מה פתאום??? האט געשריבן:יואב איך דערקען דיך נישט.
איינעם באדערט לאיאליטי צו א צווייטע לאנד?
אפשר נישט? דאס אידאך די גאנצע טראמפ קאמפיין! מעיק ״אמעריקע״ גרעיט עגעין! די גאנצע רעוואלוציע איז דאך איין שטיק נאציאנאליזם און אמעריקע פירסט גארביטש.
וועם גייט אן צו עפעס א מענטש פון קאנאדע איז לאיעל צו זיין לאנד?
מיך נישט, איי געס סטיוו בענאן.
מיר האבן דא א פראבלעם מיט טעראריסטן וואס לאיאליטי צו זייער לאנד קען זיי ברענגען דורכצופירן טעראר.
סארא ליגנט איז דעיס?! וועלכע טעראריסט האט אין די לעצטע דרייסיג יאר אטאקירט אמעריקע צוליב זיין ״לאנד״? דעיס איז א רעליגיעזע פראבלעם, מער ספעציפיש די מוסלעמענע רעליגיע.
און דו גלייכסט דאס צו צו די טיפשות פון די אנטיסעמיטן וואס האבן געהאט א פראבלעם מיט אידן ווייל זיי זענען לאיעל צו אן אומשעדליך לאנד?
כאב נישט קיין אההנונג וואס דו ווילסט. איך האב גארנישט געגליכן צו גארנישט. סידיראם האט אראפגעלייגט די אישו ווי איינס וועגן דועל לויעלטי און אויף דעים האב איך געענטפערט אז דעיס איז אן אלטע טענה וואס יודן פיינט פלעגן אלץ ניצן קעגן אונז, נישט נאר נאך די מדינה, און אז ער ניצט די טענה צו בארעכטיגן דאס בלאקירן איראקע און איראנע אפשטאמיגע פון אהערקומען זאל ער וויסן אז אנדערע קענען די זעלבע ארגומענט ניצן צו בלאקירן מדנ״י אפשטאמיגע (נעמליך, אלע יודן) אהערצוקומען.
אמביציע איז נישט די איינציגסטע רעפאבליקאנער וועם טראמפ האט פארליבעראלט...
סידיראם, קומסט אריין אייזן.
איך בין פארן אמת, אלץ געווען. איך בין קיינמאל קיין פארטיי מענטש נישט געווען און אפילו טעד קרוז האב איך פולע מאל אראפגעריסן דא. גראדע האלט איך אז די אבדזשעקטיווע אמת איז מער אויף רעכטס ווי אויף לינקס, אבער זינט טראמפ זענען די ליינס צווישן די צוויי זייטן געווארן בלורי און פארווישט. איך אלץ אן אומפארטייאישע מענטש בין געבליבן מיטן אמת אבער אן א פארטיי און דו אלץ פארטייאישע מענטש ביסט געבליבן מיט א פארטיי אבער אן דעם אמת.
און, סידיראם קומט נישט אריין אייזן. נאט עט אול. ער האט עפעס געוואלט ערקלערן, אבער עס איז פשוט שווער און טעות׳דיג ארויסגעקומען.
נאכאמאל, פאר די וואס ליינען שווער.
וואס דא איז געשעהן דעם שבת איז שרעקעדיג און אן אפשיי. שרעקעדיג, ווייל די פרעזידענט׳ס צוויי נאנסטע ראטגעבער און די צוויי וועלכע פירן יעצט די גאנצע קאבינעט האבן ארבעטנדיג כמעט גענצליך אויף די אייגענע האנט ארויסגעגעבן אן עקסעקיוטיוו ארדער וועלכע איז געווען און איז אנגעפילט מיט באליידיגונג׳דיגע טעותים און אומקלארקייטן. זיי האבן אליינס אווערדולד די וועטעראנען און דעם פרעזידענט׳ס אייגענע סעקרעטאר ביי האומלענד סעקיוריטי וואס האבן פראבירט אויסצוטייטשן זייער ארדער אויף א וועג עס זאל קענען נארמאל אויסגעפירט ווערן. דאס האט געברענגט לופטפעלד באאמטע נישט צו קענען ענטפערן פראגעס, ווארום די עיטש עס האט יעדעם געשיקט צו די ווייסע הויז.
די סיטואציע וואס די צוויי הויפט ראטגעבער׳ס אינקאמפעטענס האט צוגעברענגט צו איז די נענסטע וואס אמעריקע איז נאר געקומען צו טרויעריג בארימטע עפאכע ווען יאפאנעזישע-אמעריקאנע בירגער זענען אריינגעצווינגען אין קעמפס אוועק פון זייערע הייזער און פאמיליעס אין 1941. לעגאלע בירגער מיט פאמיליעס דא זענען פשוט און גראד אראפגעהאלטן געווארן און צוריקגעשיקט געווארן צו זייערע לענדער גראד נאכן אפשטייגן פון עראפלאן! דאס איז אמעריקע?! קען קומען א טוטערל רעדע שרייבער און מיט די דריי פון א פעדער אפרייסן איינעם פון זיין פאמילע אזוי שמי דריי?! דאס פנים פלאמט פאר בושה.
און עס ווערט נאך רויטער און הייסער ווען היימישע יודן טרויען זיך צו פרייען דערמיט. ווער ווי אונז וואלט עס געדארפט פארשטיין?! אונז זעמיר דא קוים אנגעקומען! א קארגע זיבעציג יאר! פולע פון אונזערע זיידעס/טאטעס האבן זיך נאך ביז לעצטנז געדרייט מיט גרין קארדס! שטעלט אייך פאר אייער זיידע/טאטע קומט איין טאג צוריק פון א ביזנעס טריפ, טראכט שוין פון די קינדערלעך אינדערהיים וועם ער האט נישט געזעהן דריי וואכן, האלט שוין פאר די אויגן די ווארימע שויער וואס ער וועט נעמען גראד נאכן אפגעבן די שיינע פרעזענט פאר די באבע/מאמע, אבער פלוצלונג! וואס, ווען, ווי, ״מיסטער יו גאטא קאם וויט אס! דע פרעזידענט סיינד ען ארדער טו סענד יו בעק טו דזשערמעני!״
דאס איז גענוי וואס פולע טאטעס און מאמעס האלטענדיג פיצלעך קינדער האבן היינט געהערט און מיטגעפילט אויף די אייגענע הויט. קענען יודן דאהי דעיס פארטיידיגן?! ווי איז שכל, ווי איז געפיל, ווי איז מענטשליכקייט?! איך בין ענק דן לכף זכות עטץ האט מסתם נישט גוט נאכגעקוקט די נייעס. ליבעראל, קאנסערוואטיוו, שמאנסערוואטיוו - ווער געט א פליפ פאר די אלע נארישע לעיבלס: שכל! אמת! יושר!
נישטא קיין נארמאלע, פראדוקטיווע וועג ווי צו באהאנדלען די אישו אז מעגליכע געפארפולע טעראריסטן פראבירן זיך אריינצוכאפן דא אין לאנד אז דעיס האט געדארפט זיין די אלטערנאטיוו? האט דער פרעזידענט זיך נישט געקענט אראפזעצן פארדעם מיט קאנגרעסיאנאלע פירער אדורכגיין א דעטאלירטע פלאן? האט ער נישט געקענט ווארטן ביז ער האט זיין הויפט לעגאלע אפיציר אין אפיס? האט ער נישט געקענט ווארטן ביז ער האט זיין אויסערן מיניסטאר אין אפיס? און פארוואס, למען השם, האט ער נישט געקענט אנפרעגן די אפיס אוו לעגאל קאונסיל?!
דאס איז שטוינענדע אינקאמפענטענס און איז אבדזשעקטיוו שרעקעדיג. אז דאס זענען פירער פון די לאנד שטייען מיר היבש שלעכט.
און אן אפשיי איז עס אויך טופאלד. איינס איז פשוט די קאנסעקוועצן וואס האבן נאכגעפאלגט די ארדער, און צוויי איז די פאקט אז אזאנס האט אפי׳ געקענט פאסירן אין די ראמען פון אן אמעריקאנע רעגירונג! איר כאפט פון וועם מען רעדט דא?! דאס איז אמעריקע, די וועלט׳ס גרעסטע עקאנאמיע און שטערקסטע נוקלעארע גרויסמאכט! אזוי פאצעריש צו זיין; עס פאסט ניטאמאל. און נאכדערצו קומענדיג פון מיסטער קאמפעטענט, מיסטער ארט-או-דע-דיעל; אן אנטוישונג, שרעקעדיג און אן אפשיי.
