פעיק נוז האט געשריבן:טראמפ גייט נישט שטיין דעבאטירן פאליסי דיטעלס, טראמפ גייט שיסן אטאקעס, טאלקינג פוינטס, אבער אזעלכע געצילטע, וואס גייט מאכן דעם אפאנענט אויסקוקן ווי איינער וואס האט אריינגעספלעשט בטעות אין וואסער, און קוים מיט צרות שטעקט ער ענדליך ארויס דעם קאפ זיינעם, דערשראקן, בשעת זיינע אויגן דרייען זיך אים ווי א וואש מאשין... מען דארף זיין א געלערנטער שווימער צו קענען שנעל און געשיקט געבן א שטופ אוועק דאס וואסער און אויפהייבן דעם קאפ.
די זעלבע זאך איז דא, דו דארפסט האבן די פלעקסעביליטי און שארפקייט און און פלינקייט און א גוטן פיסקל זיך צו קענען אויפהייבן דעם קאפ פון אונטער דאנעלד טראמפס אטאקעס, וואס אין מיינע אויגן האט דאס נישט ווארען זי האט עפעס א געוויסע גראדקייט און ערנסטקייט וואס קען איר שטערן אין אזעלכע פעלער. יא, זי גייט אריינקומען שטארק מיט אירע פאליסיס און אטקירן טראמפ מיט זיינער פאליסיס, טראמפ וועט זיך לכאורה טרעפן מערערע מאל מיטן צינג אינדרויסן, פון די אנדערע זייט אבער קען זי זיך עווענטועל טרעפן מיט'ן קאפ אראפ.
טראמפ וועט לאו דוקא אטאקירן איר פערזענליכקייט ער וועט איר אראפמאלן אלס סכנה פאר'ן לאנד אז זי וועט אינטערברענגען דאס לאנד דורך אירע ספענדערייען און אז זיי וועט חרוב מאכן די עקאנאמיע, און אראפמאלן איינעם קען טראמפ זייער גוט.
בנוגע ביידען, איך ווייס נישט איך זע נישט פונקטליך פארוואס מען זאל זיין ענטוזיאסטיש פאר אים, קען זיין די שנאה צו טראמפ און אוב יא איז דא גענוג צו געווינען?
און בנוגע דעבאטעס, איך האב באטראכט די לעצטע צוויי דעמאקראטישע דעבאטעס, איך זע נישט וואו ביידן גייט ביעטן טראמפ אין א דעבאטע, ער איז פארשלאפן, קען זיין ער זאגט גוטע זאכן, אבער עס הערט זיך נישט גוט. לדעתי וואלט אים טראמפ צעמאלן ביי א דעבאטע, אפי' אין פאליסי, ביידען קומט נישט מיט קיין פאליסיס צום טיש, טראמפ האט פיל מער פאליסיס מיט וואס ער גייט קומען.
וויכי איז לכאורה גערעכט, אז יענג האט די שנעלע געשליפנקייט וואס עס פעלט זיך אויס, איך האלט אז א טראמפ/יענג דעבאטע איז צרות פאר טראמפ.
טראמפ האט נישט געוואנען קיין איין דעבאטע קעגן קלינטאן. איך זע נישט וואו זיין געלונגענקייט שטעקט.
וואס ער האט אויפגעטון, צי ביי די דעבאטעס צי אין די פארמעסט אין אלגעמיין, איז אראפמאלן קלינטאן'ס פאליסיס אויף אזא וועג אז גענוג דעמאקראטן, ארעמע ארבעט קלאס מענטשן און מינאריטעט וויילער אין די מידוועסט זאלן בלייבן אינדערהיים אז (מיט די קאומי בריוו און די קריטישע וויקיליקס מאניפולאציע דורכאויס אקטאבער 2016) זאל ער קענען אויסקוועטשן א זיג אין די קריטישע מידוועסט סווינגסטעיטס.
איך האב גארנישט קעגן מיסטער יענג, אבער ער איז צו יונג און קוקט אויס אומערפארן און אומגעשליפן פארן נאציאנאלן סטעידזש.
אין א דעבאטע מיט טראמפ וועט ער זיין א טאטאלער לייטוועיט. איך כאפ נישט וויאזוי מענטשן זעען אין אים א שטארקע דעבאטירער.
איבער זיין עלעקטארל שטארקייט, איך קען זען ווי ער וועט ווארשיינליך ארויסשלעפן און אריבערשלעפן אסאך קריטישע וויילער אין אסאך וויכטיגע סטעיטס, אבער איך האב מורא אז מינאריטעט וויילער וועלן ארויסקומען אין גאר שוואכע ציפערן אל אווער די פלעיס. אסאך שוואכער ווי מיט די דריי פראנטראנערס אדער העריס. מעגליך אז עס וועט זיך אויסארבעטן עלעקטאראליש, אבער עס קען אויך זיין א גענצליכע דיזעסטער.
____
ברירה האקט.
