האט איר שוין גענדיגקט - איינמאל - ש"ס? אנקעטע און דיסקוסיע

געדאנקען און התחזקות בעניני עבודת השם

די אחראים: יאנאש,אחראי,געלעגער

האב איך שוין מסיים געווען ש"ס

יא
33
13%
ניין - איך האב שוין דורכגעלערנט רוב, און איך דארף נאך צוענדיגן געציילטע מסכתות.
33
13%
ניין - אבער שוין דורכגעלערנט א גרויס חלק.
79
31%
ניין - איך האב געלערנט די מסכתות פון ישיבה, אבער רוב ש"ס ווארט נאך פאר מיר.
110
43%
 
סך הכל שטימען: 255

אוועטאר
יידישע קהילות
שר שמונת אלפים
תגובות: 8684
זיך איינגעשריבן אום: דאנערשטאג אוגוסט 28, 2014 4:03 pm

האט איר שוין גענדיגקט - איינמאל - ש"ס? אנקעטע און דיסקוסיע

  • ציטיר
  • צו לייגן א דאנק דארפט איר זיין אריינגעלאגט

תגובה דורך יידישע קהילות »

דער הייליגער תלמוד בבלי אנטהאלט בערך 2,711 בלאט.
אויב מלענרט בערך א בלאט יעדן טאג קען מען ענדיגן ש"ס אין בערך 7 און א האלב יאר.
רוב פון אונז האבן במשך אונזערע בחור'ישע יארן נישט גענדיגקט ש"ס אפילו נישט האלב ש"ס.
עס איז א בושה אז מיר זאלן גרייכן אונזערע מיטלע יארן און נישט האבן גענדיגקט ש"ס איינמאל צוויי מאל דריי מאל וכו'.
אן א פלאן קען דאס נישט גיין. יעדע גוטע זאך מוז מען אויספלאנירן און מאכן א חשבון הנפש וואס איז דער בעסטער סדר פאר זיך.
על הטוב יזכר די אלע פראגראמען, אנהייבנדיג פון דף היומי, דרשו און פארשטייטזיך די אלע קהילה'שע פראגראמען.
איך האב פארשידנע געדאנקען וואס איך פלאן מיטצוטיילן מיטן עולם, אפשר אפילו בעתיד מאכן דא עפעס א שטיקל פלאן. אבער ערשט בין איך נייגעריג וואס דער אמת'ער מצב איז. וויפיל פון אונז האלטן שוין אויף א וועג? וויפיל פון אונז האבן שוין מסיים געווען? וויפיל פון אונז האבן נאך א לאנגע וועג פאר זיך?
ביטע ענטפערט און נעמט אנטייל אין דעם דיסקוסיע וויאזוי איז דער בעסטער וועג אנצוקומען זוכה זיין מסיים זיין ש"ס?
משנכנס אדר מרבין בשמחה
הל'א דו'ד מסתת'ר עמנו
אוועטאר
יידישע קהילות
שר שמונת אלפים
תגובות: 8684
זיך איינגעשריבן אום: דאנערשטאג אוגוסט 28, 2014 4:03 pm

רשימה פון מסכתות און מספר הדפים

  • ציטיר
  • צו לייגן א דאנק דארפט איר זיין אריינגעלאגט

תגובה דורך יידישע קהילות »

ברכות 63 דפים

שבת 156 דפים
עירובין 104 דפים
פסחים 120 דפים
ראש השנה 34 דפים
יומא 87 דפים
סוכה 55 דפים
ביצה 39 דפים
תענית 30 דפים
מגילה 31 דפים
מועד קטן 28 דפים
חגיגה 26 דפים

יבמות 121 דפים
כתובות 111 דפים
נדרים 90 דפים
נזיר 65 דפים
סוטה 48 דפים
גיטין 89 דפים
קידושין 81 דפים

בבא קמא 118 דפים
בבא מציעא 118 דפים
בבא בתרא 175 דפים
סנהדרין 112 דפים
שבועות 48 דפים
מכות 23 דפים
עבודה זרה 75 דפים

זבחים 119 דפים
מנחות 109 דפים
חולין 141 דפים
בכורות 60 דפים
ערכין 33 דפים
תמורה 33 דפים
כריתות 27 דפים
הוריות 12 דפים
מעילה 21 דפים
תמיד 8 דפים

נידה 72 דפים
לעצט פארראכטן דורך יידישע קהילות אום פרייטאג נאוועמבער 09, 2018 12:21 pm, פארראכטן געווארן 1 מאל.
משנכנס אדר מרבין בשמחה
הל'א דו'ד מסתת'ר עמנו
אוועטאר
פעיק ניוז
שר עשרים אלף
תגובות: 24206
זיך איינגעשריבן אום: דינסטאג יוני 13, 2017 8:49 pm
לאקאציע: אנאנימע סאורסעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פעיק ניוז »

יידישע קהילות האט געשריבן:ביטע ענטפערט און נעמט אנטייל אין דעם דיסקוסיע וויאזוי איז דער בעסטער וועג אנצוקומען זוכה זיין מסיים זיין ש"ס?

נישט זיצן און שרייבן אויף אייוועלט
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
דריידל
שר תשעת אלפים
תגובות: 9184
זיך איינגעשריבן אום: דינסטאג יולי 07, 2015 2:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דריידל »

איינער וואס וויל באמת ענדיגן ש"ס דארף נישט קיין פלאן, און נישט קיין חבורות. טאמער קען מען לערנען אליין אדער מיט א חברותה - וואס היינט מיט ארטסקרול / מתיבתא איז עס נאו ביג דיעל - דארף מען פשוט האלטן חשבון וועלכע מסכת מ'האט שוין געלערנט און צולערנען די איבריגע. איינער וואס קען נישט לערנען אליין זאל ער זיך צוזעצן צו א שיעור וואס לערנט על סדר הש"ס.
כ'הא נישט קיין צייט יעצט; רוף מיך צוריק נאכמיטאג
אוועטאר
מקווה איד
שר שבעת אלפים
תגובות: 7626
זיך איינגעשריבן אום: מאנטאג יאנואר 16, 2017 4:53 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מקווה איד »

אי"ה קומעדיגע יאר אזא צייט וועל איך אי"ה ענדיגען די ערשטע מאל מיטן מסגרת דף היומי
#איך-פארק-מענטשליך
דריידל
שר תשעת אלפים
תגובות: 9184
זיך איינגעשריבן אום: דינסטאג יולי 07, 2015 2:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דריידל »

ס'איז באמת א בושה אז רוב מיטל יעריגע מענטשן האבן נאכנישט געענדיגט ש"ס. די בושה איז נאכמער אז אסאך מענטשן האבן מיטאמאל א ציל עס צו ענדיגן. די פראבלעם איז א גרויס חלק א פועל יוצא פון די ישיבות ווי מ'לערענט נישט אויס וויאזוי צו לערנען אליינס בקיאות. א יונגערמאן וואס האט חתונה זעצט זיך צו א מסכת און וויל לערנען אבער מ'ווערט סטאק ווייל מ'האט אים אויס געלערנט אז מ' דארף מדייק זיין יעדע ווארט אין רש"י. אמת, מ'דארף טאקע מדייק זיין אבער פאר מ' איז מדייק דארף מען זיין בקי אין די סוגיא. די יונגערמאן ווייסט דאס אבער נישט און פארדעם זיצט מען און מ'קוועטשט אויף איין דף עטליכע טעג, דערנאך פארלירט מען די חשק און מ'טרייט א נייע פרק, א נייע מסכת און מ'בלייבט מיט גארנישט
כ'הא נישט קיין צייט יעצט; רוף מיך צוריק נאכמיטאג
אוועטאר
מקווה איד
שר שבעת אלפים
תגובות: 7626
זיך איינגעשריבן אום: מאנטאג יאנואר 16, 2017 4:53 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מקווה איד »

פעיק נוז האט געשריבן:
יידישע קהילות האט געשריבן:ביטע ענטפערט און נעמט אנטייל אין דעם דיסקוסיע וויאזוי איז דער בעסטער וועג אנצוקומען זוכה זיין מסיים זיין ש"ס?

נישט זיצן און שרייבן אויף אייוועלט

א דף א טאג איז באמת נישט שווער, יעדער קען אוועק געבן ארום א שעה פאר דעם,
אזווי דער וואס האט געפרעגעט רבי שמואל סאלאנטער (נישט זיכער אויב עס איז געווען מיט אים) וואס האט אסאך גערעדט וועגען לערנען מוסר, אז ער האט נאר 15 מינוט א טאג צו לערנען זאל איך לערנען מוסר אדער גמרא? האט ער אים גענטפערט לערן מוסר וועסטו זעהן וויפיל מער צייט די וועסט טרעפען צו לערנען.
#איך-פארק-מענטשליך
ווערעצקי
שר האלף
תגובות: 1816
זיך איינגעשריבן אום: זונטאג מאי 14, 2017 3:17 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווערעצקי »

דריידל האט געשריבן:ס'איז באמת א בושה אז רוב מיטל יעריגע מענטשן האבן נאכנישט געענדיגט ש"ס. די בושה איז נאכמער אז אסאך מענטשן האבן מיטאמאל א ציל עס צו ענדיגן. די פראבלעם איז א גרויס חלק א פועל יוצא פון די ישיבות ווי מ'לערענט נישט אויס וויאזוי צו לערנען אליינס בקיאות. א יונגערמאן וואס האט חתונה זעצט זיך צו א מסכת און וויל לערנען אבער מ'ווערט סטאק ווייל מ'האט אים אויס געלערנט אז מ' דארף מדייק זיין יעדע ווארט אין רש"י. אמת, מ'דארף טאקע מדייק זיין אבער פאר מ' איז מדייק דארף מען זיין בקי אין די סוגיא. די יונגערמאן ווייסט דאס אבער נישט און פארדעם זיצט מען און מ'קוועטשט אויף איין דף עטליכע טעג, דערנאך פארלירט מען די חשק און מ'טרייט א נייע פרק, א נייע מסכת און מ'בלייבט מיט גארנישט

אז מ'זוכט וועם צו באשולדיגן, קען מען פונקט אזוי באשולדיגן די אלע ישיבות וכוללים וועלכע האקן כסדר אז מ'דארף "נאר" לערנען שולחן ערוך, הלכה למעשה (גיי ווייס ווען הל' טריפות איז נוגע למעשה אין היינטיגן דור פאר סתם א איד), און ח"ו נישט לערנען קיין גמ', קוק דיך ארום וויפיהל כוללים לערנען בכלל גמרא, זילטש, אפשר איינס (נישט פון די היימישע), ממילא זעהט נישט דער יונגערמאן קיין שום סיבה צו מאכן א גמ' שיעור, וואס פעלט עס אויס? ס'נישט נוגע למעשה. איין וועג נאר וואס לעצטענס האט מען אנגעהויבן אין רוב קהילות א סדר פון לערנען און פארהערן, מיט בחינה געלט, דארטן זענען שוין דא מער קאנדידאטן, אבער אן קיין געלט האט נישט קיין יונגערמאן קיין שום שייכות מיט די סעט ספרים וואס רופט זיך "תלמוד בבלי".

בדרך אגב, איז דאס אויך די סיבה פארוואס זייער אסאך היימישע ישיבות נעמען "שיעור עיון מגיד שיעורים" פון די "פרעמדע", נישט פון די "היימישע", ווייל די היימישע ווען זיי האלטן 10 יאר נאך די חתונה ווייסן זיי שוין נישט וויאזוי מ'מאכט אויף א גמרא, קענען נישט אפלערנען א תוספות ווי עס ברויך צו זיין, ממילא בהכרח מוז מען נעמען פון די "פרעמדע". ווי אויך מוז מען קוקן אין די ספרים פון די "היינטיגע" "פרעמדע" "ליטווישע" "תחתונים" "סברות כרסיות" וכל שום וחניכא דאית להו, ווייל פון "אונזערע" "אייגענע" "היימישע" איז קיינער נישט מחבר קיין ספר אויף א "מסכתא", נאר אויף שולחן ערוך, ממילא בלית ברירה קוקט מען אין וואס ס'איז דא. ודו"ק, אנטשולדיגט פארן פארדרייען די שמועס.

גראדע האב איך געלערנט אין די ישיבות ווי מ'האט אים אויס געלערנט אז מ'דארף "פארשטיין" יעדע ווארט אין רש"י, און ב"ה מ'האלט מיר שוין באלד ביים ענדיגן ש"ס בעז"ה.
לעצט פארראכטן דורך ווערעצקי אום פרייטאג נאוועמבער 09, 2018 3:01 pm, פארראכטן געווארן 2 מאל.
זייט מתפלל אז נחמי' צבי בן דינה זאל באפרייט ווערן פון תפיסה בקרוב.
ראספשע
שר האלפיים
תגובות: 2049
זיך איינגעשריבן אום: מאנטאג אקטאבער 10, 2016 11:43 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך ראספשע »

קודם זייט מיר ביטע מברר אויב ס'יז זיכער אז עס בכלל דא א חיוב צו ענדיגן ש"ס, אויף אן אופן וואס ס'יז זיכער אז מען גייט געדענקען א רעטעך

אולי איז וויכטיגער צו חזר'ן איין מסכתא אדער מער, הונדערט און איין מאל [אזוי האבן געהאלטן אסאך גדולי ישראל], ביז ס'וועט זיין מונח בקופסא

אין תנא דבי אליהו שטייט אז נאך די הונדערט און צוואנציג, וועט הקב"ה בכבודו ובעצמו פארהערן דעם מענטש, 'ערוך מה ששנית' לאמיר זעהן וואס דו קענסט

וכן כתוב בתוה"ק והיו הדברים האלה על לבבך
מחנך
שר חמש מאות
תגובות: 579
זיך איינגעשריבן אום: דינסטאג מאי 03, 2016 10:49 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחנך »

מקווה איד האט געשריבן:א דף א טאג איז באמת נישט שווער, יעדער קען אוועק געבן ארום א שעה פאר דעם,
אזווי דער וואס האט געפרעגעט רבי ישראל סאלאנטער (נישט זיכער אויב עס איז געווען מיט אים) וואס האט אסאך גערעדט וועגען לערנען מוסר, אז ער האט נאר 15 מינוט א טאג צו לערנען זאל איך לערנען מוסר אדער גמרא? האט ער אים גענטפערט לערן מוסר וועסטו זעהן וויפיל מער צייט די וועסט טרעפען צו לערנען.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

די בעסטע וועג צו ענדיגן ש"ס - לויט ווי איך פארשטיי -לויפט בערך לויט די דרך הלימוד פון ברסלב. דהיינו, איך האב געזעהן אין 'נפשי' אן ארטיקל וועגן פערפעקשעניזם. פון דארט קומט אויס אז מ'דארף קענען באשטיין צו פארשטיין ש"ס ערשט די צווייטע מאל אדער די דריטע מאל אדער די פערטע מאל וואס מ'לערנט עס. לאז דיין מח דיך אויסלערנען ש"ס, די זעלבע וויאזוי דו האסט דיך אויסגעלערנט צו פארשטיין וואס מ'רעדט צו דיר לאז דיין מח דיך אויסלערנען ש"ס, די זעלבע וויאזוי דו האסט דיך אויסגעלערנט צו פארשטיין וואס מ'רעדט צו דיר.

דו האסט געהערט, און געזעהן, און א כח אין דיין מח האט פרובירט צאמשטעלן וואס די 'מיינונג' דערפון איז. און ווען דו האסט דיך איבערצייגט אז דיין 'טעאריע' שטומט מיט די מציאות, ביסטו געבליבן ביי דעם.

די תורה איז עני' במקום אחד ועשיר אין אנדערע פלעצער. אפמאכן ביי זיך "איך גיי אנהייבן פון מסכת ברכות און איך ריר מיך נישט אוועק פון א סוגיא, רש"י, תוס' וכו' ווילאנג איך גיי זיין איבערצייגט אז איך פארשטיי עס גרינטליך" קוקט מיר נישט אויס צו זיין די מהלך פון ענדיגן און פארשטיין ש"ס.

לאמיר זיך לערנען פון א קינד, א קינד לערנט זיך אויס צו רעדן, דורכן הערן און זעהן, פלאס און בעיקר אז זיין מח ארבעט צאמצושטעלן און פארשטיין וואס ער הערט. ער שטעלט ארויס זיין אייגענע טעאריע. די כח אלוק פון זיין מח פרובירט אויסצורעכענען "איז דאס וואס איך טראכט, איז דאס וואס איך שטעל מיך פאר, טאקע די מיינונג פון די קולות וואס איך הער? לאמיר פרובירן צו דאס איז עס טאקע?"

ער הערט ווי איינער זאגט "מאך צו די טיר", און ער זעהט יענעם צומאכן די טיר, טראכט ער א טעאריע אז די צוויי האבן געוויס שייכות. און ער לייגט עס אוועק אלץ א טעאריע דאס דארפסטו טוהן. וואס דו מיינסט אז דאס מיינט די גמרא אדער רש"י אדער תוס' וכו' צו זאגן לייג אוועק די טעאריע כדי שפעטער זיך איבערצייגן צו ס'איז טאקע אזוי צו נישט אבער בלייב נישט סטאק. פיל נישט ביי דיר אז דו ביסט א קליינקעפיק. געדענק, די תורה איז געמאכט צו לערנען. לערנען מיינט, איך וויל זעהן די ווערטער, און איך גיי פרובירן צו פארשטיין מיט מיין פארשטאנד וואס די ווערטער מיינען. אז ס'גייט איז גוט, און אז נישט, גיי ווייטער. זאג, און זאג.

ווען די קינד זעהט נאכאמאל און נאכאמאל אז דאס פאסירט, "מאך צו די טיר" איז גורם אז יענער זאל עס צומאכן, זעהט ער אז זיין טעאריע איז טאקע געווען ריכטיג. לאז דיין מח דיך אויסלערנען די גמ' וכו'.

א מענטש פארשטייט א גמ', אדער יעדע זאך, דורכ'ן 1) הערן און זעהן, און 2) בעיקר דורכ'ן פרובירן ארויסצולייגן וואס ער מיינט איז די מיינונג פון דאס וואס ער הערט און זעהט. (דאס איז א געטליכער כח, א מענטש האט א כח צו פארשטיין, נעם א בהמה וועט עס נישט פארשטיין, א מענטש יא, פארוואס? ווייל א מענטש פארשטייט! ס'האט גארנישט מיט די ניוראנס פון די מח, דאס איז א 'כח'. אזוי ווי 'זעהן' האט גארנישט מיט'ן אויג. ס'איז א 'כח'. א געטליכע 'כח'. די מח פון א קינד און די מח פון אן ערוואקסענער איז די זעלבע זאך. נאר איין חילוק, דער ערוואקסענער האט מער 'הקדמות'.

איך דערמאן מיך ווען איך בין געווען א יונגע בחור'ל, האב איך נישט געוואוסט דעם סוד פון "גיי ווייטער און צום סוף וועסטו פארשטיין". לאמיר נעמען א בעבי פון א טאג אלט, און לאמיר זאגן אז ער זאגט "איך פארשטיי נישט וואס דו רעדסט, איך פארשטיי נישט!!! לאטס מיך אפ, איך פארשטיי נישט!!! וואס זאגסטו יעצט??? ניין, איך מוז אריינקוקן אין מתיבתא. איך מוז פארשטיין וואס דו זאגסט יעצט... ער דרייט זיך ארום אן א קאפ. פארוואס בין איך אזא מח קטן, איך פארשטיי נישט... געוואאאלד..." ניין, ער זאגט עס נישט. ער הערט און זעהט און פרובירט ארויסצולייגן זיין פערזענליכער 'טעאריע' וואס דא ווערט געזאגט. אבער ער ווערט נישט סטאק, אפילו ווען ער פארשטייט עס נאר בערך און זייער אומקלאר. ער איבערצייגט זיך צו ס'איז אמת אדער נישט, דורכדעם וואס ער הערט און זעהט, אז דאס טאקע מיינט עס.

די וועג פון לערנען גמ' איז 'בלורי'. יא! יעדער זעהט אנהייב א גמ' 'בלורי', דהיינו, אומקלאר. בערך. אזוי ווי א קינד וואס לערנט זיך, ער זעהט א בלורי וועלט. אבער צוביסלעך, ווי מער ער הערט, און זעהט אלץ שארפער, די זעלבע זאך מיט לערנען. זאג דעם דף... זאג די רש"י... זאג די תוספות... זאג עס! דשאסט זאג עס! און בשעת'ן זאגן זאלסטו פרובירן ארויסצושטעלן דיין אייגענע טעאריע וואס ס'קען אלץ מיינען, אבער ווער נישט סטאק. צום סוף גייסטו פארשטיין. ווייל דער אייבערשטער גייט דיך העלפן. ווייל דו גייסט אים בעטן. אבער בלייב נישט סטאק.

די דרך הלימוד פון ברסלב לויפט בערך די זעלבע. מ'זאגט, און מ'פרובירט צו פארשטיין די מערסטע וואס מ'שטעלט זיך פאר אז דאס מיינט עס, און מ'גייט ווייטער.

די וועג איז, פרוביר פארצולייגן דיין אייגענע 'טעאריע' וואס קען מיינען וואס די גמ' אדער רש"י אדער תוספות זאגט? וואס יא? וויפיל מעגליך, און גיי ווייטער! פארשטיין די תורה איז ענדלאז. וואס געשעהט מיט איינעם וואס לערנט אויף דעם מהלך? ער נוצט די געטליכע כח פון זיין מח! זיין מח לערנט אים אויס תורה. המלמד תורה לעמו ישראל. דער אייבערשטער איז וואס לערנט מיט א מענטש.

סאו, אויב דו ווילסט ענדיגן ש"ס, אדער ששה סדרי משנה, בלייב נישט סטאק! די מערסטע וואס דו פארשטייסט, און גיי ווייטער. ווען דארף מען טראכטן, ווען מ'שפירט אז מ'האט בכח א געוויסע טאריע, וואס די גמ' מיינט צו זאגן, און מ'וויל עס בעיקר ארויסברענגען אל הפועל. עס ארויסטראכטן, זיך עס קלאר-שטעלן. אבער אויב מ'שפירט זיך ווי א האן אין די בני אדם, אדער ווי א בחור'ל פון פופצן וואס לערנט זוהר הקדוש, וואס ער האט נישט קיין מושג פון וואס מ'רעדט דא, אדער ער שפירט אז וויפיל ער וועט נאר טראכטן וועט ער נישט קענען צאמשטעלן וואס דא ווערט געזאגט, דאן איז די צייט צו גיין ווייטער. תורה עני' במקום אחד ועשירה במקום אחר

זאלסט נישט מיינען אז דו ביסט גארנישט ווערד. ס'שטותים. זאלסט נישט מיינען אז ווייל דו קוקסט אריין אין א גמ' און דו פארשטייסט עס נישט, מיינט עס, אז דו פארשטייסט נישט. שטעל דיך פאר א קינד, זאל טראכטן "נע... איך פארשטיי נישט וואס איך הער... נע... איך פיל מיך ווי אזא עם הארץ... א לא לנו... וואס האב איך אפילו צו הערן... וואס האב איך פון פרובירן... נע... איך בין א אפגעשליסענער" ניין! א קינד גייט לויט זיין פערזענליכן פארשטאנד. און צום סוף לערנט זיך יעדער אויס צו רעדן. זאלסט קיינמאל מער נישט זאגן א רש"י און טראכטן, נע... רזין דרזין. טראכט: "וויפיל פארשטיי איך יא?". בערך וואס זאגט ער דא? זיי צופרידן מיט בערך. זיי צופרידן מיט בערך ווייל א קינד איז אויך צופרידן מיט בערך. און טאקע דאס מאכט אים צום סוף פארשטיין.

והשם הטוב יעזור.
אוועטאר
ווייזער
שר חמישים ומאתים
תגובות: 489
זיך איינגעשריבן אום: מיטוואך מאי 17, 2017 10:50 am
לאקאציע: על אדמת נכר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייזער »

די ברסלב׳ער מהלך איז אזוי ווי תהלים.
דו זאג בלויז תהלים. איי דו פארשטייסט נישט?
דער באשעפער פארשטייט. דו זאג נאר...

אויף דעם זאגן חז״ל: גמרא גמור זמירתא תהא?

א מהלך אן קיין שום מקור. די מקור איז די בעיבי וואס לערנט זיך אויס בלעבלען. איז טאקע דאס וואס איז געווארן פונעם ״עם הספר״?

דו זאג גמרא רש״י תוס׳ - ווייל צום סוף וועטו פארשטיין?

האלאו, איין גדול האט דאס געטאן זינט ב׳ אלפים תמ״ח?
דעפרעסט
שר חמש מאות
תגובות: 913
זיך איינגעשריבן אום: זונטאג מארטש 27, 2011 2:51 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דעפרעסט »

אין אלע דורות האט מען געוויסט אז בעלי בתים דארפן לערנען הלכה. זעהט אין ספר ישראל ואורייתא פון ריד הארפינעס אומצאליגע מראי מקומות דערויף.
ידיעות שונות
שר האלף
תגובות: 1084
זיך איינגעשריבן אום: מאנטאג מארטש 05, 2018 4:03 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ידיעות שונות »

ווייזער האט געשריבן:די ברסלב׳ער מהלך איז אזוי ווי תהלים.
דו זאג בלויז תהלים. איי דו פארשטייסט נישט?
דער באשעפער פארשטייט. דו זאג נאר...

אויף דעם זאגן חז״ל: גמרא גמור זמירתא תהא?

א מהלך אן קיין שום מקור. די מקור איז די בעיבי וואס לערנט זיך אויס בלעבלען. איז טאקע דאס וואס איז געווארן פונעם ״עם הספר״?

דו זאג גמרא רש״י תוס׳ - ווייל צום סוף וועטו פארשטיין?

האלאו, איין גדול האט דאס געטאן זינט ב׳ אלפים תמ״ח?

במח"כ אבי גערעדט, ס'איז א גמרא מפורשת עבו"ז דף י"ז ע"א, אמר רבא ליגמר אינש תחלה ואפי' דלא ידע מאי קאמר, עיי"ש לשון הגמ'.
ראספשע
שר האלפיים
תגובות: 2049
זיך איינגעשריבן אום: מאנטאג אקטאבער 10, 2016 11:43 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך ראספשע »

ידיעות שונות האט געשריבן:
ווייזער האט געשריבן:די ברסלב׳ער מהלך איז אזוי ווי תהלים.
דו זאג בלויז תהלים. איי דו פארשטייסט נישט?
דער באשעפער פארשטייט. דו זאג נאר...

אויף דעם זאגן חז״ל: גמרא גמור זמירתא תהא?

א מהלך אן קיין שום מקור. די מקור איז די בעיבי וואס לערנט זיך אויס בלעבלען. איז טאקע דאס וואס איז געווארן פונעם ״עם הספר״?

דו זאג גמרא רש״י תוס׳ - ווייל צום סוף וועטו פארשטיין?

האלאו, איין גדול האט דאס געטאן זינט ב׳ אלפים תמ״ח?

במח"כ אבי גערעדט, ס'איז א גמרא מפורשת עבו"ז דף י"ז ע"א, אמר רבא ליגמר אינש תחלה ואפי' דלא ידע מאי קאמר, עיי"ש לשון הגמ'.


אזוי זעהט מען אויס אז מען לערנט נישט קיין רש"י...
רש"י (שבת סג ע"א) דליגמר איניש - לגרוס שמעתא מרביה, ואף על גב דלא ידע לכולהו טעמיה. והדר ליסבר - טעמיה,

סתם דאווענען אן הבנה, [ווען מ'קען לערענען בהבנה], איז בפשטות ביטול תורה, כידוע מהא דקיי"ל מבטלין ת"ת מפני מקרא מגילה, ואע"ג דמקרא מגילה נמי תורה היא, אלא מפני שאם יכול ללמוד יותר בעיון ובמחשבה, ולומד רק כעין קריאת המגילה בלי כוונה, הרי"ז ביטול תורה ממש
ועי' היטב שו"ע הרב הל' ת"ת פ"א סעי' ה'
לעצט פארראכטן דורך ראספשע אום פרייטאג נאוועמבער 09, 2018 3:16 pm, פארראכטן געווארן 3 מאל.
אוועטאר
ווייזער
שר חמישים ומאתים
תגובות: 489
זיך איינגעשריבן אום: מיטוואך מאי 17, 2017 10:50 am
לאקאציע: על אדמת נכר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייזער »

ידיעות שונות האט געשריבן:
ווייזער האט געשריבן:די ברסלב׳ער מהלך איז אזוי ווי תהלים.
דו זאג בלויז תהלים. איי דו פארשטייסט נישט?
דער באשעפער פארשטייט. דו זאג נאר...

אויף דעם זאגן חז״ל: גמרא גמור זמירתא תהא?

א מהלך אן קיין שום מקור. די מקור איז די בעיבי וואס לערנט זיך אויס בלעבלען. איז טאקע דאס וואס איז געווארן פונעם ״עם הספר״?

דו זאג גמרא רש״י תוס׳ - ווייל צום סוף וועטו פארשטיין?

האלאו, איין גדול האט דאס געטאן זינט ב׳ אלפים תמ״ח?

במח"כ אבי גערעדט, ס'איז א גמרא מפורשת עבו"ז דף י"ז ע"א, אמר רבא ליגמר אינש תחלה ואפי' דלא ידע מאי קאמר, עיי"ש לשון הגמ'.



רבוש״ע -

ליגמר אינש מיינט זאגן?

ליגמר מיינט - לערנען.
דערנאך זאל ער אנהייבן דן צו זיין און מדמה זיין מילתא למילתא.
אבער ער מוז לערנען און פארשטיין וואס ער זאגט.

נישט דבר׳ן ווערטער. גמרא איז קיין תהלים זאגן.
ידיעות שונות
שר האלף
תגובות: 1084
זיך איינגעשריבן אום: מאנטאג מארטש 05, 2018 4:03 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ידיעות שונות »

כבוד הרב ראספשע, אויב רש"י הק' זאגט עס נישט דארט אויפן פלאץ איז נישט קיין הכרח, כי אין דבריהם יוצא מידי פשוטו. ובכל גוונא איז עס א שטיקל מקור בלשון הגמ' כאטש מ'קען דן זיין אויפן פשט און נישט ווי ווייזער האט אוועק געמאכט אז ס'נישטא קיין שום מקור.
אוועטאר
ווייזער
שר חמישים ומאתים
תגובות: 489
זיך איינגעשריבן אום: מיטוואך מאי 17, 2017 10:50 am
לאקאציע: על אדמת נכר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייזער »

מיר האבן ריינע קלאר מסורה דור אחר דור.

האט איין צדיק, רבי, גדול, פוסק אין די לעצטע 3000 יאר דאס געטאן?

וואס איז געשעהן צו אונז, אז אונזער סאמע הייליגסטע לימוד בגמרא גמרא וויל מען אונז אוועקנעמען, און עס פארוואסערן צו זאגן גמרא, זאגן רש״י און זאגן תוספות?

ממש אזוי: גמרא פאר דאמיס?
ידיעות שונות
שר האלף
תגובות: 1084
זיך איינגעשריבן אום: מאנטאג מארטש 05, 2018 4:03 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ידיעות שונות »

בנוגע מסורה וועל נישט שרייבן פאר איך איך בין מברר הדק היטב, אבער לויט ווי איך געדענק איז עס נישט אזוי ווי איהר זאגט.

איך זאג נישט אז מ'זאל מאכן א סדר קבוע אזוי צו לערנען, אבער ווען איינער איז אין א זמן וואס ער קען נישט מצמצם זיין אויף א געהעריגע לימוד זאל ער אוודאי אזוי טוהן, און אויך באופן קבע אויב ס'גייט נישט אנדערש מאיזה סיבה איז דא א מקום צו לערנען אויף דעם אופן און ס'איז בכלל לימוד כל אחד כפי ערכו ודרגתו, און די אמת איז אז רוב אידן וועלן עפעס ארויסנעמען פונעם לערנען בלי שום ספק, אפטמאל איז מען קונה מעהר ווי אין אפאר יאהר שיעור עיון... דאס זענען פאקטן וואס מ'קען נאכגיין
אוועטאר
ווייזער
שר חמישים ומאתים
תגובות: 489
זיך איינגעשריבן אום: מיטוואך מאי 17, 2017 10:50 am
לאקאציע: על אדמת נכר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייזער »

ידיעות שונות האט געשריבן:בנוגע מסורה וועל נישט שרייבן פאר איך איך בין מברר הדק היטב, אבער לויט ווי איך געדענק איז עס נישט אזוי ווי איהר זאגט.

איך זאג נישט אז מ'זאל מאכן א סדר קבוע אזוי צו לערנען, אבער ווען איינער איז אין א זמן וואס ער קען נישט מצמצם זיין אויף א געהעריגע לימוד זאל ער אוודאי אזוי טוהן, און אויך באופן קבע אויב ס'גייט נישט אנדערש מאיזה סיבה איז דא א מקום צו לערנען אויף דעם אופן און ס'איז בכלל לימוד כל אחד כפי ערכו ודרגתו, און די אמת איז אז רוב אידן וועלן עפעס ארויסנעמען פונעם לערנען בלי שום ספק, אפטמאל איז מען קונה מעהר ווי אין אפאר יאהר שיעור עיון... דאס זענען פאקטן וואס מ'קען נאכגיין


שיער עיון הייסט נישט ליטוויש!
שיוער עיון קען זיין 2 בלאט גמרא א טאג. געלערנט. נישט געדאוונט גמרא

דאווענען גמרא גייט נישט אריין אין קאפ. ס׳גייט ארויס ארויס פון מויל.

אדרבה. וויאזוי זאגט זיך א מיתבי?
ווערעצקי
שר האלף
תגובות: 1816
זיך איינגעשריבן אום: זונטאג מאי 14, 2017 3:17 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווערעצקי »

אויב וואלט גמרא געווען געמאכט צו" זאגן", נישט צו "לערנען און פארשטיין", דאן וואס האט דוד המלך געדארפט מתפלל זיין אז "זאגן תהלים" זאל זיין אזוי חשוב ביים אויבערשטען אזוי ווי צו "זאגן נגעים און אהלות"?
זייט מתפלל אז נחמי' צבי בן דינה זאל באפרייט ווערן פון תפיסה בקרוב.
אוועטאר
יידישע קהילות
שר שמונת אלפים
תגובות: 8684
זיך איינגעשריבן אום: דאנערשטאג אוגוסט 28, 2014 4:03 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יידישע קהילות »

מקובלני פון גדולים וצדיקים אז א בלאט גמרא איז די גרעסטע שמירה קעגן יצה"ר, די גרעסטע סגולה נישט נאכגעשלעפט ווערן נאך די גאס און דער בעסטער מוסר ספר!
משנכנס אדר מרבין בשמחה
הל'א דו'ד מסתת'ר עמנו
ראספשע
שר האלפיים
תגובות: 2049
זיך איינגעשריבן אום: מאנטאג אקטאבער 10, 2016 11:43 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך ראספשע »

ידיעות שונות האט געשריבן:כבוד הרב ראספשע, אויב רש"י הק' זאגט עס נישט דארט אויפן פלאץ איז נישט קיין הכרח, כי אין דבריהם יוצא מידי פשוטו. ובכל גוונא איז עס א שטיקל מקור בלשון הגמ' כאטש מ'קען דן זיין אויפן פשט און נישט ווי ווייזער האט אוועק געמאכט אז ס'נישטא קיין שום מקור.

איר האט נאכגעקוקט דעם שו"ע הרב אין הלכות ת"ת וואס כ'האב ציגעצייכנט?, כנראה נעמט ער אן די רש"י להלכה, עיי"ש היטב,
כ'ווייס נישט וואס דו שרייבסט 'רש"י זאגט עס נישט אויפן פלאץ', וואס הייסט 'נישט אויפן פלאץ'?, ס'יז דאך א רש"י!!
ועוד, מנין לך וואו די 'פלאץ' איז, די מימרא ווערט אראפגעברענגט אין מערערע פלעצער אין ש"ס
און אויך די ראיה פון מקרא מגילה, [וואס די אחרונים ברענגען], ראיה שעדיין לא השבת תשובה ע"ז
אוועטאר
מי יודע
שר שמונת אלפים
תגובות: 8718
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

ווערעצקי האט געשריבן:
דריידל האט געשריבן:ס'איז באמת א בושה אז רוב מיטל יעריגע מענטשן האבן נאכנישט געענדיגט ש"ס. די בושה איז נאכמער אז אסאך מענטשן האבן מיטאמאל א ציל עס צו ענדיגן. די פראבלעם איז א גרויס חלק א פועל יוצא פון די ישיבות ווי מ'לערענט נישט אויס וויאזוי צו לערנען אליינס בקיאות. א יונגערמאן וואס האט חתונה זעצט זיך צו א מסכת און וויל לערנען אבער מ'ווערט סטאק ווייל מ'האט אים אויס געלערנט אז מ' דארף מדייק זיין יעדע ווארט אין רש"י. אמת, מ'דארף טאקע מדייק זיין אבער פאר מ' איז מדייק דארף מען זיין בקי אין די סוגיא. די יונגערמאן ווייסט דאס אבער נישט און פארדעם זיצט מען און מ'קוועטשט אויף איין דף עטליכע טעג, דערנאך פארלירט מען די חשק און מ'טרייט א נייע פרק, א נייע מסכת און מ'בלייבט מיט גארנישט

אז מ'זוכט וועם צו באשולדיגן, קען מען פונקט אזוי באשולדיגן די אלע ישיבות וכוללים וועלכע האקן כסדר אז מ'דארף "נאר" לערנען שולחן ערוך, הלכה למעשה (גיי ווייס ווען הל' טריפות איז נוגע למעשה אין היינטיגן דור פאר סתם א איד), און ח"ו נישט לערנען קיין גמ', קוק דיך ארום וויפיהל כוללים לערנען בכלל גמרא, זילטש, אפשר איינס (נישט פון די היימישע), ממילא זעהט נישט דער יונגערמאן קיין שום סיבה צו מאכן א גמ' שיעור, וואס פעלט עס אויס? ס'נישט נוגע למעשה. איין וועג נאר וואס לעצטענס האט מען אנגעהויבן אין רוב קהילות א סדר פון לערנען און פארהערן, מיט בחינה געלט, דארטן זענען שוין דא מער קאנדידאטן, אבער אן קיין געלט האט נישט קיין יונגערמאן קיין שום שייכות מיט די סעט ספרים וואס רופט זיך "תלמוד בבלי".

בדרך אגב, איז דאס אויך די סיבה פארוואס זייער אסאך היימישע ישיבות נעמען "שיעור עיון מגיד שיעורים" פון די "פרעמדע", נישט פון די "היימישע", ווייל די היימישע ווען זיי האלטן 10 יאר נאך די חתונה ווייסן זיי שוין נישט וויאזוי מ'מאכט אויף א גמרא, קענען נישט אפלערנען א תוספות ווי עס ברויך צו זיין, ממילא בהכרח מוז מען נעמען פון די "פרעמדע". ווי אויך מוז מען קוקן אין די ספרים פון די "היינטיגע" "פרעמדע" "ליטווישע" "תחתונים" "סברות כרסיות" וכל שום וחניכא דאית להו, ווייל פון "אונזערע" "אייגענע" "היימישע" איז קיינער נישט מחבר קיין ספר אויף א "מסכתא", נאר אויף שולחן ערוך, ממילא בלית ברירה קוקט מען אין וואס ס'איז דא. ודו"ק, אנטשולדיגט פארן פארדרייען די שמועס.

גראדע האב איך געלערנט אין די ישיבות ווי מ'האט אים אויס געלערנט אז מ'דארף "פארשטיין" יעדע ווארט אין רש"י, און ב"ה מ'האלט מיר שוין באלד ביים ענדיגן ש"ס בעז"ה.

אין דעם הינזיכט איז שוין דא א שטארקע שינוי לטובה אין די לעצטע עטליכע יאר אין מבצר הכוללים קרית יואל, האדמו"ר מהר"א האט זיך אריינגעלייגט דערין אז ס'זאל זיין א חבורה וואס לערנט גמרא צו קענען האבן היימישע מגי"ש און ב"ה מ'זעט שוין די פירות די לעצטע פאר יאר
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
דריידל
שר תשעת אלפים
תגובות: 9184
זיך איינגעשריבן אום: דינסטאג יולי 07, 2015 2:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דריידל »

דעפרעסט האט געשריבן:אין אלע דורות האט מען געוויסט אז בעלי בתים דארפן לערנען הלכה. זעהט אין ספר ישראל ואורייתא פון ריד הארפינעס אומצאליגע מראי מקומות דערויף.

הייבט זיך נישט אן. בעלי בתים דארפן קענען הלכה למעשה דאס קומט פון לערנען שו"ע מיט באר היטב, קיצור שלחן ערוך בערך 15 א טאג אדער גיין צו א שיעור הלכה למעשה פון א מורה הוראה, אבער צו לערנען מ"א טו"ז וכו' איז קיינמאל נישט געווען איינגעפירט פאר בעלי בתים. פאר א יום טוב און יומא דפגרא לערנט מען אביסול אלץ הכנה צום יו"ט און שפירן א טעם אין די מצות היום. אבער א שיעור אויף קביעות עתים לתורה איז גמרא תוספות
כ'הא נישט קיין צייט יעצט; רוף מיך צוריק נאכמיטאג
שרייב תגובה

צוריק צו “אז נדברו”