יציב פתגם האט געשריבן:איינער קען עס אפשר איבערטייטשן?
image (33).png
איך גלייב אז איר ווייסט לפחות די נעמען פון וועם מען רעדט דא, נאר איר זוכט די דעטאלן. אבער אין פאל אז נישט, וועל איך קודם שרייבן פון וועם מען רעדט דא.
דאס איז די יחוס פון רבי אריה ליב, די טאטע פון
רבי אלעזר לעוו מסאנטוב זצ"ל בעל שמן רוקח, און די זוהן פון
רבי פנחס זעליג אב"ד לאסק זצ"ל בעל "עטרת פז".
קודם געשריבן ענדליך צו דויטש ווי ווייט מעגליך, כדי צו קענען צוגלייכן, דערנאך אין מאמע לשון אידיש:
רבי משה באזעצט תלמודישע קענטעניס און פארברייטעט זעלסבט זיין בארומטען זוהן אין דעם טיפען פארשטאנד פון תלמוד.
רבי משה פארמאגט ידיעות אין תלמוד, און האט אליינס צוגעגרייט זיין בארומטען זוהן אין דעם טיפען פארשטאנד פון תלמוד.
רבי פנחס זעליג ראבינער אין לאסק, געשטארבן 13 ניסן 18, גרויסער שארפזיניגער תלמוד געלערנטער, פארפאסער פון עטרת פז, קאמענטער צ.ב. ווערק פון רבינו זכרי'.
רבי פנחס זעליג רב אין לאסק, נפטר י"ג ניסן (?18), גרויסער חריפות'דיגע תלמוד חכם, מחבר ספר עטרת פז, הגהות על ספרי רבינו זכרי' (?).
רבי אריה ליב אין וואדיסלאב, וואוילהאבענדער קויפמאן, אויסגעשטאטעעט מיט תלמידישען וויסען.
רבי אריה ליב אין וואדיסלאב, רייכער סוחר, אויסגעשטאט מיט תלמיד'ישע וויסען.
די ערשטע קעסטל איז "רבי זאב" און די צווייטע איז נישט קלאר, אבער עז קוקט אויס ווי עס שטייט "רבי זכריה חריף".
ביי רבי פנחס זעליג שטייט אז ער איז נפטר געווארן י"ג ניסן, און נישט ז' ניסן, די חילוקי דעות ווערט דערמאנט אין רבי פנחס זעליג'ס אשכול (איך ווייס נישט די באדייט פון די נומער 18 נאך זיין יארצייט).