ברוך דיין האמת

[באזעסענער]

="אנאנימער" סאיז יענץ געלעכטער נעבעך אויב עס אמת, ובפרט אז לעצטנס איז געווען שמועות אז די טריפות מעשה, איז נישט מער ווי געווען א גניבה מעשה.............. פון מיעל מארט.

און וואס זאגט איר צום האלאקאוסט, איז דאס אויך...

געדענק! דער פאפיר (סקרין) איז טאקע א סבלן, אבער די לייענער נישט!

[בליק]

ברןך דיין האמת
פון קרית יואל קומט די שווערע בשורה אז הרה''ח האברך עוזיאל פערלשטיין ע''ה בן הרה''ח ר' שאול ני''ו
וחתן הרה''ח הרבני הנגיד ר' יוסף פנחס סטראלאוויטש ני''ו האט זיך ליידער נישט אויפגעוועקט.

שנשמע ונתבשר בשורות טובות

[פאטאקי08]

געווען פון די גרעסטע בעלי צדקה און קרית יואל יצ"ו
שווער געווען צי טרעפן א יונגערמאן און דעם יארגאגנג וואס זאל געבן אזויפיל צדקה
ממש א גאלדן הארץ געהאט
יהא זכרו ברוך
תנצב"ה

[צייטליך]

ברוך דיין האמת.

עס איז נאך צו פרי צו באגרייפן די בראך און די נייעס איז נאך צו רוי אום צו קענען באקלאגן.

איך בין היינט אויפגעשטאנען ווען מיין שטוב האט מיך געריפן פון די קאנטרי איינמעלדן די ביטערע נייעס אז ש"ב האברך היקר זילא פערלשטיין איז נישט אויפגעשטאנען היינט אינדערפרי און איז ליידער מער נישט בין החיים.

איך בין געכאפט געווארן אין שאק! איך האב נישט קיין ווערטער אין מויל.
----

די לוויה וועט מיסתמא פארקומען שפעטער אין טאג זינט מ'ווארט אויף זיין טאטע זז"ג וועלעכע איז אין ארגענטינע און ברויך אנקומען צוריק קיין ניו יארק.

[בליק]

האט איינער מער אינפארמעישן ווען אין ווי די לווי פון האברך היקר החשוב ר' עוזיאל פערלשטיין ע''ה וועט פארקומען ???????????????

ביטע ארויפלייגען.

יישר כח בשורת טובות

[קאמענטאטאר]

אה...

כ'קען גארנישט שרייבן, כ'בין געפרוירן.

שוד ושבר בגבולינו

[ווארום]

געליטן פון עפעס?

[קאמענטאטאר]

לפי ידיעתי איז ער ניט געווען איינגעשריבן ביי די "חברה שטארבערס" ווי מיין מגי"ש האט זיי גערופן.

[פרעזידענט]

לפי השמיע' נישט געליטן ספעציעל פון עפעס. ממש א שוידער. ברוך דיין האמת.

[ברוך]

אוי באשעפער טרייסט די משפחה!!!
יא ש"ב ר' עוזיאל ע"ה איז שוין נישט דא. איבער געלאזט א צוברעכע עלטערן, און משפחה, אלמנה, א פולע שטוב מיט קינדער, צווישן זיי א כלה.
איצט געהערט מען האט אים געטראפן אויפן קאוטש מיט א ספר! בערך ווי מען האט געטראפן ש"ב ר' שמחה ישראל אפעל ע"ה פאר פופצען יאר צוריק.
ובלע המות לנצח ובא לציון גואל בב"א

[קאמענטאטאר]

לוויה?

[צייטליך]

ער האט זיך אראפגעזעצט אויפן קאוטש נעכטן נאכט און איז שוין דארט פארליבן איבער נאכט ווען זיין ווייב האט אום געטראפן דארט זיצן היינט אינדערפרי אן א אות חיים ל"ע.

עס כאפט א שוידער.

--

קאמענטאטער, מ'ווארט נאך אויף זיין טאטע זז"ג זאל צוריקקומען פון ארגענטינע ווי ער איז געווען אויף א שמחה.

[סאכדעס]

וואס זאל איך זאגן? זילא, אזוי ווי קאמענטאטער האט געזאגט, כאגעמיינט אז דו ביסט נישט פון די חברה שטארבערס. אוי להאי שופרא דבלע בארעא.

[וואלוועלע]

יא יא ס'איז ליידער א פאקט זילא איז נישטא מער. אוי ווי לאט זעך עס גלייבן? זילא מען וועט דיר שויו מער נישט זעהן ארומלויפן און ביהמ"ד נאך געלט צו פאר א ארץ ישראלדיגע מוסדות. אדער פאר א חתן וואס שטעלט זיך אליין צאם די חתונה? אוי זילא דיין נעימותדיגע שמייכל צו יעדן איז טאקע א פארגאנגענהייט? דיין גאלדן הארץ איס מער נישטא צו באקומען? אוי ווי לאזט זיך עס גלייבן. מען האט פון אונז אוויעקגעריסן א הערליכע בלום.

[שמיי_דריי]

ווער האט זיך געגלייבט אז ש"ב ר' עוזיאל (זילא בלשון חיבה) פערלשטיין ז"ל וועט פארשניטן ווערן פון די וועלט אזוי אינג??? ווי אזוי וועט עס דיין אלמנה און געטרייע קינדערלעך איבערטראגן דעם בראך....

אוי.... בד"ה..

[אונגארישער]

גאר א חשובע אינגערמאן א געוואלדיגע לב טוב אין א בעל צדקה

[וואלוועלע]

ווי איך האב געערט איז די מעשה געווען אז מען האט ליידער היינט אינדערפרי געפונען זילא'ן, אויפן קאוטש שוין נישט בין החיים, און צו זיין זייט זענען געליגן די ספרים, תנא דבי אליהו, תומר דבורה, און א זרע שמשון,

יא יא הייליגע טאטע די נעמסט אוועק פון אונז די שענסטע,

או מי יתן לנו תמורתו,

[דאכצעכמיר]

אזויפיל קרובים האט ער דא אין קרעטשמע?...

[קאמענטאטאר]

מעמד קידוש ביה"ח 2:00

[שמערי בערי]

יא יא ס'איז ליידער א פאקט זילא איז נישטא מער. אוי ווי לאט זעך עס גלייבן? זילא מען וועט דיר שויו מער נישט זעהן ארומלויפן און ביהמ"ד נאך געלט צו פאר א ארץ ישראלדיגע מוסדות. אדער פאר א חתן וואס שטעלט זיך אליין צאם די חתונה? אוי זילא דיין נעימותדיגע שמייכל צו יעדן איז טאקע א פארגאנגענהייט? דיין גאלדן הארץ איס מער נישטא צו באקומען? אוי ווי לאזט זיך עס גלייבן. מען האט פון אונז אוויעקגעריסן א הערליכע בלום.

יא יא, דאס ארום לויפן מיט יעדן צובראכענעם איד... אוי ווי עס געדענקט זיך...

פאר פסח איז ער יעדן טאג געווען פארנומען ארום צו לויפן פאר "דאללערס" אין ביהמ"ד פאר א צווייטן נצרך.

[ליינער]

דיטעילס פליז וואס? ווי? ווער? ווין 2:00

מעמד קידוש ביה"ח 2:00

[מר. מצליח]

ראש חודש אלול מען שניידט פון אונז שטיקער!!!!!

רבותי כל העונה אמן יהא שמי רבא בכל כוחו אפילו ........
קורעין לו גזר דינו !!!!!!!!!!!

מיר דארפן זכותים לאמיר זיך פארנעמן נישט צו רעדן ביי קדיש וועט זיכער זיין א טובה פאר זיין נשמה און אויך פאר אונזער

ובלע המות לנצח ומחה ד' דמעה מעל כל פנים אמן


נ.ב.
איך מיין נישט קיינעם איך מיין מיך איך רעד נאר הויעך.
אז עס טוט וויי שרייט מען

[מיללער]

ברוך דיין האמת.

איך ביען געווען אין א טאטאלער שאק הערנדיג די שמערצפולע בשורה, פון אזא טייערע אינגערמאן, ר' עוזיאל איז געווען א זעלטענער לב-טוב, אלס גרייט געווען א טובה צוטאן פאר א מענטש, ארומגעגאנגען נאך געלט און געארבעט ל'זולתו', א רחים ומוקיר רבנן ותלמידיהון ואיהו גופא צורבא מדרבנן.

דאס געשריי איז עד לב השמים, א טאטע אין זיינע בליענדע יארען אוועקגעריסען פלוצים, קינדער בלייבען פאריתומט, און א פרוי אן עלנדע אלמנה, משפחות חשובות פון ביידע צדדים, הרה"ח ר' שאול פערלשטיין מראה"ק בסאטמאר ב"ר משה ע"ה מחשובי תלמידי וחסידי מונקאטש, ר' יוסף פנחס סטרולאוויטש מראה"ק טאהש וסאטמאר, בן ר' ארון לייב ע"ה מחשובי חסידי סאטמאר במאנטריאל, און אלעס ארום.

וואס קענען מיר טאן, שוב יום אחד לפני מיתתך, רבותי דער מלאך המות האט געעפנט א בראנד-נייע 'חברה שטארבערס' צו ווערן א מיטגליד ברויך מען זיין אונטער 50, האבן א משפחה מיט קינדער, זיין א לב-טוב וואס יעדער וועט באוויינען........

עס איז ליידער כלל נישט קיין לצה, טוב ללכת אל בית האבל והחי יתן אל לבו, השי"ת זאל מסיר זיין חרון אפו וינחם את האבלים, ומחה ה' דמעה מעל כל פנים בביאת בן דוד ברנה אמן.

[צו די זאך]

אז מ'רעדט פון חברה שטארבער'ס,

האט מיר איינער פינקט געזאגט, אז דער ר' עוזיאל, איז געווען ממש פון די סמעטענע,

א חשובע אינגערמאן, א קליגער, א בר דעת, פארשטאנען די געשמאקייט פון א שטיקל גמ', אן עסקן, אן לב טוב, אן עושר, קימט פון א פרעזטיטשפילע משפחה, און אן איידים ביי אן פרעזטיטשפילע משפחה, פון עזרת נשים הערט מען זייער א חשובע און א וואוילע אידענע, יעצט אנגעפאנגען חתונה מאכן די קינדער, געווען אין די טאפ אויף די ליין, האבנדינג אזעלכע וואוילע קינדער, ממש אויפן שפיץ פונעם שטייסל,

ממש להיפוך פון די חברה שטארבער'ס,

זעט אויס די מלאך המות האט נישט קיין גרעניץ.

א פחד!!!!!

[וואלוועלע]

די לוי' וועט אי"ה פארקומען היינט נאכמיטאג און די נייע ביה"ח און קר"י,

(ביטע נישט אריינברענגען און די אשכול קיין פאליטיק)