א כו"ח און א גוט געבענשט יאר פאר אלע יודען.
דער וואס וויל באקומען אויף email ווען עס קומט ארויס זאל זיך איינשרייבען ביי [email protected]
נ.ב. כ'האב געמוזט ארויסנעמען דעם דבר המערכת כדי דער PDF זאל קענען זיין ווייניגער ווי 256kb.
דבר המערכת האט געשריבן:דבר המערכת: מיר זענען נתעורר געווארען אפצוטייטשען די מזמורים שבתהילים וואס מיר זאגען ביים דאווענען כדי יעדער זאל קענען פארשטיין. לכבוד ר”ה הייבען מיר אהן מיט די דריי קאפיטלעך וואס מען זאגט אין די הייליגע טעג: לדוד מזמור—ר”ה און יו”כ ביינאכט; למנצח לבני קרח מזמור—פאר תקיעת שופר; שיר המעלות מממעקים—גאנץ עשרת ימי תשובה נאך ישתבח.
מיר האבען מפרש געוועהן לויט די מפרשים אין א מקראות גדולות (המאור) נ”ך, דהיינו רש”י, רד”ק, אִבְּן עזרא, מצודות און ספורנו. בד”כ איז דער ערשטע פשט אלעמאל רש”י אויסער אמאל ווען עס איז א המשך צום לעצטען פשט אויפען פריערדיגען פסוק.
דעם גליון הא’מיר א נאמען געגעבן ’נעים זמירות‘ ע”ש דוד המלך ע”ה וואס ווערט אנגערופען נעים זמירות ישראל. דער גליון וועט בעזה”י ערשיינען ווען מיר וועלן האבען צייט דערצו, און גאנץ מעגליך וועט דאס נישט ארויסקומען יעדע וואך.
יה”ר שלא יצא מכשול מתחת ידינו וחפץ ה’ בידינו יצליח.