באסעס וועלן אי"ה ארויספארן פון בתי מדרשינו אין בארא פארק, וויליאמסבורג, קרית יואל, מאנסי, און פון די קעטסקילס, דארנעשטאג נאכט פ' ראה אויפן וועג צו קריתינו הק', צו די גרויסארטיגע שבת יארצייט, און צוריק מוצש"ק נאכ'ן שולחן הטהור.
פאר רעזערוואציעס רופט ידידנו ר' מרדכי מאיר לאנדאוי 718-782-3138
-
וויכטיגע מעלדונג פונעם וועד האש"ל
די אלע וועלעכע ווילן רעזערווירן אש"ל בבניני הישיבה, אדער ווער עס זיכט צו דינגען א דירה, אויף שב"ק פרשת ראה, ז"ך אב - שבת הילולא קדישא, זאלן זיך מעלדן ביטע ווי פריער.514-582-6380
כאפענדיג א שפאציר אין קרית טאהש זעהט זיך שוין אהן די העפטיגע הכנות צום גרויסארטיגען יארצייט.
ביים ציון הק' איז געווארן אויפגעשטעלט א רחבות'דיגע טענט, מען האט פריש אויסגעפלאסטערט די וועגן ארויף צום ציון. אזוי אויך האט מען אויפגעשטעלט א ספעציעלע טענט פאר די ליכט.
פון אלע זייטן זעהט מען ווי די עסקנים ארבעטן צו פארענדיגן די לעצטיגע דעטאלן, ווי אויפשטעלן טענט'ס פאר צדקה גייער'ס, סינקס זיך צו וואשן די הענט, א.א.וו. נעבן ביהמ"ד אברכים זעהט מען אנגעהויפענט אייזענעס פון פארענטשעס, גרייט צו ווערן אויפגעשטעלט אינעם היכל וואו רבינו שליט"א וועט פירן טיש במשך דעם שבת הילולא. די היכל ביהמ"ד זעלבסט וועט שוין מארגן נאכמיטאג זיין פארמאכט, כדי מען זאל קענען אנגרייטן פאר די טיש פרייטאג צו נאכט'ס.
פארנט פון בנין הישיבה איז אויפגעפיילט פיל מיט אייזענע באריגעיטס, וואס מיט דעם וועט מען אויסשטעלן א פארקינג לאט.
אויף די גאנצע וועג ארויף צום ציון הק' איז אויסגעלייגט פראדזשעקטער לייטס צו באלייכטן.
אין קאך פון ישיבה איז גאר העפטיג. משפחת קרויס שטייען אין שפיץ פון די אינגעלייט, וואס העלפן ארויס אין קאך צו צוגרייטן עסן פאר די הונדערטער אנ"ש וועלעכע וועלן וויילן דעם שבת הילולא בצל הקודש.
די שטעטל הייבט שוין אהן ווערן אהנגעפילט מיט אידן פון אלע שיכטן און קרייזן, וועלעכע קומען פוקד זיין ביים ציון הק'. סיי מענטשן וועלעכע וועלן שוין בלייבן צום געהויבענעם שבת הילולא, אויך איז דא אזעלעכע וואס קענען נישט קומען אויף שבת, כאפן זיי זיך יעצט אריבער קיין טאהש, צו קענען זיין צוריק אויף שבת אינדערהיים
די הויפט טעמע ביי אנ"ש איז יעצט וועגן די ביהמ"ד הגדול, צו די שטאט וועט געבן ערלויבעניש אריין צו גיין לכבוד די יארצייט.
היינט נאכמיטאג האט מען געזעהן די ראשי קהילה הרה"ח ר' אהרן קרויס הי"ו ראה"ק, און הרה"ח ר' יצחק ידוא לייבוש ממש"ט הי"ו - וועלעכע לייגן אריין פיל ארבייט אינעם ביהמ"ד הגדול - שטיין פארנט פון ביהמ"ד אינאיינעם מיט די שטאטישע באאמטע, און די פייער טשיף. ביי מנחה מעריב איז געווען גאר העפטיגע שמועסן, ווען עס איז אריין געקומען פארשידענע שמועות אז עס איז נאך דא א מעגליכקייט צו באקומען ערלויבעניש. שפאצירענדיג איצטערט נעבן ביהמ"ד, קען מען זעהן דורך די פענסטער ווי פילע ארבעטער, ארבעטן צו רייניגן דעם ביהמ"ד.
תאו והתקנשו בהילולא דרבי, מען זאל האבן געפוילט אלעס גוט'ס