מוחל זיין א רבי

הפוך בה דכולה בה

די אחראים: אחראי, גבאי ביהמד

חסדי אבות
שר חמש מאות
תגובות: 633
זיך איינגעשריבען אום: מאנטאג יולי 15, 2013 1:49 pm

תגובהדורך חסדי אבות » מאנטאג דעצמבער 02, 2019 11:57 pm

איך וועל דערציילן א מעשה וואס האט זיך אפגעשפילט פאריגע וואך (אליין מיטגעהאלטן).

אין א געוויסע חדר אין ניו-יארק איז א שטיק צייט נישט געווען קיין מנהל (א קלענערע חדר), און איינע פון די עלטערע מלמדים האבן גענומען די זאך אין די הענט אריין און אנגעהויבן טיילן דעות פאר אלע מלמדים, פארשטייט זיך אז די מלמדים האבן אים גוט פיינט געהאט. בפרט איין מלמד וואס האט געפירט א כתה פון אן עידזש אונטער אים, און דער עלטערער מלמד האט געהאט א קינד ביי יענעם מלמד, דער עלטערער מלמד האט אים כסדר קריטיקירט און יענער האט זיך נישט געלאזט שפייען, בקיצור ס'איז געווען פרייליך, ביז דער עלטערער מלמד איז געגאנגען אין א העלן טאג, ארויסגענומען זיין קינד פון דעם יונגערן מלמד און אים אריינגעלייגט ביי זיך אין קלאס, אז ער זאל לערנען מיט די קינדער פון א יאר העכער אים.

עס איז געווארן פרייליך אין בית-המדרש, אלע האבן געקאכט און בארעדט דעם יונגערן מלמד, אז עס איז צוגעקומען צו אזא מצב אז דער עלטערער חשוב'ער איד האט ארויסגענומען זיין זוהן פון דארט, פארשטייט זיך אז איין מעשה האט געברענגט דעם צווייטן, יעדער האט זיך שוין דערמאנט עפעס וואס דער יונגערער מלמד האט נישט גוט געטאן און מען האט אים אנגעהויבן מיאוס צו בארעדן. (למען האמת, יענער איז נישט געווען די בעסטע מלמד, אבער אויך נישט געפערליך, נישט אויף אזא דרגה אז ס'קומט אים דאס וואס ער האט אריינגעכאפט, ס'איז דא ערגערע פון אים און יענער דינט נאך היינט אלס מלמד אויפן זעלבן ארט). דער רב פון די קהילה האט אריינגערופן דעם יונגערן מלמד און זיך אויסגענומען מיט יענעם געוויסע זאכן וואס יענער מוז זיך אונטערנעמען, יענער האט צוריקגעענטפערט דעם רב און זיך געדינגען מיט אים, אז נישט ווייל דער עלטערער האט מחליט געווען דארף ער נעמען יענעמ'ס קאפריזן... בקיצור, ס'איז געווען ביזוי בזיונות.

יארן זענען אריבערגעגאנגען, ביידע מלמדים דינען נאך היינט אויפן זעלבן ארט (שוין היינט אונטער א מנהל), און זיי רעדן נישט איינער מיטן צווייטן... צוקריגט! אינצווישן איז דער יונגל אויפגעוואקסן א פיינער בחור, לערנט פלייסיג, פירט זיך ערליך און איז א חסידי'שער בחור. איין פראבלעם איז פארהאן, וואס טראצדעם וואס מען האט געקלערט אז ער וועט כאפן א באמבע שידוך, צוליב זיין געלונגענקייט, גוטן קאפ און ווארעמקייט, גייט עס עפעס נישט, זאכן ריקן זיך נישט... מען רעדט פון פיינע זאכן אבער איבעראל בלייבט עס ערגעץ שטעקן. בקיצור, דער מלמד האט מחליט געווען אז ס'איז קלאר אז ס'האט צוטון מיט דעם וואס ער האט געטשעפעט א צווייטן איד, דווקא דורך דעם קינד.

וואס טוט אן ערליכן איד? - שיקט ער א שליח צו דעם יונגערן מלמד, אז ער וויל זיך איבערבעטן מיט אים, אבער יענער זאגט אים "ניין"... ער איז נישט אינטערעסירט זיך איבערצובעטן מיט אים, נאך וואס ער האט אים אזוי בא'עולה'עט. דער עלטערער מלמד האט אריינגעמישט א חשוב'ער איד אין די קהילה, וועלכער האט זיך אריינגעלייגט בעובי הקורה אויסצוגראדן צווישן די צוויי. דער יונגערער מלמד האט קודם בשום אופן נישט געוואלט הערן פון מחילה, אפילו נאך וואס ער האט געהערט איבער וואס דער עלטערער מלמד גייט דורך מיט זיין זוהן. נאך לאנגע חדשים פארהאנדלונגען, האט מען אויסגעהאמערט אן אפמאך, דער עלטערער מלמד האט געמוזט אריבערגיין צום רב פון די קהילה און זאגן "כל מה שאמרתי אתמול טעות היתה בידי", ער האט געמוזט איבערגעבן פאר א טוץ פון אידן, אז די זאכן וואס ער האט געזאגט דעמאלס און דעמאלס איז געווען גוזמאות, און יענע און יענע מעשה האט נישט עכט פאסירט נאר ס'איז געווען אויפגעבלאזן, וכו' וכו', ווי אויך האט דאס אים געקאסט א טייערער געלט פרייז, דער יונגערער מלמד האט נישט געוואלט הערן פון קיין געלט, זאגנדיג אז געלט קען עס נישט אויסקויפן, אבער צום סוף האט ער סימבאליש אראפגעלייגט 15,000 דאלער אז ער זאל אים מוחל זיין, און ס'איז נישט געווען נאר דאס, ס'האט געקאסט פארשידענע אנדערע שווערע קאסטן פאר דעם עלטערן מלמד.

פאריגע וואך האבן זיי זיך עמטליך מוחל געווען, אין א מזל'דיגע שעה.

אלזא ברידער, שפילט נישט מיט פייער, אפילו ווען ס'איז שווער.

אוועטאר
למעלה משבעים
שר תשעת אלפים
תגובות: 9724
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » מאנטאג דעצמבער 02, 2019 11:59 pm

אביונה האט געשריבן:קיינער האט נישט דערמאנט דא די גמרא אין מסכת שבת דף קמ"ט
כל שחבירו נענש על ידו אין מכניסין אותו במחיצתו של הקדוש ברוך הוא!
סאו ווער ס'וויל נישט מוחל זיין, טוט זיך אליינס אפ
[זאג מיר נישט אז ס'יז אן אגדתא און ס'ווערט נישט געברענגט אין שו"ע, ווייל די שלש שבועות איז אויך א אגדתא, און ווערט נישט געברענגט אין שו"ע....]
אויף דעם בעט מען דארט אין סידור 'ואל יענש שום אדם בסיבתי'

גראדע שטייט עס יא אין עפעס א שו"ע, אין קיצור שו"ע... און טאקע אויף די זאך פון מוחל זיין אפילו יענער בעט נישט...

אוועטאר
לפנות בוקר
שר חמש מאות
תגובות: 619
זיך איינגעשריבען אום: מאנטאג פאברואר 04, 2019 7:58 pm

תגובהדורך לפנות בוקר » דינסטאג דעצמבער 03, 2019 12:06 am

חסדי אבות האט געשריבן:איך וועל דערציילן א מעשה וואס האט זיך אפגעשפילט פאריגע וואך (אליין מיטגעהאלטן).

אין א געוויסע חדר אין ניו-יארק איז א שטיק צייט נישט געווען קיין מנהל (א קלענערע חדר), און איינע פון די עלטערע מלמדים האבן גענומען די זאך אין די הענט אריין און אנגעהויבן טיילן דעות פאר אלע מלמדים, פארשטייט זיך אז די מלמדים האבן אים גוט פיינט געהאט. בפרט איין מלמד וואס האט געפירט א כתה פון אן עידזש אונטער אים, און דער עלטערער מלמד האט געהאט א קינד ביי יענעם מלמד, דער עלטערער מלמד האט אים כסדר קריטיקירט און יענער האט זיך נישט געלאזט שפייען, בקיצור ס'איז געווען פרייליך, ביז דער עלטערער מלמד איז געגאנגען אין א העלן טאג, ארויסגענומען זיין קינד פון דעם יונגערן מלמד און אים אריינגעלייגט ביי זיך אין קלאס, אז ער זאל לערנען מיט די קינדער פון א יאר העכער אים.

עס איז געווארן פרייליך אין בית-המדרש, אלע האבן געקאכט און בארעדט דעם יונגערן מלמד, אז עס איז צוגעקומען צו אזא מצב אז דער עלטערער חשוב'ער איד האט ארויסגענומען זיין זוהן פון דארט, פארשטייט זיך אז איין מעשה האט געברענגט דעם צווייטן, יעדער האט זיך שוין דערמאנט עפעס וואס דער יונגערער מלמד האט נישט גוט געטאן און מען האט אים אנגעהויבן מיאוס צו בארעדן. (למען האמת, יענער איז נישט געווען די בעסטע מלמד, אבער אויך נישט געפערליך, נישט אויף אזא דרגה אז ס'קומט אים דאס וואס ער האט אריינגעכאפט, ס'איז דא ערגערע פון אים און יענער דינט נאך היינט אלס מלמד אויפן זעלבן ארט). דער רב פון די קהילה האט אריינגערופן דעם יונגערן מלמד און זיך אויסגענומען מיט יענעם געוויסע זאכן וואס יענער מוז זיך אונטערנעמען, יענער האט צוריקגעענטפערט דעם רב און זיך געדינגען מיט אים, אז נישט ווייל דער עלטערער האט מחליט געווען דארף ער נעמען יענעמ'ס קאפריזן... בקיצור, ס'איז געווען ביזוי בזיונות.

יארן זענען אריבערגעגאנגען, ביידע מלמדים דינען נאך היינט אויפן זעלבן ארט (שוין היינט אונטער א מנהל), און זיי רעדן נישט איינער מיטן צווייטן... צוקריגט! אינצווישן איז דער יונגל אויפגעוואקסן א פיינער בחור, לערנט פלייסיג, פירט זיך ערליך און איז א חסידי'שער בחור. איין פראבלעם איז פארהאן, וואס טראצדעם וואס מען האט געקלערט אז ער וועט כאפן א באמבע שידוך, צוליב זיין געלונגענקייט, גוטן קאפ און ווארעמקייט, גייט עס עפעס נישט, זאכן ריקן זיך נישט... מען רעדט פון פיינע זאכן אבער איבעראל בלייבט עס ערגעץ שטעקן. בקיצור, דער מלמד האט מחליט געווען אז ס'איז קלאר אז ס'האט צוטון מיט דעם וואס ער האט געטשעפעט א צווייטן איד, דווקא דורך דעם קינד.

וואס טוט אן ערליכן איד? - שיקט ער א שליח צו דעם יונגערן מלמד, אז ער וויל זיך איבערבעטן מיט אים, אבער יענער זאגט אים "ניין"... ער איז נישט אינטערעסירט זיך איבערצובעטן מיט אים, נאך וואס ער האט אים אזוי בא'עולה'עט. דער עלטערער מלמד האט אריינגעמישט א חשוב'ער איד אין די קהילה, וועלכער האט זיך אריינגעלייגט בעובי הקורה אויסצוגראדן צווישן די צוויי. דער יונגערער מלמד האט קודם בשום אופן נישט געוואלט הערן פון מחילה, אפילו נאך וואס ער האט געהערט איבער וואס דער עלטערער מלמד גייט דורך מיט זיין זוהן. נאך לאנגע חדשים פארהאנדלונגען, האט מען אויסגעהאמערט אן אפמאך, דער עלטערער מלמד האט געמוזט אריבערגיין צום רב פון די קהילה און זאגן "כל מה שאמרתי אתמול טעות היתה בידי", ער האט געמוזט איבערגעבן פאר א טוץ פון אידן, אז די זאכן וואס ער האט געזאגט דעמאלס און דעמאלס איז געווען גוזמאות, און יענע און יענע מעשה האט נישט עכט פאסירט נאר ס'איז געווען אויפגעבלאזן, וכו' וכו', ווי אויך האט דאס אים געקאסט א טייערער געלט פרייז, דער יונגערער מלמד האט נישט געוואלט הערן פון קיין געלט, זאגנדיג אז געלט קען עס נישט אויסקויפן, אבער צום סוף האט ער סימבאליש אראפגעלייגט 15,000 דאלער אז ער זאל אים מוחל זיין, און ס'איז נישט געווען נאר דאס, ס'האט געקאסט פארשידענע אנדערע שווערע קאסטן פאר דעם עלטערן מלמד.

פאריגע וואך האבן זיי זיך עמטליך מוחל געווען, אין א מזל'דיגע שעה.

אלזא ברידער, שפילט נישט מיט פייער, אפילו ווען ס'איז שווער.

ראנג אשכול!
דאס אז איינער טשעפעט א צווייטען ליידט שטייט און מיין תורה האלוקים יבקש את הנרדף.
נאך דערצו א מוצא שם רע..
דא רעדט מען צו יענער דארף מוחל זיין!
לעצט פאראכטן דורך לפנות בוקר אום דינסטאג דעצמבער 03, 2019 12:08 am, מאל פאראכטן געווארן 1 סך הכל.
האט איר פאָד סטעמפס אדער מעדיקעיד קענט איר האָבן אמעזאן פריים, פרי שיפינג - מוזיק - לייענען - עסן - דיעל'ס - און נאך! פאר בלויז $5.99 א חודש!
https://amzn.to/347BDWp

אביונה
שר חמישים ומאתים
תגובות: 469
זיך איינגעשריבען אום: מיטוואך יולי 17, 2019 1:39 pm

תגובהדורך אביונה » דינסטאג דעצמבער 03, 2019 12:08 am

מיין פאטער איז שוין א מלמד צענדליגער יארן לאויש"ט...

הקיצור, טרעף איך נישט לאנג צוריק, א איד אין מיין ביהמ"ד [איינער וועלכער מאכט שוין חתונה קינדער], יענער באקלאגט זיך פאר מיר אזוי.... וויפיל מיין טאטע האט עם נעבעך 'גערודפט' אלס יונגעל... בלאה בלאה בלאה...

נאכן כאפן מיט עם א ברייטערן שמועס, דערציילט ער מיר אזוי בתוך הדברים כמסיח לפי תומו, אלע שפיצלעך וואס ער האט אפגעטוהן פאר מיין טאטן, ווצב"ש, דער יונגל האט געלייגט נאסע טוילעט פעיפער אויף זיין רבי'נס בענקל, עם געמאכט ללעג ולקלס ווען ער האט זיך אראפ געזעצט....

איך האב נישט צופיל רעאגירט צו זיינע באקלאגענישן, אבער איך טראכט אזוי ביי מיר, ווער דארף דא וועמען מוחל זיין????.....
כי לא יחדל אביון מקרב הארץ

Programming
שר חמישים
תגובות: 52
זיך איינגעשריבען אום: מאנטאג ינואר 16, 2017 8:53 pm

תגובהדורך Programming » דינסטאג דעצמבער 03, 2019 12:17 am

איך האב זייער הנאה פון דעם יונגערן מלמד'ס צווינגען דעם עלטערן מלמד צוריק צו ציען פובליקלי - ובבושת פנים - פון אלע זיינע לשון הרע'ס / ליגנטס. פארן באלאנס פון די וועלט איז בעסער אז ער האט זיך געפירט דעם וועג אנשטאט סתם זיין א גוטיטשקער און זאגן מוחל מוחל.

פארגעס אונז נישט צו אפדעיטן ווען דער בחור ווערט א חתן

בר דעת
שר חמש מאות
תגובות: 682
זיך איינגעשריבען אום: דינסטאג ינואר 25, 2011 1:00 pm

תגובהדורך בר דעת » דינסטאג דעצמבער 03, 2019 12:36 am

רבותי איך מיין אז דא קומט פאר א שטארקע עירבוב דברים.
יא אדער נישט מוחל זיין ווען די פוגע קומט איבערבעטן די
נפגע נאכדעם וואס ער האט משים לב געווען אז ער האט פוגע געווען אין איהם איז איין ענין. אסאך מאל איז עס זייער א שווערע זאך צו באמת ארויסנעמען די טינא בלב ווי אויך איז דא אמאל וואס מען איז חושש אז די פוגע וועט אנהייבען פון פריש, אדער מען ווייסט אז ער טוט נאך די זעלבע פגיעה פאר אנדערע, און מען מיינט לתועלת.

אבער אונז האמיר דא א גאנץ א אנדערע פראבלעם, וואס איז לכאורה א איסור דאורייתא פון לא תשנא את אחיך בלבבך. דער מלמד ווייסט גאנץ מעגליך בכלל נישט אז די געוועזענע תלמיד איז ברוגז אויף איהם, ער איז מחוייב איהם צו מודיע זיין אז ער איז אנגעוויטאגט אויף איהם. מוחל זיין אדער נישט איז שוין א עקסטערע שאלה. איך מיין אז נאכן מודיע זיין פארן מלמד און זעהנדיג זיין רעאקציע, אויב און ווי אמתדיג ער בעהט איהם איבער, וועט ער גרינגער קענען מחליט זיין אדער פרעגן א דעת תורה אויב ער זאל איהם מוחל זיין.

אוועטאר
נו גוט נו שוין
שר האלף
תגובות: 1586
זיך איינגעשריבען אום: דינסטאג אוגוסט 07, 2018 12:33 pm

תגובהדורך נו גוט נו שוין » דינסטאג דעצמבער 03, 2019 4:31 am

עירמאנט'ער האט געשריבן:
עירמאנט'ער האט געשריבן:
נו גוט נו שוין האט געשריבן:
עירמאנט'ער האט געשריבן:הרב מלאך האט א שטיק צייט צוריק געהאט א שמועס וועגן מוחל זיין.
עפעס א פארכטיגע מעשה מיט איינער וואס האט פרובירט אויף אלע אופנים מוחל זיין אבער אן ערפאלג.

איינער געדענקט וועלכע שיעור דאס איז געווען?
כי תבא ע"ט


ישר כח
גיי מיר איבער הערן אם ירצה השם


איי עם סארי כאב עס איבערגעהערט און נישט געהערט די מעשה אויף דעם שיעור.


אופס... האסט אפשר געהערט ראש השנה יו"כ אלטע שיעורים?
ווען דו וועסט מיר ווייזן וואס שטייט אויבן

העט מען רעדן פון אונטערשרייבן

שמייחל
שר העשר
תגובות: 13
זיך איינגעשריבען אום: דינסטאג מארטש 05, 2019 9:41 am

תגובהדורך שמייחל » דינסטאג דעצמבער 03, 2019 8:25 am

איך דערמאן זיך א מעשה נורא וואס איך האב געהערט פון מורי ורבי הרה"צ מקאפיש זי"ע (יארצייט דעם דאנערשטאג)

עס איז געווען סוף יאר ווען עטליכע בחורים וועלכע האבן געהאט בדעה צו טוישן ישיבה האבן זיך געפילט מיט א קאפ העכער, און זיך ערלויבט צו רעדן מיט זלזול אויף די ישיבה. האט דער רב ז"ל געזאגט א פלאמפייערדיגע דרשה ביי וועלכע ער האט דערציילט אז מיט יארן פריער איז געווען א בחור אין ישיבה אין זעלבן מצב, און ער האט זיך ערלויבט מזלזל צו זיין אין די הנהלת הישיבה, און עס איז געווען ווער עס איז פערזענליך באטראפן געווארן דערפון, אבער די צייט האט געטון זיינס אין די יארן האבן זיך געריקט.
ויהי היום דער בחור איז א חתן געווארן בשעטו"מ, און חתונה געהאט אנגעהויבן זיין לעבן כדרך כל הארץ, אבער צוביסלעך האבן אים אנגעהויבן ארויסוואקסן שוועריגקייטן אין לעבן, דאס לעבן איז אים ווייט נישט געגאנגען ווי ער האט זיך געוואונטשן (דאכט זיך אז ער האט אונז נישט דערציילט קיין פרטים). דער אינגערמאן איז אריין צו רביה"ק מסאטמאר זי"ע און זיך אויסגעאגסן זיין ביטער הארץ, האט אים דער רבי געפרעגט אויב ער האט אמאל מצער געווען איינעם פון זיינע מגי"ש, און האט אויסגעפירט אז ווען מען טשעפעט מיט א מגי"ש טוט דאס זייער וויי און מען קען דאס ממש נישט מוחל זיין.

דער רבי האט אים נישט געקענט העלפן..........

איך ווייס נישט ווער דער איד איז און וואס זיינע צרות זענען געווען, נאר אויב אידן וועלן ארויסנעמען דעם ריכטיגן מוסר השכל זאל דער רבש"ע העלפן אז עס זאל זיין א זכות פאר דעם איד און ער זאל געהאלפן ווערן מיט אלעם גוטן, און פארשטייט זיך אז עס זאל דינען אלץ א זכות לע"נ מרן אהרן גד ב"ר אשר שמואל הכהן זצ"ל

יודל קליין
שר חמש מאות
תגובות: 714
זיך איינגעשריבען אום: זונטאג דעצמבער 07, 2014 11:10 pm

תגובהדורך יודל קליין » דינסטאג דעצמבער 03, 2019 11:54 am

נעכטן ווען דער דאזיגער אשכול איז נאך געוועהן פיל קערצער און די שמועס האט זיך נאך באצויגן צו די רבי׳ס וואס האבן געטיילט ביטערע שלעק און בזיונות האבן געמיינט די טובה פונעם קינד אדער נישט האב איך געשריבן א נקודה׳לע אבער איך טרעף עס יעצט נישט איך ווייס נישט צו ס׳איז בכלל נישט אריין אדער ס׳איז פארמעקט געווארן פאר עפעס אן אום באקאנטע סיבה אבער איך וועל איבער עס שרייבן.

וזה תוכן דברי בס״ד:

אין די לעצטערע יארן איז בחסדי השי״ת שטארק באקאנט ביי די מלמדים און מחנכים אז עס זענען פארהאן קינדער מיט גוטע קעפ וואס האבן א פראבלעם וואס איז זיי גורם שוועריקייטן מיט אויף כאפן עברי און ס׳איז בחסדי השי״ת דא היינטיגע צייטן פארשידענע מיטלען זיך אן עצה צו געבן מיט אזעלכע פראבעלמען און קיינער באשולדיגט נישט היינטיגע צייטן אזעלכע קינדער אלס שלעכטע קינדער.

משא״כ מיט א דור צוויי צוריק ווען א קינד האט נישט אויף געכאפט עברי ווי עס ברויך צו זיין און אין רעזאלטאט פון דעם זיך ווייטער געמוטשעט אלע זיינע אום גליקליכע חדר יארן מיט אלע אדער עכ״פ רוב אנדערע לימודים האט מען פרובירט צו טענה׳ן אז ער האט א שוואכע קאפ, טאמער אבער האט זיך אויס געשטעלט אז ער האט בכלל נישט קיין שוואכע קאפ און אין אלע אנדערע ענינים שטעלט זיך גאר אויס אז ער האט זייער א גוטן קאפ, מוז דעמאלט זיין אז ער איז פשוט א שלעכט קינד וואס האלט נישט ביים לערנען און מ׳דארף איהם געבן אפאר געזונטע פעטש ער זאל זיך נעמען לערנען ווי א קינד אין זיין עלטער, און אויב האט די פעטש נישט געהאלפן איז א סימן אז ס׳פעלט זיך אויס מער און שטערקערע פעטש און נאך א ביסעלע בזיונות אין די זייט.

מ׳קען נישט זאגן אז די מלמדים האבן נישט געמיינט די טובה פונעם קינד אבער פון די אנדערע זייט האבן נעבעך די צובראכענע קינדער אויב זענען זיי נישט געוועהן גענוג צובראכן פון זייער עצם פראבלעם אז זיי קענען נישט קיין עברי און זיי קענען נישט מיט האלטן די לימודים אין חדר און ברענגען אהיים יעדע וואך שוואכע בחינות וואס לכבוד דעם כאפן זיי אינדערהיים אויך פעטש און בזיונות און אפילו שבת אין ביהמ״ד קענען זיי נישט מיטהאלטן די תפילות אבער אך און וויי אויב זיי שפילן זיך אינדרויסן מיט די קלענערע קינדער וכו׳ וכו׳ וכו׳

די קינדער דרייען זיך ארום ביי די פערציג און ביי די פופציג יאר אלט מיט א שווער הארץ אויף זייערע רבי׳ס וואס האבן אום וואוסנדיג און מיינענדיג גוט עמאציאנאל צוגרינד געלייגט די לעבן פון אזויפיל טייערע צוקלאפטע נשמות.

עס וועט קיין מאל נישט פארמעקט ווערן פון מיין זכרון וואס איך האב מיט געהאלטן יעדן איינציגן שבת אין שוהל פאר 30 יאר צוריק, דארט וואו איך האב געדאוונט האט געדאוונט א מלמד וואס זיין קרבן האט געדאוונט אינעם זעלבן ביהמ״ד דער מלמד האט מבזה געוועהן דעם קינד ברבים יעדן איינציגן שבת סיי ביי קבלת שבת און סיי ביי פסוקי דזמרה, ער פלעגט רופן דעם קינד דאווענען לעבן איהם און געהאלטן און איין שרייען אויף איהם פארוואס ער האלט נישט מיט, דער טאטע האט זיך נישט אן גענומען פארן קינד ווייל ער האט געפילט אז דער מלמד איז אזוי געטריי אז אפילו שבת ווען ער ברויך נישט ארבעטן איז ער אזוי געטריי פאר זיין קינד וואס איז אזוי שטארק אנגעוויזן אויף באזונדערע הילף.

איך קען דעם געמאלט׳דיגן קינד, היינט א חשוב׳ע תלמוד חכם א בעל משפחה ברוכה ב״ה, ער האט מיר געזאגט א שטיק צייט צוריק ווען דער מלמד איז ארויף געקומען אין א שמועס אז ער האט זייער אסאך געלט געצאלט פאר טעראפיסטן און ספעציאליסטן זיך צו היילן פון די ביטערע פיין וואס ער האט געליטן פון דעם און פון אנדערע מלמדים.

ער האט מיר געזאגט אז ער פארשטייט היינט אז די מלמדים האבן מעגליך געמיינט זיין טובה אבער ארויס געקומען דערפון איז די פארקערטע, ער איז זיי טאקע מוחל אויף די עצם צער וואס זיי האבן איהם גורם געוועהן ביז היינט, אבער ער זאגט הלואי וואלט איך געהאט די שטארקייט זיי צו מאנען די רבבות וואס ס׳האט מיר געקאסט זיך צו היילן פון די עמאציאנאלער שוועריקייטן וואס זיי האבן מיר בידים אן געמאכט און צוליב דעם דארף ער יעצט בארגן אויף חתונה צו מאכן.

דער אינגערמאן איז נאך געוועהן גענוג מזל׳דיג זיך צוריק צו שטעלן אויף די פוס און אויף שטעלן א הערליכע אידישע שטוב לשם ולתפארת וואס זאלן אבער נעבעך זאגן די וועלכע זענען נעבעך אינגאצן פארפאלן געווארן צוליב אזא דורכגאנג אין חדר, וועט דען זייער מחילה קלענער מאכן דעם אומגליק וואס די מלמדים האבן אן געברענגט, פאר זייער אייגענע נשמה וועט זיכער זיין א טובה אז זיי זענען מוחל דעם מלמד אבער דאס איז א שוואכע טרייסט פארן מלמד אליינס.

והוא רחום יכפר עון
זה הקטן גדול יהי'

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 11:58 am

farshlufen האט געשריבן:ביטע טייערע אידן, איינער וואס ס'פליסט אידיש בלוט אין זיינע אדערן דארף אויף זיך ארבעטן צו מוחל זיין יעדן איינציגן וואס האט אים סיי ווען סיי וואס וויי געטאן במישרין או בעקיפין, און ס'איז פאר אים אליין א טובה, בזה און נאכמער בבא.

זייטזשע מיר מוחל, אבער אין עתי בידי צו צו צייכענען די מקורות.

***
נ"ב, דער סידור איז נישט נאר ווי א שו"ע, נאר צומאל א מקור פארן שו"ע.

א גוטע נאכט, ריבונו של עולם הריני מוחל וכו'

דו ביזסט גערעכט, אבער מען זעט אן אז דיר איז עס נישט נוגע.
לעצט פאראכטן דורך פעיק נוז אום דינסטאג דעצמבער 03, 2019 12:13 pm, מאל פאראכטן געווארן 1 סך הכל.

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 12:13 pm

אביונה האט געשריבן:מיין פאטער איז שוין א מלמד צענדליגער יארן לאויש"ט...

הקיצור, טרעף איך נישט לאנג צוריק, א איד אין מיין ביהמ"ד [איינער וועלכער מאכט שוין חתונה קינדער], יענער באקלאגט זיך פאר מיר אזוי.... וויפיל מיין טאטע האט עם נעבעך 'גערודפט' אלס יונגעל... בלאה בלאה בלאה...

נאכן כאפן מיט עם א ברייטערן שמועס, דערציילט ער מיר אזוי בתוך הדברים כמסיח לפי תומו, אלע שפיצלעך וואס ער האט אפגעטוהן פאר מיין טאטן, ווצב"ש, דער יונגל האט געלייגט נאסע טוילעט פעיפער אויף זיין רבי'נס בענקל, עם געמאכט ללעג ולקלס ווען ער האט זיך אראפ געזעצט....

איך האב נישט צופיל רעאגירט צו זיינע באקלאגענישן, אבער איך טראכט אזוי ביי מיר, ווער דארף דא וועמען מוחל זיין????.....

איך קען נישט דיין מעשה און איך קען נישט דיין פאטער, איך ווייס נישט וואס דיין פאטער האט געטון מיט אים אלס עונש פאר'ן לייגן נאסע פאפיר אויף זיין בענקל, סאו עס איז זייער שווער דן צו זיין א ספעציפישע מעשה.

אבער דאס אמאל זיכער, אז נישט נאר פארן לייגן נאסע פאפיר אויפן רבי'ס בענקל האט מען געכאפט, ניין, נישט נאר טראבל מעיקערס האבן געכאפט. און אפי' לאמיר זאגן אז יא נאר טראבל מעיקערס האבן געכאפט, איר ווייסט אז איר זענט דא מלמד פאר קינדער? איר קענט אייער דזשאב? קינדער זענען טראבל מעיקערס אויב איר ווייסט נישט, און אויב זייער טראבל טרעיט אייך צו אייערע נערווען אזש איר פארלירט קנאטראל דאן גייטס זוכטס אייך א צווייטער דזשאב איר זענט אנקעוועליפייעד פאר דיזן דזשאב, און איך ווינטש זיי אסאך הצלחה אויף זייער נייער דזשאב.

א עדאלט דארף וויסן אז ער איז דער גרויסער און ער דארף וויסן וויאזוי זיך אויפצופירן מיט קינדער, ווידעראום קינדער מוזן נישט וויסן וויאזוי זיך אויפצופירן צו ערוואקסענע, זיי זענן קינדער און זיי פירן זיך אויף ווי קינדער, און ניין, זיי מוזן נישט איבערבעטן, א קינד איז א קינד, און ער האט נישט קיין שכל. דאס איז חוץ פון דעם וואס תורה'דיג איז א קינד נישט מחויב במצוות. אדרבה דעם מלמד'ס דזשאב איז אים אויסצולערנען די תורה וואס ער גייט דארפן היטן ווען ער גייט זיין גרויס, נישט זיין ביזי צו באשולדיגן אויף עבירות וואס ער טוט ווען ער איז קליין.

אביונה
שר חמישים ומאתים
תגובות: 469
זיך איינגעשריבען אום: מיטוואך יולי 17, 2019 1:39 pm

תגובהדורך אביונה » דינסטאג דעצמבער 03, 2019 12:46 pm

פעיק נוז האט געשריבן:
אביונה האט געשריבן:מיין פאטער איז שוין א מלמד צענדליגער יארן לאויש"ט...

הקיצור, טרעף איך נישט לאנג צוריק, א איד אין מיין ביהמ"ד [איינער וועלכער מאכט שוין חתונה קינדער], יענער באקלאגט זיך פאר מיר אזוי.... וויפיל מיין טאטע האט עם נעבעך 'גערודפט' אלס יונגעל... בלאה בלאה בלאה...

נאכן כאפן מיט עם א ברייטערן שמועס, דערציילט ער מיר אזוי בתוך הדברים כמסיח לפי תומו, אלע שפיצלעך וואס ער האט אפגעטוהן פאר מיין טאטן, ווצב"ש, דער יונגל האט געלייגט נאסע טוילעט פעיפער אויף זיין רבי'נס בענקל, עם געמאכט ללעג ולקלס ווען ער האט זיך אראפ געזעצט....

איך האב נישט צופיל רעאגירט צו זיינע באקלאגענישן, אבער איך טראכט אזוי ביי מיר, ווער דארף דא וועמען מוחל זיין????.....

איך קען נישט דיין מעשה און איך קען נישט דיין פאטער, איך ווייס נישט וואס דיין פאטער האט געטון מיט אים אלס עונש פאר'ן לייגן נאסע פאפיר אויף זיין בענקל, סאו עס איז זייער שווער דן צו זיין א ספעציפישע מעשה.

אבער דאס אמאל זיכער, אז נישט נאר פארן לייגן נאסע פאפיר אויפן רבי'ס בענקל האט מען געכאפט, ניין, נישט נאר טראבל מעיקערס האבן געכאפט. און אפי' לאמיר זאגן אז יא נאר טראבל מעיקערס האבן געכאפט, איר ווייסט אז איר זענט דא מלמד פאר קינדער? איר קענט אייער דזשאב? קינדער זענען טראבל מעיקערס אויב איר ווייסט נישט, און אויב זייער טראבל טרעיט אייך צו אייערע נערווען אזש איר פארלירט קנאטראל דאן גייטס זוכטס אייך א צווייטער דזשאב איר זענט אנקעוועליפייעד פאר דיזן דזשאב, און איך ווינטש זיי אסאך הצלחה אויף זייער נייער דזשאב.

א עדאלט דארף וויסן אז ער איז דער גרויסער און ער דארף וויסן וויאזוי זיך אויפצופירן מיט קינדער, ווידעראום קינדער מוזן נישט וויסן וויאזוי זיך אויפצופירן צו ערוואקסענע, זיי זענן קינדער און זיי פירן זיך אויף ווי קינדער, און ניין, זיי מוזן נישט איבערבעטן, א קינד איז א קינד, און ער האט נישט קיין שכל. דאס איז חוץ פון דעם וואס תורה'דיג איז א קינד נישט מחויב במצוות. אדרבה דעם מלמד'ס דזשאב איז אים אויסצולערנען די תורה וואס ער גייט דארפן היטן ווען ער גייט זיין גרויס, נישט זיין ביזי צו באשולדיגן אויף עבירות וואס ער טוט ווען ער איז קליין.


יא יא, אבער אויב וואלט איר געווען אין די מלומדות ליין פאר איבער פערציג יאר, וואלט איר אנדערש געהאלטן און אנדערש געשריבן......
אין חכם כבעל הנסיון,
און פאר די סיבה זאג איך טאקע געוענליך נישט קיין מיינונג אין דאקטעריי, ווייל כ'ווייס אז כ'בין נישט קיין דאקטאר....
כי לא יחדל אביון מקרב הארץ

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 1:02 pm

אייער דוגמא פרעגט אייך אליין אפ... א מיינונג אין דאקטעריי קענט איר נישט האבן, ווייל איר זענט נישט געלערנט און איר האט נישט קיין השגה אין דעם פיעלד. משא"כ בנוגע מלמדים בין איך די זעלבע אדער מער געלערנט ווי דער מלמד זעלבסט. אויב דער דאקטאר וואלט געווען געלערנט אויף דעם זעלבן שטאפל ווי מלמדים וואלט איך שוין איינמאל געקענט האבן א מיינונג איבער אים..

יעצט צו אייער פוינט. איך בין נישט געווען קיין מלמד פאר 40 יאר אבער א סובסיטוט בין איך שוין געווען עטליכע מאל און איך ווייס וואו שווער עס איז צו הענדלען קינדער, און פאר א סובסיטוט איז עס שווערער ווי פאר א מלמד.

מחנך
שר חמישים ומאתים
תגובות: 259
זיך איינגעשריבען אום: דינסטאג מאי 03, 2016 10:49 am

תגובהדורך מחנך » דינסטאג דעצמבער 03, 2019 1:30 pm

עס איז מיך שווער צו רעדן, ווייל איך בין היינט אין א אנדערע פאזישען ווי אלץ יונגעל - בחור, איך בין יעצט אויף די זייט טיש פון מחנך, אבער מעגליך אז מיין עקספיריענס מיט מיינע מלמדים האט מיך געהאלפען פארשטיין א קינד, איך בין סענסיטיוו צו די בחור'ס אדער יונגעל'ס געפילען און פראבלעמען.

רוב מיינע מלמדים און מגי"ש האב איך נישט געהאט עקסטערע פראבלעמען, איך בין רוב יארען געווען פון די גאנץ גוטע לערנערס, נישט געמאכט קיין טראבעל, אבער אויסנאמדיג האב איך געהאט איין מלמד אין התחלת גמרא קלאס, איך האב געהאט ווייניג סעלף קאנפידענס [דעמאלט איז נאך נישט געווען אזוי באקאנט דיע מושג], און ביים פארהער פלעג איך אזוי מורמלען די ענטפערס, אפילו איך האב גאנץ גוט געקענט, דיע רבי פלעגט מיך כמעט יעדע וואך ארויפרופען מיט נאך אפאר שוואכע קינדער וואס האבען נעבעך טאקע נישט געקענט [איינעם קען איך נאך היינט, ער האט נעבעך גאר שוואכע כשרונות, איך ווייס נישט וואס די מלמדים האבען געוואלט פון די אומשולדיגע נשמה'לעך], און פלעגט אויסרופן יעצט זאלען אלע שוואכע קינדער ארויפקומען, אלע וואס האבען נישט גע'יכול'ט, , און זיי פלעגן שטיין אין די רייע, און דער גוטער רבי פלעגט טיילען גוטע פעטש אין פנים פאר די אלע, און איך בין אומשולדיגערהייט אסאך מאל געווען צווישען די, די דערנידערונג און בושה צוזאמען מיט די ווייטאג פון די קלונגעדיגע פעטש אליין איז נישט צו באשרייבען, צוריגייענדיג צום פלאץ מיט די פנים רויט פון די פעטש און נאך מער פון די בושה, האט עס מיך ספעשעל ווייי געטון, ווייל איך פלעג זיך אנשטרענגען צו חאזערן און גוט קענען, איך האב פאר יארען לאנג נישט געקענט מוחל זיין דיע מלמד, ביי מיין בר מצוה האב איך שטארק געארבעט אנצוהייבען א לעבען מיט א ריינע נשמה, האב איך יעדעם מוחל געוען, דיע רבי האב איך נישט געקענט עכט מוחל זיין.

אין ישיבה האב איך ב"ה מצליח געוען, פלייסיג געלערענט, גוטע בחינות, גוטע מארקס, איך פלעג פון צייט צו צייט אפילו ווערען געדינגען [דורך די עלטערען - בסוד] צו לערנען מיט שוואכערע בחורים, דיע בחורים האבען געמיינט אז ס'איז פלעין א חברותא, אזוי איז עס געפארען גאנץ גוט, ביז איין מגיד שיעור האט זיך גענומען איבער מיינע ביינער, איך ווייס נישט ביז יעצט וואס ער האט געוואלט פון מיר, [איך שעם מיך צו זאגען, טרערען רינען מיר יעצט פון די אויגען פלעין פון ארויפברענגען די קאשמארען זכרונות], ער האט מיך דערנידערט אין כיתה אלץ א בחור וואס שפילט תלמיד חכם, ער האט אנגערעדט אויף מיך צו די מנהל / ראש ישיבה לשון הרע'ס אויף מיך, ער האט מיך פארגאנגען די אפעטיט פון לערנען, איך בין כמעט אריין אין א דיפרעשין, ביז איין משגיח האט געזען וואס גייט פאר, ער האט מיך מחזק געווען, און שטילערהייט געזאגט פאר מיין טאטע אז אויב ער וויל מיך ראטעווען, זאל ער מיך ארויסנעמען פון דיע ישיבה שנעל, מיין טאטע האט מיך געמאלדען אז ער האט מיך איינגעשריבען אין א ישיבה אין ארץ ישראל אויף נעקסטע זמן, דעס האט מיך געגעבען חיזוק צו קענען ענדיגען די זמן נארמאל, איך האב מיך צוריק גענומען לערנען, און איך האב מיך צוריק געכאפט, דעי פארפוילטע מגיד שיעור האט מיך נאך אונטערגעלייגט פיסלעך ווילאנד ג איך בין געווען אין זיין שיעור, אבער איך האב געוויסט אז נאך אפאר וואכען, און ס'איז אווער,

איך האב אים זייער לאנג נישט געקענט מוחל זיין בשום אופן, יעדע מאל ביי רבוש"ע הריני מוחל האב איך געטראכט אז אים בין איך נישט מחוייב מוחל צו זיין, ביז... מיין יום החופה, מער קאררעקט אפאר טעג פאר מיין חתונה, האב איך געארבעט גאר שווער מוחל צו זיין יעדעם אן קיין אויסנאם, די יונגעל וואס פלעגט גנב'ענען מיין נאש פעקעל אין קעמפ, די בחור וואס פלעגט חוזק מאכן ווי איך וואש זיך לאנג נטילת ידים אא"ו, און אויך דיע אכזריות'דיגע מגיד שיעור, און אויך דער רבי אין חדר וואס איך האב נאך געהאט א טינה אויף אים, איך האב געוואלט דער אויבערשטער זאל מיר אלעס מוחל זיין, האב איך יעדעם מוחל געווען, מיט די גאנצע הארץ, און איך האב נישט קיין חרטה, איך האב נישט דערלייגט אויף עס.
לעצט פאראכטן דורך מחנך אום דינסטאג דעצמבער 03, 2019 1:39 pm, מאל פאראכטן געווארן 1 סך הכל.

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 1:33 pm

;l;p- ;l;p-

אוועטאר
שפיגליצקי
שר חמש מאות
תגובות: 979
זיך איינגעשריבען אום: מיטוואך דעצמבער 19, 2018 1:23 pm
לאקאציע: אין ספרים/דזשודעיקא געשעפט

תגובהדורך שפיגליצקי » דינסטאג דעצמבער 03, 2019 2:35 pm

איך האב נעכטן ארויס געברענגט בעיקר דער פוינט וואס מ'האט שוין דא געשריבן, אז ווילאנג איר זענט נישט אין דעם פעלד ווייסט איר נישט וואס איר רעדט, מסתם האלט איך טאקע אזוי ווייל איך האב נישט געליטן ספעציעל פון איין מלמד אדער מגי"ש, אבער איך פארשטיי זייער גוט דעם אנדערן צד אויך.

ס'איז דא אסאך וועגן ווי אזוי ס'קען זיין די יונגלעך'ס שולד, אפילו איר ספעציפישער יונגל האלט אז ס'איז נישט 'זיין' שולד, איז דאס אבער נאך אלס מצד די תלמידים.
אויב דו זוכסט שלימות ביי מענטשן, וועסטו עס טרעפן נאר אין שפיגל (קרעדיט: מעלות).

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 2:46 pm

יעדער דארף קענען זיין פאך. א דאקטאר קען נישט שרייען אז עס איז דעם פאציענט'ס שולד אויב האט ער געטון עפעס ראנג, א פלאמבער קען נישט טענה'ן אז די בית הכסא איז צו שטארק פארשטאפט, סאו ער איז שולדיג. ניין, דו קענסט נישט זיין קיין פלאמבער, דו ביזסט נישט קיין גוטע דאקטאר, מיט אלע ענקערע גוטע תירוצים אינאיינעם.

אסאך מלמדים קען איך פשוט אוך פון ביהמ"ד און עס שטימט, נישט אייביג הייבט זיך עס אן אין קלאס צווישן די קינדער...

אוועטאר
ווייזער
שר חמישים ומאתים
תגובות: 373
זיך איינגעשריבען אום: מיטוואך מאי 17, 2017 10:50 am
לאקאציע: על אדמת נכר

תגובהדורך ווייזער » דינסטאג דעצמבער 03, 2019 2:53 pm

איך האב א נאענטן חבר מיט וועמען איך בין אויפגעוואקסן און געלערנט אין חדר מיט איבער 40 יאר צוריק.

איך האב שוין לאאאאנג פארגעסן פון מיינע מלמדים, אבער דער חבר מיינט פארגעסט נישט. ער האט מיר געזאגט וואס דער און דער מלמד האט געטאן מיט אים אין קלאס. און איך האב זיך טאקע דערמאנט. עפעס צעדרייטע אכזריות'דיגע טריעטמענטס. ער האט גענומען דאס אינגל און אים ארויפגעשטעלט אויפן שאנק און אים געשלאגן מיט אכזריות מיט א א שטיק האלץ (א 2 ביי 4) און אים געפראסקעט ווי דאס קינד וואלט געווען א דאלי. פארוואס? ווייל ווען דער רבי האט געשלאגן און געפאטשט דאס קינד, האט דאס יונגל געהאט די חוצפה פון צוריקלאכן אין פנים. (ווי זאגן שלאג וויפיל דו ווילסט - איך פיייף מיך אן)...

מיין חבר זאגט מיר אז ער וועט דעם מלמד קיינמאל נישט מוחל זיין - איך האב זיך מיט אים אביסל אייגע'טענה'ט, זעהסט מאכסט שוין חתונה קינדער ב"ה, לאך דיך אויס. אבער ער זאגט, ער האט מיך באהאנדלט ווי א נ***, פאר נ**** בין איך נישט מוחל - נישט בזה און נישט בבא.

אביונה
שר חמישים ומאתים
תגובות: 469
זיך איינגעשריבען אום: מיטוואך יולי 17, 2019 1:39 pm

תגובהדורך אביונה » דינסטאג דעצמבער 03, 2019 2:55 pm

פעיק נוז האט געשריבן:אייער דוגמא פרעגט אייך אליין אפ... א מיינונג אין דאקטעריי קענט איר נישט האבן, ווייל איר זענט נישט געלערנט און איר האט נישט קיין השגה אין דעם פיעלד. משא"כ בנוגע מלמדים בין איך די זעלבע אדער מער געלערנט ווי דער מלמד זעלבסט. אויב דער דאקטאר וואלט געווען געלערנט אויף דעם זעלבן שטאפל ווי מלמדים וואלט איך שוין איינמאל געקענט האבן א מיינונג איבער אים..

יעצט צו אייער פוינט. איך בין נישט געווען קיין מלמד פאר 40 יאר אבער א סובסיטוט בין איך שוין געווען עטליכע מאל און איך ווייס וואו שווער עס איז צו הענדלען קינדער, און פאר א סובסיטוט איז עס שווערער ווי פאר א מלמד.

אבי גערעדט
איר קענט שרייבן אויף אייוועלט... אויף דעם האט איר זיכער עקספיריענס..
כי לא יחדל אביון מקרב הארץ

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 2:58 pm

אביונה האט געשריבן:
פעיק נוז האט געשריבן:אייער דוגמא פרעגט אייך אליין אפ... א מיינונג אין דאקטעריי קענט איר נישט האבן, ווייל איר זענט נישט געלערנט און איר האט נישט קיין השגה אין דעם פיעלד. משא"כ בנוגע מלמדים בין איך די זעלבע אדער מער געלערנט ווי דער מלמד זעלבסט. אויב דער דאקטאר וואלט געווען געלערנט אויף דעם זעלבן שטאפל ווי מלמדים וואלט איך שוין איינמאל געקענט האבן א מיינונג איבער אים..

יעצט צו אייער פוינט. איך בין נישט געווען קיין מלמד פאר 40 יאר אבער א סובסיטוט בין איך שוין געווען עטליכע מאל און איך ווייס וואו שווער עס איז צו הענדלען קינדער, און פאר א סובסיטוט איז עס שווערער ווי פאר א מלמד.

אבי גערעדט
איר קענט שרייבן אויף אייוועלט... אויף דעם האט איר זיכער עקספיריענס..

אקעי

אוועטאר
למעלה משבעים
שר תשעת אלפים
תגובות: 9724
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » דינסטאג דעצמבער 03, 2019 3:10 pm

פעיק נוז האט געשריבן:יעדער דארף קענען זיין פאך. א דאקטאר קען נישט שרייען אז עס איז דעם פאציענט'ס שולד אויב האט ער געטון עפעס ראנג, א פלאמבער קען נישט טענה'ן אז די בית הכסא איז צו שטארק פארשטאפט, סאו ער איז שולדיג. ניין, דו קענסט נישט זיין קיין פלאמבער, דו ביזסט נישט קיין גוטע דאקטאר, מיט אלע ענקערע גוטע תירוצים אינאיינעם.

אסאך מלמדים קען איך פשוט אוך פון ביהמ"ד און עס שטימט, נישט אייביג הייבט זיך עס אן אין קלאס צווישן די קינדער...

כנראה איז דא א נקודה וואס איר פארזעט. נעם א דוגמא טאקע פון א דאקטער, אויב גייסטו אפירקראצן רעקארדס פון א דאקטער צוויי הונדערט יאר צוריק וואס האט געהיילט א פאציענט לויט די וויסנשאפט פון דאקטעריי אין זיין צייט, און לויט ווי מען ווייסט היינט, האט ער מיט דעם גאר גע'הרג'ט דעם פאציענט, איז שייך צו האבן טענות אויף אים?

די מושג וואס א מלמד דארף צו טון כדי צו מחנך זיין א קינד, איז געווען גאר אנדערש אמאל פון היינט, צב"ש אפילו נאר די וויסנשאפט אין די נפש פון א קינד איז נישט א זאך וואס דיינע מלמדים האבן געוויסט, נישט נאר נישט געוויסט, נאר נישט געוויסט אז ס'איז דא עפעס וואס זיי ווייסן נישט.

היינט צו טאג'ס איז בעצם נאך פארהאן דא דארט אזעלכע מלמדים מיט די מושג פון אמאל, און איה"נ אויב דער מלמד זאל ווען צוליב דעם שאדן מאכן א קינד, ליגט די אחריות אויפן הנהלה היתכן זיי לאזן דאס צו.

אבער מצד דעם מלמד אויס, איידער די גייסט אים אפסטעמפלען אז ער האט געטון נישט ריכטיג, דארפסטו קודם וויסן וואס זיין הבנה אין חינוך איז געווען, ערשט דערנאך קענסטו אנהייבן דן זיין, אז דאס און דאס האט ער געטון נישט ריכטיג אפילו לויט זיין הבנה. ווייל אויב לויט זיין הבנה האט ער יא געטון ריכטיג, קענסטו קיין שום טענות נישט האבן אויף אים ער זאל ווערן אויס מלמד.

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 3:25 pm

אויב רעדסטו פון א מלמד וואס האט געוואלט דאס בעסטע, נאר וויבאלד זיין הבנה איז געווען באגרעניצט האט ער געטון וואס ער האט געטון בין איך פולי אקעי דערמיט און איך האב עס שוין געשריבן אויבן.

אבער אויב רעדסטו פון א רוע המדות און דו ווילסט אים פארענטפערן מיט דעם אז דאס איז געווען די הבנה אין חינוך דעמאלטס, דאן שטייסטו זייער שוואך, וויבאלד ער האט זיך נישט אזוי אויפגעפירט מכח זיין הבנה נאר מכח זיינע מדות רעות און יא, ליידער איז אין יענע צייטן געווען איז געווען די הבנה אז עס איז בארעכטיגט זיך אויסצוגעבן די אייגענע מדות רעות אויף די קינדער, און ליידער האט די סיסטעם נישט געהאט קיין הבנה צו פארשטיין אז מען דארף בכלל פארשטיין, קיינער האט נישט פארשטאנען אז קינדער האבן אויך א וועליו און זיי זענען נישט קיין פאנטש בעג אין וואס מען קען זיך אויסגעבן. און דאס אלעס איז א קשיא, נישט קיין תירוץ.

אוועטאר
למעלה משבעים
שר תשעת אלפים
תגובות: 9724
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » דינסטאג דעצמבער 03, 2019 3:30 pm

פעיק נוז האט געשריבן:אויב רעדסטו פון א מלמד וואס האט געוואלט דאס בעסטע, נאר וויבאלד זיין הבנה איז געווען באגרעניצט האט ער געטון וואס ער האט געטון בין איך פולי אקעי דערמיט און איך האב עס שוין געשריבן אויבן.

אבער אויב רעדסטו פון א רוע המדות און דו ווילסט אים פארענטפערן מיט דעם אז דאס איז געווען די הבנה אין חינוך דעמאלטס, דאן שטייסטו זייער שוואך, וויבאלד ער האט זיך נישט אזוי אויפגעפירט מכח זיין הבנה נאר מכח זיינע מדות רעות און יא, ליידער איז אין יענע צייטן געווען איז געווען די הבנה אז עס איז בארעכטיגט זיך אויסצוגעבן די אייגענע מדות רעות אויף די קינדער, און ליידער האט די סיסטעם נישט געהאט קיין הבנה צו פארשטיין אז מען דארף בכלל פארשטיין, קיינער האט נישט פארשטאנען אז קינדער האבן אויך א וועליו און זיי זענען נישט קיין פאנטש בעג אין וואס מען קען זיך אויסגעבן. און דאס אלעס איז א קשיא, נישט קיין תירוץ.

די כאפסט נישט אז כל זה אכניס בק"ו, ס'איז א קושיא היינט, נישט אמאל. אויב האט ער בכלל נישט געכאפט אז ער איז האט מדות רעות איז דאך סתם אזוי נישט קיין קושיא, נאר אפילו ער האט יא געכאפט, מיט די דעמאלטסדיגע הבנה אין חינוך האט עס יא געשטימט.

אביונה
שר חמישים ומאתים
תגובות: 469
זיך איינגעשריבען אום: מיטוואך יולי 17, 2019 1:39 pm

תגובהדורך אביונה » דינסטאג דעצמבער 03, 2019 3:40 pm

איין נקודה נאר
צו דעם יעניגן וועלכער עקשנ'ט זיך נישט מוחל זיין דעם רבי'ן זיינעם...
כ'וואלט עם גע'עצה'ט ער זאל עם נישט פיינט האבן צו שטארק,
ווייל טאמער יא וועט ער זיך נאך אמאל משדך זיין מיט אים [אדער מיט זיינע קינדער]...
בדוק ומנוסה...
כי לא יחדל אביון מקרב הארץ

אוועטאר
פעיק נוז
שר חמשת אלפים
תגובות: 5436
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » דינסטאג דעצמבער 03, 2019 3:47 pm

למעלה משבעים האט געשריבן:
פעיק נוז האט געשריבן:אויב רעדסטו פון א מלמד וואס האט געוואלט דאס בעסטע, נאר וויבאלד זיין הבנה איז געווען באגרעניצט האט ער געטון וואס ער האט געטון בין איך פולי אקעי דערמיט און איך האב עס שוין געשריבן אויבן.

אבער אויב רעדסטו פון א רוע המדות און דו ווילסט אים פארענטפערן מיט דעם אז דאס איז געווען די הבנה אין חינוך דעמאלטס, דאן שטייסטו זייער שוואך, וויבאלד ער האט זיך נישט אזוי אויפגעפירט מכח זיין הבנה נאר מכח זיינע מדות רעות און יא, ליידער איז אין יענע צייטן געווען איז געווען די הבנה אז עס איז בארעכטיגט זיך אויסצוגעבן די אייגענע מדות רעות אויף די קינדער, און ליידער האט די סיסטעם נישט געהאט קיין הבנה צו פארשטיין אז מען דארף בכלל פארשטיין, קיינער האט נישט פארשטאנען אז קינדער האבן אויך א וועליו און זיי זענען נישט קיין פאנטש בעג אין וואס מען קען זיך אויסגעבן. און דאס אלעס איז א קשיא, נישט קיין תירוץ.

די כאפסט נישט אז כל זה אכניס בק"ו, ס'איז א קושיא היינט, נישט אמאל. אויב האט ער בכלל נישט געכאפט אז ער איז האט מדות רעות איז דאך סתם אזוי נישט קיין קושיא, נאר אפילו ער האט יא געכאפט, מיט די דעמאלטסדיגע הבנה אין חינוך האט עס יא געשטימט.


א מענטש וואס כאפט נישט איז נישט קיין קשיא?! אויך מיר א סטעטמענט, קיין איין רשע כאפט נישט! איז דאס א תירוץ?!

און איינער וואס כאפט יא, קומט זיך אים הערשט פעטש, א מענטש וואס געבט זיך אויס זיין כעס אדער זיין מדת אכזריות אויף קינדער און פייניגט לשם פייניגן פארשטייסטו אז עס איז א תירוץ דאס אז עס האט געשטימט מיט די הבנה אין חינוך? איך פארשטיי נישט אזא תירוץ, סארי, דו פייניגסט א מענטש און דו האסט א תירוץ, אז וואס? אז די וועלט איז מסכים מיט מיר. אויך מיר א תירוץ..

נאכאמאל, בנוגע מוחל זיין, א איד דארף ארבעטן אויף זיך, דאס איז די רצון ה' און צוליב דעם דארף מען ארבעטן אויף זיך מוחל צו זיין. אבער די רעטאריק פון: העי דיין רבי דארף דיר מוחל זיין, עס איז די קינדער'ס שולד, קודם זיי דו דער מלמד... וכו' וכו' וגו'.. איז אבסורד לדעתי.
לעצט פאראכטן דורך פעיק נוז אום דינסטאג דעצמבער 03, 2019 5:35 pm, מאל פאראכטן געווארן 1 סך הכל.


צוריק צו “ידיעות התורה”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 6 געסט