בולעטין פון ר' יונה כהן - נייעס און אנאליזן

[חלהדעקל]

שוין שיעור נישט געשיקט קיין דווח פאר די הנהלה פארן צולאזן א אשכול וואס מאכט 'פורים פון ר' יונה כהן'

הצלחה רבה! זייער הנאה פון אייערע אנאליזן און נייעס.

[שמעלקא זאפטיגער]

ברוך הבא ר' יונה, פתח עטך ויאירו אנאליזך!

[סארקאזי]

שלום עליכם. א כבוד אייך צו האבן דא
טייערע חברים ביטע נישט אריינפירן די אשכול אינעם שמועס איבער די אנעקסעישען וואס האט אין די פארגאנגענהייט געברענגט היץ און טענה'רייען.
א דאנק

די הערה איז לכאורה אדרעסירט צו ר' יונה, ווייל ער האט באריכטעט אט די נייעס, נאר אין לעיקוואד, סזעהט אויס אז אידישע וועלט האט מער שרייבערס, אין ניו יארק ווי אין לעיקוואד, ממילא האט מען עס אהערגעברענגט,
אבער קיינער האט נישט אנגעצינדען קיין פייער דא, און אדרבה סאיז ר יונה'ס אשכול, אויב איז דא דיסאגרימענטס זאל ער מאכען סדר, לכאורה האט מען דרך ארץ פאר זיין הכרעה,
אז נישט זאל מען גיין צו אן אנדערען אשכול,
איך זעה נישט וואס סאיז אזוי וויכטיג די אינטערווענץ פון די אחראים (דער מנהל מיטען קאנטשיק אויף די קליינע קינדערלעך וואס קריגען זיך ארום)

[יונה כהן]

פארשטייט זיך אז עס איז נישט מעגליך פאר מיר צו רעאגירן אויף יעדע תגובה אבער איך האב הנאה פון די וואס האבען מיך באגריסט איך קלארן מדגיש זיין אז איך וועלקום אלע קריטיק ווילאנג עס איז געשריבען מיט מינימום מאס דרך ארץ (פאר די ליינער - איך לעצמי האב דיקע הויט איך קען פארנעמען כמעט אלעס) אנאנדער פונקט איז עס איז פאסיג אז פאר מ'מאכט א סטעיטמענט זאל מען זיך א ביסל אינפארמירען.

לדוגמה:
איין מגיב פרעגט פארוואס אגודה טוט נישט דאס זעלבע פאר אפסטעיט קהילות ווען דער זעלבער שאלה וואלט מען פשוט געקענט פארמירן, צו אגודה העלפט אויך קהילות אפסטעיט, אן דער יסוד אז אגודה טוט נישט. אגודה האט שוין אריינגעלייגט (מיט שטאלץ) כוחות עצומות געלט, פאליטיש קאפיטאל און 100טער שעות ליוערס ווערק לטובת אחב"י קהילה קדושה דקרית יואל.

יעדע פלאץ האט זיך זיין אייגענע צוגאנג און מוז גיין צוזאמען מיט א שטארקע שותפות פון די לאקאלע פירערשאפט. אויך טעכניש מיז עס לעגאל שטימען, למשל, מיט די קלאגע מיז ווערן אויך איבערגעצייגט דער לעגאלע באדינגונג פון "מי בעל דברים" אויף ענגליש רופט עס זיך Standing און דאס איז א ריזיגע פראבלעם איבערצוגיין דערנאך איז דא די מורא'דיגע קאסט פון אזא קאמפף פארדעם ווענדזיך עס אסאך צו די פארטייען וואס קלאגען האבען גענוג קוועלער אנצופירן אזא קאמפף. ביי אסאך פעלער מוז מען נאר איבערצייגען א לויער'ס פירמע אז די שאנסען צו געווינען זענען אזוי הויעך פאזיטיוו, אז זיי זענען וויליג אנצונעמען די קעיס צוליב דעם זיכערהייט אז זיי וועלען געווינען אלס א מינימום די קאסט פון קלאגען. און טאקע אויב מ'ליינט גוט דעם ארטיקל שטייט דאס כמעט מפורש צווישען די שורות, כאטש אז איך האב נישט קיין שום ידועה איבער דעם פאל נאר ווי מ'קען הערן אין אדיאו אז רב שנאלל זאגט אז די לויערס זאגען אז מיר שטייען זייער גוט אין קאורט בס"ד.

אבער אפט מאל איז אפשר כדאי צו פירען א "פאליטישע" קאמפף און שתדלנות אז רעגירונגס ציווילע רעכט אגענטורן זאלען אנעמען א קעיס. און דאן איז עס א גרינגערע זאך פאר אגודת ישראל און אויך אנדערע צו איינגעבען Friend of the Court Brief . אמת אז דאס אליין פארלאנגט זיך אן א שיעור לויערס ארבייט. וואס אגודת ישראל האט געטון מערערע מאל פאר אחב"י תושבי ק"י השם עליהם יחי', בנוסף פון שתדלנות אין פאבליק (הרב צוויבל האט גערעדט אין קרית יואל פאר די טאון אף מונראו הירינג) און פריוואט אריינגעלייגט כוחות ביי די גאווערנער לטובת הק"ק וכדומה פעמים רבות בעזר השם.

[יידישע קהילות]

מיינסט נישט "מי בעל דברים", נאר "לאו בעל דברים דידי את", איא?

[blue moon]

אז ר' יונה ווערט טאקע אקטיוו אויפן וועלטעל. וועט מען בקרוב דארפן טוישן די נאמען פון אייוועלט צו יונה וועלט.
דער יונה האט מיינונגען און ידיעות אויף יעדען אשכול און סוב אשכול, נאר נישט אייביג וויל ער רעדען.

[יונה כהן]

ווי איין מגיב האט שוין דערמאנט פריער דעם דרשה וואס הרב פעלבערמאן האט איבערגעגעבען ביי דער אגודה קאנווענשען
דא איז א דירעקטע לינק צו די דרשה https://player.vimeo.com/video/193203572

ביי מינוט 08:15 איז דא דער דאנק פאר אגודת ישראל און בפרט פאר הרב חיים דוד צוויבל פאר צענליגע יאר'ן עסקנות פאר ק"י.

מ'קען אויך זען די אנדערע רעדנערס פון די סעסיע בתוכם הרב בענדער פון פאר-ראקאוועי און הרב ווייסמאנדל פון מאנסי אויף דער פעידש http://agudahconvention.org/sunday-morn ... -sessions/

[יונה כהן]

http://nj1015.com/jackson-claims-qualit ... orm-fight/

א ראדיאו סטאנציע אין דער לייקוואדער געגענד פירט אן מיט אן אנקעטע איבער די קלאגע קעגן דזשעקסאן צו די אידן זענען גערעכט הרב אבי שנאלל בעט אז ווער עס קען זאל שטימען

[נא_שכל]

געשטימט.

יענער איז א געזונטער אנטיסעמיט, בתו"ד שרייבט ער:

They have seen what has happened to Lakewood over the years. Lakewood has become a mess. Their population has skyrocketed. 25,000 more people just since the last census was taken seven years ago. Traffic is a nightmare. Not to mention so many other issues that the Orthodox Jewish population never wants to see as discrimination in reverse. Such as the past use of public school buses to transport students to private yeshivas that are not part of the public schools. This costs millions per year and has strained services.

לעקוואד איז א מעסס, ווייל דער עולם איז געוואקסען ב"ה. און מ'טאר נישט באקומען קיין באסעס פון די שטאט ווייל ס'קאסט מילאנען.

כ'פארשטיי אים נישט ווער באצאלט דערפאר? אלע וואס צאלן סקול טעקס. סאו אפשר איז די מעשה פארקערט, אז די אידן צאלן מיליאנען פאר די פאבליק סקולס וואס זיי האבן נישט הנאה דערפון?

[אומאפיציעל]

אזוי שנעל צו פאבריצירן אן אנטיסעמיט, און נאך א געזונטער, פלאי פלאים.

ער טענה'ט דאך אז געלט פון די סקול דיסטריקט ווערט גענוצט אומבארעכטיגט אויף צוועקן פאר וועלכע עס איז נישט באשטימט, און אז די סערוויסעס פאר פובליק סקול ווערן אנגעשטרענגט צוליב דאס נוצן די באסעס פאר פריוואטע שולעס. די געלט פון סקול דיסטריקט איז "מיוחד" פאר פובליק שולעס און פאר אנדערע סערוויסעס וואס מען איז מחויב צו געבן פאר די שטאטלייט, דאס איז פארוואס מען קאלעקט די טעקסעס. די רעגירונג איז מחייב א סקול דיסטריקט צו קאלעקטאן טעקסעס פאר די סיבה, און "נאר" פאר די סיבה. אויב נוצט מען געלט פון די פובליק סקול'ס פאר אנדערע זאכן, איז דאס אן עוולה קעגן די איינוואוינער וואס צאלן די טעקס - ווערט האט געגעבן רעכט צו נוצן שטייער צאלער געלט פאר זאכן וואס מען דארף נישט, אפילו איין שטייער צאלער איז נישט מסכים האט ער א גערעכטע טענה, בפרט אויב דאס האט א נעגאטיווע אויסווירקונג אויף די סערוויסעס פון פובליק שולע וואס פאר דעם איז דאך די געלט באשטימט דורכן געזעץ.

דו האלטסט אנדערש? אפשר האסטו א שטארקע טענה, קען אפילו זיין דיין סברא איז ריכטיג און דו ביזט טאקע גערעכט מיט דיין טענה. אבער פארדעם ווערט נאכנישט יענער קיין אנטיסעמיט.

און ווען ער רופט אן לעיקוואד א "מעסס" ווייל עס איז געווארן פארפלייצט מיט מענטשן, איז זייער קלאר זיין כוונה, ער וויל ארויסברענגען אז יעדע פלאץ וואס גייט ווערן איבערגענומען דורך ארטאדאקסישע אידן גייט ווערן פארפלייצט מיט מענטשן. און אין זיינע אויגן הייסט אזא מענטשן פארפלייצונג - א "מעסס".

[lebediger berel]

כ'גיי נישט אריין אין די אנטיסעמיטיזים טענה, אבער נוצן געלט פון די פובליק סקולס פאר אנדערע זאכן קען "אפשר" זיין א פראבלעם מיטן געזעץ, אבער "א עוולה קעגן די איינוואוינער"? ביזט פאר'נער'ט? די איינוואוינער צאלן אלע זייערע בלוטיגע געלטער און האבן נישט דערפון קיין טראפ הנאה חוץ טראנספארטעישאן! דאס נעמען געלט איז א עולה, אפשר איז דאס א געזעצליכע עולה, אבער נוצן דאס געלט פאר טראנספארטעישאן צו ישיבות, רבוש"ע דאס גאנצע געלט קומט דאך פון די עלטערן פון די ישיבה קינדער!

[לא לנו]

http://nj1015.com/jackson-claims-quality-of-life-jews-claim-discrimination-in-dorm-fight/

א ראדיאו סטאנציע אין דער לייקוואדער געגענד פירט אן מיט אן אנקעטע איבער די קלאגע קעגן דזשעקסאן צו די אידן זענען גערעכט הרב אבי שנאלל בעט אז ווער עס קען זאל שטימען

רבותי גייט שטימען, אייערע שטימען קענען איבערוועגן דעם וואגשאהל.

[צהלה ושמחה]

בפשטות יש לומר אז די גוים וואס עס שטערט זיי די ארטאדאקס פארשפרייטונג זענענן נישט קיין אנטי-סעמיטען, נאר זיי ווילען פשוט אנהאלטן זייער וועי אף לייף,
א גוי וואס זעט וואס עס האט פאסירט מיט ראמפא און לעיקוואד געגענט און סקול דיסטריקט וועט טיען כל מה שביכלתו צו פארמיידען אז עס זאל נישט פאסירען אין זיין געגענט,
דאס איז טאקע די מציאות אין דזעקסון ניו דזערסי, מאנרא, ראקלענד קאנטי, בלומינגבורג, אז ביי די אלע פלעצער ווילען די גוים פארמיידען אידן פון איבערנעמען די געגענט.

אבער די גוי האט א פראבלעם אז די געזעץ איז נישט אויף זיין זייט, און דערפאר קען מען טאקע אנגיין מיט זיך אויסשפרייטען צו נייע געגענטער.

[יונה כהן]

עס איז ווייטאגליך ווען אפילו אונזערע אייגענע ברודער זעען נישט איין ווען א ענין איז פשוט, אז עס נעמט זיך לפחות פון שנאה animus צו סיי וועלעכע "גרופע"

פשוט צו געבען צו פארשטיין לסבר את האוזן. ווען מ'רעדט פון אומלעגאלע אדער לעגאלע שנאה ווי רעיסיזום. איז דער כלל, צו דער מיינונג אדער געזעץ איז אויף א יחיד ווייל ער איז א מעמעבר פון דער גרויפע איז: המורם מהם כיוצא בהם צ.ב.ש. ער איז א שווארצער איז ער מסתמא א קרימינאל דאס איז קלאסיש שנאה און אויב א רעגירונג מאכט סיי וואס פארא געזעץ צו שטערן א שווארצער אדער מערערע שווארצע זיך צו באזעצען אין א שטעטל מיט די (איינגערעט'ע) טענה; אז מ'מוז באשוצען אונזער שטאט פון צולאזען אז מעמעמבער פון יעניגע קאמוניטי זאלען זיך אין אונזער שטאט באזעצען, איז עס אומלעגאל און צומאל קרימינאליש.

און אוב א שטאט וועט פראבירען זיין אויבער חכמים וויבאלד עס איז אומלעגאל צו מאכן דירעקט דיסקרימינאצע , און זאגן אז מיר קענען אויסמיידן דעם געזעץ און מאכען א געזעץ אז אין דער גאצער שטאט טאר מען נישט אויפמאכען א ביזנעס וואס נוצט כעמישע מאטיריאל אויסצוגראדען פארקניפטע האר, ווייל די כעמישע שטאף איז זייער שעדליך. און נישט ווייל מיר זענען קעגען שווארצע וואס געבען אויס ביליאנען צו באהאנדלען זייער האר, נאר ווייל דא האט איר באווייזונגען אז די קעמיקלס איז זייער שעדליך און דערנאך וועט עס קאסטען אונזער שטאט צו באצאלען זייער מעדיקעיד. טראץ דעם וואס ביי יעדע הירינג איבער די "האר געזעץ" האבען מענשען זיך אויפגעשטעלט רעדען ווי פאקטיש מאכען די שווארצע א חורבן און געברענגט סטאטיסטיק וואס באווייזט דאס מ'כלומר'שט איבער. וואלט יעדער נארמאלער מענש געזאגט אז דאס איז געפערליך און עס דארף זיין אומלעגאל און פארדאמען אזעלעכע געזעצען אין דעות.

עס איז פארדריסליך א חלק פון אונזער צובען זעט דאס נישט איין אז דאס זעלבע גייט דא פאר.

מיר דארפען זיכער מאכען אז מיר אלס גרופע און יעדער איינער באזונזער זאל האבען די רעכט אז מ'זאל קוק'ען אויף אים אלס א יחיד מיט אלע רעכטען און אז א גרופע פון אונז זאל נישט טראגען די חלום'דיגע אדער אפילו עכטע חטאים פון זיין גרופע אויף זיך און אויף אלע. צו שטערן מיך ווייל איך זע אויס ווי די וואס וואוינען אין לעקוואוד איז קלאסיש אנטיסעמיזם אדער לפחות פלעין פשוט שנאה און דאס דארף מען באקענפען

דאס איז דער יסוד פון פרייהייט אין אמעריקע group blaming is ilegal and should be !

[צהלה ושמחה]

יונה, זיי זיך מער מסביר.

דו האלסט נישט אז יעדע גוי האט די רעכט צו וועלן אז זיין סקול דיסטריקט זאל נישט אויסזען ווי די סקול אין ראמפא און אין לעיקוואד?

דו האלסט נישט אז יעדע גוי האט די רעכט צו וועלן אז זיינע ראודס זאלן נישט אויסזען ווי ראמפא אדער לעיקוואד?

דו האלסט נישט אז יעדע גוי האט די רעכטן צו וועלן אז עס זאל נישט פאסירען צו זיין רעגירנוג דאס וואס עס האט פאסירט אין בלומינגבורג?

עס איז אמת אז די געזעץ איז נישט אויף זייער זייט, עס איז אמת אז די געזעץ איז אז מען טאר נישט דיסקרימענירען, אבער איך זע נישט פארוואס מען קען נישט פארשטיין פון ווי דער גוי קומט.

אין מאנרא איז עס אנדערש, ווייל דארט נעמט מען איבער פוסטע ליידיגע וועלדער, אבער אין פלאטץ ווי דו שטיפסט ארויס דעם גוי קען מען זען די גוי'ס אויפברויז, כאטש אז ער איז נישט גערעכט ווייל ער איז קעגן געזעץ.

[יונה כהן]

יונה, זיי זיך מער מסביר.

בס"ד

דו האלסט נישט אז יעדע גוי האט די רעכט צו וועלן אז זיין סקול דיסטריקט זאל נישט אויסזען ווי די סקול אין ראמפא און אין לעיקוואד?

יא און ער האט רעכט אז זיין סקול זאל נישט אויסזען ווי הארלעם סקולס. איז וואס? קען ער מאכען געזעצן צו שטערן שווארצע פון זיך באזעצען אין דזשעקסון?

דו האלסט נישט אז יעדע גוי האט די רעכט צו וועלן אז זיינע ראודס זאלן נישט אויסזען ווי ראמפא אדער לעיקוואד?

זעה דער פריעריגע ענטפער

דו האלסט נישט אז יעדע גוי האט די רעכטן צו וועלן אז עס זאל נישט פאסירען צו זיין רעגירנוג דאס וואס עס האט פאסירט אין בלומינגבורג?

דאס זעלבע דא, וואס עפעס פאלטביי דעם גוי אז 'איך יונה כהן' וויל דאס זעלביגע ווי די אידען פון בלומינגבערג? ווייל איך טראג א שטראמל אויפען קאפ?

עס איז אמת אז די געזעץ איז נישט אויף זייער זייט, עס איז אמת אז די געזעץ איז אז מען טאר נישט דיסקרימענירען, אבער איך זע נישט פארוואס מען קען נישט פארשטיין פון ווי דער גוי קומט.

אודאי 'פארשטיי איך פון ווי ער קומט אבער פאר דעם איז דא וואלען און ער קען פארמיידען אלע אומגעוואונשענע ערשיינונגען דורך וואלען און וואוטען קעגען דעוועלאפמענט א.ד.ג. אבער ער קען נישט און טאר נישט טראכטען און זאגען 'פן ירבה' אז ווייל ער האט מורה אז די מענשען וועלען וואוטען פאר דעוועלאפמענט וועל איך טון אפילו אומלעגאלע און שנאה'דיגע שריט קעגען אלע וואס קוקען אויס ווי דער גרופע וואס וואוט פאר דעוועלאפמענט

אין מאנרא איז עס אנדערש, ווייל דארט נעמט מען איבער פוסטע ליידיגע וועלדער, אבער אין פלאטץ ווי דו שטיפסט ארויס דעם גוי קען מען זען די גוי'ס אויפברויז, כאטש אז ער איז נישט גערעכט ווייל ער איז קעגן געזעץ.

עס איז נישט אנדערש. די קאסטען פאר די מעדיקעיד עקספענסעס איז פאר די גאנצע קאונטי

ווער עס גייט נאך מיינען שמועסן אויף קול מבשר ווייסט איז איך בין שוין יארן אנטקעגען אווער-דעוועלאפמענט אז דאס וועט אונז שאטען. אבערע דאס מיינט נישט אז מ'קען נעמען אומלעגאלע שריט דאס צו מונע זיין.

ולגופו של ענין די אידען פון דזשעקסון זעלבסט זענען אנטלאפען פון לעיקוואוד צוליב אווער-דעוועלאפמענט. ווי הרב שנאלל האט געזאגט פאר Asbury Park Press

[עקבי הצאן]

שפתיים ישק ר' יונה, איך האף נאר אז איר וועט נישט מיעד ווערן, מיר באלעקן זיך די פינגער.

[צהלה ושמחה]

שכוח הרב יונה, זייער קלאר.

[פלטיאל]

ר' יונה א דאנק אייך.

אביסל א האקעלע שאלה (ויבואו המנהלים וינהלו), פארוואס און וואס איז אנדערש די מערכה וואס מען פירט אין וומסב"ג אקעגן ארטיסטן אדער אין ב"פ אקעגן די כינעזע באפעלקערונג?

עס איז נישט אז עס איז אקעגן די געוויסע ראסע נאר עס איז די פועל יוצא וואס די גרופע ברענגט מיט זיך, עס איז א פאקט אז אידן לעבן אין א אפגעזונדערטע געזעלשאפט און מען ברויך זיי אקאמאדירן אנדערש ווי די אלגעמיינע באפעלקערונג און דאס אז דער גוי וויל נישט אז דאס זאל געשען איז נישט וויבאלד ער איז א אנטיסעמיט (עכ"פ עס איז נישט מוכרח) נאר ער קוקט זיך אום אויף די היסטאריע און איבריגע געגנטער ווי די געמיינדע טוט וואוינען און זעט וואס דארט האט פאסירט..

דאס אז דער קאנסטיטוציע ערלויבט נישט צו לעיבלען א געמיינדע בעיסד אויף זייער ראסע טוט נאכנישט מאכן דער וואס טוט עס יא אלס אנטיסעמיט, עס וואלט אים (יתכן) נישט אנגעגאנגען אז דער איד וואוינט דארט אויב מאכט ער נישט קיין נויז און שטערט נישט זיין רואיגקייט.

צו איז דען דא די פראבלעמען אין טינעק, קווינס, פאראקוועי אדער סיי וועלכע געגנטער ווי מאדערנע אידן וואוינען אלס קאמפעירד צו בלומינגבורג, לעיקוואד, קרית יואל אדער מאנסי ווי 'ארטאדאקסישע' אידן וואוינען?

[נא_שכל]

ר' יונה א דאנק אייך.

אביסל א האקעלע שאלה (ויבואו המנהלים וינהלו), פארוואס און וואס איז אנדערש די מערכה וואס מען פירט אין וומסב"ג אקעגן ארטיסטן אדער אין ב"פ אקעגן די כינעזע באפעלקערונג?

וואספארא מערכה? אין די קאווע שטיבל נעבן די מקוה?

ווען האט מען איינמאל אפיציעל אויפגעברענגט די טענה ביי שטאטישע אינסטאנצען ?

[פלטיאל]

איך רעד לגבי די נפק"מ אין פארשטאנד.

די טיטל 'אנטיסעמיט' האט ער באקומען צוליב אויפברענגן די טענה ביי די שטאטישע איסטאנצן?

אדרבה, דאס אז מען קען אויפברענגען אזא מדובר ביי די אינסטאנצן איז ענדערש א באווייז אז דאס האט "נישט" מיט ראסיזם לענ"ד.

[יונה כהן]

איך ווייס נישט וויאזוי צו רעאגירן...

אבער יעדער מעג ליב אדער פיינט האבען וועמען ער וויל. אבער סיי א פריוואטע יחיד און סיי א רעגירונג טאר נישט מאכן אן אקט קעגען אנדערע וואס איז געבויעט אויף די סארט געפילען אדער מאטיוויציעס

און לגבי די קאמפיין קעגען ארטיסטן איז זיכער כדאי אז די וואס פירן די מערכה זאלען זיך מייעץ מיט מבינים ביי א יעדע אקציע ודי בזה

[אלט מאנרא]

ווי איין מגיב האט שוין דערמאנט פריער דעם דרשה וואס הרב פעלבערמאן האט איבערגעגעבען ביי דער אגודה קאנווענשען
דא איז א דירעקטע לינק צו די דרשה https://player.vimeo.com/video/193203572

ביי מינוט 08:15 איז דא דער דאנק פאר אגודת ישראל און בפרט פאר הרב חיים דוד צוויבל פאר צענליגע יאר'ן עסקנות פאר ק"י.

מ'קען אויך זען די אנדערע רעדנערס פון די סעסיע בתוכם הרב בענדער פון פאר-ראקאוועי און הרב ווייסמאנדל פון מאנסי אויף דער פעידש http://agudahconvention.org/sunday-morn ... -sessions/

מען קען הערן אלע דרשות ביי די אגודה קאנווענשאן אויף torahanytime.com ס'גאנץ אונטערעסאנט.

אגב, נאכן דורכפאל פאריאר אין לעיקוואוד ווען די גוים האבן פארשפרייט א דרשה פון די אגודה קאנווענשאן איבער אינוואדירן גלילות לעיקוואוד - עכ"פ אין זייערע אויגן -, האב איך געהאפט אז די יאר וועט מען זיין מער אויסגערעכנט, למעשה בין איך געווארן אביסל אנטוישט מיטן אנטיסעמיטיזם פאנעל מיט פעלבערמאן און אנדערע, כ'שפיר אז מען קען זיך ארויפכאפן ביי געוויסע חלקים.

----

עניוועי, א גרויסן יישר כח פאר אייער ארבייט דעם גאנצן קיילעכיגן יאר, און ספעציעל פארן זיך וואלונטירן מיטצוטיילן מיטן ציבור.

[פלטיאל]

איך ווייס נישט וויאזוי צו רעאגירן...

אבער יעדער מעג ליב אדער פיינט האבען וועמען ער וויל. אבער סיי א פריוואטע יחיד און סיי א רעגירונג טאר נישט מאכן אן אקט קעגען אנדערע וואס איז געבויעט אויף די סארט געפילען אדער מאטיוויציעס

און לגבי די קאמפיין קעגען ארטיסטן איז זיכער כדאי אז די וואס פירן די מערכה זאלען זיך מייעץ מיט מבינים ביי א יעדע אקציע ודי בזה

ייש"כ ר' יונה.

וואס איז מיט מיין לעצטע פאראגראף?

ווי עס זעט אויס איז אין די פלעצער ווי ארטאדאקסישע אידן וואוינען פארהאן מער 'אנטיסעמיטן' קאמפעירד צו אנדערע שטעט ווי מאדערנע אדער פרייע אידן וואוינען, איז דאס וואר?

איך גלייב אז נישט, און איך גלייב אז עס איז אבסורד צו זאגן אזוי. איז אפשר דארפן מיר יא אריינקוקן צו מיר ברויכן טוישן די מהלך וויאזוי אונז שליכטן אונזערע טענות מיט די שכנים, דהיינו אנשטאט לעיבלען יעדער גוי וואס האט טענות אלס 'אנטיסעמיט' - וואס דאס אליינס טוט אים מאכן אלס 'אנטיסעמיט', אפשר ליגט דער פראבלעם אין אונז, צו דער וועג וויאזוי מען בויעט אדער וויאזוי אונזערע זעלבסט-געקרוינטע פאליטיקאנטן פירן די מערכה?

[פומפדותא]

ממש אקאורט דאס איז געוועהן ביי אונז אין מאנסי, די וויליזש פון עירמאנט האט נישט ערלויבט קיין boarding school זיי זענען געווארן געקלאגט דארך ישיבה משכנות לאביר יעקב (טאהש-מאנסי) און דערנאך דארך די us attorney פון ניו יארק, די וויליזש פון עירמאנט איז געווארן געצווינגען אין געריכט צו טוישן זייען זאונינג געזעצן.

(איך וואלט זיי געראטן צו נעמען די לויער וואס האט געפירט יענע RLUPA קעיס )