מחותן האט געשריבן:לויט ווי אזוי מען שטייט יעצט תמוז תשע"ד.. איז הרב שטיינמאן גערעכט געווען מיט זיין מהלך צום גיוס פראבלעם?
איך וואנדער זיך אסאך מאל אויך די שאלה - און איך ווייס נישט די אמת'ע ענטפער דערויף, עס איז אמת אז מען קען טענה'ן אז אין דריי יאר ארום גייט עס אויפשיסען.. אבער מען קען פינקט אזוי זאגען אז ביז דריי פון יעצט וועט זיין א נייע מנשלה און מען וועט מאכען נייע געזעצן, אדער קען מען זאגען אז די זעלבע קאמף וואס אנשי העדה און הגרש"א האב געוואלט יעצט טיען און אזוי מבטל זיין די גזירה.. דאס וועט מען טיען דריי יאר ארום..! און מען האט כאטש פארדינט דריי יאריגע יאר וואס קיינער גייט נישט אין מדינת ישראל מיליטער..
במציאות יעצט איז שטול און רואיג.. עס איז אסאך שטילער ווי איידער די געזעץ, מען צווינגט נישט קיינעם צו גיין אין מדינת ישראל מיליטער, קיינער גייט נישט פרייוויליג אויך נישט, עס איז ממש ווי געראטען פאר די אינטערסן פון די חרדים, די אנשי העדה האבן נאך דאפעלט פארדינט ווייל די מדינה האט אויך אויפגעהערט צו געבן פון די טריפה'נע געלטער פאר כוללים.. הקיצור עס איז ממש ווי געוואנטשען..
מיינט דאס אז רב שטיינמאן האט געהאט א ווייטערן בליק ווי אנדערע און ער איז גערעכט געווען? אדער מיינט דאס אז מיר גייען נאך ארויפצאלן א פרייז אויף די יעצטיגע שטילקייט - עתידות וואס מען קען נישט יעצט וויסען?!
- איך וואלט געקענט יעצט מסביר זיין דא די חורבן פון יענע מהלך, וואס דארף נישט מער ראי' ווי דאס אז די ממשלה לעכצט נאך די דאזיגע מהלך, און זיי שפאנען פאראויס מיטן ארייננעמען מער און מער שוואכערע בחורים און אינגעלייט, נישט דוקא אפגעפארענע! און דער מהלך איז צו וואקסן און וואקסן יאר נאך יאר.
- איך וואלט געקענט מסביר זיין אז יעצט איז גארנישט שטיל און קואיג, אונטערן טיש קומט כסדר פאר ביטערע פרשיות וועלכע ווערן באהאנדלט סמוי מן העין, און דער מצב ווערט נאר ערגער.
- איך וואלט געקענט מסביר זיין אז אויב מאכט מען נישט יעצט די אויפשטאנד "גייט מען עס נישט מאכן" אין 3 יאר ארום אויך נישט - "מארק מיי ווארד'ס".
- איך וואלט געקענט מסביר זיין אז דיין חלום פון א נייע ממשלה איז א חלום שוא, ווייל דער בג"ץ קען נאך אפילו פסל'ען די יעצטיגע געזעץ, גיין אויף צוריק מאך דכר שמי', דער בג"ץ איז "דער באסס" אין לאנד.
אבער פארוואס מאריך זיין, ווען איך קען צוערשט פרעגן פשוט:
א' ויקרא תשע"ד איז די אגודה ארויס אויף די גאסן אין אר"י מיט א פראטעסט אין ליכט פון די געזעץ באשטעטיגונג. די עדה איז אויך מיטגעגאנגען, אלע קרייזן זענען אינאיינעם ארויס אין א געשריי קעגן "די ביטערע גזירה" (און א וואך בעפאר האט די מועצת באשלאסן אז אויב די גזירה גייט אריבער גייט מען זיך ווידער-זעצן שוקל צו זיין צו אסר'ן דעם לשכת הגיוס). די גזירה איז יענעם טאג געווען קליפ און קלאר גענוי ווי עס איז יעצט, עס גייט זיין "יעדי גיוס" אויף 3-4 יאר, אויב קומט מען עס נאך הרי טוב, און ס'וועט ווייטער ארויפגיין משנה לשנה, אויב קומט מען עס נישט נאך דאן גייט אריין אין קראפט א "גיוס לכל" מיט קרימינאלע סאנקציעס.
אצינד דערצייל מיר וואס האט פלוצלינג פאסירט, וואזשעט האט זיך געטוישט פון דאנעט ביז אצינד?
זייער ארויסטריט אויף די גאסן האט קלאר ארויסגעברענגט אז זיי האלטן אויך אז דאס צושטעלן די באשטימטע יעדע גיוס איז א "גזירת שמד" און מען גייט דאס נישט צושטעלן! און דערפאר גייט אריינגיין אין קראפט די קרימינאלע סאנקציעס. וואס האט זיך געטוישט????