גייט זיין א מלחמה אמעריקע מיט איראן ?

[msp]

אזא נוקלעארע דורכפאל איז א שרעק....

[טייבעלע]

דער קאמאנדער פונעם אינער ים פלאטע טוהט איבער געבען: אז אן איינהייט פון די ים פלאטע האט אראפגעברענגט אן אמעריקאנער פילאט לאזער פליגער פון די מאדעל Scan Eagle,
עס איז א קליינער פליגער, אמעריקא גיט איבער אז זיי ווייסען נישט פון אזא פאסירונג.

[לכתחילה אריבער]

די רעגירונג אין איראן האט די וואך אנדעקט א פרישע סייבער אטאקע אין זייער קאמפיוטער סיסטעם און אין נאך מיטל מזרח שטאטן. די פאוערפולע "פלעים" איז לויט עקספערטן זייער א ענליכער וויירוס צו די "סטוקסנעט" וועלעכע איז געפינען געווארן אין די איראן'ער קאמפיוטער סיסטעם'ס פריער אין יאר ווי איראן האט דאן באשולדיגט די פאראייניגטע שטאטן און מדינת ישראל אין דאס אונטערשטעלן.

א נייע וויירוס איז אנדעקט געווארן אין די איראנישע קומפיוטערס, דעס מאל א וויירוס וואס מעקט אויס גאנצעטע פיילס.

[געלעגער]

זיי האבן נאך קאמפיוטערס אדער נאר וויירוס האלטערס?

[לכתחילה אריבער]

זיי האבן נאך קאמפיוטערס אדער נאר וויירוס האלטערס?

די וועלט פארציילט א ווערטל אזוי.

געווען א איד וואס איז זיך געקומען מזכיר זיין ביים רבי'ן אז זיינע הינדלעך פייגערן אויס און ער איז אין א סכנה פון פארלירן זיין פרנסה. האט אים די רבי געגעבן א סגולה מיש צוזאם מעל מיט זאמד, גיס אריין האניג, קאך עס אויף לייג עס אויף די זין, שמיר עס אן אויף ווייץ, צימאל די וויץ, אא"וו און גיב עס פאר די טשיקען'ס. נא אומר ושותה, דער איד פאלגט ערליך, און ....... די הינדלעך פייגערען ווייטער!

לויפט ער צום רבין, און שרייט געוואלד! זאגט אים די רבי, אוי ס'איז א שווערע מגיפה מען דארף א שטערקערע סגולה, נעם טרויבען מיט מילך, גיס אריין צימערינג, לייג עס אויף די זין טריקענען פאר 6 שעה , גיס עס אויף די קעפ פון די באליבטע הינדעלעך. און די היינדלעך ....... פייגערען ווייטער!

לויפט ער נאכאמאל צום רבין, און ער געט איך נאך א סגולה, און ס'העלפט א הויקער, ער לויפט נאכאמאל, ווידער א סגולה, און דאס מאל העלפט עס שוין א קדחת!

אזוי נאך א שיינע פאר מאל לויפן צום רבי'ן, און די פיינע סגולות, פרעגט אים דע רבי "זאגט ר' איד, איר האט נאך הינדלעך? ווייל סגולות האבעך נאך איבער גענוג"!!

(אריין אין בדיחותא)

[צייטליך]

אבי מ'קען שוין שמייכלען אין דעם אנגעצויגענעם מלחמה אשכול.

[טייבעלע]

אירן האט היינט באריכטעט אז זיי האבן אפגעשלאגען נאך א סייבער אטאקע פון סטאקסנעט.

[טייבעלע]

אירן האלט שוין אהן די פינעפטע טאג מיליטערישע איבונגען, אריין גרעכענט נייע גווער און ראקעטען,
דער הויפטגעוויכט לייגן זיי אויף די ים קרעפטען.

[msp]

דער אמעריקאנער אמבאסאדאר האט בארעדט אייראפא פאר נישט אריינלייגען אזוי די מיהע אויף דעפענס
אזוי ווי אמעריקא

[לכתחילה אריבער]

א באריכט נאכנישט קלאבאראטירט פון קיינע פון די מערב לענדער, ווייסט צו פארציילן אז אן אויפרייס איז געשען אין איראנ'ס צווייט גרעסטער נוקליערער אנשטאלט, גערופן "פארדא". די אויפרייס האט פאסירט מאנטאג נאכט.

די אנשטאלט איז די צווייט גרעסטע נוקליערע אנשטאלט מיט 2,700 סענטערפיוזשעס, די גרעסטע אנשטאלט איז די נאזאנז מיט אזויפיל ווי 10,000 סענטערפיוזשעס. אבער די "פארדא"אנשטאלט האט געזאלט זיין די מערסט פארזיכערטע אנשטאלט, געפינענדיג זיך 300 פוס טיף אריינגעבויט אין א בארג. די אנשטאלט איז געווען פארוואס די מדינת ישראל מיליטער האט געוואלט קויפן פון די פאראייניגטע שטאטען די אזוי גערופענע "בונקער באסטערס" באמבעס, און אפי' אזוי איז געווען א ספק צו מען וועט קענען סוקסעספול באמבאדירן די שטארק באהאלטענער אנשטאלט.

די באריכט ווייס אנצוגעבען אז אזויפיל ווי 240 זענען געשטראנדעד טיף אינעם אנשטאלט. אלץ רעזאלטאט פון די אויפרייס, איז 15 מייל ארום די אנשטאלט איינגעשטעלט א שטרענגע "נישט אריינקומען" געזעץ. און אזוי ווייט ווי דריי מייל אוועק איז געשפירט געווארן די אויפרייס.

[געלעגער]

דאס שטימט מיט א צווייטע באריכט אז א"י לייגט אויף יעצט אוועק די פלענער פון אטאקירן איראן. איי געס מישיען אקאמפלישד

[אלד וויליאמסבורג]

דעס ווערט נישט באריכטעט דארך קיין איין גרויסע נייעס אגענטור.

[Ron Paul]

ס'ווערט באריכטעט אז איזרעאל האט אפגעלייגט פלענס פון אטאקירן איראן, ווייל דער פענטעגאן האט שוין אייגענע פלענער, אזוי זאגט פארטיידיגונגס מיניסטער ברק. און א פענטעגען אפישעל האט עס באשטעטיגט

http://www.nytimes.com/2013/01/27/world ... ml?hp&_r=0

[שנאפס]

מיר מענטשעלעך וועלן עניוועי נישט וויסן קיינמאל די פונקטליכע אמת וואס דארט איז פארגעקומען

עניוועי, איך מיין מען קען טוישן די קעפל פונעם אשכול "מלחמה: אמעריקא-מדינת ישראל מיט איראן"

[לכאורה]

אן אינטערסאנטע אוהחה"ק די וואך, אנהייב פ' יתרו, ער זאגט אז יתרו וואס איז געווען א כהן מדין האט געהאט אינסייד אינפארמאציע איבער די נסים פון יציאת מצרים וקריעת ים סוף, ווייל די הויכע שושקעס האבן מער צוטריט צו אמת'ע אינפארמאציע ווי די פשוט'ע המון עם איז ערלויבט צו וויסן.

זיין לשון איז אינטערסאנט: עוד טעם אומרו 'כהן מדין', לומר באמצעות כן השיג לדעת כל אשר עשה ה'. כי לאנשים הגדולים יתגלה ויודע הכל בצדק בלא תוספת וגרעון, משא"כ לשאינם רשות [-מענטשן וואס זענען נישט אין די רעגירונג] הגם שיודע להם החדשות [-זיי ווערן טאקע געוואויר די נייעס] לא ידעו כל הדברים הנעשים [-זיי באקומען אבער נישט פונקטליך אלע איינצלהייטן דערוועגן].

[אלד וויליאמסבורג]

איראן לייקנט,(אפשר איז עס טאקע אמת...)

[SPUSMN]

דער וועלט זאגט אז אין פאליטיק איז גארנישט אמת חוץ אויב מען לייקענט עס. בעסער זאל איראן בלייבען ביים לייקענען און ממילא נישט נעמען נקמה. זאל דער באשעפער האלטען זיין רעכטע האנט.

די אל-קיידא האט דורך געפירט עטליכע טעראריסטישע אטאקעס אנטקעגען אמעריקע איידער אמעריקע איז ארויס געקומען אפיציעל אז עס עקזיסטירט בכלל אזא ארגאניזאציע. דער לאגיק איז געווען אז בעסער זיך מאכען נישט זעהנדיג ווי איידער צו דארפען פירען מיט זיי א אפענע מלחמה.

אזוי אויך איז געווען אין סיריע ווען מדינת ישראל האט אפגעווישט זייערע נוקליארע אינסטאלאציעס. סיריע האט זיך געשעמט צו מעלדען, איז האט זי גארנישט געטוהן דערוועגען (אפילו נישט א כלומפרישטער שריט). בעסער אזוי. זאלען זיי בלייבען ביים לייקענען.

[שנאפס]

היינט באקומען א מעסעדזש אז די ווייט האוז און איראן, ביידע לייקענען אז עס האט בכלל פאסירט א אויפרייס

די קאשע איז, וואסערע אינטערעסן זאל די ווייט האוז האבן צו לייקענען? און פון ווי ווייסן זיי אויב עס האט יא/נישט פאסירט?

[טייבעלע]

דער לאנדאנער טיימס האט באריכטעט, אז הויך ראנגיגע אפיצירען אין מד"י האבן געזאגט אז זיי טוהען שטודירען וואס איז דארט פונקטלעך געשעהן.

[יוסף שרייבער]

היינט באקומען א מעסעדזש אז די ווייט האוז און איראן, ביידע לייקענען אז עס האט בכלל פאסירט א אויפרייס

מילא די ווייסע הויז, אבער איראן שיקט אייך מעסעדזשעס?

[פאר דוקא]

פארדעם איז ער דאך אין די נטורי קרתא

[SPUSMN]

היינט באקומען א מעסעדזש אז די ווייט האוז און איראן, ביידע לייקענען אז עס האט בכלל פאסירט א אויפרייס.

דאס איז טאקע דער אורזאך פאר וואס איך הייב אן גלייבען אז עס האט יא פאסירט. מען לייקענט נישט אין דער וועלט אריין, אלעס האט א סיבה.

[ריק פערי]

היינט באקומען א מעסעדזש אז די ווייט האוז און איראן, ביידע לייקענען אז עס האט בכלל פאסירט א אויפרייס

די קאשע איז, וואסערע אינטערעסן זאל די ווייט האוז האבן צו לייקענען? און פון ווי ווייסן זיי אויב עס האט יא/נישט פאסירט?

די ווייט האוז האט נישט געלייקנט בכלל, זיי האבן געזאגט אז זיי ווייסן נישט וואס/אויב/ווען דארט איז פארגעקומען, זיי פארשטן עס פונקט ווי יעדע פרעמדער וואס הערט די נייעס, (עס מיינט נישט אז עס איז נישט פארגעקומען, נאר א באשטעטיגונג דורך לייקענען איז עס נישט).

קיין איין פראמינענטע נייעס ארגעניזאציע האט עס נאכנישט באשטעטיגט, דערווייל נעם איך פערזענליך אן אז נאטינג העפפענד, און די סענטריפיוזשערס ארבעטן ווי זיי דארפן.

[טייבעלע]

אירן האט געלאזט וויסען פאריגע וואך אז זיי גייען פארבעסערען די סענטריפוגן אין דער נאתנאז נוקלעארע איינריכטונג.

אירן האט אויך באריכטעט פאריגע וואך אז זיי האבן מיט דערפאלג ארויף געשיקט אין די ספעיס א מאלפע, און עס נאכדעם אראפגברענגט צוריק(ט).

דעם שב"ק האט דער אכמאדינעדזשאד שטאצילרט אז אירן האט פראדאצירט א סטעלט קאפס עראפלאן, און מען האט עס געוויזען אויף די נייעס אין
אירן, דער פראבלעם מיטען ליגער איז נאר אז מומחים איבער דער וועלט האבן צופיל צו זאגן און לאכען אויף דעם, איינע פון די זאכען וואס מען זעהט
דאס קלאר ביים פארשטעלונג, דער פילאט האט נישט קיין נארמאלע פלאץ פאר זיינע פיס אריין טוהן געהעריג אינעם פילאט קאמער.

היינט האבן זיי געהאט צו ווייזען נאך נייע ערפינדונגען, צוויי נייע טאנקען, זיי זאגען עס זענען גאר ספיסטיקירטע, קאן זיין אז ס'איז אזוי ספיסטיקירט
אז עס פארט בכלל נישט, ווי אויף דער אויבן דערמאנטער פליגער, וואס מאנכע זאגען אז עס איז נאר א שטיק קלאץ, און עס קען זיך נישט רירען פון
פלאץ, און פארשטייט זיך אז צו בלייבען אין לופטען איז נאר א געשמאקע טרוים.

[לכתחילה אריבער]

אירן האט אויך באריכטעט פאריגע וואך אז זיי האבן מיט דערפאלג ארויף געשיקט אין די ספעיס א מאלפע, און עס נאכדעם אראפגברענגט צוריק(ט).

איר מאכט דאס אזוי נייס! עס גייט פאר גרויסע סקאנדאלען! מען האט באמערקט אז די מאנקי וואס איז "צוריק געקומען" האט א "געבוירט מארקע" העכער די אויגן, און דער וואס איז "ארויף" האט עס נישט!!

והעיר איראנע מאנקיס נבוכה!

דא האט איר די בילדער! קודם די ערשטע בילד פון די מאנקי נעבעך ביים ארויף פליען (נישט קוקען דעאויף אויב איר ווילט נישט האבן קיין נייטמעירס). די צווייטע בילד איז פון די צוויי מאנקיס.