קודם כל, ישר כח הרב כאפצעם פאר אייער מאסיווע ארבעט, פשוט צוזאמצונעמען און איבערפרישן די מוח מיט כמעט אלעס וואס איז דורך דעם יאר בנוגע דעם פרעזידענט, כאטש מ'קען שטארק זיך דינגען וואס אלץ ס'איז א דורכפאל און וואס אלץ ס'איז א סוקסעס און וואס ס'איז ערגעץ אינצווישן.
אגב, בינעך סתם נייגעריג, האסטו טאקע אזא גוטע זיכרון צו געדענקן אזויפיל נייעסן און סענזאציעס וואס אונזער ירום הודו האט אונז אנגעמאכט, אדער האסט אזא עקסעל שיט וואס ווערט יעדן טאג געאפדעיט א ס"ה פונם טאג און יעצט סוף יאר האסטו עפעס א פארמולע וואס רעכענט עס אלעס צוזאם?
איבער דעם מהות פון טראמפ פרעזענליך איז א שאד מאריך צו זיין, רוב פרא טראמפ'ערס עכ"פ ביי אונז אנ"ש, זענען נישט פאר אים וועגן זיין פערסנעלעטי אדער זיינע שיינע אדער נאבעלע מידות, זיין וועג פון אראפרייסן אנדערע וואס שטייען אים אין וועג, צולייגן צו יעדעם אפאנענט א ניק-נעים, איז פשוט א אינדיקעיטער אויף זיין מהות און געמיינע מידות אן קיין שום כח המעצר, און דאס איז א זאך וואס פארעקלט זייער אסאך וויילערס פון אים, כאטש ס'איז דא אסאך וואס גלייכן אזא סטייל קאנדידאט וואס זשאכע"ט און באכע"ט און יעדן איינעם וואס שטייט אים אונטער די פוס, (כאטש וואס אנדערקאנטשענטלי טוהט עס זיכער אויף ביי כמעט יעדעם איינעם, בוש איז געבליבן געדעמעדשט אלץ א לאו ענערזשי און רוביא אפגעסטעמפעלט אלץ א ליטל גיי, און קלינטאן אלץ א קרוקעד, כאטש ס'איז שטארק מעגליך אז זי איז נישט מער קרוקעד ווי עני אנדערע פאליטישאן וואס זיצט ביים רידער) סאו זיין גיין שפילן גאלף 100 מאל די לעצטע יאר, אדער טרינקען ווי א קעמל וואסער ביי זיין דרשה בו בזמן ווען ער רייסט אראפ אנדערע מיינט ביי אים נישט גארנישט, און לכאורה אויך נישט ביי זיינע וואוטערס, זיכער נישט ביי די וואס זענען פארגלייבט אין אים און זעהן כל כולו חכמה או געלונגענקייט אין יעדע ריר זיינעם, און אויך נישט ביי די וואס האבן אים ערוועלט פאר זיינע פאליסיס, נישט ביי די ראסט בעלט סטעיט וויילער וואס מיינען זייערע זשאבס און פעי טשעקס, און נישט ביי די נאציאליסטן וואס ביי זיי איז אמעריקע פירסט און די מעקסיקאו וואנט, אפשטעלן אימיגראציע א שטארקע אישו, מאכט באמת אויס וויפיל ער רייסט אראפ אנדערע, אדער וויפיל דייעט קאוק ער טרונקט.
יעצט צו אפאר זאכן פון דיין ליסטע, זיינע 'ריווערסעלס' און זיך ארויסצוען פון די אלע זאכן וואס האט צוגעזאגט אז ער גייט טוהן, קענסט עס אנקוקן אלץ א 'חרוב מאכן קען א נער אויך', אבער למעשה האט ער מיט דעם דעליווערט פאר זיין באזע וואס זיי ווילן, און רוב זאכן גייען פאר אזא איינעם ווי מיר גאנץ קנאפ אן, למשל דאס זיך ארויסצוען זיך פון פאריז קלימאטן אפמאך, אדער די נעריטיוו אז מ'גייט מאכן גרינגער אין אמעריקע צו טוהן ביזנעס און מ'גייט שניידן רעגולעישענס וויפיל מ'קען איז א געבענשטע זאך, כאטש איך ווייס נישט וויפיל מ'האט טאקע למעשה געשניטן און וויפיל נישט.
איבער איראן, כ'ווייס באמת נישט וואס ס'איז בעסער, צו יא האבן א געצוימטע דיעל מיט איראן וואס בינד זיי כאטש האלב די הענט פון דערגרייכן אטאמישע וואפן, און האבן במציאות נאך נישט יעצט לע"ע קיין נוקלער וואפן כאטש מ'האט שוין באלד 10 יאר צוריק (סוף תקופת בית.. כ'מיין, בוש השני) געווארענט אז זיי זענען שוין אט אט דארט, אדער ענדערש יא געדארפט לאזן די גאר שטרענגע סאנקציעס וואס האבן למעשה כמעט נישט געהאלפן במשך די אלע יארן, און ס'איז שטארק מעגליך אז איראן וואלט שוין כהיום געהאט פערטיגע אטמישע געווער פונקט ווי נארט קארעא האט עס באוויזן כאטש אלע שארפע סאנקציעס קעגן איר, איין זאך איז אבער זיכער, מיט אבאמא ביים רעדל איז די נעריטיוו געווען אז פאר אמעריקע איז געגאנגען בנפשם צו באקומען א דיעל מיט איראן און איראן האט געשפילט ווי זיי טוהן א גאנצע טובה פאר אמעריקע אז זיי זענען בכלל צו עפעס מסכים און זיי האבן ארויסגעקוועשט די מאקסימום וואסי שייך לטובתם, יעצט מיט טראמפ אבער פארט די ניגון פונקט קאפויער, איראן איז דער וואס בעט זיך און ווארענט אז אמעריקע זאל האלטן דעם דיעל און אמעריקע איז גאר דער וואס זינגט דעם ניגון אז איך וויל עס מבטל זיין, סאו דאס אליינס איז באמת א שטארקע זיג פאר טראמפ, (און אויב זאל ער זיין גענוג קליג און קריעטיוו -ארט אוו דע דיעל- זאל ער קענען אויסשטעלן א נייע אפמאך וואס זאל נאך מער בינדן די הענט פון איראן)
ער קען אנצייגן אויף נאך סוקסעסן ווי איבער באזיגן אייסיס, אונטער זיין זייגער האבן זיי פארלוירן זייער גאנצע טעריטאריע אין איראק און אין סיריע, געוויזן פון די ערשטע מינוט אז ער קען טיילן פעטש ווען ס'פעלט זיך אויס און ס'איז כמעט זיכער אז סיי פוטין און סיי אסאד האבן דאס געהאט אין חשבון ביי אסאך פון זייערע ווייטערדיגע פלענער.
מעקסיקא וואנט, כ'ווייס נישט איך בעצם גלייב נישט אז ער גייט למעשה באקומען פאנדס פאר דעם פון די קאנגרעס און סענאט, (אפשר אויב וועט אים געלונגען צו פארברייטערן זיין מעדשארעטי אין 18 אפשר יא, אדער אויב וועט ער מאכן עפעס א פעטע אינפאנסטראקטשער ביל און אריינרוקן גענוג געלט פאר דיסטריקס און סטעיטס פון גענוג קאנגרעסלייט און סענעטארן וואס זאלן עס שטיצן) אבער ווי ס'קוקט אויס יעצט, גייט ער לכאורה נישט באקומען קיין געלט דערפאר, אבער פון די צווייטע זייט האט ער באמת אומבאקוועם געמאכט דאס לעבן פאר אימלעגאלע אימיגראנטן דא אין אמעריקע אפי' אן די וואנט, און די נאמבערס פון אימיגראנטן איז שטארק אראפ,
מוסלים בען, האט ער למעשה געהאט גאנץ א פיינע סוקסעס אין די סופרים קארט.
די זעלבע איז מיט אריינרוקן ריכטער גורסיטש, כאטש איך וואלט עס נישט אנגעקוקט ווי א סוקסעס ווייל אזוי דארף עס פשוט צו גיין, פונקט ווי איז זעה נישט קיין סוקסעס מיט אבאמאס אריינרוקן 3 ליבעראלע ריכטערס צום סופרים קאורט, א דורכפאל דא אבער האט אבאמא געהאט וואס פאר כמעט א יאר האט ער נישט געקענט אריינרוקן אפי' א מעסיגן ריכטער צו דעם סיעט, און ס'איז מיר כמעט זיכער אז ער האט עס געלאזט מער ווייניגער לויפן מיטן חשבון אז קלינטאן גייט ממילא געווינען און זי וועט שוין אריינלייגן דארט א ריכטיגן ליבעראלן זשארדש..
ווייטער אבאמא קער, דאס דורכפאלן איינמאל און נאכאמאל דורכצופירן אבאמא העלט ריפיעל כאטש ער האט א מאריאטעט אין קאנגרעס און סענאט איז א היבשער דורכפאל פאר אים אבער מ'קען עס אנקוקן אז למעשה האט ער מבטל געווען די הויפט באדער פאר די רעפאבליקענס, די מאנדאט צו צווינגען קויפן אינשורענס.
טשינע טשיינע טשיינע, (ווי לאוו טשיינע) פון איין זייט האט ער דערווייל היבש געלאזט טשיינע ווייטער לויפן אויף זייער וועג, כמעט גארנישט געטוהן זיי אפצוהאלטן אויף גארנישט, נישט אויף קארענסי, און נישט אויף די מיליטערישע פראנט ווי די טשיינע סי, אבער פון די צווייטע זייט האט טשיינע עכ"פ לפנים זיך מיטגעשטעלט מיט אמעריקע ביי אלע אפשטימונגען קעגן נארט קארעא, און זיכער צוגעלייגט אביסל פרעשור קעגן נארט קארעא, סאו אפשר איזעס נישט אזא דורכפאל פאר אים ווייל זייער קאפעראציע האט ער נאר געקענט באקומען דורך זיין שארפע קאמפיינען קעגן זיי.
שוואכסטע זשאב נאמבערס אין 6 יאר, ווייסעך נישט, אבער א גוטע סטאק מארקעט יאר האט ער זיכער געהאט, אנעפלוימענט האלט אויך פיין נידעריג, עכ"פ נישט דא איז זיין דורכפאל.
די יו ען שטומען קעגן אמעריקעס אנערקענען ירושלים, האט נישט מיט טראמפ בעצם קיין שייכות, ווייל מיט א צווייטן ענגוואליסטישע פרעזידענט וואס וואלט דאס געטוהן וואלט די יו ען שטומען אויך ווען געהאט בערך די זעלבע רעזולטאטן, פון די צווייטע זייט האט ער געטוהן וואס זיינע ענגוואליסטישע און ציאניסטישע וויילער האבן געוואלט, און זיך ווייטער ארויסגעשטעלט אלץ דער איינער וואס האט נישט קיין מורא צו טוהן וואס ער האלט פאר ריכטיג, נאר, און א גרויסע נאר, דאס סטראשען די וועלט לענדער אז ער גייט געדענקן די אלע וואס גייען שטימען קעגן אמעריקע האט מיך שטארק דערמאנט די רויטע ליניע פון אבאמא קעגן סיריע..
פארלירן סיטס אין סענאט און גאווערנאר, כך הוא מנהגו של עולם, סקאט בראון האט געווינען אין מאסעטשוטשעס א יאר נאך וואס אבאמא האט אריינגעשטורעמט מיט א לענדסלייד (עטוואס א שטערקערע לענדסלייד ווי טראמפ..) און ביי די מיד טורם האבן די דעמאקראטן פיין פארלוירן, און פונדעסטוועגן דאך האט אבאמא פיין געווינען ריעלעקשאן און ליבי אומר לי אז ס'גייט זיך היבש איבערשפילן די זעלבע נאכאמאל, די דעמאקראטן גייען לכאורה האבן היבש סוקסעסן אין די מיד טורם וואלן, די שאלה איז נאר ווי שטארק, פון די צווייטע זייט זע איך נאכנישט דערווייל א שטארקער געלונגענער דעמאקראטישער קאנדידאט וואס זאל זיך קענען פארמעסטן מיט דעם פיסק און עריטוט פון טראמפ.
אבער די שטערקסטער סוקסעס מיטן פרעזידענט האבן מיר געהאט דעם חנוכה ווען ער האט באפרייט ר' שלום מרדכי פון תפיסה א זאך וואס קיינער האט נישט געחלום'ט אז ער גייט טוהן און זיכער נישט די ערשטע יאר פון זיין פרעזידענטשאפט, סאו דער ס"ה שפייט מיין קאלקולעיטער אויס נישט אזא שלעכטער מארק.
--
בוידעם
כ'גיי נאטס פאר דיין שפראך און איידיעס.
