נייע ישוב - פלאנעט מארס

[זאכליך]

די סייענטיסטן און אסטראנאמיסטן האבן ערנסטע פלענער צו שיקן מענטשן וואוינען קיין פלאנעט מארס, די רויטע פלאנעט.

די פלאן איז, אז די מענטשן זאלן דארט זיין אומאפהענגיק פון די מענטשן אויף פלאנעט ערד, זיי זאלן אליינס פלאנצן און צושטעלן עסן און קליידער און עלעקטעריק.

ס'איז נאך אסאך טעכנישע פרטים וואס די סייענטיסטן דארפן מסדר זיין כדי מ'זאל קענען באזעצן די פלאנעט צווישן זיי איז די פראבלעם פון סאלער ראדיציע, און די ארטיקע קאלטע וועטער. מ'וועלמיר פרובירן זיי אויסצושמועסן איינס ביי איינס.

אזוי אויך איז אינטערעסאנט אויסצושמועסן פון א תורה'דיגע שטאנדפונקט צו מ'מעג גלייבן אז די בריאה און די מענטשהייט זאל זיין אויף מער ווי איין פלאנעט, און אויך וויאזוי מ'דארף זיך באגיין מיט מצות התליות בזמן ווען מ'דרייט זיך אויף מארס.

עלאן מאסק פון ספעיס-עקס האט ערנסטע פלענער פון מאכן אן אינטער-פלענעטארי טרענזיט סיסטעם אז מ'זאל גרינגערהייט (אויך מיר גרינג) קענען טרעוולן צווישן די פלאנעטן.

אין לויף פון די לעצטיגע יארן זייט מ'האט אנגעהויבן מיט ספעיס עקספלארעישאן האט מען שוין געלאנדעט א שיינע פאר ספעיס שיפן אויף מארס, און אפילו אפאר ראווערס (אזאנא ראבאטס וואס קענען ארומפארן, און האבן סייענטיפישע אינסטרומענטן).

צו וועט זיי געלונגען צו באזעצן מארס? ימים ידברו...

[עקבי הצאן]

איז דא אקסידשען דארטן?

[זאכליך]

ס'איז דא אן אטמאפער, אבער זייער א דינע, און אויך זייער ווייניג אקסידזשען.

די בלוי איז די אטמאפער אויך די ערד, די רויטע איז מארס.

ווי מ'קען זעהן האט די ערד 21% אקסידזשען און מארס האט נאר 0.13%
די פלאן איז צו מאכן אזאנע גרינהאוזעס ווי מ'ווען קאנטראלירן די ליפט אין די גרינהאוז אז ס'זאל זיין ענדליך צו די ערד.

[עקבי הצאן]

יישר כח, נישט פאר מיר ...

[זאכליך]

א טאג אויף מארס דאס מיינט פון חצות היום ביז די קומענדיגע חצות היום איז 24 שעה 39 מינוט און 35.244 סקונדעס.
ס'ווערט אנגעריפון א סאל SOL

[זאכליך]

א יאר אויף מארס, דאס מיינט ווי לאנג סנעמט פאר מארס ארומצוגיין די זון, און ס'גייט דורך די 4 סעזאנען פונעם יאר איז 669 סאל'ס (מארס טעג)

[פרידן]

דארף דאס ברענגען א ניצען פאר די מענטשן פין אונזער וועלט, אדער נאר א טרייסט פאר די וואס האבן מורא אז די וועלט וועט אויסלויפן פין פלאטץ פאר די מענטשהייט?

[זאכליך]

וויבאלד ס'איז אזוי ווייט פון די זוהן איז דארט זייער קאלט, אין די ווינטער טעג איז דע ערוורידזש -80 דעגריס, אבער אין א זומער טאג קען עס ארויפגיין צו 70 דעגריס.
אבער וויבאלד די אטמאספער איז אזוי דין קען עס נישט האלטן די היץ, און אפילו זימער גייט די טעמפוראטור אראפ צו -100 דעגריס!

אבער סייענטיסטן גלייבן אז מיט די זעלבע מעטהאד וואס די מענטשען אויף ערד זענען גורם גלאבעל ווארמינג, וועט מען קענען אנווארעמען די קאלטע רויטע פלאנעט...

[זאכליך]

דארף דאס ברענגען א ניצען פאר די מענטשן פין אונזער וועלט, אדער נאר א טרייסט פאר די וואס האבן מורא אז די וועלט וועט אויסלויפן פין פלאטץ פאר די מענטשהייט?

א גוטע קשיא.
אפשר דאס וועט אביסל אויסקלארן וואס זיי צילן...
http://www.redcolony.com/features.php?n ... lonizemars

[יא איך]

וויפיל גייען זיי בעטען פאר א דירה דארט?

[ראספשע]

גייט זיין ציגעשטעלט טראנספארטעישאן פון דארט אהער?, אויב נישט, ביטע שיק מיין שוויגער קודם אהין...

[זאכליך]

איין וועג צו פליען גייט נעמען 9 חדשים.
מ'קען נאר פליען איינמאל אין 18 חדשים, ווייל דעמאלטס זענען די פלאנעטן אויסגעשטעלט אויף די גוטע פאזיציע.

[נו שוין]

שכוח זאכליך פארן ברענגן!

איין זאך ביטע אויסקלארן, לויט די שיטת הגלאבאלע ווארמינג ווערט עס דורכדעם וואס דאס זון ווערט פארהרגט פון נוצן צופיל עמישאן, סוי וויאזוי קענען די סייענטיסטן אנווארימען די מארס און סוועט נישט אפעקטירן די לאקאלע מאמע ערד?

[וואוילע שעפעלע]

איך בין פרייליך צו הערן אז ווען די וועלט וועט חרוב ווערן פון די היץ וועל איך האבן א קאלטע פלאנעט וואו צו אנטלויפן(עפ"ל)! שכח זאכליך

[מונאוויטש]

אגב, אז מ'רעדט שוין פון מארס, פאלגנד איז א נאס"א אילאסטראציע פון די מארס "קוריאסיטי" ראווער אויפן רויטן פלאנעט. דער ראווער איז ארויסגעפלויגן פון פלארידע אין נאוועמבער 11', און נאך א קנאפע 400 מיליאן מייל רייזע האט זי געלאנדעט אויף מאדים אין אוגוסט 12'.

(א "ראווער" (Rover) איז א מאשינדל וואס איז ספעציעל געבויעט אז עס זאל קענען ארומפארן אויפן פלאנעט נאכן לאנדן. א "לאנדער" (Lander) איז א מאשין וואס בלייבט זיצן אויפן פלאץ ווי עס האט געלאנדעט.)

https://db.tt/TKptN8LHBk

[לאלתר לחיים]

א יאר אויף מארס, דאס מיינט ווי לאנג סנעמט פאר מארס ארומצוגיין די זון, און ס'גייט דורך די 4 סעזאנען פונעם יאר איז 669 סאל'ס (מארס טעג)

אויב איז ער סובב על צירו פונקט אימיטן די פלאנעט (אנדערשט ויי די וועלט וואס איז געבויגן צו די זייט) איז לכאורה א גאנץ יאר די זעלבע סעזאן

[כא כא כא]

א רגע​ ווען גייט מען דארט קענען מאכן קידוש? אויב ס'גייט זיין א גאנצע צייט מאדים?

[מונאוויטש]

א יאר אויף מארס, דאס מיינט ווי לאנג סנעמט פאר מארס ארומצוגיין די זון, און ס'גייט דורך די 4 סעזאנען פונעם יאר איז 669 סאל'ס (מארס טעג)

אויב איז ער סובב על צירו פונקט אימיטן די פלאנעט (אנדערשט ויי די וועלט וואס איז געבויגן צו די זייט) איז לכאורה א גאנץ יאר די זעלבע סעזאן

מארס איז אויך געבויגן, ענליך צו דער וועלט.

[דניאל בוימענגארטן]

שכח זאכליך, זייער אינטערעסאנט.

קען איינער צוצייכענען עפעס הלכה'דיגע בירורים איבער שבת/ימים טובים ושאר מצוות התלויים בזמן.

---
אין אמת'ן וואס איז טאקע די געדאנק (משוגעת) פון פראבירן צו גרינדן א מענטשליכע ישוב אויף אנדערע פלאנעטן? אפי' מיט א פחד אז די וועלט גייט אויסלויפן פון פלאץ וואלט נישט פיל גרינגער געווען צו נעמען די אומבאוואוינטע פלעצער אין די וועלט ווי די נארט פאול / סאוט פאול אד"ג און טרייען צו גרינדן דארט ישובים?

[א. טראכטער]

שכח זאכליך, זייער אינטערעסאנט.

קען איינער צוצייכענען עפעס הלכה'דיגע בירורים איבער שבת/ימים טובים ושאר מצוות התלויים בזמן.

---
אין אמת'ן וואס איז טאקע די געדאנק (משוגעת) פון פראבירן צו גרינדן א מענטשליכע ישוב אויף אנדערע פלאנעטן? אפי' מיט א פחד אז די וועלט גייט אויסלויפן פון פלאץ וואלט נישט פיל גרינגער געווען צו נעמען די אומבאוואוינטע פלעצער אין די וועלט ווי די נארט פאול / סאוט פאול אד"ג און טרייען צו גרינדן דארט ישובים?

די משוגעת קען איך נאך פארשטיין...

אבער די ביליאנען דאללארן וואס גיסען זיך אין מיסט.. לא זכיתי להבין..

[לאלתר לחיים]

א יאר אויף מארס, דאס מיינט ווי לאנג סנעמט פאר מארס ארומצוגיין די זון, און ס'גייט דורך די 4 סעזאנען פונעם יאר איז 669 סאל'ס (מארס טעג)

אויב איז ער סובב על צירו פונקט אימיטן די פלאנעט (אנדערשט ויי די וועלט וואס איז געבויגן צו די זייט) איז לכאורה א גאנץ יאר די זעלבע סעזאן

מארס איז אויך געבויגן, ענליך צו דער וועלט.

אינטרעסאנט,
און ספורנו פ' נח זאגט ער אז די וועלט פארן מבול איז געווען פונקט אימיטן אזוי אז א גאנץ יאר איז געווען א באטאמטע פרילינג וועטער און דער אויבערשטער האט אלץ קללה אים געגעבן א בייג זייטיגס וואס האט געברענג די ציפארעניש מיט אונזער וועלט'ס וועטער (ווען ס'איז אינמיטן שיינט די זין 12 שעה ביי יעדן חלק פון די וועלט און 12 שעה נישט) און אי"ה לעתיד לבוא ווער ער עס צוריק פארעכטן און די וועטער וועט צוריק זיין די זעלבע שיינע א גאנץ יאר.
בלייבט נאר איבער צו מברר זיין איבער וואס וועט זיין מיט די די מצוות התלויות בתקופות ווי שמור את חודש האביב און עיבור השנה און נאך.

[לאלתר לחיים]

דא איז די ספורנו בלשה"ק
בראשית ח כב
עד כָּל יְמֵי הָאָרֶץ זֶרַע וְקָצִיר וְקר וָחם, וְקַיִץ וָחרֶף, וְיום וָלַיְלָה, לא יִשְׁבּתוּ.
"לא יִשְׁבּתוּ" מִלְּהַתְמִיד עַל אותו הָאפֶן בִּלְתִּי טִבְעִי שֶׁהִגְבַּלְתִּי לָהֶם אַחַר הַמַּבּוּל, וְזֶה שֶׁיֵּלֵךְ הַשֶּׁמֶשׁ עַל גַּלְגַּל נוטֶה מִקַּו מַשְׁוֵה הַיּום, וּבִנְטִיָּתו תִּהְיֶה סִבַּת הִשְׁתַּנּוּת כָּל אֵלֶּה הַזְּמַנִּים, כִּי קדֶם הַמַּבּוּל הָיָה מַהֲלַךְ הַשֶּׁמֶשׁ תָּמִיד בְּקַו מַשְׁוֵה הַיּום, וּבָזֶה הָיָה אָז תָּמִיד עֵת הָאָבִיב, וּבו הָיָה תִּקּוּן כְּלָלִי לִיסודות וּצְמָחִים וּלְבַעֲלֵי חַיִּים וּלְארֶךְ יְמֵיהֶם.
וְאָמַר שֶׁיִּהְיֶה זֶה "כָּל יְמֵי הָאָרֶץ" עַד אֲשֶׁר יְתַקֵּן הָאֵל יִתְבָּרַךְ אֶת הַקִּלְקוּל שֶׁנַּעֲשָׂה בָּהּ בַּמַּבּוּל, כְּאָמְרו "הָאָרֶץ הַחֲדָשָׁה אֲשֶׁר אֲנִי עשֶׂה" (ישעיהו סו, כב), כִּי אָז יָשׁוּב מַהֲלַךְ הַשֶּׁמֶשׁ אֶל קַו מַשְׁוֵה הַיּום כְּמֵאָז, וְיִהְיֶה תִּקּוּן כְּלָלִי לִיסודות וְלִצְמָחִים וּלְבַעֲלֵי חַיִּים וּלְארֶךְ יְמֵיהֶם, כְּמו שֶׁהָיָה קדֶם הַמַּבּוּל, כְּאָמְרו "כִּי הַנַּעַר בֶּן מֵאָה שָׁנָה יָמוּת, וְהַחוטֶה בֵּן מֵאָה שָׁנָה יְקֻלָּל" (שם סה, כ). וְזֶה רָצָה בְּאָמְרו "מוצָאֵי בקֶר וָעֶרֶב תַּרְנִין" (תהלים סה, ט).

[משהזוךמיר]

שכח זאכליך, זייער אינטערעסאנט.

קען איינער צוצייכענען עפעס הלכה'דיגע בירורים איבער שבת/ימים טובים ושאר מצוות התלויים בזמן.

אין תפארת ישראל נאכ'ן ערשטן פרק פון מסכת ברכות האט ער אן אריכות איבער די מצוות התלויות בזמן ביי די צפון און דרום פאולס.

[זאכליך]

פשוט פשט אין פסוק איז לא ישבותי אז בשעתן מביל איז געווען ישבותי און מער גייט דער באשעפער נישט אפשטעלן די תקופות.

ס'איז אן אינטערעסאנטע ספורינו.

[משהזוךמיר]

פשוט פשט אין פסוק איז לא ישבותי אז בשעתן מביל איז געווען ישבותי און מער גייט דער באשעפער נישט אפשטעלן די תקופות.

ס'איז אן אינטערעסאנטע ספורינו.

אויב געדענק איך ריכטיג (כ'וועל עס באלד נאכקוקן אי''ה) זאגן די טראפן אז לא ישבותי גייט בלויז ארויף אויף יום ולילה.