טראכט אין א רואיגע מינוט: די ביזנעס חלק פון גרעפיקס

[רעלמייר]

איך ווייס נישט וויפיל עס טוען דא עכט אין גרעפיקס אלץ ביזנעס, אבער די וועלכע טוען עס אלץ ביזנעס וועלן זיכער הנאה האבן פון דעם דיסקאסיע.

=

א גרעפיקער איז פון נאטור אויס א "קריעטיוו" מענטש, ער גלייכט צו קריעיטן און אויפקומען מיט איידיעס, ער איז געבוירן מיט דעם חוש.

די מעלות פון א גרעפיקער איז חוץ זיינע קענטעניסן אין די טעכנישע פראגרעם חלקים, אז ער געט צו א שטיק חיות צו א פראיעקט, א גרעפיקער טאר נישט טויגן בלויז צו גרעפיקס, א גרעפיקער'ס קריעטיוויטי פירט אים אריין פיל מאל אין גענצליך אנדערע ליניעס ווי ער האט נאר אמאל גע'חלומ'ט, ווילנדיג צו אומווילנדיג.

דער גרעפיקער'ס קריעטיוויטעט באגליקט אים אויך מיט פילע אנדערע ביזנעס פאטעניציאלען, פילע גרעפיקערס זענען זינגער אלץ א סייד דזשאב, אנדערע זענען רעדנער, און אין בית המדרש שבת זענען זיי די וואס געבן צו א לעבעדיגקייט אין שול. פון זייערע ארומיגע הערן זיי אונטערן ריקן קנאה בליקן ווי גלוקליך און שמייכלדיג ער איז כסדר. מען קען רעדן צו אים, ער איז קלוג וכדומה.

פרעגנדיג א גרעפיקער פארוואס ער איז אין דעם ליין, וועט ער דיך געוויס ענטפערן "צו מאכן געלט", אבער רוב רובם פון זיי קענען ליידער נישט גענוג איינקעשן זייערע טויגליכקייטן אויף א געלט מאשין.

פארוואס? ווייל דער חלק הקריעטיוויטי פון א מענטש איז געבויט אויף זייער א אינטערסאנטע אופן, דער נאטור איז אזוי אז ווען ער שפירט נישט קיין התחייבות, ווען ער איז א אינו מצווה ועושה, פארט אים די קריעטיוויטי און מחשבות אויפן העכסטן דעגראד. אבער איינמאל עס הייבט אן צו גיין מיט לחץ, פארלירט זיך אויטאמאטיש, "עפ"י דרך הטבע", דאס פאסירט פון נאטור אויס, ער פארלירט דעם קריעטיוויטי. וואס עס פאסירט איז אז ער הייבט אן סתם צו נאכגיין וואס ער מוז טון אלץ ביזנעס אנדעם וואס זיין קריעטיוויטי זאל ארבעטן, און ווען ער ארבעט אן קיין געז, - אן קריעטיוויטי, לעשט זיך צוביסלעך אויס די מאטאר.

יעדער גרעפיקער זאל זיך ביי זיך טראכטן ווי ריכטיג און אמת'דיג די אויבנדערמאנטע איז, וויפיל מאל מאכט זיך אז ווען א קאסטומער זאגט אנדערש ווי איר האט געטראכט, אדער ווען א פראיעקט הייבט זיך אן צו ציען לענגער ווי געראכטן, אדער ווען א קאסטומער זיצט אייך אויפן קאפ און רעדאקירט אייך גענוי וואס צו טון אנדעם וואס אייער מחשבה זאל ארבעטן אליינס, דער קאסטומער מעג זיין הונדערט פראצענט גערעכט, אבער די געז רינט ארויס, די מאשין קען מער נישט ארבעטן געהעריג.

ווען דער קריעטיוויטי ביים גרעפיקער ארבעט כתיקונו, וועט ער זיך אנטראגן זאכן וואס מען האט ניטאמאל געבעטן, ער וועט זיין גלייך ווי שבת אין בית המדרש ווען עס פאלט אים איין אינטערסאנטע זאכן להנאת כולם. אבער ווען עס ארבעט נישט איז נישטא צו וועם צו רעדן.

לאמיר אנרופן דאס קינד ביים נאמען, דער גרעפיקער איז אין ביזנעס אלץ אן אינדזשוימענט, ער מוז עס האבן פאר זיך, ווען ער איז נישט קריעטיוו האלט ער עס נישט אויס, ער מוז עפעס טון. ער איז אנדערש ווי דער בוקקיפער, דער באקס שלעפער, דער באס דרייווער וואס גלייכן פשוט צו ארבעטן שווער, אן קיין גרויסע קריעטיוו און אויסטרעפן אריינגעלייגט אין זייער ארבעט, דער גרעפיקער גייט נישט אן צו ער ארבעט שווער צו נישט, ביי אים מוז די חלק הקריעטיוויטי ארבעטן פלייסיג.

יעצט פון דארט ביז מאכן געלט איז א ווייטע מהלך.

מען זעט זייער אסאך גרעפיקער מיט דעם פראבלעם, ער קען זיך נישט צובינדען צו א צייט, צו א בעל הבית, צו א קאסטומער, ער וויל פון גארנישט הערן, זיינע זאכן מוזן געלונגען שיין, און מען מוז אים באהאנדלען מיט זיידענע הענטשוך.

אין די לעצטע צענדליגער יארן האבן זיך מער גרעפיק קאמפאניס צוגעמאכט ווי געעפנט, פארוואס? שטודירט אביסל דורך דעם נושא, במחילת כבודם, זענען די אלע בעלי בתים פון די גרעפיק קאמפאניס געווען די גרעפיק דעזיינערס אליינס, און פירן א ביזנעס און קריעטיוויטי איז הימל און ערד, בעסער געזאגט: פייער און וואסער. א שטיק סתירה.

ווען איינער פרעגט צו "אלץ גרעפיק דעזיינער" צו עס לוינט אים צו ארבעטן ביי א צווייטן אדער גיין פאר זיך, איז די תירוץ אז אויב וויל ער מאכן געלט זאל ער גיין אונטער א בעל הבית!

עס איז מעגליך א זאך וואס איז זייער אומבע'טעמ'ט צו הערן, אבער די עקספיריענס פון גרעפיקס ביים היימישן ציבור ווייזט קלאר אזוי. עס קען זיך דיר דמיונע'ן ווי דו גייסט רייבן גאלד אלץ א הערליכע דיזיינער, און זאלסט וויסן דו ביסט טאקע א הערליכע דיזיינער, אבער... די רעדע איז דא פון מאכן געלט, עס אויפקעשן. אויב ביסטו א דיזיינער ביסטו געווענליך נישט געאייגנט צו פירן א ביזנעס. עס איז א סתירה.

יעצט אפילו אן ארבייטער האט אבער אויך די זעלבע אישו, כאטש נישט אזוי גרויס. ער האט אויך פיל מיט פרעשאור, פון די בעל הבית, פון די קונדן, ס'נישטא וואס צו רעדן, דער נאטור טוט זיינס און ווען זאכן ווערן א התחייבות הערט אויף די קריעטיוויטי צו ארבעטן.

די קונץ איז צו קאמבאנירן די חלק פון ארבעטן שווער, "זייער שווער" - מיט פרעשאור - ווי סיי וועלכע אנדערע ביזנעס, און דאך זאל די קריעטיוויטי ארבעטן געהעריג.

וויאזוי?

[רעלמייר]

איך גיי ממשיך זיין מארגן, יעדע מעג אריינהאקן.

[adobe yid]

פששש!! יא גערעכט!

[פישל]

רעלמייער איז פון נאטור אויס א "קריעטיוו" מענטש, ער גלייכט צו פאנטאזירן קריעיטן און אויפקומען מיט איידיעס, ער איז געבוירן מיט דעם חוש.

רעלמייער! היבש אמת!

[אינטעליגענט]

די גרעסטע ראי' צו דיינע ווערטער, איז פון א איד וואס הייסט רעלמייער..
שיינט צו זיין זעלבסט א דיזיינער, אבער שפרודעלט מיט א גאלד-קוועלנדע שריפט, מלא תוכן און פארשטאנד..

יאפ, כ'שטים צו צו יעדעס ווארט.

[א גרויס חלק פון דיינע רייד, האבעך פונקט נעכטן געהערט פון א חשוב'ער אינגערמאן, א דיזיינער.. ביסטו עס נישט פערצופאל? נישט דו ביסט דער וואס גלייכט קעץ?...]

[קהת]

רעלמייר: ביסט אזוי גערעכט, זייער גוט געשריבען!!!!

[ווילדער קאפ]

שאלוימאלייחעם רעל... (וואס א נפק"מ)
נייס טו מיט יו!
אונז זעמיר גאר שטארק איינשטימיג מיט דיין חות דעת.

דאונט פארגעט טו מעיק יורסעלף קאמפטעביל! ענדזוי יור סטעי!

[מאנאגרעמס]

צאמשטעלן קריעטיוויטי מיט שווער ארבעטן איז נישט קיין קונץ. עס איז פשוט נישט מעגליך...

האסט מיך גוט ארויס!...

[אורחאפורחא]

שלום עליכם ערעב רעלמייער:
עס דערקענט זיך אז דו ביזט ניי דא אין אייוועלט, דארפסט וויסן אפאר כללים פאר די הייבסט אן שרייבן דא מאכט אייך היימיש נעמט א קאווע זעצט אייך אראפ.
#1 דאס איז די הויפט און גרעסטע כלל וואס אנע דעם איז נישטא גארנישט, דאס איז וואס מען רופט דאהו אן אין איין ווארט וואס יעדער ווייסט צו זאגן וועגן דעם שרעקעדיגע סטראשעדיגע ווארט די ווארט איז "גילוי"..
דגילוי איז איינע פון די גרעסטע דריי עבירות חמירות א אויף דעם (איי)וועלט. וואס אזאנס איז דאס גילוי? גילוי ווערט אנגערופן ווען איינער גיבט ארויס ווער עס שטייט אונטער א ני"ק (לא עלינו אויףך קיין שום איד נישט געזאגט).
איך האב נישט קיין טענות צו דיר ווייל דו ביסט ניי דא אבער עס איז זייער נישט שיין צו נעמען איינעם למשל אורחאפורחא און אן קיין שום ווארענונג אדער סטראשע אויפאמאל אזוי אפן און גראב צולייגן זיין גאנצע מהות פון אנפאנג ביזן סוף .איך ווייס נישט ווער דו ביזט ? צו די האסט גערעדט צו מיר אויפן טעלפאון צו די ביסט געווען ביי מיר אין אפיס אבער איין זאך זעה איך אז די האסט מחליט געווען מיך דא צו באשרייבן היינט , פליז נאו מויר גענוג אוטש:
אוי האט ער מיך ארויס...

ישר כוח פאר דיין ארבעט

[פלוני]

דער ...... זאל ארויס פון מקוה

[ווארום]

שפתיים ישק!!

זיי ממשיך! כהאף אז אלץ גרעפיקער, וועסטו אויך אויפלעבן די גראפיקס פארום!

[שלמי]

גוט געשריבן אין היבש אמת. וועלקאם.

[אונגארישער]

שלום עליכם אבארד רב רעלמייר (?)

איך בין נישט קיין גרעפיקער אדער דיזיינער , אבער איך האב זייער שטארק הנאה געהאט פין דיין אנאליז

[שמערי בערי]

געוואלדאוונע. ייש"כ, קיפ אפ יור גוד ווארק

[ביקסאד]

לאמיר אנרופן דאס קינד ביים נאמען, דער גרעפיקער איז אין ביזנעס אלץ אן אינדזשוימענט, ער מוז עס האבן פאר זיך, ווען ער איז נישט קריעטיוו האלט ער עס נישט אויס, ער מוז עפעס טון. ער איז אנדערש ווי דער בוקקיפער, דער באקס שלעפער, דער באס דרייווער וואס גלייכן פשוט צו ארבעטן שווער, אן קיין גרויסע קריעטיוו און אויסטרעפן אריינגעלייגט אין זייער ארבעט, דער גרעפיקער גייט נישט אן צו ער ארבעט שווער צו נישט, ביי אים מוז די חלק הקריעטיוויטי ארבעטן פלייסיג.

יעצט פון דארט ביז מאכן געלט איז א ווייטע מהלך.

מען זעט זייער אסאך גרעפיקער מיט דעם פראבלעם, ער קען זיך נישט צובינדען צו א צייט, צו א בעל הבית, צו א קאסטומער, ער וויל פון גארנישט הערן, זיינע זאכן מוזן געלונגען שיין, און מען מוז אים באהאנדלען מיט זיידענע הענטשוך.

אין די לעצטע צענדליגער יארן האבן זיך מער גרעפיק קאמפאניס צוגעמאכט ווי געעפנט, פארוואס? שטודירט אביסל דורך דעם נושא, במחילת כבודם, זענען די אלע בעלי בתים פון די גרעפיק קאמפאניס געווען די גרעפיק דעזיינערס אליינס, און פירן א ביזנעס און קריעטיוויטי איז הימל און ערד, בעסער געזאגט: פייער און וואסער. א שטיק סתירה.

ווען איינער פרעגט צו "אלץ גרעפיק דעזיינער" צו עס לוינט אים צו ארבעטן ביי א צווייטן אדער גיין פאר זיך, איז די תירוץ אז אויב וויל ער מאכן געלט זאל ער גיין אונטער א בעל הבית!

עס איז מעגליך א זאך וואס איז זייער אומבע'טעמ'ט צו הערן, אבער די עקספיריענס פון גרעפיקס ביים היימישן ציבור ווייזט קלאר אזוי. עס קען זיך דיר דמיונע'ן ווי דו גייסט רייבן גאלד אלץ א הערליכע דיזיינער, און זאלסט וויסן דו ביסט טאקע א הערליכע דיזיינער, אבער... די רעדע איז דא פון מאכן געלט, עס אויפקעשן. אויב ביסטו א דיזיינער ביסטו געווענליך נישט געאייגנט צו פירן א ביזנעס. עס איז א סתירה.

יעצט אפילו אן ארבייטער האט אבער אויך די זעלבע אישו, כאטש נישט אזוי גרויס. ער האט אויך פיל מיט פרעשאור, פון די בעל הבית, פון די קונדן, ס'נישטא וואס צו רעדן, דער נאטור טוט זיינס און ווען זאכן ווערן א התחייבות הערט אויף די קריעטיוויטי צו ארבעטן.

די קונץ איז צו קאמבאנירן די חלק פון ארבעטן שווער, "זייער שווער" - מיט פרעשאור - ווי סיי וועלכע אנדערע ביזנעס, און דאך זאל די קריעטיוויטי ארבעטן געהעריג.

וויאזוי?

גרעפיקער: ארבעטן פאר א צווייטן, אדער גיין אליינס

[ווער בין איך?]

אייזן געזאגט! איך האב נישט וואס צוצולייגן!

[מר. פאטאשאפ]

ברוך הבא הרב רעלמייר
איך גלייך געראדע אזוילכע באשרייבעכצער, אבער איין זאך שטערט מיך.. פארוואס וועקסטו אויף אזוילכע פארווייטאגטע נושאים, ביי אונז זאגט מען אין אזא פאל "לאמיר רעדן פון שמחות". כ׳וועל דיר זאגן - ביי מיר לויפט אפטמאל אדורך אזא בייזע מחשבה ווי "וואס וואלסטו געטוהן ווען דו מוזט ווען שלעפן באקסעס אגאנצן טאג".. א.ד.ג. נאר וואסזשע דען, היינט אין די שוואכע עקענאמיע וועלט זענען טאקע דא זייער אסאך וועלכע ארבעטן טאקע מיט אזוילכע זאכן וואס אין אנדערע אומשטענדן וואלטן זיי שוין ענדערש אויסגעוועהלט צו ארבעטן אין מצה בעקערי.. און אז מ׳איז שוין יא זוכה צו ארבעטן אין א פלאץ וועלכע איז צוגעפאסט פאר אונז, דאן איז דאס גענוג. ממילא גייט מיר שוין נישט אן ווען ס׳קומט צו טראכטן וועגן געלט זאכן, ווייל אזוי זענען כאטשיג די געלט זאכן אויך בנוגע גראפיקס, און נישט אז איך טוה אין אנדערע געלט זאכן פון וועלכע איך גלוסט זיך נישט צו טראכטן..

איז אויב וועסטו מצליח זיין אויפצוקלערן דעם עולם מיט עפעס דברים של טעם, זאל דיר דער זכות ביישטיין

[רעלמייר]

קודם יישר כח פאר אלע מגיבים וואס געבן מיר מוט ווייטער צו שרייבן מיינע דורכשטודירטע החלטות איבער דעם נושא פון ביזנעס און גרעפיקס.

איידער איך גיי ווייטער וויל איך קלאר מאכן אז דאס וואס עס האט זיך געקענט אויסטייטשן פון מיינע ווערטער אז עס איז פשוט נישט מעגליך צו זיין אן אייגענע בעה"ב און א גרעפיקער, איז נישט אזוי. עס איז יא מעגליך, און עס איז פאקטיש דא וואס באווייזן עס, אבער דער נאטור מוז זיין גאר שטארק, און מען מוז גוט שטארק האבן געארבעט אויף זיך אין די ענינים וואס מיר רעדן דא.

און יעצט לאמיר גיין ווייטער.

מיר האבן ארויסגעברענגט די דיסעפוינטמענט וואס גרעפיקער האבן ווען זאכן פארן ארויס פון די "רעלסן פון קריעטיוויטי" אן זייער קאנטראל.

די עצה וויאזוי צוצוקומען צו קענען מאכן געלט פון גרעפיקס איז צו קלאר ארויסהאבן די ליין, און אלעס וואס אינוואלווט אין די גרעפיקס ליין, און הערשט דערנאך ארבעטן אויף זיך.

איז צום ערשט לאמיר קלאר מאכן די פאקטן, און ביי די נעקסטע ארטיקל וועלן מיר רעדן וויאזוי צו ארבעטן דערויף.

די פאקט איז אז 50% -און צומאל פיל מער פון דעם- פון ארבעט וואס מענטשן ערווארטן פון א גרעפיקער האט גארנישט מיט קיין קריעטיוויטי! אויב איר זענט שוין אין די ליין לענגער ווי א קורצע צייט דערמאנט אייך נאר ביטע וואס איר האט אלץ געטון:

1) טוישן געוויסע פוינטס אויף עקזיסטירנדע עדס, 2) ריסייזן עדס, 3) אויסשניידן און פאררעכטן עדס וואס אנדערע האבן געמאכט, 4) זוכן בילדער אויף סייטס, 5) זיך שפילן מיט "עקסעל" פיילס, 6) אימפארטן און עקספארטן פיילס ביז מען זעט עס אין אינדיזיין, ועוד ועוד, ועל כולם: 5) עדס אן קיין באזונדערע לעיאוט.

און דער לעצטער איז דאס שווערסטע פאר א פראפעשענעל גרעפיקער, א זאך וואס א קאסטומער וועט קיינמאל נישט פארשטיין. יא, א עד אן קיין באזונדערע לעיאוט מוטשעט אויס דעם גרעפיק דעזיינער'ס מח אפשר מער ווי א שיינע עד. צומאל טראכט דער גרעפיקער: זאל דער מענטש עפענען ווארד און עס אליינס מאכן, - אבער זייט וויסן אז יא, מאך שלום מיטן מצב, ער קומט צו דיר מיט "ווארד" ארבעט!.

דער קאסטומער וויל אריינלייגן א פשוטע עד אין דער איד-בלאט-צייטונג, אז זיין מוסד גייט יעצט אנקומען קיין פאריז שאפן נדבות, און די פאריזער אנ"ש זאלן זיך גרייטן. דער קאסטומער זאגט אז ער דארף באמת גארנישט, "פלעין א שיינע עד", און ער איז גערעכט!, ער דארף טאקע נישט קיין קאלערדיגע בענערס מיט אויגפארכאפענדע טייפאגרעפיע, אבער פון דארט ביז עס קומט אויס צום צופרידנהייט פונעם קאסטומער איז א לאנגע וועג, דער גרעפיקער דארף זיך נעבעך ארומשפילן מיט נארישע טעקסט קארעקשענס וואס גייט אהין און צוריק, און מיט באלט און גרויסע אותיות, און נאכדעם צולייגן א "פלעינע פרעים", וכו'.

און ווער רעדט נאך פון א "ענגלישע" פלעינע עד...

יא, דאס איז מעשים בכל יום, און דאס איז א חלק פון דיין ארבעט אלץ גרעפיקער, וואס איז נישט צו א נאנטער קרוב צו "קריעטיוועטי" און אפשר גאר זיין שונא.

אין קריעטיוו ארט איז אויך דא אויסמוטשענדע חלקים פון פראבירן צו דערגיין דעם קאסטומערס רצון, מען מאכט איין עד און עס געלונגט נישט, נאך איינס און נאך איינס.

און דאס איז בלויז אין גרעפיקס, חוץ דעם איז נאך דא פילע ענינים וואס מען דארף העלפן דעם קאסטומער, מיט פרינטינג, צו מיט טעקסט, אים אויסהערן, אים פארשטיין.

בקיצור, "דער ביזנעס פון גרעפיקס" איז 50% נישט קיין גרעפיקס. פינטל. (פינטל איז נישט דאס ריכטיגע ווארט, איך וואלט געשריבן "אוטש, עס ציפט").

און לאמיר צוריקגיין צו דעם קריעטיוויטי חלק פונעם דעזיינער, דאס אליינס, אפילו ער זאל זיין נאר פארנומען מיט שיינע אינטערסאנטע אויפטרעפעדיגע עדס, איז אבער קריעטיוועטי א מאשין וואס שלאפט איין און וועקט זיך אויף, עס האט מיט פארשידענע פאקטארן, מיט די צייט און טאג, מיט די מידקייט וכו'.

איין דיסעפוינטמענט אינמיטן טאג קען הרג'נען די קריעטיוועטי פון לאנגע שעות, עס איז אויך מעשים בכל יום. און דיסעפוינטמענט ביי א קריעטיוו מענטש מיינט נישט דוקא א געווענליכע דיספעוינטמענט, עס קען מיינען פשוט אז ער דערזעט זיך אין א "נישט קריעטיוו מצב", ער דארף טון שווערע זאכן וואס גייט ארויס פון זיין קריעטיוו גדר, דאן איז דער טאג פארשלאפן.

*

די עצה איז אלזא צו זיין פולקאם גערישט אויף זאכן וואס עס גייען פאסירן, און איך זאג דיר קלאר מיסטער גרעפיקער, דיין טאג גייט זיין אנגעפילט מיט 50% נישט גרעפיקס! דו וועסט מוזן רעדן צו קאסטומער, זיי עקספלעינען, און אינמיטן גייען דיר אפאר חברה אנרופן וואו זייערע זאכן האלטן, און דו וועסט זיך מוזן ברעכן קאפ וואס זיי צו ענטפערן נאכן אפשטופן אפאר טאג. און ווי אויבנדערמאנט נאך פארשידענע ענינים.

צו קענען הענדלען א ביזי סיטואציע איז א "מוז" פאר יעדן גרעפיק דיזיינער. און אפילו אין די צייטן וואס ער האט זיך נישט גערישט אז עס גייט זיין פארנומען און עס פאסירט פלוצלינג דארף ער קענען אנהייבן פונדאסניי כאילו ער וואלט שוין געוואוסט דערפון אז דער מצב גייט קומען, און שטיין אין טאפ דערפון.

זאת ועוד, אין א מצב וואס מאכט זיך -זאל זיך נישט מאכן - אז דו האסט נישט צופיל ארבעט, אבער איין נערווירנדע קאסטומער האסטו יא וואס ווארט אויף זיין דזשאב, נישט קיין גרויסע זאכן, זאלסטו וויסן אז "דא" ליגט די הינט באגראבן, וועסטו האנדלן דעם קאסטומער "יעצט" אויף די מינוט, וועסטו מאכן געלט, און אז נישט - ס'טייטש אז דו רעדסט זיך איין אז דו קענסט נישט - וועסטו נישט קענען הענדלען קיין שום סיטואציע.


אינעם קומענדיגע ארטיקל: פארשידענע ספעציפישע סיטואציעס און וויאזוי זיך אומצוגיין דערמיט (למשל: וויאזוי צו געבן עסטימעיט צייט ווען דער עד גייט זיין רעדי, וכו'). און ווער איז גערעכט מיט די א.ג. "חוצפה'דיגע" בקשות פון קאסטומערס.

[רעלמייר]

פששש!! יא גערעכט!

יישר כח

רעלמייער איז פון נאטור אויס א "קריעטיוו" מענטש, ער גלייכט צו פאנטאזירן קריעיטן און אויפקומען מיט איידיעס, ער איז געבוירן מיט דעם חוש.

רעלמייער! היבש אמת!

איך בין נישט אזוי זיכער אז דו קענסט מיך.

[א גרויס חלק פון דיינע רייד, האבעך פונקט נעכטן געהערט פון א חשוב'ער אינגערמאן, א דיזיינער.. ביסטו עס נישט פערצופאל? נישט דו ביסט דער וואס גלייכט קעץ?...]

ניין, ס'נישט איך. אבער די נושא איז ברייטפארצווייגט, און מען דארף פשוט האבן א רואיגע מינוט צו טראכטן זעט מען אז דאס אלעס איז אמת ויציב.

רעלמייר: ביסט אזוי גערעכט, זייער גוט געשריבען!!!!

יישר כח

שאלוימאלייחעם רעל... (וואס א נפק"מ)
נייס טו מיט יו!
אונז זעמיר גאר שטארק איינשטימיג מיט דיין חות דעת.

דאונט פארגעט טו מעיק יורסעלף קאמפטעביל! ענדזוי יור סטעי!

"רעלמייר"

צאמשטעלן קריעטיוויטי מיט שווער ארבעטן איז נישט קיין קונץ. עס איז פשוט נישט מעגליך...

האסט מיך גוט ארויס!...

עס איז יא מעגליך!

שלום עליכם ערעב רעלמייער: וכו'

אייעם ווערי סארי, פאר דיר און אנדערע וואס זעהן זיך אין דעם ארטיקל, אבער ההכרח לא יגונה.

דער ...... זאל ארויס פון מקוה

די גרעפיקער זענען נישט קיין ....ים, און א גרעפיקער וואס זעט זיך נישט טיילווייז אין דעם ארטיקל איז לכאורה נישט קיין גרעפיקער.

שפתיים ישק!!

זיי ממשיך! כהאף אז אלץ גרעפיקער, וועסטו אויך אויפלעבן די גראפיקס פארום!

איך האב נאכנישט ארויסגעוויזן מיינע גרעפיק קענטעניסן דא אז דו זאלסט קענען שרייבן אויף זיכער אז איך זעלבסט בין א גרעפיקער.

גוט געשריבן אין היבש אמת. וועלקאם.

יישר כח

שלום עליכם אבארד רב רעלמייר (?)

איך בין נישט קיין גרעפיקער אדער דיזיינער , אבער איך האב זייער שטארק הנאה געהאט פין דיין אנאליז

גייסט ארויס פון דא אין דער מינוט?

געוואלדאוונע. ייש"כ, קיפ אפ יור גוד ווארק

אייזן געזאגט! איך האב נישט וואס צוצולייגן!

יישר כח

ברוך הבא הרב רעלמייר
איך גלייך געראדע אזוילכע באשרייבעכצער, אבער איין זאך שטערט מיך.. פארוואס וועקסטו אויף אזוילכע פארווייטאגטע נושאים, ביי אונז זאגט מען אין אזא פאל "לאמיר רעדן פון שמחות". כ׳וועל דיר זאגן - ביי מיר לויפט אפטמאל אדורך אזא בייזע מחשבה ווי "וואס וואלסטו געטוהן ווען דו מוזט ווען שלעפן באקסעס אגאנצן טאג".. א.ד.ג. נאר וואסזשע דען, היינט אין די שוואכע עקענאמיע וועלט זענען טאקע דא זייער אסאך וועלכע ארבעטן טאקע מיט אזוילכע זאכן וואס אין אנדערע אומשטענדן וואלטן זיי שוין ענדערש אויסגעוועהלט צו ארבעטן אין מצה בעקערי.. און אז מ׳איז שוין יא זוכה צו ארבעטן אין א פלאץ וועלכע איז צוגעפאסט פאר אונז, דאן איז דאס גענוג. ממילא גייט מיר שוין נישט אן ווען ס׳קומט צו טראכטן וועגן געלט זאכן, ווייל אזוי זענען כאטשיג די געלט זאכן אויך בנוגע גראפיקס, און נישט אז איך טוה אין אנדערע געלט זאכן פון וועלכע איך גלוסט זיך נישט צו טראכטן..

איז אויב וועסטו מצליח זיין אויפצוקלערן דעם עולם מיט עפעס דברים של טעם, זאל דיר דער זכות ביישטיין

איך בין דא צו אויפקעשן די גרעפיקס אויף געלט, די וועג האט שטרויכלונגען, איך ווייס, אבער נישט יעדער באווייזט עס דורכצוגיין - ליידער - צוליב דעם וואס מען טוט וואס דו האסט ארויסגעברענט.

[פאכמאן]

רעלמייר! מוראדיג!!!

אזוי אמת'דיג, אזוי קלאר, כאניש קיין ווערטער.

כגעדענק נישט איך זאל שוין האבן אמאל אזוי געליינט אן ארטיקל און "יעדעס ווארט" זאל רעדן צו מיר. און נישט סתם ווייל ס'איז גוט אראפגעלייגט, נאר יעדעס ווארט איז אמת און וואהר!

[reb yid]

רעלמייר, איי דא עדמייר....
זייער קלאר ארויסגעברענגט... ייש"כ
---
וואס איז מיט'ן נעמען א מענעדזשער פאר א צוהילף? איז דא מער אויסזיכטן צו קעשן די גראפיקס?
---
אגב... וואס פארא נאמען איז דאס רעלמייר? ס'האט א באדייט?

[פאכמאן]

שפתיים ישק!!

זיי ממשיך! כהאף אז אלץ גרעפיקער, וועסטו אויך אויפלעבן די גראפיקס פארום!

איך האב נאכנישט ארויסגעוויזן מיינע גרעפיק קענטעניסן דא אז דו זאלסט קענען שרייבן אויף זיכער אז איך זעלבסט בין א גרעפיקער.

נישט מעגליך אז נישט.

[אונגארישער]

רב רעלמייער שיץ מיך נישט ארויס פין דא פאר צוויי סיבות


(1) ווייל ווען איך געב א עד פאר א גרעפיקער איז מיר נוגע די המשך פין די ארטיקל

(2) די קאנצעפט איז נוגע אין אנדערע פעלדער אויכעט


טענקס עני וועי, קיפ אן רייטינג

[ווילדער קאפ]

קיפ גאואינג..

[גימעל]

שוין לאנג נישט געליינט אזא ארטיקעל אויף איי וועלט.
ובפרט אין גרעפיקס פארום....

האלט אן מיט דיין זאכליכע ארטיקעל, עס וועט זיכער ארויס העלפן פאר אונזער היימישע גראפיקער וועלכע האבן אויסדערוועלט צו גיין אליין אין ביזנעס.