בענקעל האט געשריבן:פליגל!! פליגל!! נו?!
די מעשה מיט די פייער טראק.
פליגל איס אן דע עיר???
ביסטאך אזוי גערעכט!
אקעי, דא האסטו:
א בעד-סטיי בראדער האט געדרייווט א ענטערפרייס רענטעל באקס טראק אין מאנהעטן אויף 10'טע עוו און 43'סטע סט. זייענדיג אונטערן איינפלוס פון געווירצן. ער האט אריינגעריקט אין עטליכע קארס, פארקירטע און פארענדע, ביז אזויפיל ווי ארום 7 קארס און זיי פיין צעשמעטערט.
ווען פייערלעשער זענען אנגעקומען צום סצענע גיבן ערשטע הילף איז דער טונקעלער דרייווער זוכענדיג א וועג ארויס פון די סצענע, אריין אין טענה'ריי אשכול און זיך געאייסערט מיט די פייערלעשער על הא ועל דא. דערווייל האט ער זיך צוגעשארט צום פייער טראק און זיך טענה'נדיג מיט זיי ווייטער האט'ר אנגעהויבן ארויפגיין ריכטענדיג צום דרייווערס קאבינע וואס איז נאך געזיצן ביים רעדל, און ספאנטאן אריינגעשפרינגען דערינען אויפן דרייווער ארויף. דער האט אין א בליץ סעקונדע געגיבן א געזונטן שלעפ דעם עיר-הארן אזש ס'האט אפגעהילכט, זעט אויס עס האט געזאלט אנצייגן אז די שיף פארט שוין.. און מקיים געווען מחאה עד כדי הכאה ועד בכלל מיט'ן דרייווער. די פייערלעשער, ארום אהאלבע טוץ חברה מיט די גראבע דזשעקעטס און גרויסע הוטן און אייזערנע העק זענען באפאלן דעם טראק פון אלע זייטן, אריינקריכענדיג פון ארונטער און פון די רעכטע זייט, אוןהאבן זיך גענומען האקן בייליק אין דעם חברה'מאן ביז מען האט אים באפרייט פונעם טראק.
עס האט גענומען א גוטע 7 מינוט בז די מחנה פון ארום 10 פייערלעשער האבן געקענט ברענגען דעם פארשוין אונטער קאנטראל.
מען האט אפגעפירט ארום 9 חברה צו לאקאלע שפיטעלער, פאר קיין נישט-לעבנס-סטראשענדע וואונדן, און דעם דרייווער קיין בעלוויא פאר פסיכעלאגישע אונטערזוכונג, גלייכצייטיג געקייטעלט צום בעט.
נאכן אונטערזוכן דעם טראק האבן זיי אנטדעקט אינעם דרייווערס קאבינע אן אוצר מיט די ריכטיגע ווארע.