אחדשה"ט, אזויווי מאנכע האבן פארגעלייגט און געשריבן זייער ווייטאג איידער די וואלן, זאכן וואס דארפן ווען אפשר גענומען ווערן אין באטראכט איבער די צוקונפט פון אונזער שטאט, עפן איך די אשכול ווי יעדער זאל לאזן הערן די אייגענע מיינונג מיט רעספעקט ובכבוד הראוי, וואס איז זייער מיינונג אז ס'ברויך געטוהן ווערן דורך די טאון באאמטע.
איך וועל בעז"ה דורכגיין אלע תגובות דא און פרובירן צו באקומען אן ענטפער פון די באאמטע אויף די אלע תגובות.
טערמס און קאנדישענס;
א) יעדע תגובה זאל געשריבן ווערן מיט רעספעקט.
ב) נאר אזאנא זאכן וואס די טאון איז אחראי דערויף וועט גענומען ווערן אין באטראכט (מוסדות וכדומה וועלן מיר איגנארירן)
ג) פארן שרייבן א תגובה מוז מען האבן דורכגעליינט די ראמאפאו פאר אלל וויזיע http://ramapoforall.org/our-vision/
ד) נאר תושבי מאנסי זענען בארעכטיגט
ה) זייט וויסן אז איך גאראנטי נישט גארנישט, אויב וועט זיין זאכליכע תגובות דא וועל איך מיר באמיען צו רעדן מיט די באאמטע דערוועגן, אבער אויב קום איך נישט צוריק מיט קיין ענטפערס, נישט זיין בייז.
ו) תגובות מוזן געשריבן ווערן פאר זונטאג פרשת ויצא תשע"ח לפ"ק
וזאת למודעי, לא עסקן אני ולא בן עסקן אני