אידישע וועלט פארומס

איך קען נישט די היסטאריע פון הרב שטיינמאן, אבער איז ער אמאל געווען א רב? מיר ווייסען אז עס זענען דא רבנים און עס זענען דא ראשי ישיבות, און למשל הרב שך איז געווען א ראש ישיבה, רבי אהרן קאטלער איז געווען א ראש ישיבה; וואלט איינעם איין געפאלען זיי צו מאכען א ראש בית דין?

עס דערמאנט מיר אז מען זאגט (מוז נישט זיין אמת) אז רבי חיים בריסקער פלעגט פרעגען זיינע שאלות פונעם רב פון שטאט, און ער פלעגט אים זאגען "פסק'ן מיר, אבער זאג מיר נישט פארוואס, ווייל איך וועל עס אפ-פרעגען".

SPUSMN האט געשריבן:

להודיע האט געשריבן:

חמרא טבא האט געשריבן:מן הסתם האט זיך יענער טועה געווען מיט דעם

זייער שווער צו זאגן אז ס'איז בכלל געווען א קלער אויפצונעמען הגרי"ש בימי המנחת יצחק, ער איז שוין דאן געווען פסול און אפגעפרעגט ביים יהדות החרדית נאכן דינען אין די היכל שלמה 'סנהדרין', קעגן דעם פסק פון בריסקער רב.

נישט אזוי פשוט. קען אפילו זיין אז דער בריסקער רב וואלט געוואלט אז מען זאל אים אויף נעמען. מיט דער גאנצער קנאות פונעם בריסקער רב, מיינט נישט אז ער האט אוועק געמאכט דאס גדלות פון הרב שטיינמאן.

ש"ב רבי שמעון מעללער וואס האט ארויס געגעבען די ספרים אויף בריסק, האט דערציילט אז פארען דריקען די בריסקער רב'ס ווערטער קעגען היכל שלמה האט ער נישט געוויסט וואס צו טוהן, ער האט נישט געוואלט טשעפען הרב אלישיב (וואס ער האט אים געהאלטען פאר דער גדול הדור) און וואס איז געווען ראש בי"ד דארט. איז ער געגאנגען פרעגען הרב אלישיב אליין און ער האט עס אים געהייסען עס יא דריקען. איז ער געגאנגען פרעגען הג"ר חיים קנאיבסקי און ער האט אים אויך געהייסען עס דריקען.

ווען דער בריסקער רב איז נפטר געווארן איז שוין רב שטיינמאן געווען דער גדול הדור?

רב שטיינמאנ'ס טאטע איז געווען פון די גרויסע קעגנער פון בריסקער רב אינדערהיים (און נישט ווייל ער איז געווען רעכטער...) די סטעיטמענטס פון בריסקער רב'ס קינדער אויף אים האבן א סיבה...

זעהט עטץ דאך אז איך קען נישט די געשיכטע פון הרב שטיינמאן. ביז פאר בערך א צוואנציג יאר צוריק האביך נישט פון אים געהערט. נו, אז אן אמעריקאנער האט נישט געהערט פון אים איז דאך נישט קיין חידוש.

אבער לויט ווי דער ליטווישער וועלט האלט פון אים, מוז זיין אז דער איד האט פון קיין עולם הזה נישט געוויסט נאר געווען אריין געטוהן אין לערנען כל ימיו, און ביי די דרייסיג (א זיבעציג יאר צוריק) איז ער שוין געווען א גברא.

1

2

3

חמרא, מאיפה זה?

יהיה כן האט געשריבן:חמרא, מאיפה זה?

שעה טובה

שמעלקא טויב האט געשריבן:

שנאפס האט געשריבן:קודם די נאמען איז א חוצפה, דאס איז א ריין סאטמארער לאזונג...

דא זענען דאך דא וואס זאגן גאר אז ער איז א תלמוד פון רבינ'ס ישיבה אין שווייץ, שטימט דאך עס טאקע יא.

"רבין'ס ישיבה אין שווייץ" ממה אתה מדבר? סאטמארער רב האט א ישיבה אין שווייץ נישט געהאט, ניטאמאל קיין ת"ת. ס"ה פלעגן ארטיגע ישיבה בחורים'לעך (פון מאנטרעי ועוד) קומען צו פארן צו אים.

דאס יא, כ'האב געליינט אמאל כמדומה אין משפחה אז פאר רב שטיינמאן איז ארויפגעפארן וואוינען קיין אר"י איז זיין רעבעצין געגאנגען פרעגן סאטמארער רב, האט דער רבי געזאגט כ'וויל זעהן אייער מאן, ווען ער איז געקומען האט דער רבי איר געזאגט מיט אזא מאן קענסט רואיג ארויפפארן קיין ארץ ישראל. ע"כ המעשה וואס כ'נעם נישט קיין אחריות אויף איר..

מענטשאלע האט געשריבן:נארישקייט: איך האב מיט א צייט צוריק געזען דעם בוך פון די פרוטקולים פון די אסיפות פון די עדה החרדית, נישט הגרי"ש און נישט הגראי"ל זענען געווען קיין הצעות, ווער ס'קען די הנהלת העדה החרידת אין לעצטע פערציג יאר וויסט אז ס'איז אפילו נישט קיין הצעה.
ווער ס'איז יא געווען אין הגר"ש וואזנער שליט"א, רבי מרכי סאוויצקי זצוק"ל און נאך אנדערע.
ס'איז נישט מער ווי א טריק וויאזוי צו לעבעדיג מאכן די לופט.

גם להגר"נ געשטעטנער זצ"ל הגיע ההצעה (כן ראיתי בקובץ קול תורה לזכרו) אך הגאון ז"ל רצה להמשיך במשאת נפשו וחייו לימוד התורה וכתיבת ספריו בכל מקצועות התורה

מילכיגער האט געשריבן:רב שטיינמאנ'ס טאטע איז געווען פון די גרויסע קעגנער פון בריסקער רב אינדערהיים (און נישט ווייל ער איז געווען רעכטער...) די סטעיטמענטס פון בריסקער רב'ס קינדער אויף אים האבן א סיבה...

איך ווייס נישט איבער דעם פרט, עס איז די ערשטע מאל וואס איך הער אז זיין פאטער איז געווען עפעס א באקאנטער נאמען אין די שטאט, אבער בכלליות האט דער בריסקער רב נישט געשעפט קיין נחת דארטן, עס איז געווען א צורבא דרבנן דסניין לי' בני מתא מיט אלע מפרשים, (הגם איך בין נישט זיכער אז די סיבת המחלוקה איז געווען איבער אידישקייט בכלל), רוב אדער אלע תלמידים זיינע זענען "נישט" געווען פון די שטאט בריסק, די בני תורה פון דארט זענען געפארן לערנען ערגעץ אנדערש.

און בכל אופן ליבי נוקפי צו זאגן אז די סיבת התנגדות בני בריסק (לשעבר, היינט איז הרב אויערבאך דער טארגעט...) איז געווען צוליב דעם, ווייל הרב שטיינמאן גופא איז יא געווען נוטה צו בריסק, ער איז געווען פון די כולל אינגעלייט וואס האבן אונטערגעשריבן - אויפן אינציאטיוו פון בריסקער רב - דעם אולטימאטום צו איטשע מאיר אז אויב גייט די אגודה מאכן א חזית דתית אינאיינעם מיט די מזרחי וועלן זיי ארבעטן קעגן גיין צו די בחירות. ווי אויך איז ער געווען פון די מנין וואס איז ארויסגעפארן צו די מקומות הקדושים זומער תשי"ט מתפלל זיין לרפואתו פונעם בריסקער רב. אוודאי איז ער נישט געווען ווי הרב שך, אבער א קעגנער זיכער נישט.

מען גרייט זיך מיט עקסטאז צום נייעם ספר

דרמה בעולם הליטאי! הערב הולך לצאת לאור הספר ההיסטורי "צדיק כתמר יפרח" על מרן רה"י הגראי"ל שטיינמן ואשתו, שי"ל ע"י נכדו הרב גדליה הוניגסברג, ובו חשיפות רציניות בנושא המחלוקת הליטאית לצד 450 עמודים מלאים בכל פרקי חייו של מרן. בספר ישנם התבטאויות של מרן הגראי"ל על נושאים רבים בעשרות השנים האחרונות, כמו למשל למה סירב לבקשת מרן הגרי"ש אלישיב שיכתבו עליו "מרן" ביתד? למה אמר מרן שלוש פעמים וידוי? ועוד

SPUSMN האט געשריבן:

משנה מקום האט געשריבן:

מחותן האט געשריבן:עס איז דא אזויפיל זאגען וואס דארף קלאר ווערן לו יהא עס איז ווען אמת און ער ווערט ווען גאב"ד...

וואלט מען געשריבען רבינו סר מן הדרך אדער ער וואלט קיינמאל נישט סר געווען?

א ריזיגע חלק פין רבנים פין עדה זענען בכלל נישט געווען קיין קנאים פאר זיי האבען באקומען די פאסטען סאו דאס איז נישט קיין פראבלעם מען פאסט זיך אריין אין די זשאב

געהערט אז ווען דער סאטמארער רב האט מציע געווען אז דער מנחת יצחק זאל ווערען ראב"ד אין די עדה החרדית, האט מען אים געזאגט אז הרב ווייס איז נישט קיין קנאי, און אז אויף זיין בית המדרש אין מאנטשעסטער הענגט די איזרעלי פאן אין יום העצמאית. האט דער סאטמארער רב געזאגט אז עס וועט זיין גרינגער צו מאכען פון דעם גרויסען תלמיד חכם א קנאי, ווי צו מאכען פון א קנאי אזא גרויסע תלמיד חכם ווי אים.

ווען נישט דער סאטמארער רב מאכט אים ראב"ד וואלט ער קיינמאל נישט געווארען ירושלים'ער רב.

איך האב געהערט אז די רבי האט געזאגט א תלמיד חכם קען מען נישט ווערן איבערנאכט אבער א קנאי יא. און מ'האט געזאגט פארן רבין אז ער האט א תעודה פון מוסד הרב קוק האט די רבי געזאגט מ'זאל געוואויר ווערן אויב ער האט דעם תעודה געבעטן אדער באקומען, מ'איז דערגאנגען אז ער האט עס נישט געבעטן, דאן האט די רבי געגעבן דעם גרינעם ליכט

רב טקסט האט געשריבן: אין די סעריע פון טעכנישע פרטים מיט די זמנים, איז באוואוסט די מעשה אז איינער איז אמאל אריינגעקומען צו ר' יצחק אלחנן מיט א קשיא און רי"א האט עס אוועקגעמאכט, האט דער איד געזאגט ער ווייסט אז עס איז אפשר נישט אזוי שטארקע קשיא אבער ער האט סאך א בעסער תירוץ, ווען דער איד האט גענדיגט מיט זיין תירוץ זאגט איהם הגרי"א ווייסט איך האב אויך א קשיא, צו וואס האט איסגעפעלט די גאנצע סאך אז דער באשעפער האט ארויסגענומען א צלע פון אדם הראשון און באשאפן חוה, פארוואס האט אדם הראשון נישט געקענט חתונה האבן מיט די אלמנה פון הבל, דער איד הויבט אפאר אויגן, זאגט איהם הגרי"א כוויייס אז אפשר איז עס נישט אזא שטארקע קשיא ווייל דאס איז געווען נאך איידער הבל איז געבארן, אבער מיט די טעכנישע זאכן וועט מען זיך שוין א עצה געבן, נאר איך האב סאך א בעסערע תירוץ, ווייל עס ווערט געברענגט אז די כתנות עור איז געווען בבחינת בגדי כהונה גדולה, זעהט אויס אז אדם הראשון האט געהאט א דין כהן גדול ואסור באלמנה..

יעצט יו"ט שווימט ארויף אז הרב שטיינמאן שליט"א אליינס האט פארציילט די מעשה פון ווערן גערופען צו דינען אלס ראב"ד העדה החרדית, נישט מער און נישט ווייניגער ראש השנה ביינאכט דריי אזייגער, אלע וואס האט געשריבען אז די מעשה שטימט נישט, איז אזוי, די מעשה אזוי ווי 'מחותן' האט עס אראפגעלייגט שטימט עס טאקע נישט, אבער די מעשה האט פאסירט בשעת דער מנחת יצחק איז נאך געווען ראב"ד, עס טוט צולייגען א נייע טוויסט צו די גאנצע מעשה, דא האט איר א באריכט פון "משפחה" אינעם ארטיקל "סודות מרחוב חזון איש" וואס הרב שטיינמאן זוהן פארציילט:

נא_שכל האט געשריבן:יעצט יו"ט שווימט ארויף אז הרב שטיינמאן שליט"א אליינס האט פארציילט די מעשה פון ווערן גערופען צו דינען אלס ראב"ד העדה החרדית, נישט מער און נישט ווייניגער ראש השנה ביינאכט דריי אזייגער, אלע וואס האט געשריבען אז די מעשה שטימט נישט, איז אזוי, די מעשה אזוי ווי 'מחותן' האט עס אראפגעלייגט שטימט עס טאקע נישט, אבער די מעשה האט פאסירט בשעת דער מנחת יצחק איז נאך געווען ראב"ד, עס טוט צולייגען א נייע טוויסט צו די גאנצע מעשה, דא האט איר א באריכט פון "משפחה" אינעם ארטיקל "סודות מרחוב חזון איש" וואס הרב שטיינמאן זוהן פארציילט:

דער ארטיקל איז אינטערסאנט פארזיך, לעצטנס האט הרב שטיינמאן אנגעהויבן דערציילן זכורנות אינמיטן די נאכט פאר זיינע אייניקל וואס זענען אים משמש. אמאל פלעגט ער נישט ריידן, אויך זיין רעביצן פלעגט נישט זאגן גארנישט איבער איר גרויסן מאן, זי האט אלץ געזאגט: מיר האבן אפגעמאכט אז איך רעדט נישט איבער אים און ער רעדט נישט איבער מיר, אויף יענע וועלט וועלן מיר רעדען איינער אויפ'ן אנדערן...

דער גאנצער ארטיקל איז א איידיע פון נאך א ארטיקל איבער א לעבעדיגער גדול אויף א אנדערע סארט אופן!

#אינטערסאנט