געזעץ איבער מוסדות התורה אין ניו יארק

[ווייזער]

אסאך פון די לימודים וואס די רעגירונג פארלאנגט איז זיכער בגדר יהרג ואל יעבור.

[גולם פון פראג]

חחחח... חס ושלום
דא אין אמעריקע איז דאך דא א שבועה שלא ימרדו האומות. מיר ברויכען זיך אויפפירען כדת של תורה ועל פי דינא דמלכותא דינא.
מיר ברענגען נאר ארויס ווי די עולם וואלט געברויכט זיין פיל מער אויפגעקלערט, אין ווען סוואלט געווען די גזירה אין מדנ"י וואלט מען זיכער געמאכט אז מען הערט די וויי געשריי מדן ועד באר שבע

[Gevald Geshrigen]

זעה איך תורה ומסורה גייט גאר אויף א אנדער ריכטונג, א דייאלאג מיט די קאמישינאר, אינטערעסאנט.

וואס אגב דאס איז אויך זייער זייער וויכטיג, ווייל דו באקעמפן אירע רולס מוז מען האבן א דייאלאג צו וויסען קלאר ווי זי שטייט און וואס זי וויל, דאס איז איז נישט טייטש אז תורה ומסורה גייען אויף א אנדערע ריכטינג נאר אז זיי זענענן א שטיקעל פונען גרויסן פאזעל וואס באקעמפט די גזירה.

עס איז בכלל נישט ׳׳אגב׳׳ נאר עס בעט אז זאג מיר יעצט ׳׳פונקטליך׳׳ ווי איך שטיי מיט דיר און נישט אין א יאר ארום זאגן מען האט פון דעם נישט גערעט.
נאכדעם וואס מען ווייסט פונקטליך ווי וואס ווען קען און דארף א יעדער מוסד פאר זי זען צו מען קען לעבן מיט דעם אדער נישט.
הגם עס איז מעגליך אז ווען עס וועט זיין אלע פרטים כתוב וחתום וועלן זיין מיינונגס פארשידנהייטן צווישן מוסדות ובעיקר פון די נישט אזוי היימישע וועט לכאורה נאך אלץ זיין גאר א גרויסער פושבעק מצד די היימישערע מוסדות

אויב ווערט עס מיינונג פארשידענהייט וויאזוי קען מען גיין אין קארט מיט די טענה אז סאיז אקעגן אונזער רעליגיע? וויאזוי ווערט דעפיינד א רעליגיע? א יעדע חסידות מיט זייערע מנהגים?

על פי געזעץ קען א יעדע חסידות קלאר האבן א געזעץ פון אן אנדער רעליגיע און לאו דוקא אלס א אידישע רעליגיע .
אויסער דעם האט די שטאט נישט קיין רעכט אריינצורעדן בכלל וואס רעליגיע מיינט. דהיינו אז אויב איינער זאגט אז על פי הלכה איז אזוי און דער אנדערער טענהט על פי הלכה איז פארקערט האבן זיי נשט קיין שום רעכט אריינצורעדן אפילו אויב עס איז די זעלבע רעליגיע
דער עיקר פראבלעם איז נאר אז די סטעיטס האבן פארשידענע כוחות וואס זענען שטערקער ווי רעליגיעזע רעכטן לגבי פארשידענע ענינים הגם עס איז גאר לימיטעד.
א דוגמא ווי מען האט יעצט געזען ביי וואקסינען אפילו טאמער איינער האט א רעלידשעס עקזעמפשן נעמט עס די שטאט נישט אן און מען קען נישט קומען אין סקול

[Gevald Geshrigen]

געוואלד געשריגען,
כבין נישט קיין פוסק אבער מיט מיין ארעמע שכל פארשטיי איך אז אויב איז די תוכנית הליבה פון די מדינה הטמאה א גזירת שמד דעמאלץ איז עס די זעלבע אויב קומט די גזירה פון די אמעריקאנע רעגירונג.
ווען די ציוניסטישע מדינה זאל ארויסגעבען אזוינע רעגעלאציעס וואלטן שוין געווען כינוסים מיט פראטעסטען און גרויסע צעטלעך אז מהאלט ביי שמד ממש.
אבער אז סאיז די אמעריקאנע רעגירונג איז יעדער רואיג.

איך ווייס נישט וואס מען האט געהייסן לערנען אין א׳׳י אונטער ליבה געזעצן און בכלל דארטן איז דער גאנצער לעבנס שטייגער אנדערש און עס איז דא אסאך זאכן וואס מען פארפירט דארט וואס דא איז א לכתחילה ביים היימישן ציבור ואכמ׳׳ל .
ווי אויך איך וויל נישט עס זאל אראפפארן פון די רעלסן אבער דא מיט א׳׳י זענען לכאורה בכלל נישט די זעלבע אין די געזעצן

[Gevald Geshrigen]

אסאך פון די לימודים וואס די רעגירונג פארלאנגט איז זיכער בגדר יהרג ואל יעבור.

אזא קלארער פסק בלי שום חולק וואלט נישט געשאט צוצולייגן אביסל מראה מקומות.

לפי זה אזוי ווי איך בין שוין נישט אין סקול אבער מיינע קינדער יא דארף איך אליין אויך זיין גרייט אויף מסירת נפש ??

סאררי פאר מיין סארקאזעם

[Gevald Geshrigen]

מיט וואס איז די יעצטיגע מהלך נישט נארמאל ?
א׳ די מוסדות האבן זיך צאמגענומען צו האבן איין לאיער זיי צו פארטרעטן אונטערן פיערלס
ב׳ מען איז מסביר דעם עולם ביי אלע גרעסערע כינוסים אז מען זאל וויסן וואס גייט פאר
ג׳ מען איז מודיע די שטאט (נאך וואס זיי האבן אונז אריינגעשטאכן א מעסער אין רוקן) אז מיר האבן רויטע ליניעס צו ברבים אדער פריוואט (ידוע לי בבירור מכלי ראשון שדרשת אדמו׳׳ר מהר׳׳א בכ׳׳א כסליו נעתק ללשון אנגלי בכל פרטיה ודקדוקיה ונמסרו להדעפט. אף עדיוקעישן ) מען האט עס געזען ביי זיי אויפן טיש!
ד׳ מען שיקט זיי א בריוו מען זאל פונקטליך וויסן ווי מען שטייט אויף וואס עס איז נאכנישט דא קיין ריספאנס כהיום יום

ווען עס גייט זיין קלאר וואס די שטאט האלט קלאר לשיטתם אז זיי האבן רעכטן גייט מען גלייך ווייטער. דאס קען מיינען איגנארירן דאס קען מיינען פארהאנדלען (נאט לייקלי) דאס קען מיינען גיין אין סטעיט קאורט פיילן אן ארטיקל 78 קעגן די דעפט אף עדיוקעישן, פיילן אן ארטיקל 78 בעטן א סטעי און געבן א טשענס פאר די סטיט צו טוישן די גיידליינס, פיילן אן אפיעל קעגן די דעפט אף עדיוקעישן אויב עס פעלט אויס
דאס קען מיינען אויך גיין אין פעדעראל קאורט קעגן די סטעיט אף ניו יארק וה׳׳ה אפיעל וסופרים קאורט.

\

היינט צו טאגס אז די שטאט וויל אריינקומען צו א מוסד שיקט מען זיי גלייך צום לאיער

[צו געזונט]

העמיר יעדעס מאל אנברענגען עפעס א אונטערגאנג און די אומוואקסינירטע העלן זיין אויסגעשלאסען יעדעס מאל פאר עטליכע צענדליגער טעג פון גיין אין שולע...

[ווייזער]

אסאך פון די לימודים וואס די רעגירונג פארלאנגט איז זיכער בגדר יהרג ואל יעבור.

אזא קלארער פסק בלי שום חולק וואלט נישט געשאט צוצולייגן אביסל מראה מקומות.

לפי זה אזוי ווי איך בין שוין נישט אין סקול אבער מיינע קינדער יא דארף איך אליין אויך זיין גרייט אויף מסירת נפש ??

סאררי פאר מיין סארקאזעם

אויב סטראשעט די רעגירונג אז מ׳מוז לערנען מיט די קינדער עוועלושען וכן׳
דארף מען זיך מוסר נפש און זיך לאזן איינשפארן אין טורמע, און נישט נאכגעבן.

[פאראויס]

זיי סטראשענען דאך אבער נישט..

[גולם פון פראג]

זיי סטראשענען דאך אבער נישט..

סייענס רעכענט אריין עוועלושען, אויב פארשטיי איך גיט מיינט עס אז אויב מוז מען לערנען סייענס און ביאלאגיע מוז מען על פי חוק לערנען עוועלושען.
מ'האט שוין אויסגעפסקנט אמאל אין געריכט אזוי אין אמעריקע, דאכט זיך.
נאר וואס דען, ס'איז צום האפען און צו ערווארטען אז די רעגירונג גייט נישט איינזעצען עלטערען ווייל זיי לערנען נישט מיט די קינדער לימודים וואס איז קעגען זייער רעליגיע. ס'איז דאך נישט די סאוויעטן פארבאנד. מען שלאגט זיך דא אויף אנדערע זאכען, ס'האלט נאכנישט דארט אז מ'זאל סטראשען איינצוזעצען עלטערען פאר נישט לערענן עוועלושען.
בכלל ווען מ'רעדט פון יהרג ואל יעבור פארשטייט יעדע אז דאס מיינט נישט ממש הלכה למעשה... ס'מיינט צו זאגען אז ס'רירט אן די יסודות הדת און מיר גייען דאס פייטען ביז'ן לעצטן קויל.

[קניידל פארעם]

זיי סטראשענען דאך אבער נישט..

סייענס רעכענט אריין עוועלושען, אויב פארשטיי איך גיט מיינט עס אז אויב מוז מען לערנען סייענס און ביאלאגיע מוז מען על פי חוק לערנען עוועלושען.
מ'האט שוין אויסגעפסקנט אמאל אין געריכט אזוי אין אמעריקע, דאכט זיך.

קלאר אז נישט! מ'קען נישט צווינגען צו לערנען גארנישט וואס איז קעגן דיין רעליגיע, נישט די חלקים פון סייענס וואס איז כפירה, און נישט די חלקים פון פיזיקס וואס איז ניבול פה, און נישט גארנישט וואס איז קלאר קעגן דיין רעליגיע, די קעיס וואס דאכט זיך דיר איז געווען אז עמיצער האט געשיקט אין א סקול וואס האט נישט געלערנט עוועלושען מאיזה סיבה, האט איין טאטע אריין געגעבן א קלאגע אויף דעם סקול אז ער וויל מ'זאל יא לערנען מיט זיין קינד עוועלושען, און דער ריכטער האט געגעבן רעכט פארן טאטן און באפוילן די סקול צו לערנען עוועלושען (איך געדענק נישט צי פאר יעדן, אדער לכה"פ מיט דעם קינד זיכער), אזוי געדענק איך פון א דרשה פון מהר"א אין די מיטעלע נ' יארן ווען ס'איז נוגע געווען סקול דיסטריקט.

יעצט איז די שאלה איבער לערנען זאכן וואס זענען נישט דירעקט קעגן רעליגיע, נאר סתם לימודי חול, וואס א שעה צוויי אין טאג מעג מען לערנען לכתחילה, אבער אויב דארף מען דאס לערנען א גאנצן טאג מיינט דאס צושפארן די תלמוד תורה, אזוי ווי מ'האט שוין דא ארויסגעברעגנט אז דאס איז א גזירה פון די צייט, אויף דעם קומט דער חידוש פון די יעצטיגע קלאגע (אויב מ'וועט דאס פיילן אין פעדעראל קאורט) אז די צייט איז אויך קעגן מיין רעליגיע.

ווארט מען יעצט אויף די בארימטע פוסקי דורנו דא אויף אייוועלט וואס קענען סי' קנ"ו צי קנ"ז אין יו"ד בכל פרטי' ודקדוקי', זאלן פסק'ענען צי אין אזא פאל גייט אויך אן יהרג ואל יעבור, צי ווייל זיי הייסן מיר נישט למעשה לערנען זאכן וואס איז דירעקט ביגוד צום דת איז מען אפשר נישט מחויב.

[יידישע קהילות]

ווארט מען יעצט אויף די בארימטע פוסקי דורנו דא אויף אייוועלט וואס קענען סי' קנ"ו צי קנ"ז אין יו"ד בכל פרטי' ודקדוקי', זאלן פסק'ענען צי אין אזא פאל גייט אויך אן יהרג ואל יעבור, צי ווייל זיי הייסן מיר נישט למעשה לערנען זאכן וואס איז דירעקט ביגוד צום דת איז מען אפשר נישט מחויב.

יהרג ואל יעבור קען מען מקיים זיין נאך דורכלערנען אלע סעיף קטן'ס און תשובה ספרים, יא, ריכטיג. אבער מקען עס אויך מקיים זיין מיט אן אש קודש, מיט א פייער פון אפילו נוטל את נפשך, פון מי לה' אלי. מיט א פייער פון שרייען איך גיי אריינטאנצן אין פייער אבער נישט מחנך זיין מיינע קינדער אז דער וועלט האט זיך אליינס באשאפן. איך ווייס אז על פי דין קען איך אויסלערנען מיין קינד עוואלושען דארך א גוי'שע טיטשער איז דאך נאר אמירה לעכו"ם, און דער פרינציפל וועט אויך זיין א גוי אידעך שוין אמירה דאמירה, נאר איך וועל נאר זאגן ברמיזה איז נאך לייכטער. איך וועל געבן די ביכער פאר מיינע קינדער כלאחר יד, און וועל צוזאם זאגן דעם מסירת מודעה פון בוטשאשטער רב, און זינגען די 13 אני מאמין'ס און מבטל זיין מיט אלע מודעה'ס ומודעה דמודעה'ס אלעס וואס מ'גייט און מ'האט געלערנט און שלום על ישראל.
ניין!
נישט אזוי האבן מיך מיינע עלטערן געלערנט!!

[קניידל פארעם]

נישט קיין אהנונג וואס דיין תגובה האט מיט מיינס אז דו האסט מיר ציטירט.

[גולם פון פראג]

ווארט מען יעצט אויף די בארימטע פוסקי דורנו דא אויף אייוועלט וואס קענען סי' קנ"ו צי קנ"ז אין יו"ד בכל פרטי' ודקדוקי', זאלן פסק'ענען צי אין אזא פאל גייט אויך אן יהרג ואל יעבור, צי ווייל זיי הייסן מיר נישט למעשה לערנען זאכן וואס איז דירעקט ביגוד צום דת איז מען אפשר נישט מחויב.

יהרג ואל יעבור קען מען מקיים זיין נאך דורכלערנען אלע סעיף קטן'ס און תשובה ספרים, יא, ריכטיג. אבער מקען עס אויך מקיים זיין מיט אן אש קודש, מיט א פייער פון אפילו נוטל את נפשך, פון מי לה' אלי. מיט א פייער פון שרייען איך גיי אריינטאנצן אין פייער אבער נישט מחנך זיין מיינע קינדער אז דער וועלט האט זיך אליינס באשאפן. איך ווייס אז על פי דין קען איך אויסלערנען מיין קינד עוואלושען דארך א גוי'שע טיטשער איז דאך נאר אמירה לעכו"ם, און דער פרינציפל וועט אויך זיין א גוי אידעך שוין אמירה דאמירה, נאר איך וועל נאר זאגן ברמיזה איז נאך לייכטער. איך וועל געבן די ביכער פאר מיינע קינדער כלאחר יד, און וועל צוזאם זאגן דעם מסירת מודעה פון בוטשאשטער רב, און זינגען די 13 אני מאמין'ס און מבטל זיין מיט אלע מודעה'ס ומודעה דמודעה'ס אלעס וואס מ'גייט און מ'האט געלערנט און שלום על ישראל.
ניין!
נישט אזוי האבן מיך מיינע עלטערן געלערנט!!

[קניידל פארעם]

נו, אריין אין פייער אריין! פארוואס פארווען? דאס העט מען שוין זעהן נאכדעם, קודם האב איך א ווארעם הארץ.

און דער עיקר, חס ושלום צו ענטפערן צום ענין אויף עפעס וואס מ'האט געשריבן דא, אלס נאר ארום און ארום אדער דאס אויך נישט, כדרכם פון די ווארעמע הערצער דא.

[אורח הכבוד]

50000.PNG (8.81 KiB) געזען 1423 מאל

די פעטיציע

[ווייזער]

50000.PNG

די פעטיציע

דאס איז די זעלבע פעטיציע פון ראביי יוסף חורבא

https://www.change.org/p/500-000-studen ... department


עס האלט שוין איבער 43 אלפים חתומות

[מאך א ברכה]

KolHaolam
ALBANY: JUST IN: Updated guidelines for NY private schools continue interfering in yeshivas, mandate 3 1/2hrs of secular studies daily instead of 7.

[מחשב]

עס איז ממש אזוי?! ברצותו אוחז וברצותו מקצר?! הפקר פעטרישקע? דער קאמישינער קען טוען וואס ער וויל?

[קניידל פארעם]

שלעכטע נייעס דאס, דאס מיינט אז די חברה האבן צוגעטראפן ווי אזוי צו צוברעכן די כלל ישראל אחדות, יעצט איז אסאך שווערער צו פייטן דערקעגן.

[צל עובר]

אויב מען צוטיילט עס אין די בערך 270 טעג א יאר וואס עס איז דא חדר, קומט עס אויס לויט די ארום 180 טעג וואס עס איז דא פאבליק סקול, 2 שעה מיט צוואנציג מינוט.

סוי עס איז א שטיקל פון די וועג וואס מען וועט בעזר השם נאך אנקומען.

-------

@קניידל פארעם האקט מיט א שרעקעדיגע זאך, אבער איך קלער אז לגבי די קאטאליקן להבדיל מאכט עס קיין סאך נישט אויס, און אלע חסידים קענען אויך זיין גענוג א שטארקע פראנט.

[מחשב]

אויב מען צוטיילט עס אין די בערך 270 טעג א יאר וואס עס איז דא חדר, קומט עס אויס לויט די ארום 180 טעג וואס עס איז דא פאבליק סקול, 2 שעה מיט צוואנציג מינוט.

סוי עס איז א שטיקל פון די וועג וואס מען וועט בעזר השם נאך אנקומען.

עס איז דאך אבער נישט נאר די שעות עס איז דאך אויך די תוכן הלימודים.

[בעל דעת]

אויב מען צוטיילט עס אין די בערך 270 טעג א יאר וואס עס איז דא חדר, קומט עס אויס לויט די ארום 180 טעג וואס עס איז דא פאבליק סקול, 2 שעה מיט צוואנציג מינוט.

סוי עס איז א שטיקל פון די וועג וואס מען וועט בעזר השם נאך אנקומען.

עס איז דאך אבער נישט נאר די שעות עס איז דאך אויך די תוכן הלימודים.

מיין פרעזענליכע מיינונג
קודם איך וויל נישט אז מיינע קינדער זאלן לערנען 2 מיט דריטעל שעה ענגליש, אבער דער עיקר פראבלעם איז אז די קאמישענער האט א ווארט אויף מיינע קינדער, איז א חורבן איום ונורא, היינט וויל זי 3 אין האלב שעה מארגען וועט זי וועלן נאך א האלבע שעה אין אזוי אויך די תוכן הלימודים, אין קיינער ווייסט נישט ווי דאס וועט אנקימען, פאר דעם מיז מען עס פייטן בכל מחיר

לאמיר האפען אז די אנדערע קרייזען וועלן עס אויך פארשטיין אין נישט איר נאכטאנצען

[גולם פון פראג]

מיר האבען שוין געשריגען דא איטליכע וואכען צוריק אז סגייט נישט קאנען ארבעטען קיין "אחדות" דא ווייל יעדער האט דא אנדערע ציהלן.
ליידער את אשר יגורנו בא. די מאדערענע קרייזען לאזען זיך פאלען פאר די לאקשען פון די קאמישאנער. לאמיר האפען אז די פרומערע וועלען כאפען די סכנה.

[ניס קראכער]

איינער האט די געשריבן א שטיק צייט צוריק ווען מען האט גערעדט פון 7 שעה אז נאכדעם וועט קומען א פשרה אויף האלב אין דער עולם העט זיך ארויפכאפן דערויף ווי אויף הייסע בארכעס
אין אזוי קוקט עס אויס יעצט

הקיצור ס'קוקט נישט אויס גוט

גולם האקט, אין ציטערט שוין ווייטער, די פרומע ווייסן פון די סכנה!