה. 31 JANUARY - ביז די ברעקזיט זאל אריין גיין אין קראפט. אין א שטיקל חוצפה צום פרעמיער, האט די פארליאמענט אריין געשטעלט א גענוי נוסח פונעם בריוו וואס ער וועט מוזן שרייבן אין אזא פאל, הגם אז געווענליך ווערן אזעלכע זאכן דורכגעפירט דורכ'ן פרעמיער (אזוי ווי ווען פרוי מעי האט עס געטוהן - האט די פארליאמענט נישט געהייסן גענוי וואס צו שרייבן). די דאזיגע ביל איז אדורך מיט 327 קעגן 299.
דערנאך, האט די פרעמיער אויפגעברענט א פארשלאג צו פאררופן פריע וואלן - אזוי ווי ער האט געהאט פארשפראכן - אויף אקטאבער 14/15. די ביל האט באקומען 298 שטימען אין שטיצע און בלויז 56 אקעגן, אבער מיט דעם אלעם איז עס נישט אדורך צוליב וואס די יעצטיגע געזעץ פארלאנגט אז כדי צו פאררופן פריע וואלן מוז זיין א צוויי-דריטל מאיאריטעט פון פארליאמענט מיטגלידער - +435 - זאלן דאס באשטעטיגן.
אין א געווינס (אויף דערווייל) פאר'ן פרעמיער, האט א ריכטער היינט געאורטיילט אז די געריכט קען נישט אריינרעדן אין די פראגע איבער סוספענדירן פארליאמענט. ווי שוין באריכטעט, איז אריינגעגעבן געווארן א קלאגע אין סקאטלאנד'ס העכסטע געריכט דורך א גרופע פון פארליאמענט מיטגלידער, וואס האבן געקלאגט אז די פארלאנג פון זשאנסאן צו סוספענדירן די פארליאמענט איז געטוען געווארן אומלעגאל. היינט האט די גאורטיילט אז דאס איז א ריין פאליטישע פראגע און עס זענען נישט געבראכן געווארן קיין שום געזעצן, און הגם עס שמעקט נישט פאר די אנקלעגער די דאזיגע שריט, האט די געריכט נישט די מאכט צו אורטיילן אויף די נושא. די אנקלעגער האבן געמאלדן אז זיי וועלן שוין אפעלירן דעם אורטייל פאר א פולע באנק (ווי עס זיצן 3 ריכטער)
די סיסטעם דא איז, א רעגירונג קען נאר זיין אין אמט ווילאנג עס האט די צוטרוי פון א רוב פון די 'הויז אוו קאמאנס', די רגע וואס די הויז האט נישט קיין צוטרוי אין די רעגירונג דארף די רעגירונג צו פאלן און אדער זאל א צווייטע איבערנעמען אדער קומט פאר וואלן. (אזוי ארבעט אויך די סיסטעם אין קאנאדע און אויסטראליע ועוד ועוד...)
יעצט איז אזוי, אמאל האט די רעגירונג געקענט זאגן אויף א געוויסע געזעץ (א שטייגער ווי די בוודזשעט אדער א הויפט קאמפיין צוזאג וכדו'), איך באטראכט דאס ווי א צוטרוי אפשטימונג, און אויב פאל דורך די געזעץ איז א סימן אז די הויז האט נישט קיין קאנפידענס אין די גאווערנמענט. אין קאנאדע וכו' גייט דאס נאך אן ביז היינט, אבער דאהי - אין די יו.קעי. - האט מען אין יארע 11' דורכגעפירט א געזעץ אז א צוטרוי אפשטימונג מוז קומען מיט א גענוי נוסח וויאזוי ס'ווערט געפרעגט, ממילא זאגן אז א געזעץ איז אזוי ווי א קאנפידענס וואוט איז נישט גענוג.
אין א שטארקע זיג פאר פרעמיער זשאנסאן האט די היי-קארט אין לאנדאן - די העכסטע געריכט אין ענגלאנד-און-וועילס אונטער'ן 'סופרים קארט' - געאורטיילט אז דאס סוספענדירן די פארליאמענט איז נישט אומלעגאל. די קלאגע איז געברענגט געווארן אין ליכט פון דעם וואס פרעמיער זשאנסאן האט געמאלדן אז די פארליאמענט ווערט סוספענדיט פון סעפטעמבער 12 ביז אקטאבער 14, האבן די קלעגער געוואלט די געריכט זאל פסל'ן די אדווייס (ADVICE) וואס די פרעמיער האט געראטן פאר'ן קעניגן צו סוספענדירן. די אנקלעגער זענען ווי פאלגענד: פרוי מיללער - זי האט אין יארע 17' אנגעפירט מיט א סוקסעספולע קארט-קעיס צו צווינגען די רעגירונג צו באקומען אוטאריזאציע פון פארליאמענט צו אנהייבן מיטן ברעקזיט פראצעדור; די געוועזענע קאנסערוואטיווע פרעמיער זשאן מעיזשאר - וואס האט אין 1997 אליינס סוספענדירט פארליאמענט כדי א פארשעמענדע באריכט זאל נישט קענען ארויסקומען; די הויפט אדוואקט פאר די סקאטישע רעגירונג און נאך. נעכטן איז פארגעקומען א פארהער צו זעהן אויב די געריכט נעמט בכלל אן די קלאגע, און היינט צופרי איז געמאלדן אז עס ווערט ארויסגעווארפן, די ערקלערונג פונעם אורטייל איז ערוואטערט ארויסצוקומען קומענדיגע וואך. אין די זעלבע צייט, האט די געריכט תיכך צוגעלייגט אז די קלעגער האבן רעכט צו אפעלירן דעם אורטייל ביים 'סופרים קארט'. די קלעגער האבן טאקע גלייך געמאלדן אז זיי זענען 'גאר שטארק אנטריסטעט' פון די היינטיגע אורטייל און אז זיי ועלן טאקע אפעלירן מיט א געריכט דאטום באשטימט אויף סעפטעמבער 17.
גלייכצייטיג ווערט היינט ערוואטערט אן אורטייל פון די סקאטישע געריכט, וואס אויב פאלן די אנקלעגער אדורך איז ערוואטערט אז זיי וועלן זיך צאמשטעלן צום אויבן-דערמאנטע אפיל ביים סופרים קארט.
