כדי צו זיך שפארן די קאסטן פון נעמען א באס צוריק צום נושא, האבעך דיר גענפערט איבער די טשעק סקענער
דא.
איצט איבער די סקענערס. ס'איז פארהאן אסאך מאדעלס סקענערס. ס'איז דא וואס זענען נאר סקענערס אליינס, די זענען בדרך כלל קלארער און האבן מער אפציעס, אבער פארנעמען מער פלאץ אויפ'ן טישל. דערנאך זענען דא מאלטי-פאנקשן מאשינען, וואס האבן אין זיך א קאפי מאשין, פרינטער, פעקס, און אויך סקענער.
יאך האב א מאלטי פאנקשן און כ'בין זייער צופרידן דערמיט. ס'נעמט מיר אויף דאס זעלבע פלאץ, און כ'בין צופרידן מיט אלעמען (קאפיער, פרינטער וכו'). כ'סקען כסדר וויכטיגע דאקומענטן און כ'שיק זיי אויף אימעיל, ס'קומט אויס היבש קלאר. כ'האב שוין אפילו געסקענט א בילד דערמיט, און ס'איז אויסגעקומען הערליך שיין, כמעט ווי דאס ארגינעלער בילד.
פארשטייטסעך, אז טשעקס קען מען אויך סקענען דערמיט.
דאס איז אלעס בנוגע די הארדוועיר.
ס'איז דא אסאך פראגרעמס וואס העלפן צו צום סקענען, קודם איז דא די גרעפיק פראגרעמס וואס האבן געווענליך אלע פיעטשערס צו קענען אויסוועלן די קלארקייט, שארפקייט, גרויסקייט וכדו'. דערנאך איז דא זייער אסאך קליינע פראגרעמס וואס זענען דירעקט געמאכט פאר סקענען.
איינער פון די פיעטשערס איז אז ס'זאל אויפכאפן די ווערטער, און עס קאנווערטן צו טעקסט. דאס רופט זיך OCR (Optical character recognition). ס'איז דא הונדערטע פראגרעמס וואס זענען דירעקט געמאכט פאר דעם, ווי אויך איז דא צו ליינען אידישע אותיות, ס'איז שוין דא פאר רש"י אותיות, און לעצטענס אויך מיט נקודות. פארשטייט זיך, אז די אידישע מאכט זייער אסאך טעותים.... אבער די ענגלישע זענען זייער גוט.
ווען דו קויפסט א BROTHER מאלטי-פאנקשען, וואס האט אויך א סקענער, קומט דאס מיט דער פראגרעם PAPERPORT, וואס האט זייער גוטע פיעטשערס צו סקענען דאקומענטן און בילדער, ווי אויך האבן זיי א פראגרעם פאר OCR.