אידישע וועלט פארומס

גוט געזאגט! שטארק זיך!

איר קענט האלטן אנדערש, אבער סתם קריטיקירן ווען איינער געט ארויס א גוט ספר? אתמהה...

גלייכסט עס נישט, געב דו אויך ארויס!!!!

דו מיינסט אוודאי Zig zigler

געלעגער האט געשריבן:דו מיינסט אוודאי Zig zigler

יא

.... שכוח שמן למאור.

שטארק זיך האט געשריבן:ארוש׳עס ספרים זענען גוט...?

איר ווייסט נישט וואס גוט איז!

עס זענען דא ספרים פון א מחבר, א פרומער מענטש. זיינע ספרים פאקן איין ארוש׳נס פילפאכיג. מורא׳דיג אמונה׳דיג, א זעלטענע געשמאק, צענדליגער טויזענטער מענטשן זענען שוין אויפגעראכטן אדאנק אים. די ספרים זענען געדרוקט אין אסאאאך שפראכן.
איך בין ערענסט מסופק צי איך זאל זאגן זיין נאמען, מען וועט מיך נאך חוסם זיין לעולם דוד.

ווייסטעוואס.... יא זאגן!!! ווילסט מיך חוסם זיין, בבקשה גדולה!

זיין נאמען איז re. Zig Zaggler

איין קליינע פראבלעם, אבער פאר דעם עולם וואס ליינט ארוש דארף דאס זיכער נישט אנגיין...

ער איז א קאטאליק! 

ווערט נישט צווילדעוועט - נוץ דיין שכל רואיגערהייט
עס איז א גרויסע חילוק דא
טראכט רואיג און נישט אין וואנט אריין

כ'שטארק זיך ועוד לקרא, זייער גוט ארויסגעברענגט שטארק זיך, ס'האט מיר געקאסט א שמייכל.

זעהסט יקותיאל, יעצט איינמאל שטיי מיר אויף איין פעידזש.

וודאי אז דא א חילוק, נישט איינס...

א. קטאליקן זענען נישט קיין כופרים; ציוניזם איז כפירה

ב. קאטאליקן גלייבן, מאקסימום אין שיתוף - לויט ראשונים איז א גוי נישט אסור בשיתוף; א איד דארף גלייבן אין דרייצן אני מאמין׳ס, ביניהם: שכר ועונש, ביאת המשיח, בעת שיעלה לרצון.

ווילסט נאך? 

שטארק זיך האט געשריבן:זעהסט יקותיאל, יעצט איינמאל שטיי מיר אויף איין פעידזש.

 

איך פרעג היינט איינעם:
נו שטיי מיר אויף איין פעיזדש?

ענטפערט ער מיר:
יא, איך בין עמוד א' דו ביסט עמוד ב'

שטארק זיך קאלם דאון, הרב ארוש איז נישט קיין כופר און ניטאמאל א ציוני, ס'איז שוין צייט אויסצוואקסען די ברעינוואשינג אז ווער ס'פראקצירט נישט די שיטה הקדושה והטהורה איז מחויב ד' מיתות בית דין. ד

א טענצל! האט געשריבן:איך האב מיך אפגעהאלטן ביז איצט אריינצוגיין אין די שווערע נושא, ווייל מי אנכי חדל אישים אסקופה הנדרסת בפני רבנן ותלמידהון כננס בפני ענק אריינצורעדן אין אזעלכע האקעלע ענינים העומדים ברומו של עולם, כהררים התלוים בשערה. [הגם אז איך כשלעצמי האב געהאט א שטארקע חיזוק פונעם ספר בכמה ענינים].

איך וויל נאר דא איבערגעבן וואס איך האב געהערט פון א חשוב'ן איד שליט"א (א מורה הוראה מובהק) רעדנדיג מיט איהם איבער דעם ספר, האט ער מיר געזאגט כדברים האלה (אייניגע נקודות דערפון זענען שוין אויסגעשמועסט געווארן אויבן, איך שרייב נאר איבער מה ששמעתי מפיו):
די עיקר טענה דערקעגן איז דאס וואס ער שרייבט אז נאכ'ן עובר זיין אן עבירה רח"ל, ברויך מען טראכטן אז עס איז געווען באשערט מן השמים און נישט ווערן צובראכן. למעשה איז דאס נישט זיין חידוש, עס איז דאך מבואר בספרי הרה"ק רבי צדוק הכהן מלובלין זי"ע. נאר וואס דען?, די טענה איז אז עס וועט מאכן קאלט בעיני אנשים דאס גאנצע טוהן עבירות וכדו', טראכטנדיג תיכף אז עס איז געווען באשערט וכו'. האט מען אנגעפרעגט דערוועגן דעם מגיד מישרים ומהלהיב לבבות ישראל הגאון רבי צבי מאיר זילבערבערג שליט"א האט ער געזאגט אז על אף מען קען זאגן אז ס'קען ארויסקומען א קלקול דערפון אויך, איז אבער תקנתה מרובה מקלקלתה!. (דער מורה הוראה שליט"א האט מיר מוסיף געווען אז באמת זעהט מען אין אלע ספרי חסידות [וביותר בספרי הרה"ק מברעסלב] אז נאך אן עבירה דארף מען זיך מחזק זיין און נישט פאלן וכו', דער יצה"ר דארף ענדערש דעם עצבות נאכן עבירה וכו', און די מהלך - פון טראכטן אז כך גזרה חכמתו - איז די פאסיגטע קלארע מהלך ווי אזוי זיך צו קענען מחזק זיין על להבא).

איך דארף נישט קיין קללות און שעלטונגען, כ'האב נאר געשריבן מה ששמעתי מהנ"ל שליט"א, וישמע חכם ויוסיף לקח. (דער מו"ה שליט"א האט מיר מוסיף געווען אז אויב הגאון רבי יעקב מאיר שליט"א זאגט עפעס דערקעגן וויל ער גארנישט זאגן. והי' עוד לפני הפרסום של הס' ובחרת בחיים).

אינטערעסאנט אז איך האב דאס זעלבע געטראכט לפע"נ דעתי הקלושה. איך האב געליינט דעם ספר א צייט צוריק נאך איידער איך האב געהערט עפעס האקענישן דערגעגן, און איך האב אזויפיל חיזוק באקומען דערפון אז איך האב געשפירט פאר א פליכט דאס אנצו'שדכ'ענען פאר נאך עטליכע מענטשן, וואס איך ווייס זיי קענען נוצן חיזוק. און ביודעי ובמכירי קאמינא, איך קען אידן וואס זענען שוין געווען בשפל המצב און דער ספר האט זיי אויפגעהויבן. ס'איז קלאר אז אין הקב"ה מקפח שכר כל ברי', און ווייל ער איז נישט אויפגעוואקסן אין אונזער חדר וואו מען האט געהאקט אויף ציונות און מסביר געווען די קליפה דערפון איז ער דאך זיכער נישט שולדיג, און אפשר וועט ער נאך אמאל קומען צום שכל נאכן איינזעהן די זינלאזיגקייט פון די גאנצע מדינה של גיהנם. אבער השי"ת איז זיכער מקבל א נחת רוח פון זיין עבודה און פון זיינע ספרים לדעתו.

אבער לענינינו, איך האב שוין געזעהן די בחינות טאקע אין ספרי ר' צדוק מיט יארן צוריק, וואס האט מיר אויך געגעבן חיזוק. קיינער זאגט נישט אז מען זאל נישט חרטה האבן אויף די עבירות, חס מלהזכיר! מען רעדט נאר אז א מענטש קען ח"ו אריינפאלן אין א דעפרעסיע און טיפע עצבות ויאוש ווען ער מאכט זיך א חשבון הנפש אויף זיין עבר, אויף דעם ארויף שרייבט ר' צדוק אז א מענטש איז מחוייב צו גלייבן אז מה דהווה הוה, אלעס וואס איז געווען ביז אהער האט השי"ת געוואלט דו זאלסט טון, דו זאלסט אנקומען אין דעם טיפן בלאטע כדי פון דא זאלסטו אלעס מתקן זיין, און טאקע תשובה טון, נישט איגנארירן! סך הכל זאגט ער אז מען זאל טאקע יא תשובה טון אבער נאר בשמחה און נישט מיט עצבות אדער יאוש ח"ו.

בשעת איך האב עס געליינט אין "אמונה גארטן" האב איך זיך דערמאנט פון די ווערטער פון ר' צדוק זצ"ל. איך האב עס אנגענומען מיט פארשטענדעניש. איך האב נישט געקענט פארשטיין פארוואס "דער איד" און אנדערע האקן דערויף. אבער אז הייליגערע אידן פון מיר האקן דערויף, ווער בין איך קליין קעפעלע צו זאגן אנדערש. זעהט אויס אז היינטיגע צייטן האבן מיר נישט דעם כח פון "תוכו אכל וקליפתו זרק". און אויך נישט פון "הוי מקבל את האמת ממי שאמרו". אזא ספר וואלט טאקע געדארפט האבן א הסכמה פון לכה"פ איינס אדער מערערע ערליכע אידן. ובטלה דעתי הקלושה והעני' כנגד דעת התורה של גדולי וצדיקי עולם, כאטש איך פארשטיי נישט.

שוטה האט געשריבן:שטארק זיך קאלם דאון, הרב ארוש איז נישט קיין כופר און ניטאמאל א ציוני, ס'איז שוין צייט אויסצוואקסען די ברעינוואשינג אז ווער ס'פראקצירט נישט די שיטה הקדושה והטהורה איז מחויב ד' מיתות בית דין. ד

האט אים איינער מחייב געווען ד׳ מיתות, ח״ו.

יתמו חטאים ולא חוטאים!

ס'וואלט געווען שיין ווען דו ציהסט צוריק פון דיינע שארפע סטעיטמענטס.

די מושג פון 'כפירה' איז – ביי געוויסע קרייזן – געווארן אזוי misused אז מ'קען נעמען א איד א בעל תשובה וואס האט אפגעלאזט חיזו דהאי עלמא אויסצופירען תכלית ירידת נשמתו למטה, א איד וואס האט מער מקריב געווען פאר אידישקייט ווי די א–נייע–אדעסי–יעדע–דריי-יאהר אידן [ווי זאגט געלעגער 'משום הידור מצוה'], און מ'שטעלט איהם צו צו א קאטאליק, א וועלט היינט.

שוטה האט געשריבן:ס'וואלט געווען שיין ווען דו ציהסט צוריק פון דיינע שארפע סטעיטמענטס.

די מושג פון 'כפירה' איז – ביי געוויסע קרייזן – געווארן אזוי misused אז מ'קען נעמען א איד א בעל תשובה וואס האט אפגעלאזט חיזו דהאי עלמא אויסצופירען תכלית ירידת נשמתו למטה, א איד וואס האט מער מקריב געווען פאר אידישקייט ווי די א–נייע–אדעסי–יעדע–דריי-יאהר אידן [ווי זאגט געלעגער 'משום הידור מצוה'], און מ'שטעלט איהם צו צו א קאטאליק, א וועלט היינט.

מיין טייערער ידיד, איך קאן מיט אייך קיין ווכוח רעכט נישט פירן, ווילאנג אייך דאכט זיך אז ערליכע אידן זוכן זיך דא א מערכה מיט רש״א, האלטן מיר נאך פאר אלף.

לאזט מיר זיך קלאר מאכן.

ווען איך טרעף א איד שומר תורה ומצוות אין ביהמ״ד שומר שבת, גיב איך אים א ברייטן שלום עליכם. קיין נפקא מינה צו וועלעכן קרייז ער באלאנגט, נאך ווייניגער אינטרעסירט מיר צו זיין קאפל איז פון סאמעט אדער געשטריקט. ווען מעגליך רוף איך אים אריין צו מיר אין שטוב און בין אים מכבד מיט אש״ל, אוויא מיר האבן מקובל פונעם טאטן אונזערן אברהם אבינו, און שוין.

איי אפשר (זיכער) גייט ער צו די בחירות, אפשר (זיכער) פרייט ער זיך מיט די נצחונות פון די ציונים הארורים ועוד על זה הדרך. איז עס פארט נישט מיינע ביזנעס, איך בין נישט מחויב קיינעם בודק זיין די ציצית.

פארשטאנען ביז דא? גוט.

ווי איז אבער, ווען דער איד נעמט זיך מיר מסביר אידישקייט.. דאס איז שוין אן אנדערע מעשה. עד כאן. איך גיב דיר צו עסן, צו טרינקן וויפיל דו ווילסט, ניטעמאל קוק איך צי דו מאכסט א ברכה... אבער, טוה מיר א טובה, איך בין נישט געוואקסן אויף א בוים, וואו ווייט מיין ידיעה גרייכט בין איך נישט קיין אסופי אדער שתוקי... איך האב ברוך השם א דירעקטע קאנעקשאן, א קייט וואס ציהט זיך שוין טויזענטער יארן, יא עס איז אביסל אלטמאדיש, אפשר זאגאר עקסטרעם. אבער איך בין צופרידן אזוי ווי עס איז (מיר זענען שוין דורי דורות נעגעטיווע מענטשן. למשל: ימים נוראים האט מען ביי אונז געהעריג א פחד און א מורא. הגם עס איז א צייט פון ממליך זיין הקב״ה, דאך איז מען ביי אונז מער ביזי מיט וויינען און פארכטן...).

סאו מיין טייערער גאסט, with all due respect:

איך העלף דיר מיט וואס איך קען; אבער ביטע:
דו העלף מיר נישט.
איך דארף נישט זאלסט מיך אויסלערנען אז דער בורא עולם איז נישט שרעקעדיג, איך באגיי מיך מיט ״הק-ל הגדול הגיבור והנורא״. איך בין נישט אין בעל-תשובה שפיטאל. מיר איז גוט אריגינעלע אידישקייט. און ווען איך דארף חיזוק? דער ברין פון וואו איך טרונק פארמאגט דאס אויך(!)
....
יו געט מיי פאוינט, ווילאנג ער זיצט אויפ׳ן הר הבית און קבר יוסף, העצט צו הרג׳נן ארעבער אין חברון, לאז איך אנדערע מוחה זיין.
אבער אז ער זאל מיר זאגן וואס אידישקייט איז. העמיר אים אויספראקן.

הרב שטארק זיך מיט די נקודה ביסטו 100 פראצענט גערעכט, אבער נאר פאר דיר אליין.

ווי ס'זעהט אויס פון דיינע ווערטער ביסטו שטארק אוועקגעשטעלט גייסטיש בכלל און אין אידישקייט בפרט, אז דו זאגסט 'הגבור והנורא' כאפסטו א ציטער עד עמקי נשמתך אז קיין לשון הרע וועט זיך פון דיין מויל שוין היינט נישט ארויסגליטשן, פון א שטיקל נועם אלימלך האסטו חיות אין עבודת ה' פאר א וואך – אשריך וטוב לך.

דער פראבלעם איז אבער אז נאר 30 פראצענט אידן היינט זענען אויף די מדרגה, די איבריגע 70 פראצענט – בעיקר די אינגעלייט - טראכטן [ע"פ רוב אינטערן באוויסטזיין] וואט די העק וועמען בין איך שולדיג? האסט מיר ארייגעלייגט אין אזא שווערע וועלט איך זאל זיך צו דיר ביקען און אז נישט וועסטו זיך שארפן די ציין אויף מיר ביי ונתנה תוקף? מה לי ולצרה הזאת? פאר די אידן איז אזא סארט מהלך א ספינת הצלה.

דארפסט נישט מער ווי כאפן א בליק ווי הרב קלוגער פון בית שמש איז לעצטענס מצליח מטעם הנ"ל, וביודעי ומכירי קאמינא אינגעלייט גרויסע בעלי נפש וואס האבן זיך געמוטשעט יאהרן, פראהבירט מעין סטריעם אידישקייט, פראהבירט חב"ד, און האבן שוין געהאלטן פארן צאמפאלען ביז זיי זענען אנגעקומען צו קלוגער וואס האט זיי געגעבן א נייע חיות, היינו טעמא דשופר והיינו טעמא דמגלה.

באמת איז עס א לאנגע סוגיא, אבער איך האב נישט די כח און די שפראך עס ארויסצוברענגן ווי מ'דארף.

סארי, באט מיר פארשטייען זיך בכלל נישט, מעגליך איז עס מיין פראבלעם.
אבער ס׳איז טענו בחיטין והודו לו בשעורין. איך האב קיין כח מער ניש מאריך צו זיין, עכ״פ יעצט.

על כן פון מיין זייט איז דער דיאלאג געשלאסן!

פארגעסן איין נקודה.

ווער עס שפירט אז ער האט נישט געטראפן מבוקשו אין אריגינעל אידישקייט, זייט וויסן עס דא ביי אונז גענוג סחורה אויף רעאליסטישע חיזוק (אנשטאט זיך וואלגערן פון חסידות/קאלט צום צווייטן, זיך שווערן דערביי און דערנאך, זיך שווערן דערגעגן...)

זייט וויסן אז דער מקור מיים חיים האט פאר אייך סחורה, א שאד צו זוכן אין פרעמדע פעלדער.
ברבים איז שווער אבער אין אישי קען איך אייך אנווייזן, גענוג און נאך.

שטארק זיך, שוטה האט ארויסגעברענגט א שטארקע פוינט, און סאם האו איז מיר אינטערעסאנט צו הערן א ענטפער דערויף. ער טענה'ט, אז אויב דו ביסט ב"ה גוט אוועקגעשטעלט מיט שטארקע יסודות, און צופרידן פון דיין רוחניות וויאזוי עס איז, איז זיכער אז דו זאלסט חלילה נישט טוישן דירעקציע, נאר זיך האלטן צום מסורת אבות. אבער האו עבאוט די אידן וואס זענען נישט אזוי אויסגעבויט, און אויב גייען זיי אן ווייטער כמות שהם אן דעם (נניח אז מסולפ'דיקע און נישט אויסגעהאלטענע) "בוסט" פון ספרי רש"א, וועלן זיי זיין כערער בערבה, און קיינמאל זיך נישט קענען ארויסדערזען פונעם יצה"ר'ס נעץ הן אין סור מרע הן אין עשה טוב, משא"כ אויב גייען זיי מיט אט דעם נישט מסורה'דיקן וועג, קענען און וועלן זיי אנקומען צו טון זייער תכלית, איז ואס איז מיט זיי?

גערעכט אז זינט מען האט שוין ארויסגעגעבן ענליכע ספרים אבער איף א אויסגעהאלטענעם וועג איז עס שוין נישט קיין טענה. ער רעדט אבער פון בעפאר.

ואגב, דער עולם איז זיך טועה ווייל פון דיין דמיון צו א קאטאליק מיינט מען אז דו מיינסט צוזאגן זיין פערזענליכע פראבלעם, דהיינו אז ער איז א מתנחל, דאס איז זיין פראבלעם, ענליך צום קאטאליק וואס זאגט גוט אבער איך בין אים נישט מקבל ווייל ער איז א אינו יהודי.

[quote][/quote]מי חכם,
קוק א תגובה צוריק ווי איך באציה זיך צו דער נקודה פון התחזקות...

למעשה אינדערצייט וואס אין אדם נתפס על צערו, קיין טענות צו די פארבלאנדזשעטע נשמות וואס פאשען אין פרעמדע פעלדער האב איך נישט, איז אבער בפירוש נישט מותר צו שעפען אמונה פון אומריינע מקורות (נוצרות ועוד), איי דער איד זינדיגט נעבעך... ליידער ליידער. אבער דער רבוש״ע האט נישט געבעטן מיר זאלן אים געבן עצות...

דאס איז אפילו ווען מען זאל דעם חלל נישט קענען אנפילן ביין אונז, ועכשיו אז מען קען יא, נישט פון נייע ספרים, פון אלטע אלטע. איז דאך אוודאי נישט מותר.
...
כ׳האב נישט געוואלט אריינקריכן אין פריוואטע נושאים נאר אזוי ווי איר האט ביידע גערעדט פון די נקודה, וועל איך ענטפערן.
איך בין בכלל נישט צופרידן מיט מיין דרגה אין אידישקייט, און איך וויל נישט זיין צופרידן, דאס ביסעל לב נשבר ווילסטו מיר אויך אוועקנעמן?
איך בין מלא חיזוק אז דער רבוש״ע איז מיין ליבער טאטע כאטש איך בין א דערערד ליגער, און כאטש עבירות זענען זייער, זייער הארב אז.

אין פאר דעם איז ער דער אלמעכטיגער באשעפער. ולו ידעתיו הייתיו 

הייסט אז ר' צדוק און דער איזשביצער ביסטו מדמה צו נוצ... חלילה?

מי חכם האט געשריבן:הייסט אז ר' צדוק און דער איזשביצער ביסטו מדמה צו נוצ... חלילה?

זיי מסביר ביטע?

שטארק זיך האט געשריבן:

מי חכם האט געשריבן:הייסט אז ר' צדוק און דער איזשביצער ביסטו מדמה צו נוצ... חלילה?

זיי מסביר ביטע?

לויט ווי איך דענק האסטו גערעדט פון די וואס זענען זיך מחזק מיט ארוש.
וויפיל איך בין באקאנט האט ארוש קיין שייכות צו איזשביצא און ר׳ צדוק, ניטאמאל צו ברסלב...

ווייז מיר אן וואו דו האסט געזעהן אז איך פארגלייך חלילה ר׳ צדוק צו ...
ארוש בפירוש יא!

איך בין נישט קיין גרויסער טוער און אוודאי נישט קיין גרויסער בקי אין וואס בעני בראון רופט "הגות" (נאר אינטערעסאנט אויב דו האסט מיטגעהאלטן אויף בחדרי, באט עניוועי), נאר אזויפיל האבן מיינע אויגן אויפגעכאפט במשך דעם אשכול אז דער מהלך פון רש"א קומט פון - אדערט עטליעסט טרעפט מען שוין אין - די ספרי ר' צדוק. איז'ביצא בינעך נישט זיכער, ברויך איבערקוקן

תולה עצמו באילן גדול, און ער האט נעבאך קיין אנונג וואס דאס איז. כמבואר בקונטרס ובחרת.

און לאמיר קלאר מאכן איינמאל פאר אלעמאל.

צו לערנען ר׳ צדוק דארף מען א גוטן רבי׳ן, אויב לערענט מען עס כפשוטו איז נענטער צו פושעים יכשלו בם ווי צו ישרים ילכו בם. נו שוין.

אין דורשין...

שוטה האט געשריבן:דארפסט נישט מער ווי כאפן א בליק ווי הרב קלוגער פון בית שמש איז לעצטענס מצליח מטעם הנ"ל, וביודעי ומכירי קאמינא אינגעלייט גרויסע בעלי נפש וואס האבן זיך געמוטשעט יאהרן, פראהבירט מעין סטריעם אידישקייט, פראהבירט חב"ד, און האבן שוין געהאלטן פארן צאמפאלען ביז זיי זענען אנגעקומען צו קלוגער וואס האט זיי געגעבן א נייע חיות, היינו טעמא דשופר והיינו טעמא דמגלה.

שוטה! מהקטע הזאת יכולים לראות איה מקום כבודך ולמה אתה נוטה לדעת רב ארוש, ואין צריכים עוד.....................

אזוי ווי שטארק זיך זאגט, נישטא וואס זיך צו טענה'ן מער......

איך ווייס נישט פונקטליך על מה יצא קצפך, אבער אויב עס העלפט אייך: איך האב גארנישט מיט הרב קלוגער.