על מחזורים וסידורי תפלה, פירושיהם ומפרשיהם

איבער ספרים און מחברים

די אחראים: אחראי,גבאי ביהמד

ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

על מחזורים וסידורי תפלה, פירושיהם ומפרשיהם

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

נאך דעם שמועס דאהי וואו מען האט אביסל ארום גערעדט פון די עמדין און של"ה סידורים, האבן מיר באשלאסן וואו איידער שמא ? ברי שיקדמנו אחר וועלן מיר אויסכאפן דעם סקרענטאן'ער רב, פאר ער וועט מאכן א יחלוקו און עפענען א כל בו געהענגעל, פון מחזורים סידורים, מיר רעדן נאר פון אזעלכע מיט פירושים, הלכות, הנהגות וכדומה.

אין אמת'ן וואלט זעך געפאדערט א לענגערע באשרייבונג א הקדמה און אריינפיר איבער דעם השתלשלות פון דעם סידור בכלל, פון די ערשטע דרוק'ן תפלות לכל ימות השנה, באזונדער פאר די ימים טובים ונוראים אא"וו, אבער דעריבער איז שוין דא באשריבן אויף דעם ברייטן געוועב און מיר וועלן אי"ה ברענגען לינק'ס צו אט די ערטער.

וזה החלי, בעזר צורי וגואלי, מיר דערמאנען אדערווייל נאר אין קורצן אזוי וואו מען זאגט אויפ'ן שפיץ גאפל, א טייל סידורים און ענינים ארום דעם, וישמע חכם ויוסיף לקח, יעדער זאל זעהן דערצו מוסיף זיין כהנה ובדומה לו, און גלייך צייטיג אויספאקן דערביי מה שמונח בקופסא כאבן שאין לה הופכין און מען זאל נישט עובר זיין אויף הכובש נבואתו, להגדיל תורה ולהאדירה.

דער אויבן דערמאנטער שער השמים של"ה סידור, געדריקט דורך דעם זוהן פון דעם של"ה הקדוש, און אין אמעריקא נאכ'ן קריג דורך בית הספר און ר' יוסף חיים פרידמאן פון שיכון סקווירא, און די פראכטפולע דריי בענדער'דיגע דרוק פון ר' צבי שטערן דורך חברת אהבת שלום.

דער ראדוויל'ער סידור, פארלאנגט א לענגערע באריכט.

דעם בארימטער בארדיטשוב'ער תפלה ישרה סידור וועלכע האט די תוכן פון דעם פריער דערמאנטן ראדוויל'ער סידור, מיט'ן פירוש כתר נהורא, געדריקט מיט די הסכמות פון דעם ברדיטשוב'ער רב-דער קדושת לוי, דער רבי ר' איציקל פון לובלין, דעם לובלון'ער רב-דער אייזערנער קאפ, דעם קאזשניץ'ער מגיד-דער עבודת ישראל, און פאר'ן קריג פון מהר"א מ'בעלזא, זיין שוואגער ר' פיניעלע פון אוסטילא און דעם סאטמאר רב-דער דברי יואל,
איי עצור במילין לא אוכל די זכרונות שווימען ארויף פון דעם ספינקא רבי דער תפארת צבי זי"ע, איי די לעכטיגע תורות בקידושא רבה בצפרא דשבתא גוטמוטיג מיט א שמייכל מאירין כנתינתן מסיני, ווען ער האט צענדליגער מאל מקדים געווען מיט דעם כתר נהורא, ואכהמ"ל.

דעם כל בו-ליקוטי צבי, געדריקט אין אמעריקא איטליכע מאל דורך ר' משה יצחק גרינוואלד שו"ב פון שיכון סקווירא,
אויף דעם ספר איז אויך דא א ספינקא סיפור פון גלייך נאך די קריג.

די חשיבות פון די סידורים מיט די שמות הוי"ה אדנ"י בשילוב, לדוגמא דעם טהרת השם סידור פון ר' ברוך יצחק פריינד [א געהענגעל איבער אים וואלט מען געקענט עפענען אין על "החסידים"] געדריקט אין תרפ"ז, דעם כתב אשורית סידור פון דעם סופר ר' אשר אנשיל ברוין, וועלכער ברענגט אין זיין הקדמה פון דעם ספר סדר היום פון דעם בן איש חי (דף נ"ה), איבער דעם חשיבות הענין.

דערמאנענדיג דעם שילוב השמות, וואלט כדאי געווען ארום צו רעדן פון וואו עס שטאמט דאס אז די צוויי אותיות יו"ד דינט אלס דער שם.

דעם תיקוני תפלות-שערי ציון, געדריקט דורך בית הספר אין אמעריקא און דורך ר' אהרן בלום אין ירושלם, לעצטענס דורך ר' יוסף צבי וויינשטאק פון קרית ספר.

דער בעלזער אור הישר סידור, מיט דעם אור צדיקים ודרך סעודה פון מהר"ם פאפיראש.

סידור הגר"א-אשי ישראל, מיט דעם מעשה רב.

דער ישועות ישראל סידור, פון ר' חיים ישעי' הכהן דער מחבר פון מסגרת השלחן אויפ'ן קיצור שו"ע, ושאר ספרים,
דער סידור איז געדריקט מיט די הסכמה פון דעם גוטער איד פון גאסטינין.

די סידורים, סידור נהורא און דעם סידור עבודה ומורה דרך, פון ר' אהרן מ"מ דק"ק מיכיילישאק,
מער באקאנט אלס דער בעל מטה לוי, האט אויך פארפאסט פירוש מטה לוי נישט נאר אויף מחזור קרבן אהרן,
עס איז דא אויך אויף הגש"פ, סליחות, קינות און תהלים.

די סידורי האר"י, ר' שבתי , קול יעקב-ר' קאפל, ר' אשר, ברויך יעדע איינע א אפהאנדלונג פאר זעך.

איבער א לעצטיגע לענגערע געהענגעל וועגן דעם סידור הרב,
האפן מיר אז דער סקרענטאן'ער רב זז"ג, וועט ברענגען די נויטיגע לינק דערצו.

איבער די ספרי המנהגים מחזור וויטרי וכו' אין א באזונדער געהענגעל אי"ה.

איבער דעם ספר תהלים, אזוי וואו דאס גייט שוין אריין מיט דקדוקי אותיות פאדערט זעך דערויף א באזונדערע אפהאנדלונג, איבער דעם כתר תורה פון ארם צובא, מסורת בן אשר און בן נפתלי, און דער פרי מגדים פסק'ענט הלכה כבן אשר חוץ אויף געציילטע פלעצער, דער מדקדק ר' וואלף היידענהיים, די סאלאוויטא און זשיטאמיר דרוקן, דער נעשכיז'ער תהלים.
ועמך כולם צדיקים
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

ביקסאדער רב, אל האשכול הזה התפללתי, מיר ווארטן שוין לאנג אויף אזא סארט אשכול, איבער עטליכע פון די סידורים האט מען שוין גערעדט אויף פארשידענע ערטער, איצט וועלן מיר זען וואס עס וועט נתחדש ווערן.

געב נאר אכט ווארף נישט צוזאם צופיל אויף איינמאל, מיין קליינע קעפעלע פארנעמט עס נישט, און דו ריזיקירסט אז מיין שיתוף ידידינו הרב מסקרענטאן זאל פון א יעדע שורה דיינע מאכן א באזונדערן אשכול...
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

רבותי עס קומען לעכטיגע טעג אויפן קרעטשמע פראנט אינעם 'ספרים אפטיילונג', אונזער פריינט דער גרויסער חריף און ידען, מביקסאד יסודו ועל הקרעטשמע הדרתו, האט געעפנט א פתח של אולם דורך אריינברענגען אונזער סידור'ל, אונזער הייליגער סידור'ל, וועלכע באגלייט אונז אין ליידן און אין פריידן, מיט אירע צענדליגע און אפשר הונדערטער פירושים פון פארשידענע מפרשים בכל מקומות מושבותיהם מזמנים ותקופות שונות, האט דער ביקסאדער עילוי גענומען אויף זיך די מיה פון זיי פרובירען צאמברענגען לפונדק אחד און מיט די הילף פון חברי חבורתינו ובעזהשי"ת לאילנא רברבא יתעביד לשמחת לבנו.

היות מ'האט שוין גערעדט פון צוטיילן דעם אשכול קוים איידער עס איז דא פון וואס, וויל איך פארשלאגן אז מ'זאל זיך האלטן דא נאר איבער סידורים ומפרשיהם (מחזורים איז געווענליך אינקלאדעט) און איבערלאזן דעם תהלימ'ל פאר אן אנדערן געלעגנהייט.

איך וועל דא אריינקאפירען די חלק פונעם סידור השל"ה פונעם דערנעבנדיגען אשכול, און ווער עס קען מיר מאיר עין זיין מיט אנדערע מראי-מקומות ביינאונז אין קרעטשמע אדער אויפן ברייטן וועב, וועל איך בעזר הוי' פרובירען אהער צוברענגען די לינקים אדער די ציטוטים כפי מסת הפנאי.

ביקסאד האט געשריבן:א טעמע פאר זעך איז דער של"ה סידור, ואי"ה עוד חזון למועד.


זארעכפעפער האט געשריבן:הרב מביקסאד,

איבער דעם סידור של"ה וועל איך מקיים זיין דעם איידי דאתי לידי און אריינווארפן בלויז 'עטליכע קליינע' הערות דעריבער, ווייל כאשר דברת איז דא צו שרייבן דערוועגן זייער זייער אסאך.
*

דעם סידור 'שער השמים' האט דער של"ה זעלבסט נישט געדרוקט. געדרוקט האט דאס זיין זון לאחר פטירתו, און ער שרייבט אין די הקדמה אז זיין טאטע האט אים געלאזט בצוואה אז דאס ערשטע זאל מען דרוקן דעם סידור. ביים ערשטן דרוק האט דער זון גענומען הסכמה'ס פון די גדולי ישראל בימים ההם, פון צווישן זיי דער תוספות יו"ט און דער ב"ח. דער ב"ח שרייבט אין זיין הקדמה צווישן אנדערע: אז ווער עס וועט דאווענען אין דעם סידור איז מובטח אז זיינע תפילות וועלן נתקבל ווערן. (זאגט מיר איינער אמאל אז די חברה סוחרים מאכן הויך יום טוב מיט דעם סידור, אמער דער ב"ח זאגט דאך א בפירושע הבטחה. גיי זיי זיי מסביר אז ער מיינט נישט דוקא 'דעם' דרוק פונעם סידור השל"ה, ער מיינט בעיקר אין 'א' סידור השל"ה מוז נישט זיין דוקא 'דעם' דרוק).

ווי אויך פארמאגט אין זיך דער סידור סאך א גרעסערער קאמפליקאציע ווי דער סידור עמדין. בעת דער 'ארגינאלער' סידור עמדין, וואס ער זעלבסט האט געדרוקט און ארויסגעגעבן, נעמט אריין אין זיך בלויז וואס דער יעב"ץ האט געוואלט; זיינע הגהות, דיוקים פירושים אא"וו, איז אבער דער סידור של"ה גאר אנדערשט אין דעם פרט. עס נעמט אריין זיך אסאך אסאך מער ווי בלויז 'דעם של"ה'. שוין ביים ערשטן דרוק האט שוין דער זון מוסיף געווען אסאך אסאך צום סידור, אנע שייכות צום של"ה.
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

וועגן דעם סידור רש"י האב יאך אויפ'ן מינוט געהאט פארגעסן צו דערמאנען, וואו באקאנט איז אין שכחה נאר לפני כסא כבודך.

וועגן אינטערסאנטע נוסחאות התפילה האבן מיר שוין אפס קצהו אביסעלע אנגערירט, ראה שם,
אבער עס איז נאך דא גענוג וואס צו רעדן איבער די עצם נוסחאות, דהיינו: ספרד, אשכנז, עדות מזרח און שער הכולל וכו', דערצו קומט נאך צו פארשידענע מנהגים וועלכע זענען א אינטערילאגע טייל פון דאווענען, וואו צום ביישפיל:
כורעים - ביי די תימן'ער ועוד בוקט מען זעך בפישוט ידים ורגלים טעגליך,
נשיאות כפים-דוכענען - נאר אין ארץ ישראל צו געוויסע מקומות אין חוץ לארץ אויך און צו מען מעג,
בלאזן שופר-ראש השנה שחל להיות בשבת - ביי די קהלות יוצאי פעס-מאראקא וועלכע זענען נמשך נאך'ן רי"ף בלאזן נאך היינט אויך, און צו דאס איז אויס געהאלטן.

אט די זענען חומר למחשבה, תן לחכם ויחכם עוד, אדרבה צייכנט אריין אייערע מיינונגען - דעת תורה, וואס יעדער האט זעך זיין חלק בתורת משה, באזירט און מיט מקורות פון רמב"ם - טור - שו"ע ונושאי כליהם ביז צו די אנגענומענע אחרונים לפני שנות דור, וועט מקויים ווערן עתידה תורה שתתפשט ומנן וממך יתלבנו ויתבהרו הדברים והענינים.
ועמך כולם צדיקים
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

ביקסאד האט געשריבן:די חשיבות פון די סידורים מיט די שמות הוי"ה אדנ"י בשילוב, לדוגמא דעם טהרת השם סידור פון ר' ברוך יצחק פריינד [א געהענגעל איבער אים וואלט מען געקענט עפענען אין על "החסידים"] געדריקט אין תרפ"ז, דעם כתב אשורית סידור פון דעם סופר ר' אשר אנשיל ברוין, וועלכער ברענגט אין זיין הקדמה פון דעם ספר סדר היום פון דעם בן איש חי (דף נ"ה), איבער דעם חשיבות הענין.

דערמאנענדיג דעם שילוב השמות, וואלט כדאי געווען ארום צו רעדן פון וואו עס שטאמט דאס אז די צוויי אותיות יו"ד דינט אלס דער שם.

מער איבער די נושא, זעהט דא כתיבת שם ה' במילואו?
ועמך כולם צדיקים
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

ביקסאדער רב, איך פארשטיי נישט וואס דער רז''ה [ר' שלמה זלמן כ''ץ הענאס] מיט זיינע נח'ס און נע'ס האט מיטן שם הוי''ה במילואו.

הגם איבער רז''ה און זיינע ספרים הסכמות און קאנטרעווערסיעס וואלט שוין לאנג געמעגט זיין אן אשכול דאהי.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

עס האט צו טוהן מיט דעם וואס הגר"מ שטערנבוך ברענגט עס אין זיין תשובה, לגבי קריאת שמע כתיקונו.

ער בארירט אביסל דעם פולמוס ארום דעם רז"ה.
ועמך כולם צדיקים
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

דער רז''ה'ס פראבלעם איז אז ער ערפינט מסברא דנפשי' נייע דרכים און כללים וואס שטייען נישט פון פריערדיגע, און ער טענה'ט אז די פריערדיגע האבן עס נישט געשריבן וויל עס איז זייער פשוט געווען, למעשה ער אליין אין ''צוהר התיבה'' ציעט צוריק פון זאכן וואס ער האט געשריבן אין''בנין שלמה'' וואס ער האט מחבר געווען''בהיותי בן עשרים שנה'', און דארט אין ''בנין שלמה'' קריגט ער שוין אויף פריערדיגע זייענדיג נישט מער ווי צוואנציג יאר, ער אליין אין זיינע ספרים אדרעסירט זיינע קריטיקירער כמה וכמה פעמים, נאר אינטעראסאנט אז אונזערע סידורים זענען געווענליך א צומישעניש פון אלע שיטות צוזאמען, צום סוף פון זיין ספר ''שער התפלה האטר' יצחק בראך ז''ל אריין געדר8קט א מאמר פון איינעם וואס רייסט אים אראפ, עס געפונטזיך ביי אונז אין אוצר.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

נאך איבער דעם רז"ה, אין ספרים וסופרים, וואו אויך אין גליון המעיין, נאך א אינטערסאנטער פלאץ אישים ושיטות.
ועמך כולם צדיקים
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

 
הרב מביקסאד א דאנק, מיר האבן אדורכגעלייענט די צוויי תגובות פון הרב לויפער און הרב יצחקי, לדעתי זענען ביידע נישט גערעכט, ביידע ציען צו עקסטרעם מיט זייערע מיינונגען איבער אים, דער אמת איז ערגעץ אינמיטן, איך האב אסאך געלייענט דעם רז"ה'ס ספרים, ער איז אין איין ווארט, אזוי ווי דער עמדין רופט אים אן און די הקדמה פון לוח ארש, א געזונטער בעל דמיון און פאנטאזירער וואס האט נעבעך געהאלטן אז עס איז נישט בנמצא בעולם נאך עמיצער וואס קען אדער האט געקענט דקדוק אויסער אים, ער אליין בארימט זיך אויף כמה מקומות אז ער איז בעל מלאכה אחת בשעת אנדערע זענען עוסק אין אנדערע מקצועות התורה אויך.
אמשול לך משל למה הדבר דומה, עס איז געווען א איד דער הייליגער סאטמערער רב ז"ל, ער איז געווען א צדיק וקדוש מופלג בתורה ועבודה און אויסגעארבעט במידות טובות  אויף גאר א געהאויבענעם אופן, איין זאך וואס האט נוגע געווען שטארק ללבו הטהור איז געווען די מדינת הציונית אירע שיטות און איר העברה על הדת אויף דעם האט ער מרעיש עולמות געווען און גאס האט ער גע'דרש'נט בדרשותיו ובתורתיו הנלהבות, זענען דא היינט אידן וואס האבן נאר אנגעכאפט די קנאות חלק פון אים  אפגעלאזט אלע אנדערע חלקים וואס ער האט אין זיך פארקערפערט און פארלאנגט פון זיינע תלמידים און געבליבן א בעל מלאכה אחת, אזש אז עס הייבט זיך זיי אן צו דאכטן אז זיי פארשטייען שוין בעסער ווי אים קנאות.
דאס זעלביגע איז דער רז"ה,  ער האט געלערנט דקדוק פון ספרים און דערנאך פארגעסן אז די אידן האבן געלערנט און געהארעוועט אויך אויף די תוה"ק און נישט נאר אויף דקדוק און זיין גאנצע דקדוק קומט נאר פון זיי און אויב פארקריכט מען פון זייערע דרכים איז מען אליינס אופן מארק אן קיין אינטערהאלטונג פון די פריערדיגע, זיינע ספרים זענען פיל מיט דמיונות און בארימערייען ווי כאילו נאר ער פארשטייט  און קיינער האט עס אזוי גוט ארויס ווי ער, ווייל ער איז דאך דער בעל מלאכה אחת, ער אליין  ציהט צוריק כמה וכמה פעמים פון כללים וואס ער אליין שטעלט אראפ אין זיינע פריערדיגע ספרים, וואס אגב זיין ערשטער ספר אויף דקדוק דער ספר בנין שלמה האט ער מחבר געווען ביי די צוואנציג יאר, און אז מ'דמיונ'ט  איז שוין פון דארט ביזן שקר נישט מער ווי א שפאן, נעמטס ארויס דעם לוח ארש און לערנטס אדורך די הקדמה ער מאלט אים זייער פיין אראפ.

 
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
המסתתר
שר מאה
תגובות: 167
זיך איינגעשריבן אום: דינסטאג דעצעמבער 23, 2008 6:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך המסתתר »

הרב פארשלאפן, איך פארשטיי נישט, קודם זאגט איר אז ביידע זענען נישט גערעכט און צום סוף האט איר מחליט געווען אז דוד יצחקי האט מער רעכט ווי יעקב לויפער. אנטשולדיגט מיר זייער, אבער דוד יצחקי איז באמת מגזים מיט זיינע תיאורים דארט, און דאקעגן יעקב לויפער ציט מער צו אינמיטן, דהיינו אז דער רז"ה איז נישט געווען אזא גרויסער בעל דמיון ווי איר ווילט אים אוועקשטעלן.

און איר גייט אויך אביסל צו עקסטרעם דא, האלט אייך אביסל צוריק פון אזוי אנגרייפן דעם ר' זלמן הענא, וואס דער נודע ביהודה (שו"ת מהדו"ק יו"ד סי' עד) שרייבט אויף אים דאס לשון: "המדקדק הגדול ר' זלמן הענא בשערי תפלה שלו". אזוי אויך דער פרי מגדים (או"ח סי' רטז). אויך הגאון ר' יהודה אסאד איז זיך מתפלפל אין זיינע ווערטער און ברענגט אים פאר א ראיה אין א ענין, (שו"ת יהודה יעלה ח"ב אבה"ע, חו"מ סי' קו).

און אפגערעדט פון דעם אז איר זענט נישט גערעכט אז ער האט אפגעלאזט דעם עיקר, ווייל ס'איז קלאר אז ער איז געווען א גרויסער תלמיד חכם אויך, און ווען נישט וואלט ער נישט געקענט אהער שטעלן אזעלכע יצירות.
יסתרני בסתר אהלו בצור ירוממני (תהלים כז)
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

אנטשולדיגט הרב המסתתר, איר האט מיך געזען שרייבן אז רז''ה איז געווען א משכיל, אז ער איז געווען א זייפן, אדער אז ער האט נישט געקאנט קיין דקדוק? ניין, ער איז באמת געווען א בקי, אלא וואס דען? דאס אז ער איז געווען א בעל דמיון איז דעם יעב''ץ'ס הגדרה אויף אים און ווער עס לייענט זיינע ספרים זעט עס בחוש, און דאס אז ער איז געווען א ''בעל מלאכה אחת'' איז זיין אייגענע הגדרה אויף זיך, דאס וואס איר צייכענט צו אז מ'פסק'נט ווי אים, דאס שרייבט דאך קלאר דער יעב''ץ אז דארט ווי ער איז גערעכט וועל מיר עס מקבל זיין.

טא געט א קלער לא חדשתי דבר קוקטס אריין אין יעב''ץ אין לוח ארש אדער אין רז''ה'ס ספרים וועט איר פארשטיין מיינע ווערטער.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
המסתתר
שר מאה
תגובות: 167
זיך איינגעשריבן אום: דינסטאג דעצעמבער 23, 2008 6:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך המסתתר »

חתימתך הוא נר לרגלי:

אם אתה מתוכח עם החכם, אל יהי לך לצער אם נצחך, כי ממנו תלמוד ותוסיף חכמה. (ספר חסידים)
יסתרני בסתר אהלו בצור ירוממני (תהלים כז)
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

סידור מנטובה - מיט ע"ט פון ר' אליהו בחור

דזאסט פאר אינטערעסאנטקייט, זוכטס מיר אויף ברכת התורה.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
זיידעניו
שר ארבעת האלפים
תגובות: 4376
זיך איינגעשריבן אום: פרייטאג פעברואר 01, 2008 12:51 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זיידעניו »

ביי ברכת השחר שטייט נישט די ברכת התורה, מסתמא איז עס ביים עולה זיין...
אוועטאר
scy4851
שר ששת אלפים
תגובות: 6805
זיך איינגעשריבן אום: דינסטאג יאנואר 29, 2008 11:57 am
לאקאציע: אפשר קען איינער מיר זאגען וויא!

  • ציטיר
  • צו לייגן א דאנק דארפט איר זיין אריינגעלאגט

תגובה דורך scy4851 »

עס שטייט דא
http://www.hebrewbooks.org/pdfpager.asp ... 44&pgnum=9
פאר די פרשת התמיד

טאקע אינטערעסאנט!
the SCY is the limit
אליהו
שר מאה
תגובות: 231
זיך איינגעשריבן אום: מאנטאג מארטש 02, 2009 8:37 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך אליהו »

איוב איך האב נישט קיין טעות ועגען מקום ברכת התורה איז ערקלערט באריכות אין די ספרים פון הרב בנימין שלמה המבורגר
שרשי מנהג אשכנז.

נוגע צו רז"ה, לויפר און יצחקי זענען ביידע מודה אז ער האט אויסגעטראכט נוסחאות,
לויפר טענה'ט נאר אז יצחקי איז צופיל מחמיר מיט איהם
אוועטאר
פרעגער
שר האלף
תגובות: 1738
זיך איינגעשריבן אום: זונטאג אוגוסט 09, 2009 11:35 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פרעגער »

ביקסאד האט געשריבן:נאך דעם שמועס דאהי ו


דעם כל בו-ליקוטי צבי, געדריקט אין אמעריקא איטליכע מאל דורך ר' משה יצחק גרינוואלד שו"ב פון שיכון סקווירא,
אויף דעם ספר איז אויך דא א ספינקא סיפור פון גלייך נאך די קריג..


אינטערעסאנט איז אז איך האב אמאל געזעהן דעם אריגינעלן ליקוטי צבי און דאס איז גאר א דינע ליקוט, זעהט אויס אז ליקוטי צבי איז פשוט צו פארגרינגערן אלע מיני תפילות, און אויב פאלט איינעם איין מוסיף צו זיין תפילות, דאן הרשות בידו.
פרעגט וואס איהר ווילט, ווען איהר ווילט, ווי אזוי איהר ווילט
אוועטאר
פרעגער
שר האלף
תגובות: 1738
זיך איינגעשריבן אום: זונטאג אוגוסט 09, 2009 11:35 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פרעגער »

ווידער אינטערעסאנט אנצומערקן:
אז דאס אויפ-קום פון אזא מין זאך ווי א מחזור אויף פסח אדער שלש רגלים ימים נוראים וכדו', איז א נייע זאך (דהיינו בערך 170 יאהר).
ווארום, 'מחזור' איז די טייטש אויף ענגליש סייק"ל וואס דאס מיינט א קיילעכיגער רינג פון איבער'חזר'ן א זאך.
דהיינו אמאל איז געווען א 'מחזור' וואס דאס אנטהאלטן אין זיך אלע תפילות פונעם קיילעכיגן יאהר, אבער אויב איז דאס געאייגענט נאר אויף איין יומא דפגרא וכדומה, דאן הייסט דאס נישט קיין סייק"ל - מחזור.
ע"כ דאס באוואוסטע ווערטל ווען איך דאווען אין מחזור איז יום טוב! איז פאלש, ווייל אין מחזור ברויכן זיך צו געפונען אלע תפילות פונעם 'מחזור - סייק"ל'.
פרעגט וואס איהר ווילט, ווען איהר ווילט, ווי אזוי איהר ווילט
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

איבער דעם רז"ה אמר הלבושי מרדכי מ'מאד, וז"ל :

דער צוהר התיבה פון ר' זלמן הענא, וואס דער פרי מגדים ברענגט איהם צוויי מאל,
איז ער אוודאי געווען א ירא שמים, מעג מען יא לערנען, אז מ'זאל קענען כאטשע דאוונען !

מקור, מפיהם ומפי כתבם חלק שני עמוד ע"א, עיין שם באריכות.
ועמך כולם צדיקים
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

א שיינע מאיסע.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

זיס האט געשריבן:דא
סידור “חסד לאברהם”, פון רבי אברהם טוביינא זצ”ל, וואס איז געבויט אויף כוונת האר”י,
סידור “עבודת תמיד”, פון רבי אלישע חבילייוו זצ”ל,
ועמך כולם צדיקים
imzist
שר חמש מאות
תגובות: 502
זיך איינגעשריבן אום: זונטאג מארטש 07, 2010 6:05 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך imzist »

לגודל עם הארצות שלי, האבעך ביזן זען דעם אשכול געמיינט אז ווען מען רעדט פונעם רז"ה דער בעל דקדוק, מיינט מען ר' וואלף (זאב) היידנהיים.
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

יש ויש, ווענדט זיך ווער און וואו.

ס'פארהאן וואס מיינען אז מ'רעדט פון רבינו זרחי' הלוי.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

ר' וואלף היידנהיים האט געדרוקט אין רעדלהיים מער וואו עטליכע אויף-לאגע'ס פון זיין סידור,
ביי היברו בוקס טרעף יאך די זיבעטע מהדורה מיט דעם נאמען שפה ברורה און נומער 22 הייסט שפת אמת,
קאן זיין אז ער האט פשוט נאר געטוישט די נעמען ביי יעדע מהדורה (?)

אן די מיין ליין האב יאך געזעהן אוואו ער ציטירט א אינטערעסאנטע עפיזאד וועלכע איז געווען געדרוקט אין דעם דזשואיש קראניקעל, ווינטער פון תרל"א
ביי די פראנצויזישע - פרייסישע קריג, אוואו מען האט געטראפן צוויי בלעטער פון א רעדלהיים סידור אין די שאנץ גרובענס נעבן שטראסבורג.
ועמך כולם צדיקים
שרייב תגובה

צוריק צו “ספרים ומחברים”