אידישע וועלט פארומס

געקומען די שוידערליכע בשורה אז מרת שעהר ע"ה איז ל"ע אוועק פון די וועלט די נאכט,
זי איז געווען אשת ר' עזריאל שעהר פון לאנאדן,
שנשמע ונתבשר בשורות טובות.

וואס ?
שוידערלעך!
איז דאס ר' עזריאל שעהר פון די סאטמערע ראשי קהלה דארט ?

יא ל"ע קיינעם קיין צרות געוואונטשען,

בד"ה
הרה"ח יעקב צבי שאהנפעלד ע"ה מחשובי חסידי סאטמאר, ומגבאי חק"ס,
ת.נ.צ.ב.ה.

ברוך דיין האמת, כ'האב נישט געוויסט אז ער איז קראנק געווען,
יהא זכרו ברוך.

(אבי, די ארבייטסט אין חברה קדישא אפיס ?)

איך פרעג אנדערש:
דו הייסט אבי מ'לעבט אדער אבי מ'שטארבט?

צייטליך מאשקע, ניין איך שנאפ נייעס פון דא און דארט,

וסוד ה' ליראיו.

ברוך דיין האמת.

יעצט קומט די ביטערע בשורה איבער די פטירה פון הרה"ג ר' עמרם טויב זצ"ל אב"ד באלטימאר, וועלכער האט היינט אויסגעהויכט די נשמה נאכן זיין פארמישט אין א שווערע עקסידענט מיט א וואך-צוויי צוריק.

שנשמע ונתבשר בשו"ט ישועות ונחמות.

ברוך דיין האמת.

ברוך דיין האמת. ה' ירחם.

ברוך דיין האמת, תהא נשמתו צרורה בצרור החיים.

אוי ברוך דיין האמת,
ויהי רצון שלא ישמע עוד שוד ושבר בגבלינו,
ונשמע ונתבשר בשורות טובות. אמן.

הגה"צ ר' עמרם ז"ל איז געווען א בא"ב פונעם הייליגען רבי'ן הרה"צ ר' אהרן צבי טויב ז"ל מבריד וועלכער ליגט דאכצוך אין מונקאטש. ער איז געווען א מוסטער פון אן אמאליגען רב און ער האט איבערגעלאזט א זעלטן שיינער שטוב מיט יראים ושלמים.
לויט ווי איך ווייס האט ער מיט אפאר יאר צוריק מכתיר געווען זיין זוהן הגה"צ חו"פ מוהר"ר ר' שמואל דוד שליט"א באדמורו"ת בריד, וואס זייענדיג א זעלטענער דחיל חטאין און ירא שמים איז ער אוודאי ראוי לאותו איצטלא, נא זאל דער אייבירשטער אוודאי מנחם זיין די חשוב'ע משפחה בתוך שאר אבלי ציון וירושלים יעצט בימי בין המצרים ווען כלל ישראל איז מתאבל על חורבן בית מקדשינו בביאת גו"צ במהרה דידן אמן.

א טרער לכבודו, וויל איך דא אריינלייגן, ס'וויינט זיך פון זיך אליינס, זיך דערמאנענדיג פון דעם צדיק, זיין חן'ליכע שמועסן פון דער אלטער היים, זיין באנעמונג צו יעדן איד וואס איז געקומען נאנט צו זיינע ד' אמות, זיין אמן, זיין קדוש קדוש קדוש יעדן טאג, מלא אהבה וגעגועים צום טאטען אין הימל, אוי שקולה מיתת צדיקים כשריפת בית אלקינו.

מיטגעמאכט א שווער לעבן, פארלוירן דאס ווייב און קינדער, 6 קינדערלעך, און די תלמידים זיינע, געווען א דיין אינדערהיים, זיך נישט געלאזט צוברעכן, זיך נישט געלאזט פאלן, נאר ווייטער אנגעהויבן דאס לעבן, מיט א תפלה צום באשעפער, און מלא תקווה אז ס'וועט ווייטער פון היינט און אלעמאל פארן גוט.

נו, מ'הייבט אן איינצופלאנצן א נייעם דור על אדמת די טריפה'נע אמעריקא, האט מען פארלוירן דאס ווייב נאכן האבן א שטוב מיט ניין קינדער!! ווער וואלט זיך אין אזא מאמענט געקענט זיך אפשטעלן און שרייבן אויף א פאפיר, וויאזוי ער האט געטון. מ'האט יעצט געטראפן/מפרסם געווען א בריוועלע וואס ער האט געשריבן אין יענע טעג: איך האב פארלוירן אינדערהיים אלעס, און יעצט דאס ווייב פארלוירן, די יתומים זיצן אינדערהיים, פרנסה איז אויך יעצט אפגעשטארבן - שרייבט ער ווייטער דארט, ווען אויפן זייגער צייכענט ער צו אינמיטן די אשמורת הבוקר שעה'ן - אבער מיינט איר איך וועל אינטערברעכן און אויפגעבן? ניין!

און פינעף אזייגער דעם נעקסטן טאג איז ער געזיצן און געלערנט, געדאווענט און געשמועסט צו מענטשן מיט אזא שמייכל און פארגעניגן.

און אזא איד, מיט אזויפיל אמונה מיט אזויפיל בטחון, האבן מיר אונז פארלוירן. איך וויין אין די טרערן רינען מיר, אוי אבידה שאין לה תמורה.

אומגלויבליך!

מיט אזא עקשנות דקדושה איז שוין פארשטענדליך די הצלחה אויפצושטעלן אזא לעכטיגע דור פון בנים ובני בנים יראים ושלמים. זכותו יגן עליהם ועל זרעם.

ומחה ה' דמעה.
שכוח יגר פאר די ווארימע דברי הספד. זאלן מיר שוין נישט הערן פון קיין צרות.

מי שאמר לעולמו די, יאמר לצרותינו די....

א שוידער נעמט אלעמען ארום, לייענענדיג די שרעקליכע נייעס איבער פיר אומגעקומענע בחורים אין נגב אין ארץ ישראל.

ומחה ה' דמעה מעל כל פנים.
http://bh.hevre.co.il/forum/topic.asp?topic_id=2257739

יעצט קומט די ביטערע בשורה איבערן פטירה פון הרה"ח הנגיד ותיק ועושה חסד מו"ה אביגדור יאקאבאוויטש ע"ה.

ברוך דיין האמת.

מאמע'לע. אומגלויבליך!

ברוך דיין האמת.

לויה יעצט אין ווילי דערנאך אין מאנראו, יהא זכרו ברוך

וואס 'יעצט' אין ווילי?

איך בין געגאנגען נאך אכטע זייגער, איז שוין נישט געווען קיין זכר פון קיין לוי'.

היינט האב איך שוין באזוכט דעם פרישן קבר.

השם ירחם.