מאנסיאנער האט געשריבן:נאך 15,000 דאללער איז יעצט צוגעלייגט געווארן צו די 25,000 דאללער וואס צוזאמען איז עס 40,000 דאללער פאר ווער עס וועט העלפן מיט אינפארמאציע
מיין מחשבה לויפט אין פארשידענע ריכטונגען בנוגע די באלוינונג וואס עס איז ארויסגעשטעלט געווארן.
מיר ווייסן אז דורך די נאכט האבן זיך הונדערטער יודען אויפגעהאלטן און ארומגעגאנען מיט די זוכענישטן נאך איידער מען האט ארויסגעשטעלט א באלוינונג. דער "מי כעמך ישראל" האט זיך אפגשפיגעלט אין אלע גאסן און אין אלע נייעס קוואטירן מיט א געוואלדיגען קידוש השם. איך זאג נאר די פאלגענדע אלץ א ביילויפנדער געדאנק נישט אז איך האלט דווקא אזוי, איך בין מסופק. און אדרבא וויאזוי קוקן אנדערע דערויף?
מיר ווייסן דאך זייער גוט אז עשו שונא ליעקב. און דער הויכפונקט פון דעם עשו שונא ליעקב דא אין אמעריקע ווייסן מיר אלע איז, אז די יודען זענען געלטגייציגער מענטשן, ביי זיי איז דא די געלט, און ממילא האבן זיי די דעה אויף די פירערשאפט פון לאנד, וכו' וכו', עפ"ל.
עס איז ביז יעצט ערווענט געווארן אין די נייעס (חאטש נישט אויף גענוג א דראמאטישן אופן כלפי ווי איבערגעגעבן די ציבור איז טאקע) ווי מען זעהט א וואונדערבארער פאראייניגונג פון א קאמיוניטי פון הונדערטער הונדערטער יודן וואס שפענדן זייער נאכט שעה'ן אדער ביזנעס שעה'ן צו זיכן א פארלוירן קינד פון זייער קאמיוניטי.
יעצט אבער ווען עס קומט ארויס א באלוינונג, בין איך מסופק, וויאזוי וועלן עס די גוישע יודען האסערישע נייעס אגענטורן אנקוקן. וועלן זיי דאס ח"ו נישט שלעכט אויסטייטשן אז אט דא זעהט מען ח"ו די געלטגייציגקייט פון אונזער געמיינדע? זיי וועלן נישט קוקן אויף די אנדערע זייט אז אן עסקן האט מנדב געוועהן די פאנטאסטישער סכום נאר פאר דעם צוועק פון זיין יודישער ברודער.
מיר ווייסן ביט א בהירות אז די פלייס און ברען פאר די מצוה איז בכלל נישט אפהענגיג אין די באלוינונג. מהיכי תיתי איז דאס א שיין פארדינטער מתן שכרה בצדה פאר דער וואס וועט בעזהשי"ת זיין בייהילפיג און די טרעפונג, והא ראיי' וואס עס האט זיך אפגעטוהן די פארגאנגענע נאכט. אבער די שאלה איז צו די מידיע וועט מאכן די חשבונות.