דע מוין רעדזשיסטער ארטיקלא אינטרעסאנטע ארטיקל אין דע מוין רעדזשיסטער, אז עס איז מעגליך אז 3 קאנדידאטן וועלן זיך קענען דערקלערן געווינער פון אייאווע, דאס מאל.
ואסביר.
די אייאווע קאוקעס'ס גייט - עס פלעגט אייביג אזוי זיין מיט מינדערוויכטיגע שינוים - אז מען צוטיילט די סטעיט'ס דעלעגאטן דעלעגאטן ביי א סטעיט קאוקעס, וואס די דעלעגאטן פאר די סטעיט קאוקעס ווערן ערוועלט ביי קאונטי קאוקעס'ס, וואס די דעלעגאטן פאר די קאונטי קאוקעס'ס ווערן באשטימט לויט די לאקאלע פארמעסטן, עס איז איז דא באשטימטע ציפערן קאונטי דעלעגאטן פאר יעדע לאקאלע פארמעסט און סטעיט קאוקעס דעלעגאטן פאר יעדע קאונטי קאוקעס.
די לאקאלע פארמעסטן זענען די אייאווע קאוקעס'ס פון וואס מען רעדט.
עס גייט אזוי, מען קומט זיך צוזאם אין באשטימטע פלעצער אין יעדע שטאט און געגענט, און מען באשטימט איין שטח אין זאל פאר די שטיצער פון יעדן קאנדידאט, און מען ציילט אפ וויפיל מענטשן יעדער האט, אויב טייל קאנדידאטן האבן ווייניגער ווי 15 פראצענט פון די אנוועזנדע, דאס וואלט געמיינט לויט די יעצטיגע אנקעטעס אלע קאנדידאטן חוץ די 4 גרויסע - אין רוב פלעצער, מען רעכנט דאס יעדע פלאץ באזונדער, סוי עס איז מעגליך פאר קליינע קאנדידאטן צו האבן גענוג שטיצע אין געוויסע לאקאלן - קענען יענעם'ס מענטשן פרובירן אריבערצושלעפן אנדערע מענטשן, אויב עס גייט נישט, מוזן זיי אריבערגיין צו קאנדידאטן וואס וועלן יא האבן די נויטיגע 15% אין יענעם קאוקעס.
נאכדעם רעכנט מען אויס ביי יעדע צוזאמקום וויפיל קאונטי און דעלעגאטן יעדער באקומט לויט די ארטיגע ציפערן, און לויט דעם באקומט מען שפעטער די דעלעגאטן צו די נאציאנאלע קאנווענשן.
ביז היינט, פלעגט מען בכלל נישט צוזאמרעכענען און באריכטן וויפיל שטימען פון מענטשן יעדער קאנדידאט האט למעשה געהאט, און אוודאי נישט וויפיל יעדער האט געהאט פארן מבטל זיין די קלענערע קאנדידאטן, בלויז קאונטי דעלעגאטן חלקים.
אבער מהיום וועט מען אויך באריכטן נאך צוויי ציפערן, וויפיל שטימען יעדער האט געהאט ביי די ערשטע צוזאמקום, פאר די שטיצער פון די ארויסגעפאלענע אונטער 15% קאנדידאטן, און אויך וויפיל פאקטישע שטימען מען האט געהאט ביי די צווייטע ציילונג, ווען מען טיילט די דעלעגאטן.
עס קען זיין אז אין קאוקעס זאל זיין א שטארקע טוירנאוט, אין א צווייטע א שוואכע, און ביז היינט האט דאס נישט אויסגעמאכט, ווייל די דעלעגאטן זענען פון פאראויס באשטימט פאר יעדע געגענט,, און ווער האט באקומען די מערסטע קאונטי דעלעגאטן יענער האט געהייסן דער געווינער.
משא"כ יעצט, אז מען וועט וויסן די פאפעלער וואויט, קען איינער האבן די מערסטע פאר די שוואכע קאנדידאטן'ס מענטשן צוטיילן זיך, איינער די מערסטע נאך דעם, און א דריטער די מערסטע דעלעגאטן, אין הכא נמי אז יענער וועט למעשה באקומען די מערסטע דעלעגאטן, אבער די אייאווע קאוקעס'ס כח איז נישט די 41 דעלעגאטן וואס מען טיילט דארט, די כח איז די מאמענטום וואס מען נעמט ארויס פון דארט, און אויף דעם וואלטן אלע 3 געקענט טענה'ן אז זיי האבן געווינען.
פארשטייט זיך אז עס איז מעגליך אז עס זאל נאר זיין 2 געווינער וואס זאלן געווינען צווישן זיך די 3 אויבנדערמאנטע ציילונגען, אויך איז פארשטייט זיך מעגליך אז איינער זאל געווינען אלע 3.