וואץ האט געשריבן:סידיראם האט געשריבן:גלייך נישט צו דער תפארת ישראל מיט להבדיל אלפי הבדלות דער רשע משה מענדלסאן ימח שמו וזכרו. דער תפארת ישראל איז געווען א ערליכע איד, סך הכל קען מען זאגן אז טעה מיט'ן אראפברענגען אמאל עפעס נישט קיין גיטע זאך.
מענדלסאן ימח שמו, טראגט דאך אויף זיינע פלייצעס די שמד פון הונדערטער טויזענטער אידן, מיט זיינע משכילישע שיטות פון "זיי א איד אינדערהיים און א מענטש אין די גאס" וואס ער האט ליידער אראפגעפירט גאנצעטע מדינות ה"י.
ווי ברענגט נאר דער טארניפאלער רב זצ"ל אין די הקדמה אויף חבצלת השרון, אז דער בני יששכר האט אמאל בתוך התלהבותו בעת רעוא דרעוין זיך אויפגעשטעלט און געשריגן, רבונו של עולם עס קען זיין אז עס וועלן קומען מליצי יושר און זאגן אז ער האט שוין געניג געליטן, און יעצט זאל מען אים שוין צורי לאזן ווייל ער איז דאך געווען א פרומע דאשע, האט דער הייליגער בני יששכר געזאגט "רבונו של עולם, הער דיך נישט צו צו זיי, ווייל ער האט אפגעפירט אידישע קינדער פון אידישן וועג און געמאכט א חורבן שלא היתה זאת בישראל, זאלסט אים אריינווארפן נאך טיפער און נאך טיפער און שאול תחתית, אז ער זאל קיינמאל פון דארט נישט ארויסגיין" עד כאן תוכן דבריו הנוראים של הבני יששכר.
קיין ערליכע איד האט נישט געלערנט זיינע ספרים, און אויב יא איז דאס געווען בטעות ווייל ער האט נישט געוויסט פונקטליך ווער ער איז געווען, און גלייב נישט יעדע מעשה'לע פון דער און יענער וואס האט דאס געלערנט.
שמעתי פעם לחלק בין ספריו על התורה שאכן למדו בם ולהבדיל בין ספריו על חכמות שטימאו אותם במגע ובמשא ובאוהל
איך ווייס נישט פון וועם דיין שמעתי קומט, אבער אין מיין צוואה פון חתם סופר זעהט מען קלאר אז מען טאר נישט לערנען זיין ביאור, היות ער שרייבט בספרי רמ"ד אל תשלחו יד, נאר וואס דען מען זאל לערנען רמב"ן וכו', זעהט מען דאך קלאר אז ער רעד פון די ביאור.
וז"ל הגה"ק הבני יששכר בספרו מעין גנים (הועתק בהאשכול על רא"מ ז"ל המצויין לעיל)
וזל"ק מהפכים דברי אלוקים למינות ומזייפים דברי נבואה לחפאות דברים אשר לא כן על ד' אלוקינו, כאשר בעיני ראיתי הכת הארורה הזאת זה דרכם כל היום,
והנה בדורותינו רבם המובהק להם (בוודאי אשו לא כבה ותולעתו לא הומת על שהחטיא את הרבים וגילה פנים בתורה בעזות מצח שלא כהלכות דת ישראלית) העתיק התנ"ך ללשונו' נכרים והפך ובלבל הדת, עד שאפילו האומות מבינים שיצא מכלל הדת, וספריו אסורים לבא בקהל ה' עד עולם, כאשר צווחו גאוני הזמן בדור שלפנינו ובדור הזה יוחקו לחיים."
אויב די פארשטייסט לשון הקודש, וועסטו זעהן ווי ער איז מעיד אז גאוני הזמן בדור שלפנינו ובדור הזה האבן געשריגן אז זיינע ספרים זענען אסור לבא בקהל ה' עד עולם, און ער רעדט דאך דא פון די ביאור זיינעם.