נייעס און נאטיצן פון די אמעריקאנע געריכטן

באריכטן און אנאליזן

די אחראים: אחראי, געלעגער

אוועטאר
הויעך
שר חמישים ומאתים
תגובות: 476
זיך איינגעשריבען אום: זונטאג מארטש 03, 2019 11:50 am
לאקאציע: קוק ארויף דארט אויבן

תגובהדורך הויעך » מאנטאג אוקטובער 07, 2019 4:22 pm

א גרויסען שכח מר. הכל
ווי איך פארשטיי פון דיין באריכט איז רעבעצין גינזבורג געהעריג צוריק און די כלים,
ווען איר ליינט מיין תגובות בנוגע מדינת ישראל זאל איר וויסען איך בין מוחה אויף די התגרות באומות

הכל הבל
שר שבעת אלפים
תגובות: 7482
זיך איינגעשריבען אום: מאנטאג מאי 14, 2018 10:02 pm

תגובהדורך הכל הבל » מאנטאג אוקטובער 07, 2019 4:34 pm

זינט די מעלדונג לעצטע וואך אז די געריכט אקצעפטירט די ליוזיאנא חוקי רציחה קעיס האבן אנאליסטן שפעקולירט וואס אזאנס עס גייט פאסירן מיט די אינדיאנא קעיס
טייל האבן געהאלטן אז די געריכט וועט עס שטופן און שלעפן אויף ביז נאך די אויסגאנג אין די ליוזיאנא קעיס אבער אצינד הערט מען אז די אינדיאנא קעיס איז ארויף אויף די ליסטע פון קעיסעס וועלכע די ריכטער וועלן דיסקוסירן ביי זייער וועכנטליכע קאנפרענץ ענדע וואך

אלעקסיי דער דריטער
שר מאה
תגובות: 115
זיך איינגעשריבען אום: מאנטאג אוגוסט 27, 2018 5:17 pm

תגובהדורך אלעקסיי דער דריטער » מאנטאג אוקטובער 07, 2019 5:03 pm

הכל הבל האט געשריבן:די טראמפ קאמפיין אינאיינעם מיט די רעפובליקאנע פארטיי טראגן אריין אנקלאגע אין געריכט אקעגן קאליפארניע וועלכע האט פארבאטן קאנדידאטן צו לויפן אין די סטעיט פריימערי אויב זיי גיבן נישט ארויס זייערע שטייער בויגנס

ווייס איך נישט צו ס'שוין באריכטעט אויפן וועלטל, אבער פאריגע וואך האט די ריכטער ארויסגעגעבן א צייטווייליגע סטעי ארדער אפצוהאלטן די געזעץ פון אריינגיין אין קראפט, זאגענדיג אז קאנסטיטוציאנאל איז אזא געזעץ ווארשיינליך ניט אויסגעהאלטן.

ריכטער מאריסאן ענגלארד זשוניאר - געשטעלט דורך פרעזידענט בוש השני - שרייבט אין זיין אורטייל אז די סטעיט האט "ריכטיגע און לעגיטימע זארגן" איבער דעם וואס קאנדידאטן נוצן אומנויטיגע און אומ-רעלעוואנטע עקסקיוזע"ס אויף אפצוהאלטן די אינפארמאציע פון ארויסקומען אין פובליק, דאך, איז די ארבעט פון די געריכט נישט צו באשליסן צו דאס ארויגעבן די טעקס ריטורן איז א גוטע פאליסי אדער מאכט פאלטיקע"ל סענ"ס, נאר די אויפגאבע פונעם געריכט איז צו זעהן דערצו אז "די קאנסטיטוציע קומט ארויס די זיגער".

די ריכטער האט אפגעווארפן די דאזיגע געזעץ אויפ'ן סמך אז ס'טוט פארלעצן טראמפ'ס ערשטע אמענדמענט רעכטן, ווי אויך טוט ער אויסברענגען אז די קאליפארניע סטעיט לעגיסלאטור איז קאנטראלירט דורך דעמאקראטן און זיי האבן דורכגעפירט דאס געזעץ בלויז צו צילן אויף רעפובליקאנער, "די סכנה'דיגע פרעצעדענט וואס אזא שריט שטעלט אוועק, אז די קאנטראלירענדע פארטיי אין סיי וועלכע סטעיט קען ארויפלייגן סיי וועלכע תנאי אויף צו ערשיינען אויף די סטעיט פריימערי בעלאט, דארף באזארגן אלע קאנדידאטן צוגלייך".
די "סעקרעטארי אוו סטעיט" פון קאליפארניע, אלעקס פאדיללא, האט געמאלדן אז די סטעיט וועט אפעלירן די אורטייל.

ואגב, די גאווערנאר פון קאליפארניע, געווין ניוסאם, האט בשעת'ן אונטערשרייבן די דאזיגע געזעץ זיך אויסגעדרוקט אז די געזעץ איז גאר א וויכטיגע דערגרייכונג וויבאלד די סטעיט האט א "ספעשל ריספאנסיביליטי" צו האלטן קאנדידאטן אויף א "היי עטיקל סטאנדארט". :roll: :roll: :roll:

פרעג מיר נישט וואס דאס מיינט און פ"וו פונקט קאליפארניע מער ווי סיי וועלכע אנדערע סטעיט

ריכטער ווארפט ארויס די קאליפארניע סטעיט געזעץ - ען.בי.סי.
"א מענטש טראכט און ג-ט לאכט"

די ציהל איז נישט צו אטאקירן יענעם - בלויז באקומען "נעים-רעקאגנישאן".

אוועטאר
איצל פיצל
שר חמישים ומאתים
תגובות: 431
זיך איינגעשריבען אום: פרייטאג יולי 11, 2008 1:57 am

תגובהדורך איצל פיצל » מאנטאג אוקטובער 07, 2019 9:51 pm

הכל הבל האט געשריבן:פאלגענד איז א באריכט פון א צייט צוריק איבער קעיס וועלכע איז היינט געווארן ארויסגעווארפן:

דאמינא'ס פיצא האלט אינמיטן אנטוויקלען גאר סאפיסטיקירטע טעכנאלאגישע עפפס פאר קאנסומער צו קענען ארדערן זייערע מאלצייטן אויף א גאר צוגענגליכע פארנעם
אין די זעלבע צייט זענען זיי פארכאפט אין א שטרייט מיט א בלינדע מאן מיטן נאמען גווילערמא ראבלס פון קאליפארניע וועלכע האט אין 2016 למספרם אריינגעטראגן א קלאגע אין געריכט נאכן פרובירן צו באשטעלן א קאסטום פיצא ארדער פון די פירמע'ס וועבזייטל און מאביל עפפ און זיך אין צוויי באזונדערע פעלער נישט געקענט אומגיין מיט די עפפ אויסשטעל
ראבלס זאגט אז די פעדעראלע אמעריקאנע מיט דעסיביליטי אקט באשיצונגען טוט אויך ארייננעמען אנליין פלאטפארמעס וועלכע זענען אונטער די אייגנטומערשאפט פון פירמעס וועלכע פארמאגן פיזישע געשעפטן און פאבריקן און זיי דארפן אקעגנקומען מענטשן מיט באגרעניצונגען אנליין גענוי ווי זיי זארפן זיך באגיין אין זייערע פיזישע געשעפטן
די ניינטע קרייז געריכט האט געאורטיילט אין שטיצע פון ראבלס און אצינד איז דאמינא גרייט צו נעמען די קעיס צום סופרים קאורט און זיי ווערן שטארק געשטיצט פון די ביזנעס געמיינדע
די באשלוס פונעם סופרים קאורט אויב אויפצנעמען די קעיס און איר אורטייל אויף די פראגע זעלבסט קען האבן א דאמינא אפעקט נישט בלויז אויף די ספעציפישע דאמינא פירמע נאר אויף די טויזנטער ביזנעסער וועלכע פארקויפן אויך אנליין און זענען מאמענטאל נישט קלאר וויפיל די דיסעביליטי אקט איז זיי מחייב זינט די געזעץ איז געשריבן געווארן אין די צייט וואס די אינטערנעט האט עארשט אנגעהויבן ארויסצושפראצן און דעריבער איז נישט קלאר אדרעסירט אןי די געזעץ אויב זי שליסט איין אנליין פלאטפארמעס


ווי געזאגט האט די געריכט זיך היינט אנטזאגט אויסצוהערן די קעיס


אויבן אויף זעהט דאס דאך אויס ווי א זייער וויכטיגע קעיס. וואס גייט דא זיין? גייען אלע גרויסע אנליין קאמפעניס באפאלן ווערן מיט ביליאנען דאללער לאו סוטס פון אלע בלינדע אדער טויבע מענטשן? iTunes קען אויך ווערן אנגעקלאגט אז טויבע מענטשן קענען זיך נישט באניצן מיט זייער מיוזיק?
וואס איז פשט פון נישט אננעמען אזא יסודות׳דיגע פראגע?

הכל הבל
שר שבעת אלפים
תגובות: 7482
זיך איינגעשריבען אום: מאנטאג מאי 14, 2018 10:02 pm

תגובהדורך הכל הבל » מאנטאג אוקטובער 07, 2019 10:13 pm

איצל פיצל האט געשריבן:
הכל הבל האט געשריבן:פאלגענד איז א באריכט פון א צייט צוריק איבער קעיס וועלכע איז היינט געווארן ארויסגעווארפן:

דאמינא'ס פיצא האלט אינמיטן אנטוויקלען גאר סאפיסטיקירטע טעכנאלאגישע עפפס פאר קאנסומער צו קענען ארדערן זייערע מאלצייטן אויף א גאר צוגענגליכע פארנעם
אין די זעלבע צייט זענען זיי פארכאפט אין א שטרייט מיט א בלינדע מאן מיטן נאמען גווילערמא ראבלס פון קאליפארניע וועלכע האט אין 2016 למספרם אריינגעטראגן א קלאגע אין געריכט נאכן פרובירן צו באשטעלן א קאסטום פיצא ארדער פון די פירמע'ס וועבזייטל און מאביל עפפ און זיך אין צוויי באזונדערע פעלער נישט געקענט אומגיין מיט די עפפ אויסשטעל
ראבלס זאגט אז די פעדעראלע אמעריקאנע מיט דעסיביליטי אקט באשיצונגען טוט אויך ארייננעמען אנליין פלאטפארמעס וועלכע זענען אונטער די אייגנטומערשאפט פון פירמעס וועלכע פארמאגן פיזישע געשעפטן און פאבריקן און זיי דארפן אקעגנקומען מענטשן מיט באגרעניצונגען אנליין גענוי ווי זיי זארפן זיך באגיין אין זייערע פיזישע געשעפטן
די ניינטע קרייז געריכט האט געאורטיילט אין שטיצע פון ראבלס און אצינד איז דאמינא גרייט צו נעמען די קעיס צום סופרים קאורט און זיי ווערן שטארק געשטיצט פון די ביזנעס געמיינדע
די באשלוס פונעם סופרים קאורט אויב אויפצנעמען די קעיס און איר אורטייל אויף די פראגע זעלבסט קען האבן א דאמינא אפעקט נישט בלויז אויף די ספעציפישע דאמינא פירמע נאר אויף די טויזנטער ביזנעסער וועלכע פארקויפן אויך אנליין און זענען מאמענטאל נישט קלאר וויפיל די דיסעביליטי אקט איז זיי מחייב זינט די געזעץ איז געשריבן געווארן אין די צייט וואס די אינטערנעט האט עארשט אנגעהויבן ארויסצושפראצן און דעריבער איז נישט קלאר אדרעסירט אןי די געזעץ אויב זי שליסט איין אנליין פלאטפארמעס


ווי געזאגט האט די געריכט זיך היינט אנטזאגט אויסצוהערן די קעיס


אויבן אויף זעהט דאס דאך אויס ווי א זייער וויכטיגע קעיס. וואס גייט דא זיין? גייען אלע גרויסע אנליין קאמפעניס באפאלן ווערן מיט ביליאנען דאללער לאו סוטס פון אלע בלינדע אדער טויבע מענטשן? iTunes קען אויך ווערן אנגעקלאגט אז טויבע מענטשן קענען זיך נישט באניצן מיט זייער מיוזיק?
וואס איז פשט פון נישט אננעמען אזא יסודות׳דיגע פראגע?

ווען די געריכט אנטזאגט זיך אנצונעמען א קעיס ערקלערן זיי נישט די אורזאך דערצו

הכל הבל
שר שבעת אלפים
תגובות: 7482
זיך איינגעשריבען אום: מאנטאג מאי 14, 2018 10:02 pm

תגובהדורך הכל הבל » מאנטאג אוקטובער 07, 2019 10:14 pm

הכל הבל האט געשריבן:די פאלגענדע איז א קעיס וועלכע די געריכט וועט היינט אויסהערן:


עוואנגעליסטא רעימאס איז געווארן אנגעקלאגט מיט צווייטע גראד מארד און ער האט פארלאנגט א דזשורי פראצעס
נאכן פארהאנדלען האבן צעהן דזשורארס געזאגט אז די פראקורארן האבן איבערצייגט זייער קעיס אן קיין צווייפל
צוויי דזשורארס האבן אבער געזאגט פארקערט און אין א געווענליכע פאל וואלט דעקלערט געווארן א מיסטרייעל
די פראבלעם פאר רעימאס איז געווען זיין לאקאציע, נעמליך, ער וואוינט אין ליוזיאנא ווי די סטעיט געזעץ ערלויבט זיך צו רעכענען מיט די מיינונג פון צעהן דזשורארס אויך אויב די אנדערע צוויי זענען אומאיינשטימיג
נו, וואס זאגט די געזעץ איבער אומאיינשטימיגע דזשורי געפינסן?
איז אזוי, אין 1972 למספרם האט די סופרים קאורט באהאנדלט די פראגע אויב די זעקסטע אמענדמענט וועלכע שענקט די רעכט פאר יעדן אנגעקלאגטן צו באקומען א דזשורי פראצעס באדייט אז מען איז שולדיג בלויז ווען אן איינשטימיגע דזשורי באשליסט אזוי אדער אויך מיט א מאיאריטעט
די געריכט האט זיך געשפאלטן אין צווייען מיט 4 אין שטיצע פון אן איינשטימיגע דזשורי און 4 אין שטיצע פון א מאיאריטעט דזשורי
אלע אכט ריכטער האבן פארשטאנען אז די פערצנטע אמענדמענט פון די קאנסטיטוציע וועלכע פארלאנגט אייניגע רעכטן פאר אנגעקלאגטע אין פעדעראלע פראצעסן און אנגעקלאגטע אין סטעיט פראצעסן באדייט אז זייער מיינונג איבער ווי אזוי אויסצוטייטשן די זעקסטע אמענדמענט פון א רעכט פאר א דזשורי איז גילטיג און אייניג אויף א פעדעראלע און סטעיט שטאפל
דער ניינטער ריכטער איז געווען ריכטער לואיס פאועל וועלכע איז אויפגעקומען מיט א מאדנע מיטל וועג און געמאכט א פשרה גייענדיג מיט די איינשטימיגע דזשורי צוגאנג אויפן פעדעראלן שטאפל אבער ערלויבט מאיאריטעט דזשורי אורטיילן אויף א סטעיט שטאפל
איי וועסטו פרעגן ווי אזוי איז עס אין איינקלאנג מיט די פערצנטע אמענדמענט וועלכע שרייבט אז סטעיט און פעדעראלע רעכטן פאר אנגעקלאגטע זענען די זעלבע
אקעי, א גוטע קשיא אבער לויט ריכטער פאועל פארענטפערט מען עס אז די אמענדמענט איז אויף א באגרעניצט פארנעם און בלויז איבער די עצם רעכט פון א דזשורי וועלכע סטעיט זענען אויך פארפליכטעט צוצושטעלן אבער איבער גיין מיט אן איינשטימיגע דזשורי מוזן זיי נישט זיין ווי די פעדעראלע רעגירונג
די אינטערסאנטע אורטייל ווערט שוין פאר לאנגע יארן קריטיקירט אלץ אבסורד פון א לעגאלע שטאנדפונקט און איבער גאנץ אמעריקא עקזיסטירט די איינשטימיגע דזשורי דאקטרינע אבער ארעגאן און ליוזיאנא זענען פארבליבן די לעצטע צוויי שטאטן וועלכע קלאמערן זיך צו די פאועל אורטייל
פארלאפענע למספרם יאר האבן וויילער אין ליוזיאנא באשלאסן צו ברענגן אן ענדע דערצו און באשטעטיגט א רעפערענדום וועלכע איז אריין אין קראפט פארלאפענע יונואר למספרם צו טוישן צום איינשטימיגע דזשורי סיסטעם
צוריק צו אונזער רעימאס וועלכע איז געווארן געפונען שולדיג דורך צעהן פון צוועלף דזשורארס
רעימאס וועלכע איז געווארן פאראורטיילט צו לענסלענגליכע טורמע אן פאראל בעפאר די רעפערענדום טויש קען נישט דערפון געניסן אבער ער זוכט איצט אז די געריכט זאל ארויסווארפן די פאועל אורטייל און האט זיך געוואנדן צום סטעיט אפעלאט קאורט וועלכע האט ארויסגעווארפן זיין קעיס
רעימאס האט זיך דאן געקערט צום סטעיט סופרים קאורט וועלכע האט ניטאמאל געוואלט אריינקוקן דערין
פארבליבן איז איין לעצטע שאנס צו גיין צום סופרים קאורט און די קאורט האט טאקע אקצעפטירט די קעיס
און וועט אויסהערן מונדליכע ארגומענטן אין די קעיס אום אקטאבער 7 למספרם

די געריכט האט געשיינט צו זיין גענויגט צו אורטיילן אקעגן לואיזיאנא
אפילו גארסוטש און קעווענאו האבן אויסגעקוקט וויליג מעגליך אראפצושטימען די געזעץ
לעצט פאראכטן דורך הכל הבל אום מאנטאג אוקטובער 07, 2019 10:23 pm, מאל פאראכטן געווארן 1 סך הכל.

הכל הבל
שר שבעת אלפים
תגובות: 7482
זיך איינגעשריבען אום: מאנטאג מאי 14, 2018 10:02 pm

תגובהדורך הכל הבל » מאנטאג אוקטובער 07, 2019 10:22 pm

הכל הבל האט געשריבן:איידער די געריכט וועט אויסהערן די אויבנדערמאנטע קעיס וועט זי צו ערשט אויסהערן די פאלגענדע קעיס:

דאקטאר הענס קלינגעמאן האט צוריק אין 2001 למספרם געפיילט פאר א פעטענט אפליקאציע אויף אן ערפינדונג ווי אזוי צו היילן די ביטערע מחלה ל"ע דורכן נוצן נאטורליכע צעלן צו אטאקירן די קרענק
נאכן איבערגיין די אפליקאציע האט דער עקזעמינאר באשלאסן אז די קעיס קוואליפיצירט נישט פאר א פעטענט
די פעטענט טרייעל און שפעטער די אפעלאט באורד האבן ווידערהאלט די זעלבע באשלוס און ארויסגעוארפן די אפליקאציע
ווען די אפעלאט באורד באשטעטיגט אזא באשלוס פון אן אקזעמינאר פארבלייבט צוויי אפציעס פארן אפליקאנט
אדער קען מען זיך ווענדן צום פעדעראלן דיסטריקט געריכט אדער קען מען נעמען די קעיס גראד צום פעדעראלן קרייז געריכט
קלינגעמאן האט אנגעהויבן אינעם דיסטריקט געריכט אבער פארלוירן די קעיס און שפעטער אנגעוואוירן אויך אין די סירקוט קאורט
דא האט ער זיך געכאפט אז נישט בלויז איז זיין פעטענט אפליקאציע געווארן ארויסגעווארפן נאר דער פארזוך עס צו באקומען איז געקומען מיט א טייערע פרייז
די פעטענט און טרעידמארק אפיס האט גע'טענה'ט פארן געריכט אז קלינגעמאן זאל זיי באצאלן די קאסטן פון ארום 80 טויזנט דאלער פאר זייערע אדוואקאטן און צוגאב פון 33 טויזנט דאלער פאר עדות עקספערטן
לויט די געזעץ ווערן אפליקאנטן אויפגעפאדערט צו דעקן "אלע אויסגאבן פון די פראצעדור" וואס עס קאסט פאר די אפיס צו באשוצן און פארטיידיגן די באשלוס פון די באורד אפגעזעהן ווי אזוי די געריכט אורטיילט איבער די אפליקאציע קוואליפיקאציע זעלבסט
ביז היינט פלעגט די געזעץ ווערן פארטייטשט אז עס רעכנט אריין קאסטן ווי טראוועל, פרינטינג און עקספערט עדות'שאפט
די דיסטריקט געריכט האט אנגענומען די אויבנדערמאנטע ליניע אז עס איז באגרעניצט צו שטייגערליכע אויסגאבן אבער ווען עס קומט צו אדוואקאטן קאסטן דארף נישט דער אפליקאנט דעקן וואס אדוואקאטן האבן גערעכנט פון די רעגירונג גייענדיג מיטן אנגענומענע דאקטרינע אז יעדער צאהלט זיין אייגענע אדוואקאטן אפגעזעהן די אויסגאנג אין געריכט אויסער אין פאל וואס קאנגרעס שרייבט א קלארע געזעץ אז איין זייט זאל דעקן די אדוואקאטן קאסטן פון ביידע זייטן
שפעטער האט די קרייז געריכט געאורטיילט די זעלבע אז קלינגעמאן דארף נישט דעקן די קאסטן פון די רעגירונג אדוואקאטן
די סופרים קאורט וועט אויסהערן מונדליכע ארגומענטן אין די קעיס אום אקטאבער 7 למספרם איבער די פראגע אויב די קאנגרעס אויסדרוק פון "אלע אויסגאבן פון די פראצעדור" רעכנט אריין אדוואקטן קאסטן

די געריכט האט געשיינט היינט אז זיי וועלן גערכט גיבן פאר קלינגעמאן
ריכטער ברייער און ריכטערין גינזבורג האבן שארף אויסגעפרעגט די רעגירונג צד און אויך ריכטער קעווענאו האט אויסגעדרוקט סקעפטיציזם מיט זייער שטעלונג אפילו אליטא וועלכע איז געווען די מערסט סימפאטיש צו די רעגירונג שטעלונג האט געלאזט פלאץ צו קלערן אז ער איז נישט זיכער אין זייער גערעכטיגקייט אויף די פראגע
אין די צייט וואס די אויבנדערמאנטע ריכטער האטבן זיך קאנצעטרירט איבער די אפטטיטטש וואס קאנגרעס האט געמיינט האבן גארסוטש און ראבערטס זיך געוואונדערט אויב די רעגירונג קען בכלל (אפילו אויב קאנגרעס וויל אזוי) ארויפצוואונגען אויף קלעגער צו באצאלן סיי וועלכע קאסט עס פאלט זיי ביי
ראבערטס האט ציניש געפרעגט אויב די רעגירונג פלאט צו רעכענען פון קלינגעמאן פאר די אויסגאבן פון פארברענגן היינט אין סופרים קאורט..

הכל הבל
שר שבעת אלפים
תגובות: 7482
זיך איינגעשריבען אום: מאנטאג מאי 14, 2018 10:02 pm

תגובהדורך הכל הבל » דאנארשטאג אוקטובער 10, 2019 10:11 am

פאלגענד איז א געמיש פון דריי קעיסעס וועלכע די געריכט האט אויסגעהערט פארלאפענע אקטאבער 8 למספרם

מיר וועלן אראפברענגן אונזער באריכט איבער דעם פון א צייט צוריק און דאן אפדעיטן ווי אזוי די ארגומענטן זענען געווען:

נו, שוין באריכטעט איבער אלע דריי קעיסעס וועלכע וועלן ווערן אויסגעהערט אום אקטאבער 7 למספרם וועלכע וועט זיין די ערשטע טאג אינעם נייעם געריכט סעסיע אבער קיין איינע פון די דריי קעיסעס קומען ניטאמאל נאנט צו די צוויי קעיסעס וועלכע די געריכט וועט אויסהערן בלויז איין טאג שפעטער אום אקטאבער 8 למספרם און די אורטייל אויף די פראגע איז ערווארטעט צו ווערן נאנט נאכגעפאלגט איבערן לאנד און וועט ווארשיינליך זיך ציילן צווישן די העכסטע פראפיל קעיסעס אינעם בעפארשטייענדן טערמין און וועט ערשט אנטשידן ווערן ענדע יוני למספרם ווי עס איז די שטייגער ביי אזלעכע סארט קעיסעס
דזשעראלד באסטאק וועלכע איז א מתועב האט אנגעהויבן ארבעטן אלץ א קינדער וועלפעיר סערוויסעס קאארדינעיטאר אין קלעיטאן קאונטי דזשארדזשיע אין 2003 למספרם ווי ער האט אין לויף פון זיין קאריערע באקומען פולע לויב אויסצייכענונגען אויף זיין גוטע ארבעט
אין 2013 למספרם האט באסטאק אנטיילגענומען אין א תועבה פארזאמלונג אין קורצליך דערנאך האט די קריטיק ביי די ארבעט אנגעהויבן קומען
דורכאויס א מיטינג ביי וועלכע זיין סופערווייזאר איז געווען אנוועזנד האט אמווייניגסטנס איין באאמטע דארט געמאכט באמערקונגען אקעגן די לעבנסשטייגער פון באסטאק און זיין אנטייל נעמען ביי יענע פארזאמלונג
פונקט אין יענע צייט האט די קאונטי איינגעמאלדן פאר באסטאק אז זי וועט דורכפירן אן אודיט איבער די פראגראם פאנדס איבער וועלכע ער האט פארפיגט
א קורצע צייט שפעטער האט די קאונטי אויפגעזאגט באסטאק פון זיין פאסטן אנגעבליך צוליב אויפפירונג אין די ארבעט
עטליכע מאנאטן שפעטער האט באסטאק אריינגעגעבן א באקלאגעניש צו די גלייכע ארבעט רעכטן קאמיסיע איבער די דיסקרימינאציע אקעגן אים אים און דריי יאר דערויף האט ער אריינגעטראגן א קלאגע אין געריכט אקעגן די קאונטי באזירט אויף די 1964 למספרם געזעץ וועלכע פארבאט דיסקרימינאציע ביי די ארבעט
די דיסטריקט געריכט האט ארויסגעווארפן די קלאגע זאגנדיג אז די עלפטע געריכט האט געאורטיילט אן אן אנדערע קעיס אז דיסקרימינאציע איבער די אויסוואל פון לעבנסשטייגער איז נישט געדעקט אוהנטער די 1964 למספרם געזעץ ועלכע פארבאט דיסקרימינאציע ביי די ארבעט
באסטאק האט אפעלירט די אורטייל צום עלפטן סירקוט קאורט אויף וועמענס אורטייל די דיסטריקט געריכט האט זיך פארלאזט און די סירקוט קאורט האט ווידערהאלט זייער שטעלונג און באשטעטיגט די אורטייל פונעם דיסטריקט געריכט
די קעיס איז געווארן אפעלירט צום סופרים קאורט אין וואשינגטאן און די געריכט האט באשלאסן אז זיי גייען עס צוזאמשמעלצן מיט א צווייטע ענליכע קעיס און אויסהערן די מונדליכע ארגומענטן פון ביידע אויפאמאל אום אקטאבער 8 למספרם

די צווייטע קעיס האנדלט זיך איבער דאנאלד זארדא וועלכע פלעגט איז געווארן אויפגעזאגט פון זיין פאסטן אלץ א סקיידייווער אינסטראקטער וועלכע פלעגט באגלייטן קונדן וועלכע האבן געוואלט אראפטאנצן פון די הויכע רוימען אראפ צום ערד קוגל
ביי אין פאל האט ער פארשטאנען אז דער קאנסומער מיט וועם ער גייט שפרונגען צוזאמען וועט זיין מער באקוועם אויב ער וועט זיך אידענטיפיצירן מיט זיין געמיינע לעבנסשטייגער און ער האט אזוי געטוהן
די פרוי וועם ער האט באגלייט האט אבער ווייט נישט געשמעקט צו פליען מיט אזא געמיינעם פארשוין און זי האט שפעטער אריינגעגעבן א באקלאגעניש צו די פירמע דערוועגן און זארדא איז אלץ רעזולטאט געווארן אויפגעזאגט פון זיין פאסטן
אום אקטאבער 2010 למספרם האט ער געקלאגט די פלי פירמע עטיטוד עקספערעס וועלכע איז באזירט אין לאנד איילאנד ניו יארק
די פירמע און און יענע קאסטומער זאגן אין געריכט אז מען האט אים אויפגעזאגט איבער מאכן שפורן די קאסטומער אומבאקוועם און אויך ארויסגערוקט א רייע אומארנטליכע אויפפירונג אבער זאראדא טענה'ט אז ער איז אויפגעזגט געווארן פאר די איינציגע זינד פון פירן א לעבנסשטייגער וועלכע גייט אקעגן די ווירדן פון די פירמע
די דיסטריקט געריכט אין מזרח ניו יארק און דערנאך א פאנעל אויף די צווייטע קרייז געריכט האבן ביידע געאורטיילט אקעגן זארדא און זארדא האט פארלאנגט אז די פולע באנק אויפן קרייז געריכט זאל אויסהערן די קעיס און די געריכט איז איינגעגאנגען דערויף
דאן איז געקומען אן אומערווארטעטע אנטוויקלונג אין די קעיס ווען אין 2017 למספרם האט די טראמפ אדמיניסטראציע אינטערווענירט אין די קעיס ווען די יוסטיץ דעפארטמענט האט געשיקט א פריינט פון געריכט בריוו צום געריכט זיי צו מוטיגן קלארצושטעלן אז דיסקרימינאציע איבער לעבנסשטייגער אויסוואל איז נישט געדעקט אונטער די 1964 למספרם געזעץ און די אדמיניסטראציע האט דערמיט זיך אפגעטיילט פון זייער אייגענע גלייכע ארבעט רעכטן קאמיסיע שטעלונג נאך וואס די קאמיסיע האט גאר געשיקט א בריוו צום געריכט אין שטיצע פון זארדא
נאך וואס די פולע באנק אויפן צווייטן קרייז געריכט האט אויסגעהערט די מונדליכע ארגומענטן איז ארויסגעקומען זייער 10-3 אורטייל אין שטיצע פון זארדא
אום סעפטעמבער למספרם איז שוין יענע די קעיס געווען אויפן וועג צום סופרים קאורט וועלכע האט ווי אויבנדערמאנט אקצעפטירט די קעיס און וועט עס איצט אויסהערן אינאיינעם מיט די באסטאק קעיס

עד כאן פון די אלטע באריכט
אנשטאט צו באשרייבן די קעיס מיט מער דעטאלן וועלן מיר דאסמאל אויסקלויבן ליבערשט מקצר צו זיין צוליב די אינהאלט וועלכע קען נוצן פארקורצערונג
די אונטערשטע שורה איז אז עס איז שווער געווען צו זעהן קלאר אויף ווי אזוי די געריכט וועט נייגן אין די קעיס
אין אלגעמיין האט אויסגעקוקט אז די געריכט וועט זיך שפאלטן אויף אידעלאגישע ליניעס מיט איין אויסנאם פון ריכטער גארסוטש וועלכע איז געווען אביסל א חידוש
גארסוטש האט ביי די ערשטע קעיסעס (תועבה) אויסגעקוקט היבש גענויגט צו די קלעגער און אפילו ביי די צוויייטע קעיס (משונות) גאנץ סימפאטיש צום קלעגער אבער דארט האט ער יא געהאט צווייפלען אויב עס איז ריכטיג צו אורטיילן אין יענעם'ס שטיצע
עס איז שווער צו זאגן קלאר אין וועלכע קאלום גארסוטש וועט עווענטועל פאלן אבער באזירט אויף די נעכטיגע פארהער אויב דארף מען אויסקלויבן א מעגליכע דעפעקציע וועט עס שטארק מעגליך זיין ריכטער גארסוטש און מעגליך אז בלויז אויף די תועבה קעיס

קרייסלער
שר האלף
תגובות: 1015
זיך איינגעשריבען אום: מיטוואך מאי 20, 2015 6:01 am

תגובהדורך קרייסלער » דאנארשטאג אוקטובער 10, 2019 1:44 pm

This is mediarologist @hakelHuvel

ממה נפשך
שר האלף
תגובות: 1015
זיך איינגעשריבען אום: מאנטאג אוגוסט 11, 2014 9:37 am

תגובהדורך ממה נפשך » דאנארשטאג אוקטובער 10, 2019 7:27 pm

@הכל מיר האבן שטארק הנאה געהאט דורכליינענדיג דעם בלאט! (ספעציעל די טרענסלאציע פון געוויסע אינטרעסאנטליכע ווערטער...)


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 15 געסט