מיללער האט געשריבן:לא לנו האט געשריבן:די העסליכע עלעמענטן אין וואודבורי קענען נאך אלץ נישט באשטיין אז קרית יואל זאל האבן נאך 612 טויזנט גאלאן טעגליך, האבן זיי אריינגעגעבן א פרישן פארלאנג אין געריכט אפצושטעלן די באשטעטיגונג פאר'ן בעפארשטייענדן פייפליין אקטיוויזירונג.
לאמיר אלע האפן זיי וועלן שוין איינמאל פאר אלעמאל אפלאזן קרית יואל.
היינט מאנטאג קומט אריין די אומגונסטיגע נייעס פון אלבאני אז די ארטיגע אפעלאט געריכט האט נאכגעגעבן די פארלאנג פון די ארומיגע שכנים און געשאנקען א 'סטעי' אויף צו קענען אקטיוויזירן די קוועלער אין קארנוואל, צום ווייניגסטענס ביז צום ענדגילטיגען פסק פון די געריכטן.
די נייעס קומט אין א צייט ווען קרית יואל האלט ביים אריינטרעטן אינעם זומער סעזאן וואס ברענגט אויטאמאטיש מיט א העכערע וואסער באנוץ, און אין די לעצטע פאר יאר האט דאס געפירט צו גאר קאסטליכע וואסער ליפערונגען צו קענען נאכקומען די טאג-טעגליכע פארלאנג. מיט די קארנוואל קוועלער האבן קרית יואל'ער איינוואונער ארויסגעקוקט אז דער קריזיס זאל נאך געלעזט ווערן אויפן היי-יעריגען זומער, אז מ'זאל קענען ווידעראמאל אנהייבן וואסערן די גראז און נוצן שווים באסיינען, זאכן וואס זענען געווארן שטארק באגרעניצט און זאגאר טיילווייז פארבאטן די לעצטע יארן.
אויסער די טעגליכע וואסער געברויך וואס שטייגט נאטורליך, קומט צו די געברויך פון סופלייען וואסער פאר די הונדערטער נייע דירות וועלכע ווערן פארענדיגט בקרוב, וואס אן קען באגנוגנדע וואסער סופליי קענען די דירות נישט ווערן געעפנט און באזעצט. דאס טוט באזארגן הונדערטער משפחות וועלכע ווארטן שוין לאנג זיך צו קענען אריבערציען אין נייע דירות, אזוי אויך אינגע פארפעלקער וועלכע וועלן אי"ה חתונה האבן אין די אויפקומענדע חתונה סעזאן ארום שבועות הבעל"ט, אז די ווטסער באגרעניצונג וועט נאר צוגעבן צום איצטיגען דירות קריזיס צושטאנד.
דערפאר איז פארשטענדליך אז די נייעס ברענגט ארויס א שטארקע זארג און אנטוישונג, צושרייבנדיג נאך א קאפיטל אין די לאנג פארצויגענע פייפליין געשיכטע בוך, ווען די געריכט פון אלע שטאפלען ווערן אריינגעצויגן דורך מענטשן און קערפערשאפטן מיט אינטערעסן, וואס קאסט אפ עפרות זהב פאר די שטייערצאלער און פארשלעפט די לעבנסוויכטיגע פראיעקט אלס לענגער היל"ת.
"פאטא ניוז" ארטיקל איבער די 'סטעי':
http://www.thephoto-news.com/apps/pbcs. ... ot-so-fast
