וואס קענט איר אלס טוהן מיט GOOGLE ?

די אחראים: זייער נייגעריג, אחראי, thefact

אוועטאר
שמעק_טאביק
שר האלף
תגובות: 1582
זיך איינגעשריבען אום: מיטוואך פאברואר 14, 2007 11:13 am

וואס קענט איר אלס טוהן מיט GOOGLE ?

תגובהדורך שמעק_טאביק » מאנטאג מארטש 12, 2007 1:05 pm

נישט יעדער ווייסט ווי נוצליך GOOGLE איז. מען מיינט עס איז בלויז א סוירטש ענדזשין, און דאס איז עס. איך האב שוין געשריבן איינמאל אין היידפארק דערוועגן, אבל מפני דברים שנתחדשו, וועל איך דא בקיצור צוברענגען נאכאמאל עטליכע מעלות.

איר קענט אים נוצן פאר א קאלקיולעיטאר. למשל 3+3 און ער וועט אייך ענטפערן 6=. דאס אליין איז נישט געוואלדיג. אבער מען קען פרובירן אלע סארט קאנווערזשנס. ווי למשל, איר ווילט וויסן וויפיל איז 80 דעגרי פארענהייט אין סעלציוס? וויפיל ליטער איז 20 גאלאן? וויפיל מייל איז אין א ליכט יאר? וויפיל פיס איז אין א מייל? וויפיל קילאמעטער איז 15 מייל? וויפיל יורא איז 20 דאלאר? קלאפט אריין די שאלה אין גוגל, און ער וועט אייך תיכף געבן דערויף דעם ריכטיגן ענטפער.

איר קענט אים נוצן פאר א טעלעפאן בוך. איר באקומט א קאל און איר ווילט וויסן ווער איז דער נאמבער? קלאפט אריין: 7183871234 (ד.ה. די 10-דיזשיט טעלעפאן נאמער) און אויב איז דער נומער געליסטעד אין טעלעפאן בוך, וועט איר דאס תיכף זעהן אויפן סקרין. (סעלפאן נומערן ארבעט נישט).

איר קענט אים נוצן צו זעהן עירפארט דילעיס, אדער פלייט ערייוועלס אינפארמאציע.

איר קענט אים נוצן פאר א דיקשאנערי. איר ווילט וויסן וואס מיינט א געוויסע אומבאקאנטע ענגלישע ווארט. שרייבט איר אריין דעם ווארט DEFINE (ד.ה. טייטש מיר אפ) און שרייבט דעם ווארט וואס איר ווילט וויסן.

ווילט איר וויסן דעם וועטער אין אייער געגענט? שרייבט אריין דעם ווארט "וועטער" אין ענגליש, מיט אייער זיפ קאוד. למשל: WEATHER 11211.

א גאר אינטערעסאנטע זאך בין איך לעצטנס געוואויר געווארן, אז רוב סערוויסעס קענט איר האבן אויך דורך אייער סעל פאון. איר דארפט גארנישט מער ווי שיקן א "טעקסט מעסעדזש" צו GOOGLE. ווי אזוי? פשוט דרוקט אריין די נומערן לויט די GOOGLE אותיות אויף דעם קי-פעד (466-453) און פרעגט אים אן וואס איר האט צו פרעגן. למשל:

Define Amen
Weather 11219
7183846789
Feet in Mile

וכדומה. ביז א 20-30 סעקונדען וועט איר צוריקבאקומען א טעקסט מעסעדזש מיט אייער תשובה.

די ליסטע איז זייער לאנג. איך וועל צוצייכענען א לינק וואס האט איבער 100 טיפס און טריקס.

http://www.laptopmag.com/Features/101-G ... ecrets.htm

אוועטאר
מאשקע
מ. ראש הקהל
תגובות: 12550
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מאנטאג מארטש 12, 2007 1:09 pm

א ריזיגן שכוח.
An article a day keeps the babies away

3x0
המכונה 'טריאו'
תגובות: 9146
זיך איינגעשריבען אום: מיטוואך יוני 28, 2006 11:29 am
לאקאציע: חבוי

תגובהדורך 3x0 » מאנטאג מארטש 12, 2007 1:42 pm

יישר כח הרב שמעק.

דאס איז וואס גרויזאמער האט געשריבן פאר א צייט צוריק אין דעם אשכול.

גרויזאמער האט געשריבן:רעיון יום ג' ויחי תשס"ז

גוגל הצדיק


בילד
גרונדליכע פראפעסארן סטראטעגיסן און אנאליסטן יאווען זיך צו ערקלערן, אפווענדן, פארשטיין די אקטיוויטעטן פון גוגל. מאנכע מנובלים פון די גוישע גאס קוקען דאס אן ווי א שטיק עבודה זרה און דער העלפער פונעם היינטיגן גענעראציע.

אין מח פאנטאזירט זיך ווי גוגל איז א געלערנטע ברייט ביינערדיגע פראפעסאר, א הערליך אנצוג, און געקעמטע שניפסל, אין זיין רייך געבויטן פאלאץ זיצט ער אויבנאן מיט אן אויסגעגאסענעם שמייכל אויפן געזיכט, העכער אים הענג א שילד וואס ליינט זיך "דא קענט איר באקומען וואס איר ווילט, ווען איר ווילט, וויאזוי איר ווילט", ניטאמאל דארף מען שטיין אין די רייע צוצוקומען צו אים, מען גייט צו צו אים און מען בעט אים און ער געבט. יא, אן קיין פראגעס, ער פרעגט נישט ווער מען איז. מען פרעגט אים וואס מען וויל און ער ענטפערט. און קיינמאל קיינמאל וועט ער נישט אנטוישן. אייביג וועט ער וויסן וויאזוי צו בארואיגן די וואס קלאמערן זיך ביי זיינע טישן.

ווילסט וויסן די וועטער פון היינט מארגן איבערמארגן? אן ענטפער! זוכסט א ווירטואלישע פלאץ צו אנטשיידן די חלום מיט די אכט פעטע קיען וואס האבן איינגעשלינגן זיבן פרעה'ס? טינק טינק טאם, קלאפט אריין אין קיבארד, אויפן סקרין שווימט אויף א דאטע באזע מיט אלע אינפארמאציע, מער וויפיל מען האט זיך נאר אמאל פארגעשטעלט, ער דערלאנט עס צום פאציענט מיט א נצחון שמייכל ווען דער לעצטער שטייט און וואונדערט זיך פון דעם וועלטס וואונדער. אט קומט אריין אן עלף יעריג אינגעלע, לויפט צו צו מיסטער גוגל, העלאו? איך וויל עפענען א מעיל באקס אז איך זאל קענען האנדלן און מען זאל מיר קענען שיקן פאסט פון אומעטום, די גאנצע עולם שטייט און ווארט צו וואס גייט יעצט מיסטער גוגל זאגן? וואס קען ער דען טון צו אזא מעכטיגע פראבלעם? מיסטער גוגל עפנט אויף די אונטערשטע לעדל פונעם דעסק, נעמט ארויס א קליינטשיקע רויטע באקסל, "גימעיל" "נאדיר", "2 גיגה בייטס"... נעקסט! שרייט ער מיט א שמייכל... יא, איך האב געוואלט פרעגן ווער איז די ביליגסטע פאר א די עם דאבעליו נעגל שניידער? מיסטער גוגל שטעלט זיך אויף, נעמט ארויס א געקנעטענעם פרוגל פון איינע פון די שעלפס, דערלאנגט עס אהין, מיט אלע אינפארמאציע וואס נאר שייך. אלעס אלעס, קענסט זיך אויסקלויבן לויט די רעיטס, לויט דעם סדר לויט יענעם סדר. געגאגען! ווער נאך איז דא היינט? קיינער זאל נישט אוועקגיין פון דא! איך וויל יעדעם העלפן! א בלאגעלע דארפסטו? דא!... וואס נאך? וואו גענוי די עפסאן שטראססע אין לעמבערג געפינט זיך? דא האסטו גוגל ערטה, איך צייג דיר די גענוי בילד... וויאזוי אנצוקומען? גוגל מעפס... מיט וועם ווילסטו שמועסן? יא זיכער! יא מיט יעדעם וועם דו ווילסט וועסטו קענען שמועסן אגאנצען טאג, גוגל טאלק, דא! דאן קומט צו דער לעבעדיגער טאנצעדיגער קוימען קערער, ער וועט צופיקסן מיסטער גוגל, ער קומט צו לויפן "ווארט מיסטער גיי נאכנישט אוועק!" שרייט ער פארסאפעט, "יא יא, בעט וואס דו ווילסט נאר" ענטפערט מיסטער גוגל... ענדליך קומט ער צו צום טישל, דער עולם קוקט מיט נייגער, מיט וואספארא אויפטרעף גייט ער יעצט קומען? ענדליך וועט שוין איינער זוכה זיין צו א א אומקלארע תשובה פון גוגל?.. אולי... "וואס איז נייעס?" קומט די אומגעראכטענע פראגע... דער עולם האלט זיך ביי די זייטן, וואס גייט יעצט זיין... נישט געזארגט, אונזער פריינד נעמט ארויס פונעם שיפלאד א גוגל ניוס, דא האסטו!...

וויאזוי מאכט ער געלט דער מיסטער? אומבאמערקטערהייט וועט ער פאר יעדן פאציענט אריינרוקען אינעם לינקן טאש א צעטעלע מיט קליינע נישטיגע אדווערטייזמענטס איבער דעם ענין וואס יענעם אינטערסירט. אזוי קען ער פארדינען מיליאנען דאלארן פון די וואס אדווערטייזן זיך ביי אים. און אזוי שטייגן זיינע סטאקס אין די הויכע ציפערן, צו אלעמענס באקוועמליכקייט.

מוסר השכל: קודם קומט סערוויס, נאכדעם קומט ביזנעס.

לחיים ולברכה
שר האלפיים
תגובות: 2548
זיך איינגעשריבען אום: דאנארשטאג פאברואר 22, 2007 1:10 pm
לאקאציע: אונטער'ן נעץ

תגובהדורך לחיים ולברכה » מאנטאג מארטש 12, 2007 5:05 pm

שמעק, במחילת כבודך - האסט א טעות, ווען מ'קלאפט אריין 7183871234 קומט גארנישט ארויף. (אפשר וועט ארויפקומען די דאזיגע תגובה....)
מ'דארף לייגן 'דעשעס' אדער 'ספעיסעס' אינצווישן. למשל 718-387-1234, אדער 1234 387 718.

אגב, וועמענס נאמבער האסטו אנגעצייכענט......
אם אין אני לי, אויב איך וועל נישט טוהן פאר מיינע אייגענע קינדער, מי לי, ווער וועט דאס טוהן אנשטאט מיר?

אוועטאר
שמעק_טאביק
שר האלף
תגובות: 1582
זיך איינגעשריבען אום: מיטוואך פאברואר 14, 2007 11:13 am

תגובהדורך שמעק_טאביק » מאנטאג מארטש 12, 2007 5:07 pm

לחיים וברכה, במחילת כבודך ביסטו נישט גערעכט. מען קען אויסדרוקליך יא אזוי שרייבן אן קיינע דעשעס. איך נוץ דאס שוין איבער א יאר צענדליגער מאל. פרוביר אריינצושרייבן איימיצנס טעלעפאן נאמבער וועסטו זעהן. די נומער וואס איך האב געשריבן איז בלויז א דוגמא...
הפך בה והפך בה דכולה בה!

אוועטאר
צייטליך
מ. ראש הקהל
תגובות: 12464
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » מאנטאג מארטש 12, 2007 6:14 pm

א גרויסן יישר כח שמעק טביק,
גראדע מיט וועטער האט מיר עס נישט געהעריג געארבייט, מסתמא איז עס געווען א ספעלינג מיסטעיק,
אגב האביך דארט געטראפן א וועב-זייטל, וואס איז ארגינעל פארן וועטער, און עס האט אין זיך העליכע בילדער פון מורא'דיגע שיינע פאנאראמע'ס, פארשטייט זיך אז אלעס גייט לויטן וועטער,
עניוועי, יישר כוחכם.
איך בין צייטליך און איך האב עפראווד די תגובה.

אוועטאר
cano
שר האלפיים
תגובות: 2322
זיך איינגעשריבען אום: מיטוואך יוני 28, 2006 5:25 pm

תגובהדורך cano » דינסטאג מארטש 13, 2007 11:57 pm

איך קאן נישט מאכען קיין פרינט סקרין, וועסטי מיר מיזען גלייבען אויפען ווארט, לחיים ביזט נישט גערעכט, מען דארף נישט לייגען גארנישט נישט קיין רינגעלעך און אויך נישט קיין ספעיסאס, אדרבא טריי עס אליין.
דיסקליימער: ווען איך מאך א ספעלינג טעות, איז דאס נישט דיירעקט, עס פשוט א טעות.

לחיים ולברכה
שר האלפיים
תגובות: 2548
זיך איינגעשריבען אום: דאנארשטאג פאברואר 22, 2007 1:10 pm
לאקאציע: אונטער'ן נעץ

תגובהדורך לחיים ולברכה » מיטוואך מארטש 14, 2007 10:25 am

שמעק טאביק, קאנאו, עטס זענטס גערעכט. איך נוץ עס שוין אויך זייער לאנג, און כ'האב עס אויספרובירט אויף מיין נומער און ס'האט נישט געכאפט אהן ספעיסעס. יעצט האב איך אויספרובירט א צווייטענס נומער און ס'האט געכאפט.
אבער... א צווייטנ'ס נאמען און א צווייטע אדרעס, ד"ה אז ס'איז זייער נישט אפדעיטעד. יענער האט שוין די נאמבער באלד 3 יאר און ס'קומט נאך ארויף די נאמען און אדרעס פון דער וואס האט דאס געהאט פריער. די זעלבע מיט מיין נאמבער האב איך שוין 4 יאר, און ס'קומט גארנישט ארויף.
אם אין אני לי, אויב איך וועל נישט טוהן פאר מיינע אייגענע קינדער, מי לי, ווער וועט דאס טוהן אנשטאט מיר?

אוועטאר
שמעק_טאביק
שר האלף
תגובות: 1582
זיך איינגעשריבען אום: מיטוואך פאברואר 14, 2007 11:13 am

תגובהדורך שמעק_טאביק » מיטוואך מארטש 14, 2007 12:24 pm

איך בין מודה אז עס איז נישט אפדעיטעד. איך וואלט געהאלטן אז זיי זאלן צולייגן אן אפציע צו "אפדעיטן" די נומערן, און זיי זאלן דאס וועריפייען. מסתמא קאסט דאס צופיל פאר זיי צו טון פאר אומזיסט. אבער דאך איז עס בעסער ווי גארנישט.
הפך בה והפך בה דכולה בה!

לחיים ולברכה
שר האלפיים
תגובות: 2548
זיך איינגעשריבען אום: דאנארשטאג פאברואר 22, 2007 1:10 pm
לאקאציע: אונטער'ן נעץ

תגובהדורך לחיים ולברכה » מיטוואך מארטש 14, 2007 12:30 pm

ס'איז אבער אינטערסאנט אז ס'זאל זיין אזוי אלט, 4 יאר וואס איך האב מיין נאמבער, ס'איז אלץ געווען געליסטעד איבעראל, אבער זיי האבן דאס נישט.
אם אין אני לי, אויב איך וועל נישט טוהן פאר מיינע אייגענע קינדער, מי לי, ווער וועט דאס טוהן אנשטאט מיר?

אוועטאר
סאכדעס
שר עשרים אלפים
תגובות: 20330
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מיטוואך מארטש 14, 2007 1:37 pm

נע, די ליסט איז געפעליך אלט. מיין נומער איז שוין אלט 7 יאר און זיי האבן עס נישט.

אוועטאר
סאכדעס
שר עשרים אלפים
תגובות: 20330
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מיטוואך מארטש 14, 2007 1:38 pm

גראדע זעה איך איצט אז זיי האבן עס יא, אבער עס איז יארן נישט געווען דארט.

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מיטוואך מארטש 14, 2007 2:48 pm

אונטערסאנט, ווייל מיין נומער איז אינגאנצן אלט פיר יאר, און זיי האבן עס שוין פאר עטליסט א יאר.

אוועטאר
קרעזי
שר חמש מאות
תגובות: 682
זיך איינגעשריבען אום: דאנארשטאג סעפטעמבער 07, 2006 7:00 am
לאקאציע: צו ס'איז אין מקוה, צו גאר הכנות, א איד בלייבט א איד בכל מקום שהוא

תגובהדורך קרעזי » דאנארשטאג מארטש 15, 2007 5:27 pm

יאנאש,

ביסט זיכער אז זיי האבן עס? איך מיין אז דו זאלסט צושטעלן דא א לינק, כדי דער עולם זאל זיך קענען אליין איבערצייגן...

אוועטאר
איך_הער
סעקרעטאר
תגובות: 18573
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » פרייטאג מארטש 16, 2007 12:58 am

קרעזי האט געשריבן:יאנאש,

ביסט זיכער אז זיי האבן עס? איך מיין אז דו זאלסט צושטעלן דא א לינק, כדי דער עולם זאל זיך קענען אליין איבערצייגן...


קרעזי, נאט בעד.

metsboy
שר מאה
תגובות: 119
זיך איינגעשריבען אום: פרייטאג מארטש 16, 2007 3:34 am

תגובהדורך metsboy » פרייטאג מארטש 16, 2007 4:40 am

זיי האבען אויכט אזא זאך ווי labs דאס מיינט למשל די ווילסט זעהן וויפל מענטשן אויפן וועלט זיכען דאס ווארט ''היימישע קרעטשמע'' וועלן זייך דיך אלס אויסזאגען! נישט נאר דאס, קענסט אויכט וויסען יעדע חודש עקסטער וועלכע שטאט זיך דיך די מערסטע,

אוועטאר
מאשקע
מ. ראש הקהל
תגובות: 12550
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מאנטאג מארטש 19, 2007 4:03 pm

איך האב יעצט פרובירט א זאך, און ס'האט געארבעט.
מ'לייגט אריין די VIN נומער פון די קאר, און ס'קומט ארויף די רעזולטאטן פון carfax, וואו מ'קען באקומען די רעקארדס פון אלעם וואס האט פאסירט מיט די קאר.

א אידעלע
שר חמישים ומאתים
תגובות: 418
זיך איינגעשריבען אום: מיטוואך סעפטעמבער 13, 2006 12:27 pm
לאקאציע: דרייט זיך אינמיטען וועג

תגובהדורך א אידעלע » מאנטאג מארטש 19, 2007 4:07 pm

איך מעג פרעגן א טעמישע קשיא, וואס מיינט א VIN נומער, און וואס מיינט carfax?

אוועטאר
מאשקע
מ. ראש הקהל
תגובות: 12550
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מאנטאג מארטש 19, 2007 4:30 pm

האסט א קאר?
VIN מיינט Vehicle Identification Number. יעדע אויטא האט אזא נומער אריינגעקריצט, און די נומער שטייט אויך אויפ'ן קאר רעגיסטראציע און אויפ'ן אינשורענס אידענטיפיקאציע קארטל.
ביים קויפן א קאר, איז ראטזאם צו קוקן די רעקארדס אויף carfax, צו זעהן די היסטאריע פונעם קאר, ד.ה. וויפיל בעלי בתים ס'האט שוין געהאט, אויב ס'איז שוין געווען פארמישט אין ערנסטע עקסידענטן, אויב מ'האט לעצטנס געטוישט עפעס א מעידזשאר פארט אינעם קאר, אא"וו.

אוועטאר
שמעק_טאביק
שר האלף
תגובות: 1582
זיך איינגעשריבען אום: מיטוואך פאברואר 14, 2007 11:13 am

תגובהדורך שמעק_טאביק » מאנטאג מארטש 19, 2007 5:25 pm

א אידעלע, מאשקע האט גוט געענטפערט. קארפעקס האט אלע אינפארמאציע פון יעדע אויטא, פון פאליציי (עקסידענטן וכדומה) און פון די אינשורענס, רעגיסטרעישאן אינפארמאציע, א.א.וו. אינטערעסאנט אז געווענליך קארפעקס בעהט דערפאר 10 אדער 12 דאלער. ווי אזוי גוגל האט עס אומזיסט ווייסעך נישט.

אגב, טעמיש איז נישט קיין ווארט. מען שרייבט תמ'יש (מלשון "תם", אויב דו פארשטייסט נישט).

אויך קען מען ביי GOOGLE אריינלייגן סיי וועלכע טרעקינג נומבער, פון יו.פי.עס. אדער פעדעקס אדער DHL, און אלע אינפארמאציע וועט ארויפקומען אויפן סקרין. די חברה גייען מחיל אל חיל (להבדיל... אויב מען מעג דאס זאגן אויף זיי)..
הפך בה והפך בה דכולה בה!

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מאנטאג מארטש 19, 2007 5:28 pm

איך מיין אז גוגל האט עס טאקע נישט פאר אומזיסט, זיי גיבן דיר נאר א לינק צו קארפעקס'ס וועב זייטל.

אוועטאר
מאשקע
מ. ראש הקהל
תגובות: 12550
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מאנטאג מארטש 19, 2007 5:29 pm

ווער זאגט אז גוגעל האט עס אומזיסט? ער געט דיר נאר א לינק צו "קארפעקס", וואו דו קענסט זעהן וואספארא מאדעל און יאר די קאר איז, און וויפיל רעקארדס ס'איז דא אויפ'ן פייל. צו זעהן "פון וואס" די רעקארדס באשטייען, דארף מען באצאלן ווי א טאטעלע.

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מאנטאג מארטש 19, 2007 5:34 pm

נו קען מען דאך גיין גלייך צו קארפעקס?

אוועטאר
סאכדעס
שר עשרים אלפים
תגובות: 20330
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מאנטאג מארטש 19, 2007 5:37 pm

גערעכט, אבער דער חידוש איז אז ער טוט באלד אנטדעקן אז דאס איז א VIN

אוועטאר
מאשקע
מ. ראש הקהל
תגובות: 12550
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מאנטאג מארטש 19, 2007 5:45 pm

יאנאש האט געשריבן:נו קען מען דאך גיין גלייך צו קארפעקס?

און ווען דו ווילסט טרעקן א פעקעדזש, קענסטו נישט גיין גלייך צו UPS אדער FEDEX?
נאר וואס דען? גוגעל שטעלט דיר אלעס צו כשלחן הערוך.


צוריק צו “אינטערנעט און אימעיל”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 5 געסט