וועב דעזיין
פארעפענטליכט: מאנטאג אוקטובר 10, 2011 4:51 pm
איז דא איינער דא וואס האט א אנונג וויאזוי עס איז די ביזנעס פון וועב דעזיין ? ווער איז א היימישע דעזיינער וואס מען קען אויספרעגן, און אויב מען מאכט געלט פון דעם?
האסט אנגעכאפט א ריזיגע נושא, וואס לויט ווי עס שיינט, און לויט ווי דער טעכנעלאגיע לויפט, וועט עס אין די צוקונפט לכאורה איבערשטייגן געהעריגע (סטעיבל) גראפיק, און לכאורה אפילו ביים היימישען עולם.
ווי אזוי די ביזנעס ארבעט.
וואס מיינסטו? וויאזוי מען מאכט דערפון געלט, אז עס איז דא א קאסטומער וואס וויל אויפשטעלן א וועבסייט, און ער קומט צום דיזיינער זאל דאס אים אויסשטעלן.
אבער באמת איז דאס צוטיילט אין צוויי חלקים, איין חלק איז גרעפיק וואס צו דעם דארף מען האבן א געפיל אזוי ווי ביי סתם גרעפיק, אבער צו דעם מוז נאך אויך קענען קאודינג, html, css, (אגב אדובי האלט אינמיטן ארבעטן אויף א פראגרעם (קאוד נעמעד מיוז) וואס איז אויסגעשטעלט אזוי ווי אינדיזיין, און עס קאנווערט אליין די דיזיין צו הטמ"ל, אבער די מבינים זענען עפעס נישט צו צופרידן פון דעם).
נאכדעם איז דא די פראגרעמינג חלק, וואס מען דארף בעיקר האבן ביי איקאמערס וועבסייט, אבער עס ווערט אסאך גענוצט אפילו ביי פשוטע סייטס, למשל צו עפענען א קעסטעלע (דורך זשאווא סקריפט) וכדומה.
דאס האב איך געשריבן לויט מיין ארימע וויסנשאפט אין די פעלד, איך האף אז די מומחים וועלן פארענדיגן, און פאררעכטן אויב עס איז דא א טעות.