בלאט 1 פון 2
הגהות שנתוספו ע"י עוז והדר בגליון תלמוד בבלי
פארעפענטליכט: דינסטאג יוני 17, 2014 10:22 pm
דורך מוטשע נישט
איז דא נאך איינעם וועם עס באדערט?
מיר נערווירט עס געפערליך, מען קען נישט לערנען קיין דריי שורות גמרא רואיג, יעדע צענטע ווארט האט א קליין אות דערנעבן וואס צייכנט צו א פרישע הגהה,
אין הכי נמי א חלק זענען פון גליון פון ווילנא נאך, און א חלק איז פרישע נוצליכע און וויכטיגע הגהות, אבער א גרויס חלק איז פשוטע שיפורים ותיקונים וואס עס פעהלט נישט אויס צום לימוד.
די אלע הגהות וואלטן געמעגט שטיין אין די זייט אבער אהן א סימן דערצו אינעם גמרא. אזוי ווי עס איז יעצט ווייסט מען נישט וועלכע איז וויכטיג צו קוקן און וועלכע נישט, און מיט יעדן פרישן מהודרא וואקסן נאר די הגהות נאך און נאך.
זאל ווען די גמרא זיין א טאטש-סקרין... ווי מען דארף בלויז דרוקן די אות און מען זעהט תיכף די הגהה, וואלט עס נאך געקענט מיטגיין, אבער איצט דארף מען צום ערשט זוכן ווי אויפן עמוד די הגהות זענען, און דאן אויף זוכן צווישן די פיצעלעך ווערטער די הגהה וואס מען זוכט,
פארעפענטליכט: דינסטאג יוני 17, 2014 11:05 pm
דורך שוועמל
מסכים.
נערווירט מיך אויך, בעסער געווען ווען סיז אויפן זייט
פארעפענטליכט: דינסטאג יוני 17, 2014 11:55 pm
דורך leiby
עגרי, כ'מוטשע מיך שוין לאנג מיט דעם פראבלעם, שוין באלד גרינגער צו לערנען אין א אלטע גמרא.
פארעפענטליכט: דינסטאג יוני 17, 2014 11:59 pm
דורך לכאורה
דארף צו זיין א גאנצע אשכול אין "ועל פליטת בית סופריהם" וועגן דעם פראבלעם.
מיר האט לעצטנס אנגעהויבן נערווירן די קאמע'ס (,) וואס זיי שטעלן אריין אין די ווערטער פון רש"י.
פארעפענטליכט: מיטוואך יוני 18, 2014 7:35 am
דורך מיללער
leiby האט געשריבן:עגרי, כ'מוטשע מיך שוין לאנג מיט דעם פראבלעם, שוין באלד גרינגער צו לערנען אין א אלטע גמרא.
איך לערן טאקע אסאך אין די אלטע גמרות מהאי טעמא.
די תורה אור השלם איז לדעתי די איינציגע עכט וויכטיגע אויפטוה פון עוז והדר.
די זעלבע טענה האב איך אויפן דער אופן פון מסדר זיין די מסורת הש"ס אין אותיות, די ווילנא דרוק איז געווען א סאך גרינגער ווען אלעס איז ביי די האנט.
פארעפענטליכט: מיטוואך יוני 18, 2014 7:41 am
דורך מי יודע
leiby האט געשריבן:עגרי, כ'מוטשע מיך שוין לאנג מיט דעם פראבלעם, שוין באלד גרינגער צו לערנען אין א אלטע גמרא.
איך וויל פארשטיין נאכמער, פארוואס אין די חומשים האבן זיי נישט געהאט קיין שום פראבלעם צו טוישן תרגום מיט רש"י לפי דפוסים ישנים אן צו פארצייכענען אביסל, און אין גמרא ווי ס'איז באשיינפערליכע טעותים, פונקט היינט געהאט אין רש"י א ווארט וואס מ'זעט לפי סגנון הלשון אז ס'קומט אנדערש, דארט האט ער מורא צו טוישן
רוב הגהות והערות טרעף איך אליין צו בשעת'ן לערנען, ס'נערווירט אבער די אותיות
פארעפענטליכט: מיטוואך יוני 18, 2014 9:31 am
דורך שקר_הדייעט
איך וויל זייער באדאנקען דעם פותח האשכול, ווייל שוין זייער לאנג וואס על דא קא צווחנא וליכא מן דאשגח בן.
מיין אויפפאסונג איז אז נישט בלויז די אמאליגע צדיקים, די אמאליגע גדולים, זענען געווען גרעסער ווי די היינטיגע, נאר אויך די מדפיסים האבן בעסער פארשטאנען אן ענין ווי די היינטיגע.
ווען ווילנא האט געדרוקט דעם ש"ס האבן זיי זייער גוט פארשטאנען אז די אותיות קענען נערווירן, האבן זיי געמאכט צוויי אותיות, א פיצינקע (און טאקע זייער פיצי) פאר עין משפט ונר מצוה, און א רש"י-אות ארומגערינגלט וואס האט געמיינט ב"ח. פאר תורה אור (פסוקים) האבן זיי געלייגט א פשוטע ליידיגע רינג, פאר מסורת הש"ס (מראי מקומות גמרות) האבן זיי געלייגט א סטאַר און פאר ר' עקיבא אייגער אן אנדערע אינטערעסאנטע רינג. דאס האט זיך זייער גוט צוגעוויינט צום אויג. ווייל תורה אור ומסורת הש"ס זענען געווען סימבאלן און הגהות הב"ח איז טאקע אן אות אבער פארפאלן, הגהות הב"ח דארף מען תיכף קוקן. אויב איז דא אויפ'ן פלאץ הגהות הגר"א אדער רנשבורג איז דאס געווען אין אזא דיפערענט אות אז דאס אויג האט באלד באמערקט אז איצט קענסטו גיין ווייטער, וועסט שוין שפעטער מעיין זיין וואס ער זאגט.
די היינטיגע האבן אנגעפולט דעם עמוד מיט אותיות אויף אותיות. די עין משפט ונר מצוה אות איז גרעסער געווארן, זיי האבן צוגעלייגט דעם אות פון די אייגענע הגהות וציונים און מסורת הש"ס ווי אויך די פסוקים האבן אויך באקומען אותיות!
דאס איז שרעקליך!
איך וואלט געזאגט, אז די איינציגסטע גוטע זאך וואס זיי האבן צוגעלייגט זענען טאקע די הגהות וציונים, ווייל אסאך מאל האט עס זייער וויכטיגע הגהות. אבער ווי געזאגט, זייער אסך מאל זענען זיי אומוויכטיג, און ווי איינער האט שוין דא מעורר געווען, פון מיינעט וועגן זאלן זיי די וויכטיגע הגהות געהעריג אריינלייגן אין רש"י.
די איינציגע מעלה וואס עמיצער זאגט דא אז ביי תורה אור האבן זיי אריינגעלייגט די גאנצע פסוקים אויפ'ן עמוד, איז לדעתי אויך איבעריג. ווייל דער פראבלעם ביז איצט איז געווען, זיך אויפשטעלן זוכן א חומש אדער תנ"ך. דאס צו לעזן איז פונקט גענוג געווען אריינצולייגן די פסוקים ביים סוף מסכת, ווי זיי האבן סיי ווי געטאן.
סיי ווי סיי, זענען דא אסאך פסוקים וואס מען קען נישט קיין טייטש און מען מוז סיי ווי קוקן צום סוף באנד די טייטש. איז שוין גענוג ווען די גאנצע זאך וואלט דארט געבליבן.
ארויפצולייגן אויפ'ן עמוד האט אוועקגענומען דעם גאנצן מסורת הש"ס, און איבער דעם איז דא צוויי פראבלעמען. ערשטנס, ווער האט געגעבן רעכט צו נעמען דעם מסורת הש"ס און דאס אזוי אוועקרוקן אין א זייט, אין א ווינקל, צוזאמגעשטיפט?
צווייטנס, איך – און איך בין זיכער אז נאך הונדערטער אנדערע – האב אויפגעהערט אריינצוקוקן אין מסורת הש"ס. ביז איצט האב איך עטליסט א מראה מקום פון די מסכת, באותו מסכת, נאכגעקוקט. איצט ווען איך דארף זיך פלאגן אויפצוזכן דעם קליינעם אות צוזאמגעשטיפט דארט אויבן פארציכט איך דערויף.
ווען ער לייגט נישט אריין אלע פסוקים אויפ'ן דף, וואלט ער רואיג געקענט לאזן דעם מסורת הש"ס אויפ'ן פלאץ. דאס איז עניית דעתי.
דיסקלעימער, דאס נעמט נישט אוועק פון די אנדערע דברים טובים ומועילים וואס עוז והדר האט צוגעשטעלט. עס קומט זיי אסאך קרעדיט פאר זייער אסאך געוואלדיגע זאכן וואס זיי האבן אהערגעשטעלט. דער פראבלעם דא איז נאר דער צורת הדף וואס זיי האבן אזוי צעמאשקעט, דאס אנגעפולט מיט אותיות וואס שטערט מורא'דיג דאס לערנען, און אוועקגענומען דעם מסורת הש"ס.
פארעפענטליכט: מיטוואך יוני 18, 2014 9:37 am
דורך מי יודע
נאך א קליינע הערה
לו יהא די הגהות וציונים זענען גאר וויכטיג, לייג עס אויפן זעלבן פלאץ אויף יעדן דף, ווייסט כאטש מיין מח ווי די אויגן דארפן יעצט קוקן, היינט צוטאג ווער איך דיזי ווי לאנג איך טרעף די הגהות וציונים
#באקוועמע אידישקייט הא?
פארעפענטליכט: מיטוואך יוני 18, 2014 10:41 am
דורך פרשיסחא
איך מיין אז אין די גמרות וואס זיי האבן געדרוקט אמאל, מיט די רויטע בענדער, איז נאך געווען אסאך מער הגהות, צומאל נישט וויכטיגע בכלל, ביי די נייע מהדורא פון גאנץ ש"ס, מיט די ברוינע בענדער, האבן זיי משמיט געווען אסאך פון די הגהות.
און נאך אלץ איז דא גאנץ אסאך נישט וייכטיגע הגהות, וואס מען וואלט געקענט רואיג ארויס לאזן.
פארעפענטליכט: מיטוואך יוני 18, 2014 10:58 am
דורך מיללער
לכאורה האט געשריבן:דארף צו זיין א גאנצע אשכול אין "ועל פליטת בית סופריהם" וועגן דעם פראבלעם.
דער רב מיינט דיזע אשכול?:
viewtopic.php?p=139676#p139676יענער אשכול איז אביסל אויף אן אנדערן שניט, אבער עס איז שטארק באלערנד אין די היסטאריע פון דפוסי הש"ס
פארעפענטליכט: מיטוואך יוני 18, 2014 2:11 pm
דורך לכתחילה אריבער
מיללער האט געשריבן:leiby האט געשריבן:עגרי, כ'מוטשע מיך שוין לאנג מיט דעם פראבלעם, שוין באלד גרינגער צו לערנען אין א אלטע גמרא.
איך לערן טאקע אסאך אין די אלטע גמרות מהאי טעמא.
די תורה אור השלם איז לדעתי די איינציגע עכט וויכטיגע אויפטוה פון עוז והדר.
די זעלבע טענה האב איך אויפן דער אופן פון מסדר זיין די מסורת הש"ס אין אותיות, די ווילנא דרוק איז געווען א סאך גרינגער ווען אלעס איז ביי די האנט.
אויב איך האב נישט קיין טעות, איז אין געוויסע מסכתות איו די ווילנע דרוק אויך אלע הגהות אויף איין פלאץ מיט אותיות, ווייל נישט אלס איז דא פלאץ איבעראל אויפן גליון.
קען זיין כ'האב א טעות.
פארעפענטליכט: מיטוואך יוני 18, 2014 3:05 pm
דורך מי יודע
לכתחילה אריבער האט געשריבן:מיללער האט געשריבן:leiby האט געשריבן:עגרי, כ'מוטשע מיך שוין לאנג מיט דעם פראבלעם, שוין באלד גרינגער צו לערנען אין א אלטע גמרא.
איך לערן טאקע אסאך אין די אלטע גמרות מהאי טעמא.
די תורה אור השלם איז לדעתי די איינציגע עכט וויכטיגע אויפטוה פון עוז והדר.
די זעלבע טענה האב איך אויפן דער אופן פון מסדר זיין די מסורת הש"ס אין אותיות, די ווילנא דרוק איז געווען א סאך גרינגער ווען אלעס איז ביי די האנט.
אויב איך האב נישט קיין טעות, איז אין געוויסע מסכתות איו די ווילנע דרוק אויך אלע הגהות אויף איין פלאץ מיט אותיות, ווייל נישט אלס איז דא פלאץ איבעראל אויפן גליון.
קען זיין כ'האב א טעות.
איך האב נאכנישט דורכגעלערנט גאנץ ש"ס, אבער אפשר מיינסטו די קדשים מסכתות ווי ס'איז פיל מיט הגהות על הדף פון שיטמ"ק דאכט זיך
פארעפענטליכט: מיטוואך יוני 18, 2014 3:12 pm
דורך camp shalva
leiby האט געשריבן:עגרי, כ'מוטשע מיך שוין לאנג מיט דעם פראבלעם, שוין באלד גרינגער צו לערנען אין א אלטע גמרא.
גא"מ. ממילא נוץ איך - נישט די גאר אלטע נאר - די מאזניים גמרות.
אדער נוץ איך די עוז והדר וואס איז אין די ארטסקרול גמרות, וואס האט די שיינע עוז והדר דרוק - אבער אן די הגהות וציונים.
פארעפענטליכט: מיטוואך יוני 18, 2014 3:40 pm
דורך עמידה לברכות
לכתחילה אריבער האט געשריבן:מיללער האט געשריבן:leiby האט געשריבן:עגרי, כ'מוטשע מיך שוין לאנג מיט דעם פראבלעם, שוין באלד גרינגער צו לערנען אין א אלטע גמרא.
איך לערן טאקע אסאך אין די אלטע גמרות מהאי טעמא.
די תורה אור השלם איז לדעתי די איינציגע עכט וויכטיגע אויפטוה פון עוז והדר.
די זעלבע טענה האב איך אויפן דער אופן פון מסדר זיין די מסורת הש"ס אין אותיות, די ווילנא דרוק איז געווען א סאך גרינגער ווען אלעס איז ביי די האנט.
אויב איך האב נישט קיין טעות, איז אין געוויסע מסכתות איו די ווילנע דרוק אויך אלע הגהות אויף איין פלאץ מיט אותיות, ווייל נישט אלס איז דא פלאץ איבעראל אויפן גליון.
קען זיין כ'האב א טעות.
בבא בתרא
פארעפענטליכט: דאנערשטאג יוני 19, 2014 1:43 pm
דורך יוםטובערליך
בס"ד,
עוז והדר האט געמוזט מאכן אותיות אנשטאט סימבאלן ווייל ווילנא ש"ס האט שוין גענוצט די סימבאלן פאר די זאכן וואס זענען געבליבן אויפ'ן דף אויך ביי עוז והדר.
די פסוקים זענען די בעסטע זאך, און די צווייט בעסטע זאך איז די ליקוטי רש"י - אבער דאס האט א שטיקל פראבלעם אז נישט אלץ פיט אלעס אויפ'ן דף דארף מען גיין צום סוף באנד, אויב מען וויל דוקא.
אבער נאך אלעמען האט עוז והדר געמאכט א נייע וועלט פון ש"ס, צום ערשטן מאל אין כמעט הונדערט יאר. איך קען שוין נישט לערנען אין אלטע גמרא, ווייל די אותיות דארט זענען אזויפיל אנדערש און אומקלארער פון די עוז והדר.
הלואי וואלט עוז והדר געטאן די זעלבע זאך מיט שולחן ערוך, איבערמאכט ניי א' ביז ת', אבער מיט די הויפט יסוד אז עס טאר נישט פארנעמען מער בענדער ווי אמאל, ד"ה, בערך צען בענדער ד' חלקי טור, און נאך 10 בענדער ד' חלקי שו"ע. היינט איז געווארן פארלוירן יעדע סטאנדארט פון שו"ע, אזויפיל פירמעס, דרוקן, צוגעלייגט פיר מאל אזויפיל, געמאכט פון די צען בענדער שו"ע פערציג אדער פופציג, און עס איז כמעט געווארן אוממעגליך פאר א נישט-תלמיד-חכם צו עפענען א שו"ע און לערנען סעיף נאך סעיף.
אפשר האבן זיי נאך אזעלכע פלענער, ווער ווייסט.
פארעפענטליכט: דאנערשטאג יוני 19, 2014 1:46 pm
דורך מיללער
יוםטובערליך האט געשריבן:
הלואי וואלט עוז והדר געטאן די זעלבע זאך מיט שולחן ערוך, איבערמאכט ניי א' ביז ת', אבער מיט די הויפט יסוד אז עס טאר נישט פארנעמען מער בענדער ווי אמאל, ד"ה, בערך צען בענדער ד' חלקי טור, און נאך 10 בענדער ד' חלקי שו"ע. היינט איז געווארן פארלוירן יעדע סטאנדארט פון שו"ע, אזויפיל פירמעס, דרוקן, צוגעלייגט פיר מאל אזויפיל, געמאכט פון די צען בענדער שו"ע פערציג אדער פופציג, און עס איז כמעט געווארן אוממעגליך פאר א נישט-תלמיד-חכם צו עפענען א שו"ע און לערנען סעיף נאך סעיף.
שלחן ערוך צורת הדף איז זייער פיין לפע"ד
פארעפענטליכט: דאנערשטאג יוני 19, 2014 1:50 pm
דורך יוםטובערליך
בס"ד,
ס'איז די בעסטע אין די איצטיגע מצב, אבער עס פעלט די "טאטש" פון עוז והדר, עס איז נישט גענוג צו מאכן איין סטאנדארט בכל קצוי תבל ווי עוז והדר האט געטאן מיט'ן ש"ס.
פארעפענטליכט: דאנערשטאג יוני 19, 2014 1:57 pm
דורך דובי
מיללער האט געשריבן:יוםטובערליך האט געשריבן:
הלואי וואלט עוז והדר געטאן די זעלבע זאך מיט שולחן ערוך, איבערמאכט ניי א' ביז ת', אבער מיט די הויפט יסוד אז עס טאר נישט פארנעמען מער בענדער ווי אמאל, ד"ה, בערך צען בענדער ד' חלקי טור, און נאך 10 בענדער ד' חלקי שו"ע. היינט איז געווארן פארלוירן יעדע סטאנדארט פון שו"ע, אזויפיל פירמעס, דרוקן, צוגעלייגט פיר מאל אזויפיל, געמאכט פון די צען בענדער שו"ע פערציג אדער פופציג, און עס איז כמעט געווארן אוממעגליך פאר א נישט-תלמיד-חכם צו עפענען א שו"ע און לערנען סעיף נאך סעיף.
שלחן ערוך צורת הדף איז זייער פיין לפע"ד
בעסער ווי פיין זייער גוט
נאכדערצי מיט די ציגעלייגטע פרי מגדים
פארעפענטליכט: דאנערשטאג יוני 19, 2014 2:03 pm
דורך יוםטובערליך
בס"ד
ברוכים הבאים, דובי.
אבער קוק אהער, צוגעלייגט פרי מגדים קען זיין זייער א גוטע מעלה פאר זיך - אבער סוכ"ס מאכט עס צומישט די סטאנדארט פון שו"ע. אז יעדער מאכט אייגענע מעלות, איז נישטא קיין איינציגע סטאנדארט ביי כלל ישראל ווי ביי ש"ס, און איינמאל מען געוואוינט זיך צו צו א געוויסע דרוק, קען מען נישט לערנען געהעריג ביי אנדערע.
פארעפענטליכט: דאנערשטאג יוני 19, 2014 2:27 pm
דורך דובי
ר' יום טוב ערליך פאר ניגונים זענט איר זייער גוט.......................
די ווייסט פון וואס איך רעד אדער יא
ווייל די שו"ע צורת הדף מאכט גארנישט צומישט פשוט ווייל די פרי מגדים איז אריינגעלייגט נאר צווישען איין עמוד אין צווייטן אזוי ווי שוטנשטיין אין מתיבתא וואס אויב די ווילסט נישט לערנען די טייטש געסטו א מיש איבער אין פארטיג
גיי אין ספרים געשעפט אין קוק אריין
פארעפענטליכט: פרייטאג יוני 20, 2014 5:28 pm
דורך ניק ניק
שוועמל האט געשריבן:מסכים.
נערווירט מיך אויך, בעסער געווען ווען סיז אויפן זייט
פארעפענטליכט: דינסטאג יוני 24, 2014 5:04 pm
דורך שואלכענין
לגבי די צורת הדף שלחן ערוך
לעניית דעתי איז עס נישט אזוי קלאר ווי די אלטע שו"ע, בפרט אין חלק אורח חיים וואו עס איז דא אסאך אויף איין עמוד.
איך האב גערעדט מיט א אינגערמאן א דיין מופלג, האט ער מיך אויך געזאגט די זעלבע זאך, די אותיות זענען טאקע ניי, אבער קליין. די אלטע אותיות זענען געווען אפגעהאקט וכדומה, אבער גרעסער און שארפער.
דוק ותשכח! ווי אומגלויבליך עס הערט זיך איז עס א פאקט.
איך לערן נאך אלץ אין די אלטע, פשוט ווייל איך האב ליב דעם צורת הדף, און די נייע צורת הדף איז נישט אזוי קלאר פאר די אויגן צו ליינען.
פארעפענטליכט: דינסטאג יוני 24, 2014 5:10 pm
דורך שואלכענין
לגבי די עוז והדר גמרות
קודם כל אלס די אויסקוק און צורה האט עס צוויי חסרונות (אויסער די דערמאנטע פריער אז עס האט צופיל אותיות):
איינס - רוב עמודים זענען אנגעשטויסן פון עק צו עק, אז עס לאזט נישט איבער דעם לערנען מיט א הרחבת הדעת אויפן בלאט אזוי ווי די אלטע האבן געהאט, און טייל נייע הוצאות האבן נאך אויך (למחצה לשליש ולרביע)
צוויי - סתם א "עראר", אז די אות למ"ד וואס דער האלז איז צוריקגעבויגן אויף אראפ, האט א מיאוס'ן אויסזען, אנדערש ווי די געהעריגע למ"ד וואס איז יא שיין, עס קוקט אויס ווי א קינד האט עס געמאלן...
דערנאך אלס די שינויים
איז לעצטנס ארויסגעקומען א קונטרס "שאל אביך" וואס איז בעיקר מוחה קעגן זייער נייע תרגום, (עס איז אנגעגאנגען איבער דעם א שמועס אהין און צוריק אין קובץ גינת ורדים, און דערנאך איז ער ארויסגעקומען מיט א דיקע קונטרס מלא וגדוש מיט זייער ערנסטע און תוכנ'דיגע טענות), און בתוך הדברים צייכנט ער אן עטליכע פלעצער לגבי די ש"ס, וואו זיי האבן משנה געווען אין די גמרא אנדעם וואס זיי זאלן בכלל אנצייכענען עפעס דארט, וואס איז (לכאורה) אן עוולה.
איך הער אז זיי זענען אין א תביעה בדין תורה קעגן דעם מוציא לאור פונעם קונטרס, און איך בין בכלל נישט דא צו זאגן א מיינונג, און ח"ו נישט קאליע מאכן קיינעמ'ס פרנסה וכדומה. איך לופטער פשוט אויס געדאנקען אזוי ווי די אנדערע שרייבער דא, ואדרבה, אויב עמיצער האט אן אנדער בליק אין די אלע זאכן, תבוא עליו ברכה.
ווידער לגבי די ליקוטי רש"י
יעדער לומד וועט מסתמא מודה זיין, אז טייל פון די ליקוטים זענען סתם קאמפיוטער ארויסגעווארפענע מראה מקומות וואס מען גיט א קאפי אראפ און ווייטער געגאנגען.
עס וואלט געדארפט האבן א הגה פון א תלמיד חכם, וועלכער זאל אריינלאזן נאר די רש"י'ס וועלכע העלפן צו צום ענין, נישט סתם וואס רש"י זאגט לגבי גאנץ עפעס אנדערש, און האט קיין שום שייכות אהער צום בלאט
אזוי מיין איך
פארעפענטליכט: דינסטאג יוני 24, 2014 7:33 pm
דורך פרשיסחא
עס איז דא נאך איין זאך וואס שטערט מיר זייער אין דעם נייעם ש"ס פון עוז והדר.
ביי די תוספתא, אנשטאט ווי עס איז געווען ביז היינט ביי ווילנא גמרות א פירוש (ליקוט) פון "חסדי דוד" אויפן תוספתא און נאך מפרשים, האבן זיי אין ש"ס עוז והדר ארוי געלאזט אינדרויסן אינגאצן אט די מפרשים, און אנשטאט דעם געברענגט דער פירוש "מנחת יצחק" פון רבי יצחק שוואדראן אב"ד חאצמער א זון פון דעם מהרש"ם.
ווער האט געלאזט פאר עוז והדר ארויס נעמען פון די תוספתא די מפרשים וואס זענען נתקדש געווארן אין כלל ישראל במשך דורות?
פארעפענטליכט: דינסטאג יוני 24, 2014 10:24 pm
דורך יוםטובערליך
בס"ד,
דא איז אין פלאץ וואס מען זאגט נאך בשם רבי יענקעלע פשעווארסקער זי"ע בשם פריערדיגע, אז פארוואס האט מען אלע דורות נאר "מגי'" געווען אין די זייטן פון די גמרא, נישט געטוישט די לשון הגמרא אליינס.
האט רבי יענקעלע געזאגט אז אלע נשמות ישראל האבן א חלק אין די תורה, און די אומגעזונטע נשמות (איך געדענק נישט צו ער האט עס געזאגט ברוחניות אדער בגשמיות) האבן זייער חלק אין די פארגרייזטע ווערטער אין ש"ס, דעריבער האט מען עס אלץ געלאזט אינווייניג אומבארירט און נישט ארויסגענומען.