בס"ד
וועלטניק האט געשריבן:אן אינספעקציע אין ניו יארק קאסט 37 דאללאר? און אויב איז עס פון אמאל, איז שוין געווען דרשו דאן?
ערנסט גערעדט, איך פארשטיי אז אלס די פארטאגראפיע איז שיין אן אלטמאדישן נאסטאלגישן סצענע, אבער וואלט נישט געווען מער פראקטיש פארן מעסעזש פונעם עד צו לייגן אן אדעססי אד"ג?
שששש... נאך א סוד פון מארקעטינג, די "קיצל אין הארץ" פון א מעכטיגע עד סצענע. אדיסי איז מער "מעינסטרים" פון היינט, אבער די סטעישאן וועגאן, ווי עס איז אזוי אויפ'ן בילד, גיט א פיינעם שאקל אין מוח און הארץ, מיט אסאך געפיל, נאסטאלגיע, זכרונות, גאנץ עמוק - מען בלייבט שטיין צו אזא עד, עס ציט און לאזט נישט גיין ווייטער, ביז דער "מעסעדזש" וואס דער עד איז אויספלאנירט צו שיקן, איז אריין אינגאנצן אין די ביינער. ריכטיג, מיילעך?
ואדאתינן להכא, שששש, נאך א סוד... מי שטרח יאכל, ס'איז זיכער אז די עדס קאסטן מער ווי אביסל פוטער-ברויט, אבער די הערליכע בריליאנטענע בילדער עד קאמפיין קויפט איין א גאלדענע "ריטוירן אן אינוועסטמענט" וואס איז ממש נישט שייך צו מעסטן, עס לוינט זיך יעדע דאלאר, מ'קען זאגן ס'איז געווען א "דרשו" באקאנשאפט בעפאר, און א "דרשו" באקאנטשאפט נאכדעם - לא קרוב זה אל זה. דאס איז ווערד כל הון דעלמא. ממילא, ווען א קאמפאני וויל אינוועסטירן אין מארקעט, קען מען געבן א וויש אריבער מיט פינעף הונדערט דאלאר, און מ'מיינט מ'האט זיך געשפארט א מציאה, מורא'דיג, אבער די קאמפאני וואס האט שכל און טוט וואס דרשו דרייט איבער א וועלט, זעהט געווענליך די ROI אויף א ריזיגן פארנעם. נישט יעדער דארף גיין אזוי "גרויס," אבער קען דיין מארקעט, קען דיין ציל, ארבייט קלוג, און גיי דערפאר.
נאך א סוד? אקעי... דער קאסטומער דארף נישט פארשטיין וואס דער מארקעטער טוט און וויל, ער דארף נאר זאגן וואו ער וויל אנקומען (אויב ער ווייסט), און לאזן דעם מארקעטער טאן וואס מ'ברויך אנצוקומען אהין. דארף דער מגי"ש פון דרשו פארשטיין צו פאטאגראפי? צו פראפס? צו מארקעטינג, צו מעסעדזשינג? צו קריעטיוו, צו די מוח-הארץ קיצל הנ"ל וואס דא טוט זיך אזוי מאסיוו? דארף א גראסערי מאן אדער סערוויס קאמפאני אייגענטומער פארשטיין פארוואס די פריערדיגע עד פונעם יונגערמאן אויפ'ן וואלקן קראצער האט געהאט אזא פרעצעדענטלאזע WOW פאקטאר? דארף דער קאסטומער אויפקומען מיט'ן געדאנק בכלל? אוודאי נישט אויף די אלע פראגעס. פאר "דעם" צאלט מען די מארקעטינג פירמע, דער קאסטומער זאל טאן זיין ארבייט צו וואס ער פארשטייט, און דער מארקעטער זיין ארבייט.
אה... די פענע פליסט... מ'קען שרייבן אויף דעם וואכן און חדשים...
---דרשו איז אנגעקומען צו וויסן "פונקטליך אויפ'ן האר" וואו זיי ווילן אנקומען חנוכה תש"פ הבעל"ט און אויפ'ן לענגערן-טערמין.
--"דארט" און די מומחים דארטן זענען אנגעקומען צו וויסן פונקטליך אויפ'ן האר וויאזוי צו ברענגען "דרשו" צום דערמאנטן ציל כנ"ל
--ווען איינער הערט היינט די ווארט דרשו, גיט זיך בליץ שנעל א וועק אויף אין הארץ/מוח דער "WOW געפיל" וואס ער האט געהאט ביים זעהן איינס פון די מעכטיגע עדס, און ער איז אסאך נענטער צו עפענען א אידיש ספר ווי ער איז געווען פריער. דאס איז (ווי איך פארשטיי, נישט גערעדט כלי ראשון) דער יסוד פונעם קאמפיין, און ס'איז מרפסין איגרא.
--ביזנעסער (און נאן-פראפיטס) וואס שפעקולירן וועגן "נישט ספענדן אויף מארקעטינג, וואס פעלט עס אויס," קענען דא נעמען אסאך לעקציעס.
אה... די פענע פליסט... אלעס פון איין אלטע סטעישאן וועגאן און א יונגערמאן וואס זוכט עפעס בעסערס ווי גלאצן אויף די בערג רעדלעך און פאראוילטע טשוואקעס.