שמות שערורי' - ווער און וואו לייגט מען די אלע שמות?

באריכטן און אנאליזן

די אחראים: אחראי, געלעגער

Gevald Geshrigen
שר שלשת אלפים
תגובות: 3185
זיך איינגעשריבען אום: דאנארשטאג דעצמבער 29, 2011 10:41 pm

תגובהדורך Gevald Geshrigen » מיטוואך אפריל 01, 2015 4:02 pm

עס איז דא איין זאך וואס דארף א קלארער בירור און גראדע א זאך וואס דוב הייקינד איז ״מחולק״ מיט די רבנים אויב מען מעג עס לייגן אין א לענדפיל. עס איז לכאורה קלאר אז די וואס האבן א קאמפעטענטער הכשר זענען דאס מתיר און זיי ווייסן פונעם מציאות אויך. יעצט הייקינד פארפירט אז מען לייגט עס אין ״גארביזש״ וואס איז צו אלע צרות נאך אמת אויך.
יעצט איז אזוי. אויב די דיינים לדוגמא פון צעהלימע קהילה (דוקא א קהילה וואס געט נישט קיין השגחה אויף שמות) האלט אז מען טאר נישט לייגן אין א לענדפיל און סקווער האט נישט קייןן פלאץ אין קעמפּ ווערט א שטיקל פראבלעם און זייערע מעמבערס האבן אן אישו.

מטעמים
שר שבעת אלפים
תגובות: 7504
זיך איינגעשריבען אום: זונטאג מאי 04, 2014 10:06 pm

תגובהדורך מטעמים » מיטוואך אפריל 01, 2015 5:51 pm

איך וואלט ווען געקענט זעהן מחותן שרייבען דאס זעלבע ווי פרוזדור.

מחותן, דאנט טעיק איט פערסענעל.
די עיקר פראבלעם פון א ביידען געוואונס ליגט אין די נאכפאלגענדע עקסייטמענט און מאכט פארשפרייטונג פון די פעיק ניוז מעינסטריעם מידיע.

אוועטאר
מחותן
שר תשעת אלפים
תגובות: 9999
זיך איינגעשריבען אום: דינסטאג נובעמבער 09, 2010 11:39 am

תגובהדורך מחותן » דינסטאג אפריל 07, 2015 3:14 pm

לאמיר זיך מסביר זיין על מה יצא הקצף..

נאכען ליינען @פרוזדור ארטיקעל מוז מען בהחלט צוקימען צו איינע פון פאלגענדע מסקנות:

1) וועד הכשרות פון סאטמער/פינטער/רב טאפלין/ לעווינגער/סקווירע קהלה זענענן אלע קארעפטירט און זיי שרייבען ליגענט, אדער זענען זיי אומקאמפעטענטע שלימזל וואס ווייסען נישט וואס עס טוט זיך.

2) דער ניק איז מעגליך קארעפטירט און ער שרייבעט ליגענט, אדער א אומקאמפעטענטע שלימזל.

עס איז נישט דא קיין דריטע אפציע וואס אויסציוועלן, איך בין ענדערש געגאנגענן מיט די צווייטע אפציע ווי איידער מיט די ערשטע.

בכלל זעע איך נישט קיין חילוק פון א פאשקאוויל - אן א נאמען - וואס מען ווארפט אויף די גאסן, ווי א פאשקאוויל געשריבען אינטער א ניק נעים געשריבען אויף אייוועלט.

אוועטאר
פרוזדור
שר מאה
תגובות: 216
זיך איינגעשריבען אום: מוצ"ש דעצמבער 06, 2014 9:25 pm

תגובהדורך פרוזדור » דינסטאג אפריל 07, 2015 4:19 pm

מחותן האט געשריבן:לאמיר זיך מסביר זיין על מה יצא הקצף..

נאכען ליינען @פרוזדור ארטיקעל מוז מען בהחלט צוקימען צו איינע פון פאלגענדע מסקנות:

1) וועד הכשרות פון סאטמער/פינטער/רב טאפלין/ לעווינגער/סקווירע קהלה זענענן אלע קארעפטירט און זיי שרייבען ליגענט, אדער זענען זיי אומקאמפעטענטע שלימזל וואס ווייסען נישט וואס עס טוט זיך.

2) דער ניק איז מעגליך קארעפטירט און ער שרייבעט ליגענט, אדער א אומקאמפעטענטע שלימזל.

עס איז נישט דא קיין דריטע אפציע וואס אויסציוועלן, איך בין ענדערש געגאנגענן מיט די צווייטע אפציע ווי איידער מיט די ערשטע.

בכלל זעע איך נישט קיין חילוק פון א פאשקאוויל - אן א נאמען - וואס מען ווארפט אויף די גאסן, ווי א פאשקאוויל געשריבען אינטער א ניק נעים געשריבען אויף אייוועלט.



איינער האט א באגריף וואס מחותן וויל פון מיין לעבן האבן. דער האט זיך אויף מיר ארויפגעזעצט און יעדעס מאל וואס איך שרייב עפעס נישט קיין חילוק וואס. צו דא מיט שמות צו ביי די בלומינגבערג אשכול טוט ער מיך אנשייגעצן על לא דבר. איך האב דען געזאגט אז סאטמאר. פינטער. לעווינגער. טאפלין ועוד זענען קוראפטירט איך האב בלויז געשריבן אסאך אינפארמאציע ובכללם א שטוינענדע פאקט אז רוב שמות ווערן ליידער געפירט קיין פענסילוועניע צום לענדפיל. און נאך אינפארמאציע וואס איך האב צוזאמגעקליבן מיט יגיעה רבה און מיט מראה מקומות און רעפרענסעס און דער עולם האט זיך ב"ה פיין באדאנקט. איינער האט זיך געדינגן איינער האט געשטוינט עטליכע ווילן וואוסן מער אינפארמאציע וכו וכו. אבער מחותן איז נאר ביזי מיט מיר. טו מיר א טובה קריך פון מיר אראפ הלוואי זאל מיר איינער זאגן ווי מען קען דאס ריפארטן. א מין פגע רע. וואס וויל ער פון מיין לעבן האבן שאקל אפ פון מיר האסט פארשטאנען
לעצט פאראכטן דורך פרוזדור אום דינסטאג אפריל 07, 2015 5:00 pm, מאל פאראכטן געווארן 1 סך הכל.

אוועטאר
מיללער
שר עשרים אלפים
תגובות: 25863
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג אפריל 07, 2015 4:28 pm

וואף, וואו איז דער קינדערגארטן רבי?

אוועטאר
מחותן
שר תשעת אלפים
תגובות: 9999
זיך איינגעשריבען אום: דינסטאג נובעמבער 09, 2010 11:39 am

תגובהדורך מחותן » מיטוואך אפריל 08, 2015 12:53 pm

איך וועל זיך נישט אריינציען אין קיין לאנגע דיסקאשענס, איך וועל איבער חזר׳ן מיין מיינוג אז דיין תגובה האט אלע דינים פון א פאשקעוויל,

די ביסט ניק אן א נאמען, און די באשולדיגסט רבנים וואס קימען ארויס מיט זייער נאמען אלץ הכשר.

איך זע דיין רעכט צו שרייבען דיין מיינוג אויף דיין רבנים, און ביטע זע איין מיין רעכט צו שרייבען מיין מיינוג אויף דיין תגובה, ובזה סיימתי.

פרוזדור האט געשריבן:**שמות לגניזה תשע"ה. אינוועסטיגעיטיוו רעפארט ספעציעל פאר אייוועלט**

די לעצטע פאר טעג האב איך מיך שטארק אריינגעלייגט אין די גאנצע שמות אינדוסטרי. געוואר צו ווערן וואס גייט דארט פאר. ווער מאכט געלט. ווער טוט וואס. ווער זענען די בעלי בתים. ווער געט די השגחות. וואס איז מיט פערמיטס. פארוואס ווערט עס נישט מער מסודר וכדו. כהאב גערעדט מיט צענדליגער מענטשן, געקאלט און געליינט און איך גיי אלעס דא מיטיילן מיטן חשובן צבור. סאיז דא עטליכע חלקים צו באשרייבן קודם די חלק הלכה וואס איז יא שמות און וואס נישט און וויאזוי און ווי מען דארף גונז זיין. חלק ב' איז די חלק פון דינא דמלכותא ווי שטרענג זיי זענען אין די ענינים בעיקר וועגן די טינט וואס זיי באטראכטן אלץ טאקסיק. און די שווערע שטראפן וואס זיי האבן שוין בעבר ארויפגעלייגט אויף אומלעגאלע שמות דאמפערס. אויך איז דא די חלק היסטאריע וויאזוי מען פלעגט עס צו טאן ביז היינט ומה נשתנה די לעצטע פאר יאר. דערנאך איז דא דער חלק המסחר ווער זענען די שפילער. און מיט די לעצטע חלק וויל איך טאקע אנהייבן. ועוד חזון למועד צו די אנדערע ענינים.


סדא היינט 5 שמות קאמפעניס וואס טוען שמות לגניזה און זיי האבן די היימישע יודישע מארקעט.
1. לעיקוואד שמות לגניזה הרב אהרן טאפלין
2. בית גניזה. הרב יוסף שווארטץ
3. סקווירא שמות. הרב זאבי לונגער
קרית יואל שמות. הרב שלום יוסף לעווינגער
4. פינטער ספרים סטאר. הרב יענקל פינטער.
שלום שמות. אין ב"פ
5. פליי-ביי שמות טרעקעלעך.



**** לעיקוואד שמות הרב אהרן טאפלין.
אין לעיקוואד איז דא מערערע שמות קאלעקטארס אבער איינע פון די גרעסטע איז רבי אהרן. די אנדערע ווי הרב טרעסס און הרב וואקסמאן און נאך צענדליגע זענען שוין מער ווייניגער זיינע תלמידים. דער יוד פארמאגט א ריזיגע געניצטע-ספרים ביזנעס. ספרים וואס ער נעמט פון די שמות און פארקויפט עס ווייטער. ער אטעמט שמות שוין צענדליגע יארן ער האט א באנדע חברה אונטער זיך ער לויפט ארום איבעראל קאלעקטן. רובא דרובא שמות פון אלע היימישע געגענטער אינקלאדעד ביידע סאטמערס קומען אן צו אים. זיין הויפט פארבריק איז אין לעיקוואד ווי ער פארקויפט די גענוצטע ספרים וואס ער קאלעקט פון די שמות. ער פארט אבער אויך ארום פארקויפן זיינע סחורה אין אנדערע יודישע געגענטער. איר קענט גוגלען א באשרייבונג איבער אים אין די ניו יארק טיימס און נאך עפעס א נישט יודישע צייטונג. ער האט שוין לאנג א הכשר פון הרב פר"מ מסאנטוב שליט"א. און לעצטענס אויך פון וועד הכשרות פון וומ"ס סאטמארע ביד"צ. ווען מרופט דעם סאנטובער רב איבער שמות שיקט ער דיך צו א האט ליין. אויפן האט-ליין טוט עמעצער אדרעסן די לעצטיגע שמות סקאנדאלן וואס עמי מעגעזין מיט דוב הייקינד האבן אנדעקט און פאר מער אינפארמאציע זאגט ער גיי קוק אין המודיע ערגעץ אלול תשע"ד דארטן שטייט אז אלע רבנים זענען געקומען צו די החלטה אז דאס טראגן שמות צום לענדפיל איז זייער אויסגעהאלטן. און אויך די בי"ד פון סאטמאר און די בי"ד פון קרוין הייטס שטימט צו דערצו. און אלעס איז כשר וישר הונדערט פראצענט. ע"כ.

האב איך פארשאפט סיי דעם סקאנדאלישן עמי באשרייבונג און סיי די המודיע שטיקל. אין המודיע שטייט בקיצור אז היות סאיז נישטא קיין ברירה ווייל מטאר ע"פ חוקי המדינה נישט באגראבן קיין שמות דעריבער איז ערלויבט צו טראגן די שמות צו א לענדפיל קיין בעטלעהעם פענסילוועניע און אזוי טוט מען שוין צענדליגע יארן און אלעס איז העכסט מסודר און ער פליקט אריין פאר עמי און פאר הייקינד וואס האבן אנדעקט דעם סוד פון לענדפיל אז זיי האקן בלויז אין קאפ.

ווען די פרובירסט צו באקומען אביסל מער אינפארמעישאן פון סאנטובער רב איבער זיין הכשר קענט איר קלאפן א וואנט. אני הקטן און אויך אנדערע האבן גערופן צענדליגער מאל ואין קול ואין עונה אלעס שיקט צוריק צום דערמאנטן המודיע האט ליין. אויב זענט איר מצליח צו רעדן מיט אים ביטע פרעגט אים וואס ער זאגט צום סקאנדאל און אויף וואס ער בויט זיין היתר צו נעמן שמות לכתחילה צום לענדפיל.

דערציילט א יוד אז ער האט געוואלט פרעגן פרטים טיבער שמות ביים ראב"ד שליט"א פון סאטמאר האט מען אים געשיקט צו הרה"ג זלמן לייב פילעפ שליט"א פרעגט ער אים צו זיין בי"ד ערלויבט דאס שיקן שמות צו א לענדפיל און וואס טוט זיך מיט תשמישי קדושה און לויט די אויפדעקונג פון עדים מיט בילדער און ווידיאו טוט מען די שמות צוטרעטן בבזיון נורא האט דער דיין אויפגעשפרינגן און געזאגט דאס איז דאך הארבע איסורים דאורייתא און אז סאטמאר בי"ד גיבט נישט קיין שום השגחה אויף קיין שום שמות טראק. איי סאיז מפורסם. ער ווייסט נישט. טרעפט ער הרה"ג רבי שלמה לייב וויינבערגער שליט"א האט ער אויך גארנישט געוויסט פון קיין שמות צוזאגן, נאר האט אים געשיקט צו הרה"ג רבי ישי ליבערמאן שליט"א אויך א דיין אין זייער ביד"צ. רבי ישי שליט"א האט אים געזאגט יא די שמות ווערט געפירט צום לענדפיל שוין צענדליגער יארן און סאיז פיין אויסגעארבעט להלכה ווייל היות דער סדר דארט אין לענדפיל איז אז זיי גיסן ארויף עטליכע אינטשעס זאמד יעדע נאכט ממילא איז די גארבעדש וואס מען גיסט דעם נעקסטן טאג ארויף אויף די שמות שוין באטראכט ווי אן עקסטערע שטיק סאיז נישט מצרף. און לגבי תפלין און מזוזות דארף מען טאקע שרייבן אויפן באקס אז מען זאל וויסן זיך צו באגיין מער בכבוד. און לגבי אויספאפן מענטשן וואס חלומען נישט אז זייערע שמות קומט אן אין גארבעדש זאגט ער אז סאיז נישט דא וואס חושש צו זיין. איי וואס איז א נפקא מיני פון פלאצירן שמות אין מיין אייגענער גארבעדש ביזן טראגן צום טראק. דאס זאלט איר פרעגט אייער דיין.




*** בית גניזה. הרב יוסף שווארטץ
רבי יוסף. אדער יאסי שווארטץ. אדער דער פראגער ראש ישיבה שליט"א. האט זיך איין צופרי מיט עטליכע יאר צוריק אויפגעוועקט מיט א חלום אז ער גייט מאכן ארדענונג מיט די שמות. ער מיט עטליכע פון זיינע תלמידים גייען מייסד זיין א בית גניזה כמו די קיירא גניזה. בויען מערות. באגראבן. אוועקלייגן אד"ג. א פלאץ ווי שמות קאלעקטארס און קהילות זאלן קענען אוועקלייגן זייערע שמות. מען גייט קויפן א גרויסן שטח ערגעצוואו. שאפן פערמיטס. שאפן השגחות. בקיצור סגייט ווערן ארדענונג. וכך הוה ער האט זיך אריינגעווארפן אין די עבודה אבער ער האט גאר שנעל איינגעזעהן אז ער ווייסט נישט בחייכון וביומיכון ואס טוט זיך אין די ביזנעס און אז סגייט נישט אזוי גרינג ווי געפלאנט. די בילדער פון אויבן ווי ער באגראבט שמות איז ממש פון לעצטענס, סאיז אים בכלל נישט געווען קיין גרינגע רייזע.

גלייך אנפאנג אנפאנג איז כמעט יעדער מיטגעשטאנען מיט אים. ער האט אפגעקויפט א שטח אין ליבערטי און אומגלויבלעך באקריגן זיין ערשטע פערמיט צו באגראבן עטליכע קאנטעינערס מיט שמות. ער האט געשאפן גוטע השגחות די התאחדות מיט די או יו. זיך איינגעקויפט טרעילארס. אבער תיכף דערנאך האט ער געהאט אפאר געזונטע דורכפעלער. היות ער איז געגאנגן אפען מיט זיין פלאן האבן די שכנים אין ליבערטי אנגעהויבן צו קעמפן און די טאון האט אים דינייד א פערמיט צו באגראבן עכ"ז וואס ער האט באקומען ערלויבעניש פון די סטעיט. האט ער אנגעהויבן צו וואנדערן מיט עטליכע קאנטעינארס מיט שמות. שפעטער האט ער אפגעקויפט זיין פראפערטי אין קייעמישא לעיק בלויז צו האלטן די טרעילארס ביזן באגראבן און וויבאלד סאיז דאך אין צענטער פון מאנטיסעלאו פלעגען מענטשן קומען באזוכען און געהאט טענות פארוואס ער באגראבט נישט די שמות. סהאט נישט גוט געשמעקט. די יודישע שכנים האט עס אויך נישט געשמעקט אז ער גייט דא מאכן א שמות פעקטארי. אזוי האט ער זיך ארומגעפלאגט.

ווען מען רופט התאחדות אדער ביי די או יו זענען זיי זייער פראוד פון רבי יוסף'ס שטארקייט בשעת יעדער האט געשריגן אז סוועט קיינמאל נישט פאסירן און ער האט גענוג וואס שטייען אים אין וועג האט ער אבער נישט אויפגעגעבן זיין חלום. ער קויפט שטחים ער שאפט פערמיטס. אויף זייער וועב זייטעל זעהט מען פונקטלעך וואס זיי טוען באגלייט מיט בילדער. זייער בעל מכשיר הרה"ג רבי הלל וויינבערגער שליט"א און הרה"ג ראביי יורעוועל שליטא זאגן אז זיי קומען כסדר באזוכען דעם פלאץ. זייער עיקר אויפגאבע איז צו האלטן אן אויג אויף די טרעילארס ביז סווערט באגראבן. אויך האט ער זיך פארשאפט א גאר שטארקע סימפאטיקער מר. דוב הייקינד וואס שטייט אים צוהילף ובפרט מיט פערמיט ענינים. מיט א יאר צוריק האט ער געקויפט א שטח געאייגענט פאר שמות אן קיין שום פראבלעמען. היינט פארמאגט ער אלע נויטיגע פערמיטס. און די יאר טאקע באגראבט ער שוין אין גרויסן. למעשה קוקט אויס ווי ער האט עס אדורכגעבראכן. אויף די פראגע ווער סגיט אים אלץ שמות זאגט מיר דער ארבייטער. דער ראש ישיבה דערציילט נישט די פרטים סאיז העכסט קאנפידענשאל איר קענט רופן אייער קהילה אויסצוגעפינען.



*** סקווירא קעמפ הרב זאבי לונגער
סקווירא איז נאך כמעט די איינציגסטע קהילה וואס טוט באגראבן זייערע שמות ביי זיך אין קעמפ אזוי ווי אלע גרעסערע קהילות פלעגן טאן ביז 20 יאר צוריק. א שטיק צייט נאך פסח טוט מען ביי איינע פון זייערע קעמפס אויפגראבן און מען באגראבט די שמות. היות זיי האבן א ריזיגע שטח זענען זיי נישט מקפיד אז זיי וועלן נאך דארפן דאס פלאץ. און לגבי א פערמיט פון די שטאט זענען זיי נישט חושש ער זאגט אז ספעלט נישט אויס וועגן סטאטוסקווא ווילאנג סגייט גייט עס. די גאנצע ארבעט ווערט געפירט דורך רבי זאב וואס איז ערלויבט צו פארדינען א פראפיט. די וועג וויאזוי זיי נעמן צוזאם איז אביסל אינטערסאנט ער דינגט אזעלעכע גארבעדש קאנטעינארס און ער לייגט אריין ריזיגע בעגס דערנאך פארמאכט מען עס און אזוי ווערט עס גאנצערהייט באגראבן. די סקווירא שמות טרעפט מען אין סקווירא שטעטעל און אויך אין אנדערע פלעצער ווי ב"פ און מאנרא ווי טראקס זאגן אז זיי פארמאגן די סקווירא הכשר.

זיי האבן א הכשר פון זייער בי"ד ובראשם הרה"ג רבי אהרן גאלדמינצער שליט"א. ווען מען פרעגט אים דעריבער זאגט ער אונזער בי"ד גיט דעם הכשר אויסדריקלעך נאר אויף שמות פון סקווירא שטעטעל און אלעס ווערט געטאן כדת וכדין עצהיו"ט. אבער מיר נעמן נישט קיין שום אחריות פאר אנדערע פלעצער. און ער איז מסביר אז סאיז פשוט נישט מעגליך צו האלטן חשבון אויף יעדען טרעקעל וואס ווען וואו ער טוט.

קרית יואל.
די לעצטע פאר יאר ווערן אלע שמות פון די קרית יואלע קהילות אויך נטמן אין סקווירא קעפמ. די קרית יואל פראדשעקט ווערט אנגעפירט דורך העסקן החשוב הרב שלום יוסף לעווינגער. דער אייגענטימער פון די קאנטעינער קאמפעני וועמען סקווירא האט אויפגענומען צו טראגן זייערע שמות. אנשי קרית יואל טראסטן אים ער איז א נארמאלער מענטש און באליבט ביי יעדען.

אין זיינע עדס שטייט נישט וועמענס השגחה ער פארמאגט. אויף די שאלה צום סקווירא דיין שליט"א צו ער גיט אויף דעם זיין הכשר זאגט ער אויסדריקלעך ניין. נו ווער יא ער ווייסט נישט. ווען מען פרעגט ביי די אפיס פון די קהילות זאגן זיי אז ער פארמאגט זיך זיין אייגענעם הכשר. ווען מען פרעגט אן ארבייטער ביי די טראק זאגט ער אז סשטייט בהשגחת וועד הכשרות פון קרית יואל. ווען מפרעגט הרה"ג רבי ברוך טייטעלבוים שליט"א יושב ראש וועד הכשרות זאגט ער אז זיי געבן נישט קיין שום הכשר אויף קיין שום שמות קאמפעני. אן אנדערע ארבייטער זאגט אז סגייט צו בית גניזה. בית גניזה גיט נישט ארויס ווער סברענגט שמות סאיז קאנפידענשאל. תיקו.



**** פינטערס
שוין יארן לאנג וואס די פינטער ספרים סטאר אויף די פערצענטע עוו אין ב"פ קאלעקט שמות. זיי זענען די איינציגסטע וואס טוען עס אויך דורכאויס דאס גאנצע יאר דעריבער פארמאגן זיי שטענדיגע גרויסע אקאונטס. זיין טאטע ע"ה איז געווען א חשובער רב. זיי טוען אויך ארויסנעמן די גוטע ספרים און פארקויפן עס און פון דעם באשטייט די פינטערס ספרים געשעפט. למעשה האט ער נישט קין מקום לגניזה נאר ער זוכט ארום פאר וועם מקען עס געבן. פינטער גייט שוין צוריק אזויפיל יאר איז זייער אינטערסאנט צו הערן פון אים די היסטאריע פון שמות. ער פלעגט נאך טראגן שמות פאר ר' מענדעל אילעניק אין וואדרידש. איינע פון די אלד טיימערס אין די שמות אינדוסטרי. אויך איז ער א גרויסער מבין אויף אלטע ספרים און נישט איינמאל האט ער ארויסדערווישט פון די שמות בעגס שיינע מציאות ווי איר קענט זעהן אין געשעפט.

ער פארמאגט נישט קיין אייגענעם הכשר ער פארלאזט זיך אויף די קאמפעני וואס נעמט צוזאם די שמות און געווענליך איז עס טאקע די פירמע פון הרב אהרן טאפלין.

אויך איז דא אין ב"פ איינער א לעיקוואדער יוד הרב שלום וואס טוט שוין צענדליגע יארן אין די ביזנעס און אויך ער האט א כתב פון סאנטובער רב הרב פר"מ שליט"א פאר הרב טאפלין אז ער מאכט זיכער אז די שמות קומט אן צום לענדפיל אין בעטלעהעם פענסילוועניע צווישן טויזענטער טאן גארבעדש און אלעס כדת וכדין.


*** פליי-ביי שמות קטלעקטארס
דאס זענען די בחורים בדרך כלל אזעלעכע וואס פלעגן ארבעטן פאר שמות קאמפעניס. און זיי האבן שוין צוגעזעהן מיט די אייגענע אויגן אז רוב שמות ווערט ממילא געפירט אין מיסט. מאכן זיי זיך א חשבון פארוואס ארבעטן פאר יענעם. לאמיר זיך דינגן א טרעקעל. רעכענען 25 טולער א זעקל און מאכן א זעקס זיבן טויזענט דאלער א בין הזמנים. נישט שלעכט. אבער אסאך פון די ווערן שוין גרידי און ווילן אפילו נישט צאלן די טויזענטער וואס קאסט עס צו דאמפן אין לענדפיל און זיי פטרן עס ערגעץ אין מאנטיסעלאו אדער אין מאנסי און טאקע זיי זענען די וואס מאכן נייעס יעדען ערב פסח אז מען האט געטראפן א פרישן געדאמפטן טראק און סווערט לעבעדיג. אויך בריען זיי זיך געווענליך אפ ווייל זיי כאפן זיך נישט אז די הוצאות ווערט שנעל גאר גרויס. די טראק. די ארבייטער. די פרעשער אז סקומט ערב פסח ווערט ער ממש פארלוירן. עכ"ז קומען יעדעס יאר צו פרישע בחורימליך וואס שפרינגן אריין דערינען. וחוזר חלילה. פאליציי. .הייקינד. בית גניזה. ווארענונג. פאלעטישאנס. יאר יערליך.

ע"כ דא האט איר בקיצור נמרץ וואס סגייט היינט פאר אין עולם השמות. לדעתי א חורבן נורא מאוד. אויב איינער האט קשיות אדער מוסף צו זיין ביטע לאזט אייך הערן.

צוגעלייגטע
image.jpg
image.jpg (36.75 KiB) געזעהן 2969 מאל

אוועטאר
פרוזדור
שר מאה
תגובות: 216
זיך איינגעשריבען אום: מוצ"ש דעצמבער 06, 2014 9:25 pm

תגובהדורך פרוזדור » מיטוואך אפריל 08, 2015 6:00 pm

שכח פארן מעתיק זיין מיינע דיבורים. ער שרייבט ובזה סיימתי. איך האף אזוי, ווייל איך ווייס באמת נישט וואס עס באדערט אים א שאד ער זאגט מיר נישט אפן. און א שאד ער האט מיר נישט צוגעצייכענט טאקע אין מיין אריגינעלער תגובה ערגעץ ווי איך זאל ח"ו האבן באשולדיגט אפילו נאר אייינעם פון די חשובע רבנים אין עניטינג. סאיז פשוט שקר וכזב ליינט איבער מיין תגובה און טרעפט מיר איין ווארט נעגאטיוו קעגן א רב. און לגבי מיך רופן א ניק און א פאשקעוויל זעה איך ווייטער נישט קיין חילוק צווישן מיר מיט דיר און אלע אנדערע שרייבער און האב מיר א גוטן מועד.

עניוועי ער שטעלט דא ארויף א הכשר פון סאטמאר ווילי וואס זיי געבן פאר הרב לעווינגער. באמת א יישר כח ווייל איך האב נישט געוואוסט דערפון ביז איינער האט עס דא ארויפגעלייט פאר יו"ט. נו איז דאך אלעס פיין און גוט דאס איז דאך דער תכלית פון דעם אשכול מענטשן ווילן דערגיין ווער סנעמט שמות. ווער גיט דעם הכשר. און ווי די שמות קומט אן. מישען אקאמפלישט לגבי קרית יואל שמות.

גראדע בדרך אגב האב איך דא אפאר נייע קשיות. היכי תמצא אז הרב לעווינגער וואס נעמט שמות פאר חסידי מהר"א אין קרית יואל און באגראבט זיין שמות מיט קהל סקווירא זאל דארפן נעמן א הכשר פון א דריטן און גאר פון סאטמאר וויליאמסבורג עפעס לייגט זיך נישט אויפן שכל ווי קומט ער אהין. נאכמער. קהל ויואל משה אין קרית יואל האט געהאט טראקס פון הרב טאפלין מיט די שטרענגע השגחה פון זייער וועד הכשרות פארוואס האבן זיי נישט גענומען הרב לעווינגער מיט זייער אייגענעם הכשר. סתם גאר אינטערסאנט אויב איינער ווייסט פרטים ביטע מיטיילן.

לעניננו.
נאכן זיך ווייטער נאכפרעגן במשך יו"ט און חוה"מ טעג איבער שמות ענינים שטעלט זיך ארויס אז פיל היימישע קהלות און רוב פסח סענטערס מיט זייערע בעלי מכשירים מאכן יא זיכער אז זייערע שמות ווערן באגראבן. סדא בילדער ווי קהלות בעלזא. קהלות באבוב אלע ביידע. קהלות וויען ועוד - און לויט איין שמועה אויך חסידי סאטמאר מהר"א וויליאמסבורג - אלע בהשגחות זייערע דיינים שליט"א באגראבן זייערע שמות אדער פארקירן זייערע טרעילארס אין בית הגניזה שטח אין ליבערטי.

כהאב אפילו געהערט נאכזאגן בשם הרה"ג רבי ישי ליבערמאן שליט"א אז דאס פירן די שמות קיין פענסילוועניע איז ממש א בדיעבד שבדיעבד ווייל סאיז נישטא קיין אנדערע ברירה און זיי האפן אויך בכליון ענים אז סזאל זיך טאקע אויסארבעטן די אנדערע פלענער מיט די חברה וואס פרובירן אויפצוארבעטן א געהעריגעם מקום מנוחה פאר שמות בדרך כבוד מיט פערמיטס וכדומה. און אז אזויפיל האט די סקאנדאל אויפגעטאן אז די יאר האט מען שוין געניצט א קאנסטראקשען לענדפיל און נישט קיין גארבעדש לענדפיל. איז צום האפן אז די הייליגע זאך זאל בקרוב ווערן מסודר עצהיו"ט

אוועטאר
עקבי הצאן
שר האלפיים
תגובות: 2740
זיך איינגעשריבען אום: דאנארשטאג מארטש 14, 2013 11:44 am

תגובהדורך עקבי הצאן » מיטוואך אפריל 08, 2015 7:16 pm

יישר כח פרוזדור פאר דיינע שיינע באריכטן, און דיינע ווערטער וואס זענען בנחת נשמעים.
אם לא תדעי לך היפה בנשים צאי לך בעקבי הצאן: התבונני בדרכי אבותיך הראשונים שקבלו תורתי ושמרו משמרתי ומצותי ולכי בדרכיהם, (רש"י שיר השירים).

אוועטאר
יואב בן צרויה
שר שלשת אלפים
תגובות: 3276
זיך איינגעשריבען אום: זונטאג אוגוסט 24, 2014 9:11 pm

תגובהדורך יואב בן צרויה » דאנארשטאג אפריל 09, 2015 11:20 am

יואל שווארטץ האט געשריבן:זאלט עטס מיר אלע אנטשולדיגן.

פרוזדור האט דא אראפגעלייגט א הערליך שטיקל רעפארטאזש, נאך אזוי גוט כאטש ווי אלע שפעקולאציעס איבער וואס אבאמא וואלט געדארפט זאגן און וואס ביבי האט גע׳חלומ׳ט פון חלומ׳ען, און נאך אזוי אינטערעסאנט ווי קליפס פון זינגערס און סתם זאכן וואס... ווייזן אז כ׳האב נישט וואס צו טון מיט דער גרויסער טאג.
ווילאנג דער אשכול איז נישט געמעקט איז א סימן אז ס׳איז נישט קעגן די תקנות, טא פארוואס רייסט מען אראפ דעם איד?

ער האט זיכער אריינגעלייגט אינעם רעפארט צומווייניגסטן אזויפיל כח און ריסערטש ווי עס האבן געטון אנדערע שרייבער ביים פארשרייען די הויכע ציצית/מצות פרייזן און זיך אפרעדן איבער אלע אנדערע פראבלעמען וואס מיר זענען אליינס שולדיג.
ער איז כאטש אזויפיל אינטערעסירט אינעם ענין אז ער האט גענומען די מיה צו פרעגן די באטרעפנדע, וואס ביי די ציצית ווייס איך קלאר אז מ׳האט נישט געטון.

ס״ה האט ער אונז געגעבן זיינע איינדרוקן נאכן טון די מינימאלע דיו דילידשענס.
קענסט עס אויך טון.

אוועטאר
א איד אין גלות
שר חמש מאות
תגובות: 900
זיך איינגעשריבען אום: מאנטאג מאי 05, 2014 2:31 pm

תגובהדורך א איד אין גלות » דאנארשטאג אפריל 09, 2015 12:07 pm

עקבי הצאן האט געשריבן:יישר כח פרוזדור פאר דיינע שיינע באריכטן, און דיינע ווערטער וואס זענען בנחת נשמעים.

אוועטאר
פליגל
שר ארבעת האלפים
תגובות: 4657
זיך איינגעשריבען אום: פרייטאג סעפטעמבער 04, 2009 1:27 pm
לאקאציע: ביים פענסטער

תגובהדורך פליגל » דאנארשטאג אפריל 09, 2015 1:58 pm

פרוזדור, דיין ווערק קוקט אויס צי זיין א גוט שטיקל פארש ארבייט און גרונטליך דערגאנגען פרטים וואס עס'ז קיינעם פייגעבאלען נאכציגיין, יעך האב נאר איין פראבלעם דערמיט אז עס האט נישט א סיגנעטשור, נישט אז כ'רייס אראפ דיין ארבייט נאר אויב וויל'ך מיר פארלאזען אויף איינעם על'ך'ס ענדערש טאהן הונטעראיינער וואס לאזט איבער זיין נאמען.

נישט אז דו זאלסט'ך היצט מגלה זיין, חלילה, נאר מוזט פארשטיין אז ווען מען טוט אונטערמינעווערן די סמכות וואס מענטשן האבן אויף א רב מיט א נאמען האב'ך א הארד טיים מיטן אננעמען אן אנאנימער'ס ווערק.

נאכאמל; דיין ארבייט קוקט אויס מייסטערהאפטיג און גרונטליך און א גוט שטיקל ארבייט.

האב א פרייליכען מועד און הצלחה מיט דיין ארבייט, וחפץ ה' בידך תצליח.
נאט אייך א גרינע...


אוועטאר
גערעכטער
שר ארבעת האלפים
תגובות: 4266
זיך איינגעשריבען אום: מאנטאג סעפטעמבער 29, 2014 6:14 pm
לאקאציע: דא!

תגובהדורך גערעכטער » דאנארשטאג אפריל 09, 2015 2:03 pm

פליגל האט געשריבן:פרוזדור, דיין ווערק קוקט אויס צי זיין א גוט שטיקל פארש ארבייט און גרונטליך דערגאנגען פרטים וואס עס'ז קיינעם פייגעבאלען נאכציגיין, יעך האב נאר איין פראבלעם דערמיט אז עס האט נישט א סיגנעטשור, נישט אז כ'רייס אראפ דיין ארבייט נאר אויב וויל'ך מיר פארלאזען אויף איינעם על'ך'ס ענדערש טאהן הונטעראיינער וואס לאזט איבער זיין נאמען.

נישט אז דו זאלסט'ך היצט מגלה זיין, חלילה, נאר מוזט פארשטיין אז ווען מען טוט אונטערמינעווערן די סמכות וואס מענטשן האבן אויף א רב מיט א נאמען האב'ך א הארד טיים מיטן אננעמען אן אנאנימער'ס ווערק.

נאכאמל; דיין ארבייט קוקט אויס מייסטערהאפטיג און גרונטליך און א גוט שטיקל ארבייט.

האב א פרייליכען מועד און הצלחה מיט דיין ארבייט, וחפץ ה' בידך תצליח.

וואס פונקטליך וואלסטו געטון אנדערשט אויב ווייסטו אז ער איז א בר סמכא?

ווי יעדע זאך דא אין שטיבל זאגט יעדער וואס ער ווייסט, אז דו ווילסט נישט גלייבן איטס יאר טשאוס, אבער פארוואס פונקט דא דארף מען עס זאגט הויך, אז איינער זאל זיך פילן שלעכט?
הק' איש ימיני

אוועטאר
פליגל
שר ארבעת האלפים
תגובות: 4657
זיך איינגעשריבען אום: פרייטאג סעפטעמבער 04, 2009 1:27 pm
לאקאציע: ביים פענסטער

תגובהדורך פליגל » דאנארשטאג אפריל 09, 2015 2:16 pm

ווייל ווען איך טוה עפעס און כ'בין זיך סומך אויף איינעם און א צווייטער זאגט מיר אז כ'טוה ראנג שפיר'ך זיך אפענסיוו. איז אויב איז'ס א נאמען קען'ך קלייבען וועם צו גליבבן, משא"כ ווען כ'קען ניטאמאל אנצייגען ווער דאס איז.

כ'בין'ס נישט דן ווי א פאשקעוויל, ווייל עס'ז בכלל נישט דומה.
נאט אייך א גרינע...


אוועטאר
פרוזדור
שר מאה
תגובות: 216
זיך איינגעשריבען אום: מוצ"ש דעצמבער 06, 2014 9:25 pm

תגובהדורך פרוזדור » דאנארשטאג אפריל 09, 2015 2:23 pm

איך הער אייערע פארשלאגן לאזט מיך עס דורכקלערן. יעצט גרייט מען זיך צום געהויבענעם נאכט פון שביעי של פסח הממשמש ובא א גוטן מועד און א גוט יום טוב

אוועטאר
פליגל
שר ארבעת האלפים
תגובות: 4657
זיך איינגעשריבען אום: פרייטאג סעפטעמבער 04, 2009 1:27 pm
לאקאציע: ביים פענסטער

תגובהדורך פליגל » דאנארשטאג אפריל 09, 2015 3:38 pm

נעם חלילה נישט מיינע ווערטער אז דו זאלסט'ך מגלה זיין, כ'אב נאר געזאגט מיין אישו מיט דעם אנטדעקונג.
נאט אייך א גרינע...


אוועטאר
farshlufen
שר עשרים אלפים
תגובות: 24664
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דאנארשטאג מאי 07, 2015 2:46 pm

וואס האט מען אמאל געטאן מיט שמות?
צוגעלייגטע
[The Jewish Morning Journal - דער מארגען זשורנאל] 05 יולי 1919.JPG
[The Jewish Morning Journal - דער מארגען זשורנאל] 05 יולי 1919.JPG (54.36 KiB) געזעהן 2384 מאל
זמירות יאמרו ותשבחות ישמיעו כי הוא לבדו בורא רפואות.

שיר דברי
שר חמישים
תגובות: 75
זיך איינגעשריבען אום: דינסטאג מארטש 14, 2017 10:01 am

תגובהדורך שיר דברי » מיטוואך אפריל 19, 2017 4:31 pm

א גוטן ״הרב פרוזדור שליט״א״

מיר האפען אז דער הייליגע יו״ט איז אריבער דערהויבען,אפשר טוט איר מיט טיילען מיטן עולם ווי אזוי ס׳איז אריבער די היי יעריגע שמות סיזאן,ביטע ברענגען א איבער בליק,מהנעשה ונשמע אין די פארנעפלטע אינדאסטרי,א ריפארט אזוי ווי אין די פארגאנגנהייט,

ישר כח

אוועטאר
דניאל אויערבאך
שר האלף
תגובות: 1478
זיך איינגעשריבען אום: זונטאג ינואר 08, 2017 4:31 pm

תגובהדורך דניאל אויערבאך » דאנארשטאג ינואר 03, 2019 5:29 pm

איך זע נישט קיין אנדערע אשכול פון שמות איז פאוסט איך עס דא,
איז דא חלקים פון די היימישע צייטונגען וואס זענען שמות ???
למשל דער מיטעלסטער חלק פון צייטונג אדער איד, (ווייל עס פארמאגט הלכות מיט לשה"ק אותיות) ???

אוועטאר
nmi
שר חמשת אלפים
תגובות: 5094
זיך איינגעשריבען אום: דאנארשטאג יוני 02, 2016 4:25 pm
לאקאציע: אויפן קאוטש

תגובהדורך nmi » דאנארשטאג ינואר 03, 2019 5:38 pm

דניאל אויערבאך האט געשריבן:איך זע נישט קיין אנדערע אשכול פון שמות איז פאוסט איך עס דא,
איז דא חלקים פון די היימישע צייטונגען וואס זענען שמות ???
למשל דער מיטעלסטער חלק פון צייטונג אדער איד, (ווייל עס פארמאגט הלכות מיט לשה"ק אותיות) ???

אין מפתח הכשרות שטייט אז ס'איז שמות
https://www.nmi.com/ שטיצט א גוי

איך האב אייך נאר געוואלט זאגן אז: ווען דו שרייבסט עפעס פאר מיר און דו ווילסט אז איך זאל עס זעהן, ציטיר מיר.

אוועטאר
שמואל בארג
שר האלפיים
תגובות: 2740
זיך איינגעשריבען אום: דאנארשטאג פאברואר 18, 2016 6:44 pm

Re: שמות שערורי' - ווער און וואו לייגט מען די אלע שמות?

תגובהדורך שמואל בארג » דאנארשטאג אוקטובער 15, 2020 10:13 pm

- עפילאג -

נאך יארן מוטשענישן און קלעטערנישן איז יעדער צוגעקומען צו די זעלבע מסקנה פון דעם לעיקוואודער שמות קאלעקטאר הרב טאפלין, און יעדער - אריינגערעכנט לעווינגער פון קרית יואל - געבט אים איבער די שמות פאר טאפלין.

הרב טאפלין פארט אראפ יערליך מיט די רבנים המכשירים פון פארשידענארטיגע קהילות, צו באערדיגן די שמות כדת וכדין (לויט די אומשטענדן).


צוריק צו “אידישע און וועלטליכע נייעס”