תקופת שמואל - תקופת רב אדא

פארשידענע רייכע ידיעות און וויסנשאפטליכע טעאריעס

די אחראים: יאנאש,אחראי,געלעגער

אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תקופת שמואל - תקופת רב אדא

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

אזוי ווי דער עולם ווייסט שוין אז איך לערן יעצט סנהדרין, וואלט איך געוואלט מיטטיילן אן ענין מיט וואס איך האב מיך באגעגנט וואס איז היבש באקאנט, אבער די פונקטליכע נומערן און דעטאלן זענען נישט אזוי באקאנט וויבאלד א חלק דערפון שטייט בכלל נישט ארויס בדברי חז''ל נאר די ראשונים ברענגען אראפ זייער קבלה מדור דור, וואס דאס איז אויך די סיבה פארוואס די גוים, וואס זייער גאנצע ידיעה אין דעם קומט דאך נאר וואס זיי האבן גע'גנב'עט פון דברי חז''ל, האבן דאס בכלל נישט געוואוסט, וואס דער חסרון ידיעה האט זיי געברענגט צו מאכן גרויסע טעותים אין חשבון וואס דאס האט שפעטער געברענגט צו א גרויסע איבערקערעניש. דאס איז דער מחלוקת פון שמואל און רב אדא איבער די תקופת החמה.

-------

הקדמה א' (בענין שעות היום):
היינטיגע צייטן האבן וויסנשאפטלער איינגעטיילט דעם טאג די פאלגענדע חלקים: דער טאג איז צוטיילט אין 24 שעה,יעדע שעה איז צוטיילט אין זעכציג מינוט, יעדע מינוט איז צוטיילט אין זעכציג סעקונדעס. טייל גייען ווייטער און צוטיילן יעדע סעקונדע אין מילי-סעקונדעס, דהיינו הונדערטסטלעך פון א סקונדע.
חז''ל האבן אבער איינגעטיילט אביסל אנדערש, ווי פאלגנד: יעדע טאג האט 24 שעה. יעדע שעה האט 1080 חלקים, און יעדע חלק האט 76 רגעים. ווען דו וועסט צוטיילן די 1080 (אדער תתר''ף ווי עס ווערט גערופן אין די ראשונים) חלקים אין מינוטן, וועט אויסקומען אז יעדע מינוט האט 18 חלקים (18x60=1080), און יעדע חלק באשטייט פון דריי און א דריטל סעקונדעס.

------

הקדמה ב' (בענין חישוב השנה):

הקדמה להקדמה: צו פארשטיין די הקדמה, און אזוי אויך דעם גאנצן שמועס, דארף מען פארגעסן פון דעם פאקט אז די זון דרייט זיך ארום די וועלט יעדן טאג, און זיך קאנצענטרירן אויפ'ן פאקט אז די זון דרייט זיך ארום די וועלט איינמאל א יאר (אפשר שפעטער אינ'ם אשכול וועל איך מסביר זיין מער באריכות די צוויי גלגלים). אויף יעדע גלאבוס (globe) איז דא א שטריך ווואס לויפט דורך אינמיטן די וועלט אויף די ברייט, וואס דער שטריך הייסט קו המשוה און אויף ענגליש equator. דאס איז די (מכלומר'שטע) ליין וואו די זון גייט ארום די וועלט, ער הייבט אן ניסן, און גייט יעדן טאג כמעט איין דעגרי, ביז נאך 365 טעג קומט ער צוריק אן צום אנהייב וואו ער איז געווען פאראיאר ניסן.

און יעצט, צום הקדמה:
עס איז דא צוויי וועגן וויאזוי צו ציילן יארן. איין וועג איז דער שנת החמה, וואס דאס מיינט ווען דער זון ענדיגט איינמאל ארומגיין איר גלגל (נישט אויסמישן מיט'ן גלגל היומי וואס דרייט זיך ארום אינגאנצן אין 24 שעה) און קומט צוריק צום אנהויב, דעמאלטס איז א יאר. דאס פאסירט יעדע בערך 365 טעג מיט 6 שעה.

נאך א וועג צו רעכענען איז דורך די לבנה. די לבנה האט סאך א קלענערע גלגל, און זי פארט ארום איר גלגל יעדע 29 טעג, 12 שעה מיט תשצ''ג (793) חלקים. יעדע מאל זי קומט צוריק צום אנהויב איז א חודש. (כדי צו אויסגלייכן דעם האלבן ואג, מאכט מען איין חודש פון 29 טעג און איין פון 30 טעג אין א רייע, און די איבריגע תשצ''ג חלקים, פאר דעם איז דא חשון און כסלו מיט וואס מען שפילט זיך ארום מלא-חסר כדי זיך צו אויסגלייכן.) צוועלף חדשים איז א יאר.

אין שנת החמה איז נישט דא קיין חדשים וויבאלד גארנישט געשעהט נישט יעדע 30 טעג, די חדשים פון די גוים זענען וואס מען האט סתם אפגעמאכט צו פארגרינגערן דאס האלטן חשבון. (אזוי אויך איז נישט דא קיין עכטע 'שנת הלבנה' ווייל גארנישט געשעהט נישט, נאר מען רעכנט צוועלף מאל ארומגיין דעם גלגל אלס יאר.)

אויף וואס דער שנת החמה איז יא 'במציאות' צוטיילט, איז פיר תקופות. דהיינו, כידוע לויפט די זון נישט פונקט אויפ'ן קו המשוה (equator) נאר זומער אביסל העכער צו צפון און ווינטער אביסל נידריגער צו דרום (פונקטליכער: 23 און א האלב מעלות [דעגרי] ארויף און אראפ). ניסן צייט איז די זון פונקטליך אויפ'ן קו המשוה, און עס הייבט זיך אן רוקן אויף ארויף. עס קומט אן צום העכסטן פונקט אין תמוז, און פון דעמאלטס הייבט די זון אן אראפצופארן, בערך תשרי צייט קומט עס אן צוריק צום קו המשוה, דאן גייט עס ווייטער אראפציר פונ'ם קו המשוה, ביז בערך טבת קומט עס אן צום ווייטסטן פונקט אויף דרום, און דאן הייבט עס אן ארויפצוגיין, ביז ניסן איז ער צוריק אויפ'ן קו המשוה וואו ער האט אנגעהויבן. קומט אויס אז דער יאר איז 'במציאות' איינגעטיילט אין פיר חלקים; 1) ווען די זון פארט פון קו המשוה אויף ארויף, ביז עס קומט אן צום העכסטן פונקט. 2) ווען עס הייבט אן אראפצופארן, ביז עס קומט צוריק צום קו המשוה. 3) ווען עס פארט ווייטער, פון קו המשוה אראפ דרום צו, ביז עס קומט אן צום נידריגסטן פונקט אויף דרום. 4) ווען עס הייבט אן צוריק ארויפצופארן, ביז זי קומט אן צוריק צום קו המשוה.

די פיר תקופות האבן נעמען, די ערשטע תקופה (ווען די זון פארט פונ'ם קו המשוה ארויף צו דרום) הייסט תקופת ניסן, די צווייטע (פון צפון צום קו המשוה) הייסט תקופת תמוז, די דריטע (פון קו המשוה אויף דרום) הייסט תקופת תשרי, און די פערטע (פון דרום צוריק צום קו המשוה) הייסט תקופת טבת.
אזוי אויך, די מינוט ווען די זון איז פונקט אויף א געוויסע פונקט דעמאלטס איז 'דער תקופה' (דעמאלטס טאר מען נישט טרינקען קיין וואסער אא"וו). ווען די זון איז פונקט אויפ'ן קו המשוה איז תקפות ניסן, פונקט ביים צפון שפיץ פון איר גלגל איז דער תקופה פון תקופת תמוז, צוריק ביים קו המשוה איז תקופת תשרי און ביים דרום שפיץ איז תקופת טבת.

המשך קומט אי"ה
לעצט פארראכטן דורך משהזוךמיר אום זונטאג פעברואר 26, 2017 6:03 pm, פארראכטן געווארן 1 מאל.
Get your facts first, then you can distort them as you please.
אוועטאר
פערפעקט
שר האלף
תגובות: 1963
זיך איינגעשריבן אום: דינסטאג אוגוסט 31, 2010 5:41 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פערפעקט »

משה ווערטערלאז!

מיר ווארטן מיט שפאנונג...

(אגב, איך לערן אויך יעצט סנהדרין)
Definition of perfect: as good as it is possible to be
אוועטאר
מונאוויטש
שר האלפיים
תגובות: 2902
זיך איינגעשריבן אום: זונטאג נאוועמבער 22, 2015 6:08 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מונאוויטש »

משה'ניו, זייער קלאר אריינגעקומען. א פיינע הקדמה!

נאר איין זייטיגע הערה. דער חשון-כסלו מלא-חסר סיסטעם איז לאו דוקא דירעקט אויסצוגלייכן דעם עודף פון תשצ"ג חלקים, (וואס קומט אויס כמעט פונקליך צו 44 מינוט). אויב בלויז פאר דעם צוועק, וואלט מען געקענט צולייגן איין טאג א יעדע דריי-פיר יאר. (די עודפה פון תשצ"ג קומט אויס צו 528 מינוט פארן יאר. 44x12=528. ווידער איין טאג פון 24 שעות האט 1,440 מינוט.) דער עיקר ציהל פון חשון-כסליו איז אויסצובעטן דעם לוח כדי ר"ה זאל נישט ווייאלעיטן לא אד"ו ראש, מולד זקן בל תדרוש, וכו'. ואכמ"ל.

אלפאנס, כה לחי!
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

די התחלה איז שפראך לאז...

מיר ווארטן אויפן פארזעצונג מיט שפאנונג באנאזאם...
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
אוועטאר
בערל קראקאווער
שר האלף
תגובות: 1558
זיך איינגעשריבן אום: דינסטאג מאי 17, 2016 1:18 pm
לאקאציע: בעקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך בערל קראקאווער »

געליינט און אנערקענט אז יא, איר זענט א שיין שטיקל ת''ח און ידען, און אויך קענט איר יא שרייבן לענגערע ארטיקלען.
מיר ווארטן אויף ווייטער.
ראש הקהל
הויפט געווינער - שרייבעריי פארמעסט תשע''ז
בקראקא אין אומרים ׳תתננו׳ ובאונגארן אין אומרים ׳הבינינו׳
אוועטאר
פאראינטערסירט
שר ארבעת האלפים
תגובות: 4330
זיך איינגעשריבן אום: דאנערשטאג יוני 30, 2016 10:49 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאראינטערסירט »

האסט א גוטע און קלארע הסברה שפראך ביטע זיי ממשיך
אין בי כישרון מיוחד, אבל יש בי הרבה סקרנות. ...{אלברט איינשטיין}
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

א גרויסן ייש''כ פאר יעדעם'ס דברי חיזוק.
הרב פערפעקט, אפשר קענען מיר אפשמועסן א חברותא'שאפט?...
כבוד הרב מונאוויטש, איר זענט גערעכט, אבער איך וויל נישט אריינקריכן אין יעדע זייטיגע נקודה פונקטליך ווייל דעמאלטס אין לדבר סוף. איך האב נאר געוואלט ארויסברענגען אז דאס איז אויך קעיר גענומען.

--------------


השלמה להקדמה ב':

וויבאלד די זון איז די גרעסטע און שטערקסטע שטערן אין אונזער סאולער סיסטעם, האט זי די גרעסטע השפעה אויף אונזער וועלטל. טאג און נאכט, איז תלוי אין די זון. די פיר סעזאנען פון יאר (פרילינג, זומער, הערבסט און ווינטער) זענען תלוי אין די זון. ווען די זון איז אויף צפון איז זומער וויבאלד די זון איז נענטער צו אונז, און ווען עס איז אויף דרום איז ווינטער, און ווען עס איז אויפ'ן קו המשוה איז פרילינג/הערבסט. (מער פונקטליך, ווען די זון איז אויף צפון איז דארט זומער און אויף דרום זייט פון די וועלט איז דעמאלטס ווינטער, און ווען עס איז אויף דרום איז דארט זומער און אויף צפון ווינטער. דאס איז די סיבה פארוואס ווען ביי רוב וועלט איז ווינטער איז אין אויסטראליע, דרום אמעריקע און חלקים פון אפריקע זומער און אזוי פארקערט.)
די לבנה האט נישט קיין גרויסער השפעה אויף די וועלט.

יעצט היות די שנת הלבנה וואס באשטייט פון 254 טעג (29.5 מאל 12 = 254) איז 11 מיט א פערטל טעג קלענער פון די שנת החמה (וואס באשטייט פון 365 טעג מיט זעקס שעה), קומט אויס אז די שנת הלבנה רוקט זיך כסדר פאראויס אין פארגלייך צו די זון. עס בעסער מסביר צו זיין: די מוסלעמענער ציילן צו די לבנה. זייער יאר באשטייט פון 354 טעג. דערפאר קומט אויס אז זייער חגא ראמאדאן, רוקט זיך יעדע יאר מיט עלף טעג. למשל, אויב אין יארע 2010 איז דער ערשטער טאג פון ראמאדאן געפאלן מערץ דעם ערשטן, איז עס אין 2011 געפאלן פעברואר דעם אכצנטן, און אין 2012 פעברואר דעם זיבעטן, און אין 2013 געפאלט עס שוין יאנואר 27. און אזוי ווי זומער און ווינטער גייט דאך לויט די זון, קומט אויס אז ראמאדאן רוקט זיך צוביסלעך, אויב לויט די אויבנדערמאנטע משל איז עס געפאלן אין 2010 אינמיטן ווינטער, איז אין 2017 שוין אינמיטן הערבסט, אין 2023 וועט עס שוין זיין אינמיטן זומער, א.א.וו.

----------

די גוים ציילן צו די זון. די אידן ציילן צו די לבנה. דער ערשטע מצוה מיט וואס כלל ישראל אלס פאלק איז געווארן מצווה איז, די מצוה פון קידוש החודש, צו דערקלערן דעם נייעם חודש ווען עס קומט די נייע לבנה. עס איז פון די יסודות פון אידישקייט. ווען די יונים האבן געוואלט אויסרייסן אידישקייט האבן זיי גוזר געווען דריי יסודות'דיגע גזירות; שבת, מילה און חודש. פארוואס חודש? ווייל אן קיין קידוש החודש איז נישט דא קיין לוח, און אן קיין לוח איז נישט דא קיין ימים טובים.

אויב אזוי וואלט דאך אויסגעקומען, אז פסח וואלט געקענט געפאלן איין יאר ווינטער, און 15 יאר דערויף געפאלן זומער. שטייט אבער אין די הייליגע תורה שמור את חודש האביב ועשית פסח, שבעת ימים תאכל מצות כאשר צויתיך למועד חודש האביב, וחג הקציר ביכורי מעשיך, וחג שבועות תעשה לך בכורי קציר חטים, וחג האסיף תקופת השנה. און פון די אלע פסוקים לערנען חז''ל ארויס אז די תורה וויל אז פסח זאל זיין דוקא אביב, שבועות זאל זיין דוקא בזמן קציר, און סוכות דארף זיין דוקא בזמן האסיף. נו, וויאזוי קען מען אזאנס באווייזן?

דא קומט אריין דאס ענין פון עיבור השנה. דאס הייסט, א געווענליכע שנת הלבנה האט דאך צוועלף חדשים, האבן חז''ל מקבל געווען אז יעדע פאר יאר זאל מען צולייגן אן עקסטערע חודש,וואס דאס וועט העלפן איר אויסגלייכן מיט'ן זון, אזוי אז די ימים טובים זאלן אלעמאל געפאלן אינ'ם זעלבן סעזאן.

בשנים כתיקונן איז נישט געווען קיין לוח, נאר יעדע חודש איז בי''ד געזעסן אין בית יעזק אין ירושלים, און לויט ווען די עדים זענען געקומען האט בי''ד מקדש געווען דעם חודש. דעמאלטס איז אויך נישט געווען שייך צו וויסן וועלכע יאר גייט זיין אן עיבור יאר, וויבאלד מען קען נישט מעבר זיין אויף פאראויס פון איין יאר צום צווייטן, נאר יעדעס יאר האט בי''ד געמוזט נאכאמאל דן זיין אויב מ'דארף עס מעבר זיין (סנהדרין יב:).

בימים ההם האט זיך אויך געקענט מאכן אז מ'זאל מעבר זיין דעם יאר אפי' ווען עס פעלט נישט אויס לפי חשבון, צוליב אנדערע סיבות (צב"ש אויב די עולי רגל האבן פארשפעטיגט, אדער די פירות זענען נאכנישט געצייטיגט.) און די זעלבע זאך פארקערט, מ'האט אמאל געקענט לאזן דעם יאר א פשוטה כאטש לפי חשבון וואלט מען עס געדארפט מעבר זיין (למשל אויב עס איז געווען א הונגער יאר האט מען נישט מעבר געווען כדי נישט צו אסר'ן חדש פאר נאך א חודש). אבער אזוי ווי עס איז דעמאלטס געווען א סנהדרין מיט א נשיא און תנאים, און מען האט מעבר געוון די יארן לויט ווי עס האט זיך אויסגעפעלט, איז עס נישט געווען קיין פראבלעם, ווייל אויב האט מען געטון איין יאר שלא כחשבון, האט מען זיך פאררעכנט א צווייטע יאר.

איז אבער געקומען א צייט ווען די חכמים האבן געזען אז די דורות ווערן שוואכער און דער גלות ווערט שטערקער, האבן זיי איינגעזען אז עס וועט קומען צייטן וואס מ'וועט נישט קענען מקדש זיין די חדשים און מעבר זיין די יארן, צו אלץ גזירות אדער פשוט עס וועט נישט זיין ווער, איז געגאנגען הלל השני, פון די אור אייניקלעך פון הלל הזקן, און ער האט מתקן געווען א לוח פאר אלע יארן ביז'ן אלף השישי. אין דעם לוח איז אויסגערעכנט פונקטליך יעדן חודש ווען עס וועט זיין דער מולד, ווען עס איז ראש חודש, וועלכע יאר איז מעוברת און וועלכע איז א פשוטה א.א.וו.

אונז ווילן צוקומען צו דעם חלק פון די יארן.

די גמ' זאגט (עירובין נו.) (זארג דיך נישט אויב דו פארשטייסט נישט קיין ווארט, איך וועל עס שוין מסביר זיין) אמר שמואל אין תקופת ניסן נופלת אלא בארבעה רבעי היום או בתחלת היום או בתחלת הלילה או בחצי היום או בחצי הלילה ואין תקופת תמוז נופלת אלא או באחת ומחצה או בשבע ומחצה בין ביום ובין בלילה ואין תקופת תשרי נופלת אלא או בשלש שעות או בתשע שעות בין ביום ובין בלילה ואין תקופת טבת נופלת אלא או בארבע ומחצה או בעשר ומחצה בין ביום ובין בלילה ואין בין תקופה לתקופה אלא תשעים ואחד יום ושבע שעות ומחצה ואין תקופה מושכת מחברתה אלא חצי שעה. עכ"ל הגמ'.

לאמיר יעצט צונעמען די גמ' אויף קליינגעלט. שמואל זאגט אז א שנת החמה באשטייט פון פונקטליך 365 טעג מיט 6 שעה. אויב אזוי קומט אויס אז ווען די צוטיילסט דעם יאר אויף פיר תקופות, קומט אויס אז א תקופה באשטייט פון 91 טעג און זיבן א האלב שעה (365 צוטיילט אין פיר איז 91 און א פערטל [וואס מיינט זעקס שעה], צוטייל די איבריגע 6 שעה אויף פיר קומט עס אויס איין און א האלב, צוזאמען 91 טעג מיט 7 און א האלב שעה).

יעצט נעם די 91 טעג און צוטייל עס אויף וואכן, קומט עס אויס פונקטליך 13 וואכן. קומט אויס אז יעדע תקופה איז 13 וואכן מיט זיבן און א האלב שעה. דאס מיינט אז אויב למשל תקופת ניסן געפאלט זונטאג 12 אזייגער ביינאכט, וועט תקופת תמוז אויך געפאלן זונטאג (דרייצן וואכן דערויף), אבער 7 1/2 שעה אפגערוקט - ד.מ. 7:30 צופרי. און תקופת תשרי וועט געפאלן זונטאג 3:00, און תקופת טבת וועט געפאלן זונטאג 10:30 ביינאכט.
יעצט לאמיר גיין א טריט ווייטער. דעם נעקסטן תקופת ניסן וועט געפאלן מאנטאג 6 אזייגער אינדערפרי, וואס דאס איז איין טאג מיט זעקס שעה שפעטער ווי עס איז געפאלן פאריאר. און דער חשבון שטימט, ווייל דער יאר באשטייט דאך פון 365 טעג מיט זעקס שעה, איז צוטייל 364 אין וואכן קומט עס אויס פונקטליך 52 וואכן, בלייבסטו איבער מיט א טאג און זעקס שעה, וואס דאס איז גענוי מיט וויפיל דער תקופה האט זיך גערוקט פון פאראיאר.

עמיר דא בלייבן שטיין ביזדערווייל, און אויב עפעס איז נישט קלאר זאל מען איבערפרעגן.
Get your facts first, then you can distort them as you please.
אוועטאר
פלטיאל
שר האלפיים
תגובות: 2465
זיך איינגעשריבן אום: מאנטאג אפריל 13, 2015 10:19 pm
לאקאציע: בערך פופצן מינוט אוועק...

  • ציטיר
  • צו לייגן א דאנק דארפט איר זיין אריינגעלאגט

תגובה דורך פלטיאל »

הערליך, שטארק הנאה געהאט.
מיין מיינונג קען זיך אפשר טוישן אבער נישט דער פאקט אז איך בין גערעכט!
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

לאנגעפאות האט געשריבן:https://jumbomail.me/j/9bk4f2e4I0GZ_q9

ייש''כ ר' לאנגע פיאות, זייער דעטאלירט און פראפעסיאנאל.
Get your facts first, then you can distort them as you please.
אוועטאר
מונאוויטש
שר האלפיים
תגובות: 2902
זיך איינגעשריבן אום: זונטאג נאוועמבער 22, 2015 6:08 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מונאוויטש »

יש"כ רבי משה!

לאנגעפאות האט געשריבן:https://jumbomail.me/j/9bk4f2e4I0GZ_q9

כ'געדענק עס האבן געזעהן דאן ביים ברכת החמה. ;l;p- פארן עס ברענגען. הערליך שיין.
איטשע
שר שלשת אלפים
תגובות: 3327
זיך איינגעשריבן אום: דאנערשטאג אוגוסט 27, 2009 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איטשע »

משהזוךמיר האט געשריבן:היינטיגע צייטן האבן וויסנשאפטלער איינגעטיילט דעם טאג די פאלגענדע חלקים: דער טאג איז צוטיילט אין 24 שעה,יעדע שעה איז צוטיילט אין זעכציג מינוט, יעדע מינוט איז צוטיילט אין זעכציג סעקונדעס. טייל גייען ווייטער און צוטיילן יעדע סעקונדע אין מילי-סעקונדעס, דהיינו הונדערטסטלעך פון א סקונדע.
חז''ל האבן אבער איינגעטיילט אביסל אנדערש, ווי פאלגנד: יעדע טאג האט 24 שעה. יעדע שעה האט 1080 חלקים, און יעדע חלק האט 76 רגעים. ווען דו וועסט צוטיילן די 1080 (אדער תתר''ף ווי עס ווערט גערופן אין די ראשונים) חלקים אין מינוטן, וועט אויסקומען אז יעדע מינוט האט 18 חלקים (18x60=1080), און יעדע חלק באשטייט פון דריי און א דריטל סעקונדעס.


1. נישט היינטיגע צייטן האבן וויסנשפאטלער איינגעטיילט דער טאג אין 24. נאר די בבליים, א שיינע פאר טויזנט יאר צוריק האבן דאס געטוען.
2. וי איז דער מקור אז חז״ל האבן איינגעטיילט דער טאג אין 24 און יעדער שעה תתר״ף חלקים?
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

איטשע האט געשריבן:
משהזוךמיר האט געשריבן:היינטיגע צייטן האבן וויסנשאפטלער איינגעטיילט דעם טאג די פאלגענדע חלקים: דער טאג איז צוטיילט אין 24 שעה,יעדע שעה איז צוטיילט אין זעכציג מינוט, יעדע מינוט איז צוטיילט אין זעכציג סעקונדעס. טייל גייען ווייטער און צוטיילן יעדע סעקונדע אין מילי-סעקונדעס, דהיינו הונדערטסטלעך פון א סקונדע.
חז''ל האבן אבער איינגעטיילט אביסל אנדערש, ווי פאלגנד: יעדע טאג האט 24 שעה. יעדע שעה האט 1080 חלקים, און יעדע חלק האט 76 רגעים. ווען דו וועסט צוטיילן די 1080 (אדער תתר''ף ווי עס ווערט גערופן אין די ראשונים) חלקים אין מינוטן, וועט אויסקומען אז יעדע מינוט האט 18 חלקים (18x60=1080), און יעדע חלק באשטייט פון דריי און א דריטל סעקונדעס.


1. נישט היינטיגע צייטן האבן וויסנשפאטלער איינגעטיילט דער טאג אין 24. נאר די בבליים, א שיינע פאר טויזנט יאר צוריק האבן דאס געטוען.
2. וי איז דער מקור אז חז״ל האבן איינגעטיילט דער טאג אין 24 און יעדער שעה תתר״ף חלקים?

1. קען זיין. למעשה האבן חז''ל שוין גערעכנט אזוי.
2. די ראשונים זענען פיל דערמיט. זעה רמב''ם הלכות קידוש החודש פרק ו' הלכה ב, וואו ער זאגט אזוי, און ער איז מסביר פארוואס דוקא תתר''ף חלקים, ווייל דאס קען מען צוטיילן אויף זייער אסאך וועגן (האלב, פערטל, אכטל, דריטל, זעקסטל, ניינטל, פינפטל, צענטל ).
דער יד רמה אין סנהדרין דערמאנט אויך דאס צוטיילן אזוי. און אזוי שרייבן אויך אסאך אנדערע ראשונים אויף אסאך פלעצער.
Get your facts first, then you can distort them as you please.
איטשע
שר שלשת אלפים
תגובות: 3327
זיך איינגעשריבן אום: דאנערשטאג אוגוסט 27, 2009 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איטשע »

ראשונים ווייס איך אויך. דו האסט געשריבן ״חז״ל״! דאס זיך איך.
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

זעה ר''ה כה. אמר להם רבן גמליאל כך מקובלני מבית אבי אבא אין חדושה של לבנה פחותה מעשרים ותשעה יום ומחצה ושני שלישי שעה וע''ג חלקים. רעכן עס אויס לויט כ''ט י''ב תשצ''ג, און זאג מיר צו עס שטימט.
Get your facts first, then you can distort them as you please.
איטשע
שר שלשת אלפים
תגובות: 3327
זיך איינגעשריבן אום: דאנערשטאג אוגוסט 27, 2009 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איטשע »

כ׳האב פארשטאנען אז דאס מיינסטו. כ׳האב געמיינט אז ס׳איז בעסערס. ווייל ס׳ליגט מיר אין קאפ, אז ידי זרים שלטו אין די שורה, און מען האט מוסיף געווען פרטים וואס איז נישט ארגינעל געווען פון חז״ל.
אוועטאר
משה כספי
שר האלפיים
תגובות: 2070
זיך איינגעשריבן אום: מאנטאג סעפטעמבער 19, 2016 12:44 pm
לאקאציע: אינעם יודישען וועלטעל
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה כספי »

הערליך שיין ר' משה זייער קלאר
כדי א נושא זאל בלייבן אינטערעסאנט איז די שליסל א פוינט פאר א פוינט - עגרימענט אדער דיסעגריעמענט, פארשידענע מיינונגען געבן צו לעבן צו א נושא און ברענגט די שרייבער און ליינער הנאה צו האבן. און דאס פארקערטע איז מיט רעטאריק
בראשית ברא
שר האלף
תגובות: 1229
זיך איינגעשריבן אום: דינסטאג דעצעמבער 06, 2016 3:16 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך בראשית ברא »

איטשע האט געשריבן:כ׳האב פארשטאנען אז דאס מיינסטו. כ׳האב געמיינט אז ס׳איז בעסערס. ווייל ס׳ליגט מיר אין קאפ, אז ידי זרים שלטו אין די שורה, און מען האט מוסיף געווען פרטים וואס איז נישט ארגינעל געווען פון חז״ל.

חלילה לומר כן
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

איטשע האט געשריבן:כ׳האב פארשטאנען אז דאס מיינסטו. כ׳האב געמיינט אז ס׳איז בעסערס. ווייל ס׳ליגט מיר אין קאפ, אז ידי זרים שלטו אין די שורה, און מען האט מוסיף געווען פרטים וואס איז נישט ארגינעל געווען פון חז״ל.

אדרבה אויב האט איר א מקור, ברענגטס עס צו.
עס מאכט עפעס נישט קיין סענס אז די ידי זרים זאלן פשוט אריינלייגן א זאך פון די ראשונים. עס איז א בחינה ווי קושן די בעק ציצית ביי ברוך שאמר..
Get your facts first, then you can distort them as you please.
איטשע
שר שלשת אלפים
תגובות: 3327
זיך איינגעשריבן אום: דאנערשטאג אוגוסט 27, 2009 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איטשע »

עמיר עס מוזן אפיר זוכן...
איטשע
שר שלשת אלפים
תגובות: 3327
זיך איינגעשריבן אום: דאנערשטאג אוגוסט 27, 2009 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איטשע »

בראשית ברא
שר האלף
תגובות: 1229
זיך איינגעשריבן אום: דינסטאג דעצעמבער 06, 2016 3:16 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך בראשית ברא »

אקעי, נישט קיין ידי זרים. גרסאות אדער הלל איז א אנדערע מעשה.
אוועטאר
פייערמאן
שר חמש מאות
תגובות: 730
זיך איינגעשריבן אום: זונטאג יוני 05, 2016 10:57 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פייערמאן »

ראה בבני ישככר מאמר א' ממאמרי ר"ח אות ה' שמביא שבני יששכר חלקו השעה לתתר"ף חלקים וראה שם בביאור הצבי והצדק שמביא מברייתא דשמואל ועוד.
אוועטאר
מאכט סענס?
שר חמישים ומאתים
תגובות: 450
זיך איינגעשריבן אום: מיטוואך יאנואר 11, 2017 3:28 pm
לאקאציע: בין תנור לכיריים

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאכט סענס? »

יעצט אנגעקומען דא. הערליך געשריבן. גאר אינהאלטרייך און פול מיט תוכן!
יש"כ ר' משה.
איטשע
שר שלשת אלפים
תגובות: 3327
זיך איינגעשריבן אום: דאנערשטאג אוגוסט 27, 2009 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איטשע »

בראשית ברא האט געשריבן:אקעי, נישט קיין ידי זרים. גרסאות אדער הלל איז א אנדערע מעשה.

גערעכט, כ׳צי צוריק פון די פראזע.
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

ר' איטשע, עס איז זייער אינטערעסאנט דער שטיקל וואס איר ברענגט, אבער איך זעה נישט קיין געהעריגער מקור פאר די גירסא. קען זיין אז עס קומט פון מיין אומבאהאוונטקייט אינ'ם עולם הספרים, דעמאלטס אדרבה, זייט מסביר ווער די מחברים פון די ספרים וואס ער ברענגט דארט זענען, עמיר זעהן צו מ'דארף זיי נעמען אין באטראכט.

בכל אופן איז קלאר אז טייל האבן זיכער אנגענומען אז חז"ל האבן אזוי גערעכנט, אריינגערעכנט דער בנ"י ווי ידידי הרב פייערמאן האט אנגעצייכנט, אבער אפי' אויב איר זענט גערעכט, איז עס נאר אויף די וועג וויאזוי חז"ל האבן עס איינגעטיילט ווי איר האט שוין ערווענט, און היות תקופת רב אדא ווערט נישט דערמאנט אפי' ברמז בדברי חז"ל נאר דער גאנצער מקור איז פון די ראשונים, איז גרינגער אין דעם שמועס צו רעכענען די חשבונות לויט וויאזוי די ראשונים האבן גערעכנט.
Get your facts first, then you can distort them as you please.
שרייב תגובה

צוריק צו “ידיעות און וויסנשאפט”