טעקסעס סיריעל באמבאדירער

[כאפצעם]

איינוואינער ארום אוסטין,טעקסעס לעבן די טעג אונטער א שאטן פון טעראר ווען עטליכע קלענערע באמבעס איבער די געגענט האבן שוין אומגעברענגנט 2 און פארוואונדעט נאך 4.

די ערשטע באמבע האט אויפגעריסן אום מארש 2 פארנט פון א הויז ווי דער אייגענטומער 'ענטאני סטעפאן' איז פון הויז און באמערקט א פעקעדזש דעליווערט ביי זיין טיר. ווי נאר סטעפאן האט אויפגעהויבן דעם פעקל עס צו באטראכטן האט די אינהאלט אויפגעריסן אין א מעכטיגע עקספלאוזשען וואס האט אויפגעשאקלט די גאנצע גאס און ל"ע אומגעברענגט דעם מאן.

שכנים האבן אנגעמערקט אז ס'איז זיי אומפארשטענדליך וויאזוי קיינע פון די איינוואינערס הינט האבן נישט געבילט ווען דער מערדער האט אונטערגעלייגט די פעקל, א זאך וואס דארף נארמאל זיין ווען סייווער שפאצירט אריין אין די גאס.

די צווייטע אויפרייס האט פאסירט אום מארש 12 ווען א צווייטע משפחה אין די אומגעגענט האט געטראפן א פעקעדזש פארנט פון זייער הויז, זיי האבן עס אריינגעברענגט אין קיך און אנגעהויבן עפענען ווען די באקס האט תיכף אויפגעריסן אומברענגענדיג א 17 יעריגער יונגל 'דרעילאן מעיסאן' און ערענסט פארוואונדעט א מיטל יעריגע פרוי.

די שכנים האבן געשילדערט דעם באמבע אלס אן אויפרייס וואס האט ממש געשאקלט זייערע הייזער.

די דריטע אויפרייס האט פאסירט עטליכע שעה דערויף, אפאר גאסן אפגעריקט ווי ס'האט זיך איבערגעחזר'ט די זעלבע סצענע. אן עלטערע 75 יעריגע פרוי האט געעפענט א דעליווערי פעקעדזש, וואס האט אויפגעריסן און איר שווער פארוואונדעט.

די אלע פעקעדזשעס האבן נישט פארמאגט קיין פאסט לעיבעלס און איינוואינער זענען דעריבער אנגעזאגט געווארן צו שטיין ווייט פון סייוועלעכע פארדעכטיגטע פעקלעך אן קיין קלארע אפיציעלע אויפשריפטן.

די פערטע באמבע האט אויפגעריסן נעכטן אויפדערנאכט אויף א סיידוואלק אין די געגענט פון וואס צוויי דורכגייענדע מענטשן זענען שטארק פארוואונדעט געווארן. פאליציי האבן אנדעקט אז די יעצטיגע באמבע האט אויפגעריסן דורך א ספעציעלע דראנט טעכניק וואס האט זיך געצויגן אויפן סיידוואלק און אויפגעריסן ווי נאר די מענטשן האבן ארויפגעטרעטן דערויף.

פאליציי זאגן אז זיי גלייבן אז די אלע 4 באמבעס איז פארבינדן און די לעצטע מער פארגעשריטענע באמבע צייגט אז מ'האנדעלט מיט ערענסטע געפארפולע פארשוינען.

פאליציי שליסן נישט אויס די מעגליכקייט אז ס'האנדלט זיך פון ראסע טעראר צוליב וואס די באמבעס זענען אונטערגעלייגט געווארן ביי שווארצע און היספאנישע הייזער און די לעצטע איז אין א מינאריטעט געגענט.

די אויספארשער האבן נאך דערווייל נישט קיין שום ערענסטע אנדייטונג ווער די אטאקירער זענען און האבן ארויסגעלייגט א ביטע צו די פארשוינען אז זיי זאלן ארויסקומען און זאגן וואסהזיי ווילן. די פאליציי האט נעכטן ארויפגעלייגט א 24 שעה'דיגע לאקדאון אויפן גאנצן געגענט.

[שאהן הענניטי]

Thanks for the report.

What's called a lockdown? How is it enforced?

[חלהדעקל]

שכח הרב כאפצעם.

אין 2018 און ס'נישטא קיין שום קאמערעס אויף קיין איינס פון די אלע פלעצער?

[פערדס מיניסטער]

שכח הרב כאפצעם.

אין 2018 און ס'נישטא קיין שום קאמערעס אויף קיין איינס פון די אלע פלעצער?

עס איז מעגליך אז די חברה קענעם זיך אויס אין די עריע און זיי גייען נאר ווואו עס איז נישט דא קיין קעמראס.

[צווייפעל]

א סטעיטמענט פון צווייפעל איבער די סעריע פון די טעקסעס באמבעס.

"צווייפעל איז זייער באזארגט איבער די אנטוויקעלונגען אין טעקסעס, שטייצעך אז זיינע טאטס און פרעייערס זענען מיט די וואס זענען אפעקטירט פון די טעקסעס באמבעס, כמיין וואס איז די הוה אמינא אז נישט".

די סטעיטמענט זאגט ווייטער "באמבעס פייט מען מיט באמבעס, ווען די גוטע לייט וועלן לייגן באמבעס אויף צוריק, וועלן די פאברעכער טראכטן צוויי מאל איידערן אינטערלייגן א באמבע פאר די געזעץ פאלגענדע בירגער, דערווייל האבן נאר די שלעכטע מענטשן באמבעס".

"מען ברויך תיכף ומיד קלאסיפיצירן אוסטען טעקסאס אלץ א באמבע פרייע זאון".

די סטעיטמענט ענדיגט זיך מיט א הארציגע בקשה, "ביטע נישט אויסנוצן א אומגליק פאר פאליטישע צוועקן, א דאנק אייך".

[אויבער-חכם]

פיין געזאגט הרב צווייפעל, כ׳מיין ערענסט אז די זאלסט לויפן...

[פעיק ניוז]

און די לעצטע איז אין א מינאריטעט געגענט..

וועלכע מינאריטי?

[מטעמים]

און די לעצטע איז אין א מינאריטעט געגענט..

וועלכע מינאריטי?

מן הסתם א טראמפ שטיצער

[פעיק ניוז]

און די לעצטע איז אין א מינאריטעט געגענט..

וועלכע מינאריטי?

מן הסתם א טראמפ שטיצער

חחח, די עיקר אז עס האט מיט ראסע גיי פרעג אים אפ..

[משהזוךמיר]

כ'מיין אז לויט די לעצטע אנקעטעס וואוינען דארט א שיינע צאל פרויען.

[צל עובר]

א סטעיטמענט פון צווייפעל איבער די סעריע פון די טעקסעס באמבעס.

"צווייפעל איז זייער באזארגט איבער די אנטוויקעלונגען אין טעקסעס, שטייצעך אז זיינע טאטס און פרעייערס זענען מיט די וואס זענען אפעקטירט פון די טעקסעס באמבעס, כמיין וואס איז די הוה אמינא אז נישט".

די סטעיטמענט זאגט ווייטער "באמבעס פייט מען מיט באמבעס, ווען די גוטע לייט וועלן לייגן באמבעס אויף צוריק, וועלן די פאברעכער טראכטן צוויי מאל איידערן אינטערלייגן א באמבע פאר די געזעץ פאלגענדע בירגער, דערווייל האבן נאר די שלעכטע מענטשן באמבעס".

"מען ברויך תיכף ומיד קלאסיפיצירן אוסטען טעקסאס אלץ א באמבע פרייע זאון".

די סטעיטמענט ענדיגט זיך מיט א הארציגע בקשה, "ביטע נישט אויסנוצן א אומגליק פאר פאליטישע צוועקן, א דאנק אייך".

צווייפעל !!!!

ווען וועסטו שוין אויסנוצן דיין טאלאנט ארויסצוהעלפן די אדמיניסטראציע אין צו טון פארן לאנד (לויט דיר)?

[שמערלער]

א פרישע פעקל האט אויפגעריסען דאס מאל אין א פעדעקס סענטער אין טעקסעט פאליציי זאגט אז דאס איז פארבינדן מיט די אלע אנדערע באמבעס

[ממש אזוי]

מיין מיינונג איז אז עס קען זיין א ראסיסטיש-געטריבענע מיסיע; צי אז ער (כבין ביי די מיינונג אז דא רעדט מען פון א יחיד) צילט אויף ספעציפישע מינאריטעט גרופעס אדער בכלליות אויף אנדערע ראסעס וועלכע זענען נישט אזוי ׳ריין׳ ווי די ווייסע.. אדער קומט דאס פון א לאקאלע גענגסטער גרופע וועלכע פרובירט אויס איר מאכט.

כאטש וואס קול מבשר ברענגט אין נאמען פון א דזשורנאליסט אז דאס רעדט מען פון א טעראריסטשע אקציע, בין איך אבער נישט איבערצייגט דערין ווייל עס שמעקט נישט אזוי; נישטא קיינער וואס זאל נעמען אחריות, און אויך געווענליך א טעראר אטאקע קומט מיט א מעסעדזש, עס קומט נישט פארבינדען מיט מיסטעריע.

[עת לדבר]

איך פארשטיי נאך נישט ווי די געלונגענע עף. בי.איי. איז?
עס איז דאך נישט קיין נארמאלע זאך ווי אזוי מען קען טעראריזירן א גאנצע שטאט!
און נאכמער מען דערקלערט עס נישט אויף טעראר!
נאכמער, די מענטש אדער מענטשן (ליין: חיות) האבן איבער געלאזט 4 פלעצער צו קענען קומען אויף זייערע שפורן! און גארנישט!
קשיא!

[שטאלצער יוד]

די פב"א האט מפרסם געווען אז זיי ווילן רעדן מיט דער וואס לייגט אראפ די באמבעס. זיי בעטן אז זיי ער זאל זיך מעלדן און אריינקומען אריינקומען.

[עת לדבר]

די פב"א האט מפרסם געווען אז זיי ווילן רעדן מיט דער וואס לייגט אראפ די באמבעס. זיי בעטן אז זיי ער זאל זיך מעלדן און אריינקומען אריינקומען.

נישטא ווער זאל לאכן.....
מיינען זיי אז יענער גייט אריינקומען?

[ענדע צדיק!]

דער לעצטער לאטערי געווינער זאל זיך ביטע מעלדן אין אישי, איך וויל רעדן מיטעם.

[בענקעל]

פאליציי מאכן אן אויספארשונג אויף א פארדעכטיגטע פעקל ביי א צווייטע פעדעקס לאקאציע.

Police investigating suspicious package at second .jpg (73.42 KiB) געזען 1908 מאל

Police investigating second FedEx location .jpg (78.42 KiB) געזען 1908 מאל

28954402_309835089544468_5483284611714908593_o.jpg (144.35 KiB) געזען 1935 מאל

[אור]

סא מהאלט שוין ביי #6

[א. טראכטער]

די פב"א האט מפרסם געווען אז זיי ווילן רעדן מיט דער וואס לייגט אראפ די באמבעס. זיי בעטן אז זיי ער זאל זיך מעלדן און אריינקומען אריינקומען.

נישטא ווער זאל לאכן.....
מיינען זיי אז יענער גייט אריינקומען?

זייער אסאך מאל פארלירט זיך דער טעראריסט און וויל זיין א חכם און קאלט אריין אז ער איז מעכטיג וכדומה

וען מען קוקט אויף היסטאריע האט מען אסאך מאל געכאפט אזוי

[בענקעל]

פאליציי האבן באשטעטיגט נאך א באמבע אין א פעקל אין די זעלבע פעדעקס לאקאציע וואו איין פעקל האט פריער עקספלאדירט.

FedEx investigation .jpg (49.71 KiB) געזען 1846 מאל

מען קען הערן איינע פון די עקספלאשזענס פון א סקיוריטי קעמארע.
https://www.dropbox.com/s/w9zrvl1uyv0vv ... 0.mp4?dl=0

[Potus]

מהאט געטראפן א בילד פון אים נישט קיין קלארע פון א קעמרע

[צווייפעל]

טראמפ זאגט אז דער באמבאדירער איז "א זייער קראנקער מענטש" ודפח"ח.

[זושא]

סא מהאלט שוין ביי #6

האלט שוין ביי 7

[זושא]

איך פארשטיי נאך נישט ווי די געלונגענע עף. בי.איי. איז?
עס איז דאך נישט קיין נארמאלע זאך ווי אזוי מען קען טעראריזירן א גאנצע שטאט!
און נאכמער מען דערקלערט עס נישט אויף טעראר!
נאכמער, די מענטש אדער מענטשן (ליין: חיות) האבן איבער געלאזט 4 פלעצער צו קענען קומען אויף זייערע שפורן! און גארנישט!
קשיא!

זיי זענען נאכטלטס ביזי מיט רוסלאנד אינוואלד און די עלעקשאנס,