וואוילע שעפעלע האט געשריבן:ער איז גרייט אויף אלעם [לויט זיינע ווערטער] אבער צוערשט מוז אמעריקע נאכגעבן קאנצעסיעס.
האט איר שוין אמאל געהאט אזא סעטואציע, ווי איר שפאנט אויף א שמאלע דורכגאנג אשר אין דרך לנטות ימין ושמאל, און עס איז דא פונקט גענוג פלאץ פאר צוויי מענטשן דורכצוגיין,
און פונקט קעגנאיבער אייך קומט א צווייטער צו גיין, און איר ווילט ווי א פיינער מענטש זיך ריקן צו אייער 'רעכטע' זייט צו, כדי יענעם דורכצולאזן, און דער קעגן קומענדיגער איז פונקט אזוי א נארמאלער מענטש ווי אייך, און ער וויל אייך אויך דורכלאזן און ער ריקט זיך אויך אין די זייט, אבער וואס עס געשעהט איז אז ער ריקט זיך אויך צו אייער 'רעכטע' זייט, דאן ריקט איר זיך צו אייער 'לינקע' זייט כדי יענעם דורכצולאזן, ריקט זיך יענער אויך צו אייער 'לינקע' זייט מיינענדיג אז אזוי וועט ער שליכטן די אנגעצויגענקייט, און אזוי גייט עס אהין און צוריק וחוזר חלילה, ביז איר מאכט אפ אז גענוג איז גענוג, איך בלייב שטיין אויף איין פלאץ, איך ריק מיך נישט אין ערגעץ, איך וועל אים לאזן זיך ריקן, און איך וועל דורכגיין און פארטיג, די פראבלעם איז נאר אז אין די זעלבע מינוט האט דער קעגן קומענדיגער געמאכט גענוי די זעלבע החלטה און איר טרעפט זיך ביידע שטיין קלאצן ביי איין זייט ווארטן אז דער צווייטער זאל זיך ברעכן און זיך אוועק ריקן.
די איינציגסטע עצה אין אזא פאל איז צו זאגן 'אהובי ידידי' לאמיר אפמאכן וואס דא גייט זיין, ווער ריקט זיך קודם? דו! יא? אקעי, דו ריק דיך און נאכדעם וועל איך גיין, און שוין.
די זעלבע איז דא לגבי נ"ק, יעדער זייט ווארט אז דער צווייטער זאל קודם זיך אוועק ריקן, און יעדער מיינט אז דער צווייטער וועט זיך ריקן פאר מיר, קיינער וויל זיך נישט ריקן קודם ווייל ער האט מורא אז דער צווייטער וועט נישט מיטארבעטן מיט אים,
די עצה אין אזא פאל איז צו זאגן 'אהובי ידידי' לאמיר מאכן א קלארע דיטעיל'ד אפמאך צו וואס אונז וועל מיר זיך ביידע פארפליכטן און מיר וועלן ביידע אינטערשרייבן דערויף און עס באשטעטיגן אין קאנגערס פונקטליך ווער עס גייט קודם און ווער נאכדעם, לאמיר זאגן למשל אז אמעריקע נעמט זיך אונטער אז אויב נ"ק שפארט אפ אירע נוקלעארע סייט'ס דאן וועט אמעריקע דערקלערן א סוף צו די קארעא קריג און מען וועט אראפנעמען א חלק סאנקציעס, נ"ק וועט נישט דארפן מורא האבן אז אמעריקע וועט זיך נישט האלטן צו זייער צוזאג ווייל עס וועט זיין א אינטערגעשריבענע אפמאך באשטעטיגט ביי קאנגרעס וואס מען קען נישט ברעכן, און שלום על ישראל,
די אלע ווערטער וואס עס גייען יעצט אהין און צוריק אהן קיין געהעריג האפט האט נישט קיין האפט לדעתי.