איסר האטלקי האט געשריבן:אין פאקט איז דאס וואס האט פאסירט מיט די עסן אינדאסטרי אין ארץ ישראל, און עס שפילט זיך שוין אפ דא. אסאך גראסעריס הייבן זיך אן משוגע מאכן מיט סעילס, זיי מוזן צושטעלן ביליגע פראדוקטן ווייל בינגאו איז ביליג.
הנגיד רש"י רעכניץ דערציילט ביי זיינע דרשות וויאזוי ער האט אראפגעברענגט א געוויסע מארקעט - נאורסינג האום סופלייז אין קאלאפארניע אין זיינע ערשטע שריט אין ביזנעס דורך אראפשיסן פרייזן און כאפן די גאנצע מארקעט, צום סוף? די גאנצע מארקעט איז גארנישט ווערד געווען און קיינער האט נישט געקענט ארויפגיין נאכדעם - אריינגערעכנט ער זעלבסט.
און ממ"נ, אויב גייט בינגאו ארויפגיין גיין די געשפעטן זיך צוריק עפענען, זיי זענען דא פאר ביזנעס און אויב וועט זיין פאר וועמען גיין צוריקקומען די אלטע אדער אנקומען פרישע, און ער וועט זיך ווייטער מוזן שפילן ארויף און אראפ.
איסר'ל האט א פוינט! צו דאס איז טאקע די סיבה פ"וו אין א"י איז נישטא קיין נארמאלע עסן, ווייסעך נישט. אבער ס'איז קלאר אז צו קענען צושטעלן 'קוואליטי עסן' "קאסט" מער פאר'ן דיסטריביוטער אין געלט און אין יגיעה, און אויב גייט עס ווייטון זיין טאש, גייט דער קאנסומער עס שפורן אויף איין וועג אדער א צווייטע.
די ריזיגע אלגעמיינע טשעינ'ס האבן א משונה'דיגע בייאינג פאוער + אייגענארטיגע מהלכים וויאזוי צו שפארן געלט + א ריזיגע קלייענטעל, און דערפאר קענען זיי געבן/באקומען ביליגע פרייזן, אן דארפן סעקריפייזן אויף קוואליטי, די היימישע כשר'ע מארקעט איז נישט ביכולת דאס צו באווייזן אליינס, ואכמ"ל.
און דאס איז אויך א היבשע אפווענד אויף די גאנצע עדיטוד אין דעם אשכול, אז די היימישע דיסטריביוטער'ס זענען 'משתלטים על הציבור' מיט כח, און ווערן רייך אויף אונזער בלוט. נישט אז ס'איז נישטא אינגאנצן, אבער בכלל נישט אויף דעם פארנעם אז מ'זאל עס דארפן אונטערברענגן, ווער ס'קען אביסל טיפער די מארקעט, ווייסט אז ס'איז נישט ווי אמאל ווען מ'האט אנגעכאפט איינעם ביים קארג ווייל ער דארף אנקומען צו יענעם פאר איין פראדוקט, און דאדורך אים געצווינגען צו קויפן אנדערע נישט אזעלכע גוטע פראדוקטן וכדו'. די מארקעט איז פיין קאמפעטיטיוו, און ס'דא היי און לאו קוואליטי פין אלעם, און די קאנסומער איז מחליט וואס איז גוט.
בכלל, דעס מין הנאה וואס געוויסע מענטשן האבן, אז "דער און דער גרויסע קאמפאני האט געכאפט א פליק", איז מיר עפעס בכלל נישט באקוועם, דו ווייסט וויפיל בלוט און שווייס יענער האט אריינגעלייגט ביז ער האט געמאכט געלט? דו ווייסט בכלל ווי גרויס זיין באנק אקאונט איז? און אז יא? אויב שטעלט ער צו עפעס פאר זיין געלט, וואס פארגינסטו אים נישט? ער נעמט דיך עפעס צו? אויב דו מיינסט אז דער ענטפער איז, יא! והראי' ס'איז טייער! האו עבאוט, ס'איז דא א שטארקע שאנס אז דו ווייסט נישט וואס ס'קאסט צו דעליווערן היי קוואליטי כשר'ע פראדוקטן? (וע"ע 'פרייזן פין מצות און תשמישי קדושה' אשכולות,) און כ'האף אז דו מיינסט נישט צו זאגן אז יענע מעג נאר ארויסנעמען פין זיין גאנצע יגיעה פשוט'ע וועידזשעס, ער מעג מאכן שיין געלט אויך, ריכטיג?
עניוועי, מ'קען אין דעם אריינקריכן טיפער און אויפווייזן און קלאר מאכן, נאר כ'אניש קיין געדולד און צייט, אפשר העט א צווייטער דאס טון. וואס כ'האב יא געשריבן, איז אויך נאר ווייל 'איסר' האט דאס אנגערירט. מיי געס איז, אז ס'וועט זיך לכאו' קלארער ארויסשיילן 'עז טיים גאוז ביי'.
אדערווייל, האטס מיר א גוטע נאכט.
ווארט א מינוט, לאמיך נאכקוקן...
