תורה פאר שבע ברכות

[ארבעטער]

איך דארף זאגן א דרשה ביי א שבע ברכות, איך זיך א תורה מיט וואס אנציפאנגן
די שבע ברכות אאיז פרשת וארא
Any help appriciated

[שמעלקא זאפטיגער]

דא האסטו שוין געכאפט א בליק?

[ארבעטער]

Thanks, I didn't know from that, I will give a look

[ארבעטער]

איך זיך עס זאל האבן עפעס פון חתן כלה

[טיכטיגער]

הייב אן אז באמת האב איך מיר נישט צוגעגרייט אבער...

[צולייגער]

דו האסט וואס צו זאגן נאר דו זוכסט וויאזוי צו אנהייבן און עס מקשר זיין מיט פ' וארא? אדער דו זוכסט בכלל וואס צו זאגן?

[ארבעטער]

איך האב א גאנצע דרשה אנגעגרייט מיט די מעלות פון די חתן, מחותן...
איך זיך נאר מיט וואס אנצופאנגען, און עס נאכדעם משלב זיין, אז ״ביי אונזער חתן איז דאך זיכער אזוי.....״

[סידיראם]

וארא מאכט "איך רעד ווייל אזוי וויל איך"

[צולייגער]

שטייט אין די פרשה, ואלעזר לקח לו מבנות פוטיאל לו לאשה. שטעלן זיך אלע פ״וו שטייט צוויי מאל לו, איז דא א שיין ווארט פון ר׳ דוד זאלצער ז״ל מונקאטשער ראש בי״ד, אז הגם יתרו איז געווען א ערליכער און האט עוקר געווען די ע״ז, אבער פארט איז ער דאך קודם געווען א גלח, און וויאזוי האט אלעזר געקענט נעמען זיין טאכטער, ובפרט אז אלעזר איז דאך געווען א כהן, זאגט ער פשט אז באמת יתרו איז געווען ערליך, און ווי משה רבינו האט דאך געזעהן אויף זיינע טעכטער אז זיי זענען ערליך, און אלעזר האט געזעהן אז זיי זענען טאקע ערליך און אויסגעהאלטן, און פארשטאנען אז כדי אויפצושטעלן א הייליג שטוב, א שטוב פון וואנעט עס ברויך אויפוואקסן א פנחס זה אליהו, ברויך ער האבן א ערליכע פרוי, א פרוי וואס האט געזעהן א ערליכע הנהגה, און געזעהן אז דאס איז פאסיג פאר אים.

ממילא זאגט דער פסוק ואלעזר לקח לו מבנות פוטיאל, ער האט גענומען א טאכטער פון יתרו, אבער לו לאשה, ער האט פארשטאנען אז פאר אים איז דאס א פאסיגע זיווג, און ער וועט קענען אויפברענגען ערליכע דורות, און אראפברענגען אזא נשמה ווי פנחס.

יעצט רעכן אויס בלא בלא בלא...

נו, עס איז דאך ידוע אז דער שלה״ק זאגט דאך אז די פרשה פון די תולדות פון ראובן שמעון און לוי איז דאך דער יסוד פון די תולדות פון גאנץ כלל ישראל, און אזוי איז דאך דער שידוך אויך. הגם מ׳האט ב״ה אויף גארנישט געברויכט פארקוקן, און די משפחה איז ב״ה א חשוב׳ע משפחה, אבער דאס אליין איז דער עיקר יחוס ביי ביידע צדדים, אז מען ציהט אויף א שטוב וואו מען זאל קענען ברענגען ערליכע אישידע דורות.

דער אייבישטער זאל העלפן וכו׳.

[ארבעטער]

Wow, thanks, עקסעקטלי וואס איך זיך!!!!!

[שמעלקא זאפטיגער]

אגב, עס איז דא א הערליכער ספר "בישורון מלך" מיט 2 בענדער איבער עניני שידוכים ונישואין.

דער ערשטער באנד איז אן אומשאצבארער אוצר, ער האט דארט אויף יעדע פרשה עטליכע דברי תורה מלוקט פון ספרים, בעניני חתן וכלה.

עס לוינט צו כאפן א בליק.

[ארבעטער]

Thanks

[פרישוואסער]

אגב, עס איז דא א הערליכער ספר "בישורון מלך" מיט 2 בענדער איבער עניני שידוכים ונישואין.

דער ערשטער באנד איז אן אומשאצבארער אוצר, ער האט דארט אויף יעדע פרשה עטליכע דברי תורה מלוקט פון ספרים, בעניני חתן וכלה.

עס לוינט צו כאפן א בליק.

זייער שיין

איז דא נאך אזא סארט ספר?