נוסחאות התפלה ומנהגיה

הפוך בה דכולה בה

די אחראים: אחראי, גבאי ביהמד

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » דינסטאג יולי 15, 2008 9:26 pm

צוריק צום אומרים פעמים באהבה, ווי עס זעהט אויס איז אזוי דער נוסח הטור אין סוף סימן רפ"א, אבער דער פרישה און דער ב"ח אויף דעם פלאץ זאגן דער נוסח שמע אומרים, דער מחזור ויטרי אין סימן קצ"ב שרייבט ברוך יאמרו און ווי פארשטענדליך שמע אומרים און אויף יו"ט האט ער א גאנץ אנדערע נוסח, דער ליקוטי מהרי"ח אין סדר תפלת מוסף ברענגט אז דער אור זרוע האלט אויך אזוי.
ביקסאד האט געשריבן:דער ייטב לב האט א תשובה אין אבני צדק צו פארענטפערען דעם 'האומר שמע שמע'.
ווי עס זעהט מיר אויס פון די תשובה אין אבני צדק או"ח סימן ט און ווי אויך אין שו"ת ערוגת הבושם או"ח סימן י"ז, רעדן זיי נישט פון קדושת כתר.
ועמך כולם צדיקים

אוועטאר
scy4851
שר ששת אלפים
תגובות: 6657
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » דינסטאג יולי 15, 2008 10:06 pm

בני היכלא האט געשריבן:דער נוסח איז שטאמט פון אר"י הקדוש
תפלת ערבית בברכה ראשונה אשר בדברו מעריב ערבי' בחכמה. פותח שערים בתבונה כצ"ל ויאמר מעריב ערבים בחכמה ויפסיק ואח"כ יאמר פותח שערים בתבונה ויפסיק ואח"כ יאמר משנה עתים כו'

מיללער האט געשריבן:הרב היכלא,
ווי איז ער מקור פונעם אריה"ק? זייער אינטערעסאנט, תודה רבה.

בני היכלא האט געשריבן:אין שער הכוונות

רב מיללער
איך האב נישט געוואלט זאגען פון וויא איך ווייס אז דער נוסח איז ע"פ קבלה.
אבער אזוי וויא איך זעה אנדערע טוהן אויך דעריין...נא...
טאקע פונעם שער הכוונות האב איך עס גענומען
the SCY is the limit

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » דאנארשטאג יולי 17, 2008 1:09 am

מיללער האט געשריבן: פון די לעצטערע יארן איז נישט דא קיינע מנסחי נוסחאות (איך רעדט לחסידיהם, קען זיין אז פריוואט האבן רביס אנגענומען איין נוסח) אויסער דער מנחת אלעזר.
דאן ווייסט איר נישט וואס גייט פאר אין בעלזא, ראה סידורם עבודת השם.
ועמך כולם צדיקים

אוועטאר
מיללער
שר עשרים אלפים
תגובות: 25429
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג יולי 17, 2008 1:13 am

איך האב בעיקר גערעדט פון פאר די קריג, דער עבודת השם איז פון מהר"א מבעלזא?

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » דאנארשטאג יולי 17, 2008 2:11 am

סידור עבודת השם פון בעלזא [החדש].
ועמך כולם צדיקים

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » דאנארשטאג יולי 17, 2008 5:19 pm

לכבוד שבת קודש, א פרישע נושא אין נוסחאות התפלה: "ו"קונה הכל, דער חילוק כאפט בעיקר ווי אזוי מען זאל אויס רעכענען עס זאל זיין בגימטריא דעם שם ונקה.

מיט דעם "ו" איז דער נוסח העולם, אין עיון תפלה בשם הגר"א אז אזוי ווי מען טרעפט אין די תורה ונקה חסר דערף מען אזוי זאגען, און אין די סידורי הגר"א, און אזוי פירן זיך די ראפשיצ'ע אייניקלעך און אזוי אויך אין סקאליע, דער בני יששכר אין דברים נחמדים, דער תפארת שלמה סוף פרשת בחקתי.

אן דעם אות "ו" איז דער נוסח איו די סידורי האר"י ר' שבתי און ר' אשר, אזוי אויך אין אבודרהם און אין משנת חסידים (תפלת האצילות, פ"ו אות ט-י), דער בעל התניא אין סידור, דער בוטשאטש'ער רב אין סידור דעת קדושים און אין אשל אברהם אויף שו"ע או"ח סימן ס"ח, דער קאמארנער אין חומש (היכל הברכה, בראשית צ"ג.) שרייבט ובשמ"ע יש לומר קונה הכל ויכוין ונקה, והאומר וקנה לא משתבש, אויף דעם שרייבט דער מונקאטש'ער רב אין מאמר נוסח התפלה סוף סעיף י"א ותמהני על הגה"ק הנ"ל שלא הרגישו בזה. וא"כ צ"ל קונ"ה (בלא ו' שקודם הק') והוא בגי' קס"א כנז':, אזוי איז אויך דער נוסח אין זידיטשוב-ספינקא און קאסאן.
ועמך כולם צדיקים

אוועטאר
אלטעבחורל
מ. ראש הקהל
תגובות: 1086
זיך איינגעשריבען אום: מיטוואך נובעמבער 14, 2007 11:28 pm
לאקאציע: לעצטענס בינעך געווען אין א פאָפאָטש, היינט? אין אַ קראַקס
פארבינד זיך:

תגובהדורך אלטעבחורל » דאנארשטאג יולי 17, 2008 5:24 pm

אין ספינקא ביי מעריב זאגט מען "שומר עמו ישראל לעד, אמן."
דאס הייסט אז יעדער יחיד איז עונה לעצמו דעם אמן פארן ברכת השכיבנו, האט דאס מיט נוסח, אדער מנהגי זידיטשויב...?

אוועטאר
scy4851
שר ששת אלפים
תגובות: 6657
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » דאנארשטאג יולי 17, 2008 8:40 pm

זידיטשוב,
און קאסאין איז אויך אזוי.
the SCY is the limit

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » דאנארשטאג יולי 17, 2008 10:23 pm

על פי רוב מנהגי ספינקא זענען נמשך פון זידיטשוב, און מנהגי טאהש וקאסאן פון קאמארנא, פון זידיטשוב איז נישט דא לפי ידיעתי קיין מנהגים חוץ אביסל אין ילקוט מהרי"א וואס דאס איז שוין פון נאך די קריג, און כפי מה ששמעתי גרייט מען זיך דאס איבער צו דריקן אין צוויי פראכטפולע בענדער, פון קאמארנא איז דא דער שולחן הטהור אויף א גרויס חלק שו"ע או"ח און מנהגי קאמארנא אבער דאס איז שוין אויך פון נאך די קריג און אין תש"ן דער סידור, פון קאסאן האט מען לעצטנס געדריקט דעם הליכות קודש אבער אן קיין מקורות און השוואות [יאך פארשטיי אז דער רבי אליינס איז גענוג א מקור], ברם זכור לטוב כ"ק אדמו"ר מהרי"ד בעריש מ'ספינקא זצ"ל הכ"מ וואס אזר כגיבור חלציו און מיט יאהרן צוריק שנס מתניו און ארויס געגעבען לאור עולם חיבורים אויף אלע ימים טובים מיט די ספינקא מנהגים, ולאחרונה די זמירות תפארת צבי לשבת קודש, וואס זענען כמעין הנובע מיט הונדערטער מראי מקומות ומקורות.

פון מונקאטש איז דא דער נימוקי אורח חיים (וחבל על שאר החלקים שנאבדו) מאמר נוסח התפלה און דער דרכי חיים ושלום, וואס דערויף האט זיך אויס געדרוקט דער ספינקא רבי בעל תפארת צבי אז די מנהגים זענען זייער ענדליך, וואס ווי באקאנט האט דער בני יששכר אסאך מקבל געווען פון זיין מחותן דער עטרת צבי.
ועמך כולם צדיקים

אוועטאר
שוועמל
שר עשרת אלפים
תגובות: 14176
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג יולי 24, 2008 10:17 am

אלטעבחורל האט געשריבן:אין ספינקא ביי מעריב זאגט מען "שומר עמו ישראל לעד, אמן."
דאס הייסט אז יעדער יחיד איז עונה לעצמו דעם אמן פארן ברכת השכיבנו, האט דאס מיט נוסח, אדער מנהגי זידיטשויב...?


דער ענין פון ענטפערן אמן אחר ברכותיו איז א הלכה'דיגע, און ס'האט נישט מיט נוסח דוקא. להלכה ווערט געפסק'ט אז ביי שומר עמו ישראל און ביי הטוב והמטיב מעג מען ענטפערן נאך זיך אליינס אמן.

גראדע אין קאמארנא זאגט מען שומר 'את' עמו ישראל לעד. דאס איז שוין פילייכט יא א באזונדערער נוסח.
שוש אשיש בה', תגל נפשי באלקי! (ישעיה סא)

אוועטאר
שוועמל
שר עשרת אלפים
תגובות: 14176
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג יולי 24, 2008 10:21 am

ברכת השנה איז פארהאן צוויי נוסחאות פארן זוממער.

אדער ברך עלינו, אדער די זידיטשובע (?) נוסח ברכינו ה"א. דער נוסח איז שטארק מקובל אין אר"י און ס'יז שוין געדרוקט אין רוב נייע סידורים. (גאלאנט בורשטין דאווענען אזוי).


ביי כתר שטייט אין די פוסקים אז מען זאל זאגן 'ככתוב' ע"י נביאך, און נישט 'וכן כתוב' ווייל עס ברויך שטימען א צאל ווערטער.





נאך אן ענין פון נוסח וואס פארלאנגט אפשר א באזונדער אשכול, דאס איז קר"ש על המטה.

באקאנט אין צאנז לייענט מען גאר אנדערש, ג' פרשיות, הללוקה שירו לה', ויהי נועם, ה' מה רבו, שיר למעלות, אדון עולם.
די אלע פסוקים פון יברכך וגו' זאגט מען נישט.

וכך אני מתנהג
אויך זאג איך נישט יראו ביים בענטשן
שוש אשיש בה', תגל נפשי באלקי! (ישעיה סא)

אוועטאר
שוועמל
שר עשרת אלפים
תגובות: 14176
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג יולי 24, 2008 1:36 pm

זארעכפעפער האט געשריבן:
און צום לעצט איז מיר אינטערסאנט צו באצייכענען דעם סאטמארער נוסח פון ותחזינה עינינו 'במהרה', אזאך וואס לעת עתה דאכט זיך האט נאך קיינער נישט געטראפן אין א פריערדיגן נוסח וואס זאל דאס אריינשטעלן. די פלא איז נאך דא פיל מער, ווייל ווי באקאנט איז אין סיגוט-סאטמאר נישט געווען אזא מיללער (נישט אונזער ניק) נוסחאות; נישט די רבי'ס האבן זיך אפגעגעבן דערמיט און אוודאי נישט די חסידים, און ווער רעדט נאך אז די רבי'ס האבן קיינמאל נישט פארלאנגט פון די חסידים אז זיי זאלן דאווענען דוקא אין דעם נוסח, און דא פלוצים ביים 'במהרה' האט דער רבי אריינגעריקט א נוסח התפילה, און...


זארעך פעפפעררררר

אין סאטמאר איז יא דא עטליכע שנויים, קען זיין עס שטאמט פון צאנז אדער אוהעל. לדוגמא ביי ברכת אהבה, וליחדך ולאהבה את שמך, אנשטאט וואס די וועלט זאגט וליחדך באהבה ולאהבה את שמך.

אגב, חזן קארפען וואס דאווענט אין קליימער סט. שווערט זיך ביים בארד פון פויפסט אז דער רבי האט געזאגט בנפשו יביא יביא לחמו, דאפליקעט, ר"ה ויו"כ.
כאטש מיר ווייסן אז אינמיטן שמו"ע זאגט מען נישט איבער צוויי מאל איין ווארט. קען זיין ס'יז אן ענין פון נוסח, עפ"י סוד אדער סתם א דמיון.
שוש אשיש בה', תגל נפשי באלקי! (ישעיה סא)

אוועטאר
מיללער
שר עשרים אלפים
תגובות: 25429
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג יולי 24, 2008 1:52 pm

שוועמל,

וואס דער רבי האט געזאגט ביי 'יביא, יביא' איז לויט מחזור דברי יואל דאכציך געווען געוואנדן אין די יארן, אבער דער ברך משה זצ"ל האט יעדעס יאר געזאגט 'יביא, יביא' דאס בין איך עדות.

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » דאנארשטאג יולי 24, 2008 2:05 pm

איך בין אויך עדות דערויף, און כאב אמאל געהערט אז דער רבי (דברי יואל) האט געזאגט אז דער טעם דערפון איז ווייל ביים ברענגן ברויט אין שטוב גייט דער נפש דורך צוויי מאל נסיונות, איינס דער עצם ארבעטן אינעם היינטיגן אטמאספער, שנית דער עצם פארן מיט די סובוועי אדער שטאטישע באסעס איז א גהינום פאר זיך.

איך האב עס געהערט יארן צוריק איך געדענק נישט וואו אדער פון וועם און איך האב עס נישט וועריפייד.

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » דאנארשטאג יולי 24, 2008 2:33 pm

שוועמל, איך האב נישט געזאגט אז דער רבי האט נישט געהאט שינויים אינעם נוסח התפלה, זיכער האט ער געדאווענט כפי שקיבל מבית אבותיו. איך האב גערעדט ספעציפיש פונעם ותחזינה עינינו 'במהרה', וואס לפי ראות הענין קוקט דאס אויס אן 'אייגן' צוגעלייגטער חידוש. כעת האב איך נאך נישט געטראפן א מקור דערצו אין קיין שום סידור, אפי' קבלה סידורים. איך בין כולל דערין מיין ספק צי ס'בכלל א נוסח סיגוט. איך מיין אז נישט.

איבער יביא יביא ב"פ, האב איך אמאל געהערט אז ס'האט א מקור בספרי החן. דענק איך שוין נישט דעם טעם.

אגב, ס'גראדע יא דא איין נוסח התפילה וואס דער רבי שמועסט אויס, און דאס איז דער וקבצינו יחד מהרה מארבע כנפות הארץ 'לארצינו'. דער רבי רעדט דערפון אין ויואל משה מאמר א', דאכט זיך סי' כ"ג. דער רבי שרייבט דארט אז זיין טאטע דער קדושת יו"ט האט נישט געזאגט 'לארצינו' און אז אין ברדיטשוב'ער סידור איז דאס אויך נישט דא. לפי זכרוני וויל זיך דער רבי פון דעם א ראי' ברענגען עפעס צום שיטת הראב"ד, אז קיבוץ גלויות וועט נישט זיין דוקא אין ארץ ישראל נאר מ'וועט קודם גיין אין א מדבר העמים. קען זיין איך מאך א טעות, אבער אזוי ליגט מיר אין קאפ.

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » דאנארשטאג יולי 24, 2008 2:56 pm

איך דענק אביסל אנדערש, היות אז ווען משיח וועט קומען גייט דאך די גאנצע וועלט ווערן ארץ ישראל און די היינטיגע ארץ ישראל וועט ווערן קדושת ירושלים דעריבער איז דער 'לארצינו' נישט אזוי מדיוק, עפעס אזוי, קען זיין אז 'איך' מאך א טעות, אבער אזוי ליגט מיר אין קאפ.

אוועטאר
scy4851
שר ששת אלפים
תגובות: 6657
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » דאנארשטאג יולי 24, 2008 4:07 pm

שוועמל האט געשריבן:אגב, חזן קארפען וואס דאווענט אין קליימער סט. שווערט זיך ביים בארד פון פויפסט אז דער רבי האט געזאגט בנפשו יביא יביא לחמו, דאפליקעט, ר"ה ויו"כ.
כאטש מיר ווייסן אז אינמיטן שמו"ע זאגט מען נישט איבער צוויי מאל איין ווארט. קען זיין ס'יז אן ענין פון נוסח, עפ"י סוד אדער סתם א דמיון.

שוועמעל, ער דמיונט נישט
איך האב אליינס געהערט מיט מיינע אוירען דער יביא יביא פון רבין זי"ע, איך האב אויך געהרט דעם רבין זאגען
אין דעם זעלבען שטיקעל פון ונתנה תוקף דארט יסודו יסודו מעפר. צוויי מאל יסודו.
נאך און די געזינטע יאהרן, פארען סטראק.

און איך האב אויך געהערט ביי כל נדרי , ונסלח לכל עדת לכל עדת בני ישראל.
צוויי מאל לכל עדת. דארט איז טאקע נישט מיטען שמו"ע
the SCY is the limit

אוועטאר
שוועמל
שר עשרת אלפים
תגובות: 14176
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג יולי 24, 2008 4:33 pm

scy
אן עד שמועה איז מער באגלייבט, איך געב אויף מיין קאמף...



איך שרייב 'דמיון' ווייל ס'יז דא אסך אידן וואס חלומ'ן כסדר דער רבי האט אזוי געטון אזי געטון וכו' אדער ער וואלט ווען געטון אזוי און אזוי. די סארט רעבע-זיכרוינע-ליווראכע-אידן. און דערנאך הייבן זיי דאס קאפל 70 מאל ביים לייגן תפילין
שוש אשיש בה', תגל נפשי באלקי! (ישעיה סא)

אוועטאר
מיללער
שר עשרים אלפים
תגובות: 25429
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג יולי 24, 2008 4:34 pm

ר' שמחה האט רעכט, אלע דריי האב איך געהערט פונעם ברך משה אויך.

אוועטאר
שוועמל
שר עשרת אלפים
תגובות: 14176
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג יולי 24, 2008 4:52 pm

שוין ערלויבט צו טוישן קעפל: יביא יסודו לכל עדת מעביר ערבים באהבה
שוש אשיש בה', תגל נפשי באלקי! (ישעיה סא)

אוועטאר
scy4851
שר ששת אלפים
תגובות: 6657
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » דאנארשטאג יולי 24, 2008 5:07 pm

שוועמל האט געשריבן:שוין ערלויבט צו טוישן קעפל: יביא יסודו לכל עדת מעביר ערבים באהבה

שוועמעל
תיקון:יביא יביא יסודו יסודו לכל עדת לכל עדת מעביר ערבים באהבה :lol:
the SCY is the limit

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » זונטאג יולי 27, 2008 10:20 pm

שוועמל האט געשריבן:גראדע אין קאמארנא זאגט מען שומר 'את' עמו ישראל לעד. דאס איז שוין פילייכט יא א באזונדערער נוסח.
הרה"ק מהרי"א מ'קאמארנא שרייבט אזוי אין שולחן הטהור סימן רל"ו סעיף ב און דער מקור איז פון זוהר בראשית דף מ"ח, און אזוי ווערט אויך געברענגט אין שבלי הלקט, און אין סידור הרב, זיין זוהן הרה"ק מהרא"צ שרייבט דערויף א גימטריא אין דמשק אליעזר.
ועמך כולם צדיקים

אוועטאר
בןהרחמן
סעקרעטאר
תגובות: 1491
זיך איינגעשריבען אום: דינסטאג יוני 27, 2006 1:08 am
לאקאציע: אויפן רעקליינער

תגובהדורך בןהרחמן » זונטאג יולי 27, 2008 10:41 pm

לעצטענס האב איך געהערט פון א בעל תפילה אין מיין שוהל'כעל א נוסח וואס איך האב נאכנישט געהערט ביז היינט.

ביי יוצר אור די שטיקל פון את שם האט ער געזאגט ביים אויסלאזן: בשפה ברורה ובנעימה קדוישה, כולם כאחד עונים באימה ואומרים ביראה, (די קדוישה אויף ארויף).

ער זאגט מיר אז דאס איז די חב"ד נוסח פון בעל התניא

אוועטאר
scy4851
שר ששת אלפים
תגובות: 6657
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מאנטאג יולי 28, 2008 2:34 pm

בוהרחמן,
און האסט זיכער געהערט איהם זאגען קדושה מיט א חולם נישט קדושה מיט א מליפום

חב"ד זאגט אזוי.
the SCY is the limit

אוועטאר
מרן אדמו"ר
שר מאה
תגובות: 134
זיך איינגעשריבען אום: מיטוואך נובעמבער 22, 2006 12:40 pm

תגובהדורך מרן אדמו"ר » מאנטאג יולי 28, 2008 3:34 pm

יא בן הרחמן עס איז נוסח חב"ד


צוריק צו “ידיעות התורה”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 6 געסט