רעיונות והקדמות בעניני דרוש ואגדה

חידושים ופלפולים בפרד"ס התורה

די אחראים: אחראי,גבאי ביהמד

אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

רעיונות והקדמות בעניני דרוש ואגדה

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

עס האט שוין עמיצער דאס ערווענט דא אין ביהמ"ד אז עס וואלט זיך געדארפט יאווען א אשכול איבער דעם ענין פאר חובבי דרוש, איך האב געהאפט אז קריינא דאגרתא איהו ליהוי פרוונקא, אבער זעענדיג אז די זאך רירט זיך נישט, האב איך באשלאסן במקום שאין איש, וועל איך מוזן זאגן דעם דרוש.
אה אה אנטשולדיגט, איך צי צוריק, איך גיי נישט יעצט זאגן קיין דרשות, איך האב מיר נאר גענומען דעם כיבוד פון פתיחה, און ברשות הגבאים וכל הקהל הקודש וועלן מיר אראפשטעלן על מה אדני האשכול הוטבעו, און איך וועל אריינווארפען א קוואדער ס'זאל אנהייבן פארן, און מ'האף מיר אז דער עולם וועט מקיים זיין עזוב תעזוב עמו.
===========
ביטע פרובירן צו האלטן דעם אשכול אויף די פאלגנדע רעלסן, לטובת כל הלומדים והמעיינים.
א. די בעסטע איז מען זאל נישט שרייבן קיין לאנגע תורות דא, נאר די רעיונות, ענינים, חידושים (אויפטוען), הן המובא בספרים, והן וואס איר האט אליין אויפגעטון. (אויב האלטן אנדערע אז מען וויל זיך יא אויסגעבן מיט לאנגע תורות, אולי זאל מען מאכן א באזונדערע אשכול דערפאר).
ב. יעדע רעיון זאל מען ביטע צושרייבן א מקור, ווי מען האט עס געזען, אדער אויב מען האט עס געהערט פון איינעם נאכזאגן, און מען האט נישט דעם מקור, זאל מען שרייבן פון וועם מען האט עס געהערט, און אויב איז עס אייגנס, שעמט אייך נישט, ס'טרעפט זיך ביי די שענסטע משפחות...
ג. ביטע נישט מגיב זיין סתם מיט הוילע רעדערייען מבלי להוסיף איזה דבר חידוש.

[אות ג' איז א בקשה, א כלליות'דיגע זאך וואס לי הצעיר געפעלט נישט ביי אסאך אנדערע אשכולות, נאר אזוי ווי איך בין נישט בעה"ב דא, גיי איך עס נישט מתקן זיין, איך וויל אבער פרובירן עס איינצופירן - לטובת הענין - לגבי דעם אשכול, אולי וועט עס אויך זיין תורה לשמה, און דאס איז דער ענין פון קאמפלימענטן, אז מען איז מוסיף א נייע זאך אינעם אשכול, גייט עס שוין מיט די גרינע הענטעלעך, אבער סתם קאמפלעמענטירן ליידיגערהייט אן מוסיף זיין גארנישט, מיין איך אז ס'נעמט אוועק דעם טעם פונעם מעיין.
הלואי וואלט מען געקענט אזוי ווי ביי אנדערע בלאגס מאכן קאמענטס אונטן, וואלט נישט געווען קיין פראבלעם, אבער דערווייל איז נישט אויסגעשטעלט אויף דעם וועג, און אויב נאך יעדע חידוש וועט זיין 5 קאמפלימענטן, וועט עס זיין געהעריג א מפסיק ממשנתו.... כ'מיין ס'קען פארלירן דעם טעם. (מען רעדט נישט דא ווען איינער וויל צולייגן א מראי מקום, אדער אפפרעגן עפעס)
יעצט נאכאמאל קיינער איז נישט מחויב צו פאלגן, אבער אני הפותח, וכמדומה אז נאך אסאך וואלטן עס אפרישיעד, ווען מען לאזט אלע קאמפלימענטן אין א זייט, און מען טוט צו די זאך, שרייבן למעשה. (אפשר אויך עפענען א באזונדערע אשכול פאר קאמפלימענטן....)].

תוכן הדברים: דער ציל פון דעם אשכול, יעדער זאל זיך קענען אויסגעבן זיינע רעיונות בעניני דרוש ואגדה, הן ער האט געזען א שיינע זאך (און ער האט נישט ווער ס'זאל אים אויסהערן), הן ער האט מחדש געווען א שיינע רעיון, זייט מזכה אנדערע, ובטוח אני באלה, אז אסאך אסאך וועלן האבן הנאה האבן.

ומי יתן והי', ס'זאל אזוי נתרבה ווערן דא די מגיבים, אז מען וועט קענען מאכן סוב פורם'ס על פי א' ב', וואס ווי פארשטענדליך גייט עס יעצט אין אנפאנג זיין א צומישעניש, דער גייט רעדן פון בנים למקום, דער פון שכר מצוה, דער פון בן נח, דער פון ביטול ברוב.

ובסיום הדברים וועלן מיר דערמאנען א ווארט וואס מיר האבן געהערט נאכזאגן פון רבין ז"ל בעל דברי יואל, אז ער האט אמאל געזאגט פאר זיינע חסידים אום יו"ט שבועות (אינדערהיים אין קראלי) אז מען זאל זען מחדש צו זיין חידושים, ווייל פונקט ווי די תכלית פון די חתונה איז צו האבן קינדער, די זעלבע זאך איז די תכלית פון קבלת התורה מחדש צו זיין חידושים (ועי' דרך פקודיך אז דאס א ענין פון פרו ורבו), נו דבר בעתו מה טוב, מיר האלטן נאך קבלת התורה.

ויה"ר שלא יצא מכשול מתח"י ויתקדש שם שמים על ידינו, ונזכה להרבות ולהרחיב גבולי הקדושה בבית מדרשינו, ונזכה כולנו להתרוממות קרן התורה וישראל בהתגלות כבוד שמים עלינו, במהרה דידן ברוב רחמיו וחסדיו אנס"ו. לעכט לעכט.
ובאעה"ח יום א' לסדר "מי בעל דברים יגש אליהם" כ"ג שבט שנת תש"ע לפ"ק

מי יודע
לעצט פארראכטן דורך מי יודע אום זונטאג פעברואר 07, 2010 5:26 pm, פארראכטן געווארן 1 מאל.
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

בנים למקום


תשובה העלפט ווייל מען האט א דין בנים למקום, ווייל מלך שמחל על כבודו אין כבודו מחול, אבער א טאטע פאר א קינד קען יא מוחל זיין.
(חיד"א ראש דוד פ' אמור)

שכר מצוה בה"ע ליכא, וועגן שכירות אינו משתלמת אלא לבסוף, אויב אבער האט מען א דין בנים איז דא שכר אויף די וועלט, ווייל א בן איז נוטל פרס מאביו בכל עת.
(זרע ברך פ' עקב)

אין ארץ ישראל האט מען א דין בנים אין חו"ל האט מען א דין עבדים.
(ילקוט ראובני פ' ואתחנן)

אויב האט מען א דין בנים האט דער קישוי השעבוד משלים געווען, ער ברענגט די גמרא אין בבא בתרא טורנסרופוס הרשע האט געפרעגט ר"ע אם אלקיכם אוהב עניים מפני מה אינו מפרנסן, און ער האט געזאגט א משל צו א מלך וואס האט געשטראפט זיין קנעכט און אים געלייגט אין תפיסה, און ס'קומט איינער און געט אים צו עסן ווערט דען נישט דער מלך ברוגז אויף אים, האט אים רבי עקיבא געענטפערט דאס איז מיט א קנעכט, אונז זענען מיר אבער קינדער פון באשעפער, און ווען א טאטע שטראפט א קינד און לייגט אים אין תפיסה און ס'קומט איינער און געט אים צו עסן איז אים דער טאטע דאנקבאר.
דער חיד"א נעמט פון דעם ארויס לגבי מצות צדקה אז פון דעם זעט מען אז מען האט א דין בנים.
ווי אויך נעמט ער ארויס דערפון לגבי שעבוד מצרים, אויב האט מען א דין עבדים, וואס איז א נפק"מ אויב די מצרים האבן שווערער געארבעט, אז א מלך שטראפט זיין קנעכט, און איינער געט אים צו נאך א שמיץ, שטערט עס נישט פארן מלך, אויב אבער מען האט א דין בנים, א טאטע וואס שטראפט זיין קינד, און איינער געט צו נאך א שמיץ שטערט אים עס.
ממילא אז מען זעט אז דער קישוי השעבוד האט משלים געווען איז א סימן מען האט א דין בנים.
(חיד"א ראש דוד פ' שמות)
לעצט פארראכטן דורך מי יודע אום זונטאג פעברואר 07, 2010 9:13 pm, פארראכטן געווארן 3 מאל.
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

אין דרשות חת"ס (שבועות דף רפד ע"ב) איז דא א אינטערעסאנטע זאך לגבי דין בנים, אויבנאויף קוקט אויס אז דין בנים איז בעסער, זאגט דער חתם סופר איז אסאך מאל איז בעסער אויב מען האט א דין עבד, ווייל א זון ווען ער ווערט א סורר ומורה איז ער חייב מיתה, אויב שעלט ער דעם טאטן איז ער חייב מיתה בידי שמים, און דער טאטע קען גארנישט טון, ווידער א קנעכט קען זיך בעסער און שנעלער איבערבעטן, ווייל דער הער שטראפט אים שנעלער, און וויל אים אבער נישט הרג'נען ווייל סוכ"ס האט ער באצאלט פאר אים. עי"ש דברים נפלאים.

דער חיד"א ברענגט אז די מלאכים ביי מתן תורה האבן געהאט א טענה פון בר מיצרא, זאגט דער חיד"א אין ראש דוד (פ' בשלח) אויב האט מען א דין בנים איז זייער טענה קיין טענה, ווייל ביי א בן איז נישט דא קיין דין מצרנות.

פון שבת זעט מען אז מען האט א דין בנים, ווייל גוי ששבת חייב מיתה וועגן ער איז זיך משתמש בשרביטו של מלך, אבער א איד מעג, וויל ער איז א קינד פון אייבערשטן.
(בני יששכר מאמרי שבתות מאמר ט אות ו)
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

אין קדושת לוי פ' יתרו טייטשט ער א אינטערעסאנטע טייטש, אנכי ה"א אשר הוצאתיך מאמ"צ מבית עבדים, א בן איז עובד מאהבה א עבד איז עובד מיראה, זאגט ער ווען אידן וואלטן מקבל געווען די תורה אין מצרים, וואלט עס געווען מיראה, כדי אין דעם זכות זאלן זיי ארויסגיין, וואלטן זיי געהאט א דין עבדים, יעצט אז מען האט עס מקבל געווען נאך יצי"מ איז עס געווען בלויז מאהבה, טייטשט ער אשר הוצאתיך מאמ"צ, אז קבלת התורה איז נאך יצי"מ, איז עס אויך הוצאתיך מבית עבדי"ם, אז מען האט נישט א דין עבד נאר א דין בן.
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

במחזורים בפיסקא היום הרת עולם, אם כבנים אם כעבדים,
ובספרים הקדושים על ימים נוראים, יש הרבה פירושים בענין זה.
ועמך כולם צדיקים
אוועטאר
מיללער
שר עשרים אלף
תגובות: 27043
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

מיט א צעהן-צוועלף יאר צוריק געדענק איך איז ארויסגעקומען א ספר דכאציך בשם 'נחלי מים' פון א איד קלאר מיט א ליקוט אויף הקדמות בעניני דרוש, אויך פון ר' אהרן קרויס איז דאכציך דא א חיבור, ער איז ידוע מיט זיין ארבעט אין דרוש.
אוועטאר
ווארד2007
שר חמישים ומאתים
תגובות: 483
זיך איינגעשריבן אום: דאנערשטאג אפריל 30, 2009 2:25 pm
לאקאציע: אין אייגן זעקל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווארד2007 »

מיללער, דו מיינסט אוודאי דעם ספר "דורש טוב" פון קלאר, נחלי מים איז א ספר אויף תולדות הדורות.
יוסלמאן

  • ציטיר
  • צו לייגן א דאנק דארפט איר זיין אריינגעלאגט

תגובה דורך יוסלמאן »

נחלי מים ודורש טוב יצא לאור ע"י האחים בן ר' עזריאל קלאר מ'קרית יואל. נחלי מים ר' נחמן מלמד בסאטמער (מהרז"ל) וומסב"ג און דורש טוב ר' ? מלמד בשאפראן וומסב"ג.
אוועטאר
מיללער
שר עשרים אלף
תגובות: 27043
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

איר זענט מן-הסתם גערעכט, עירבתי בין היוצרות.
אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

ווען מען האלט אדר, וואלט איך פארשטאנען ונהפוך הוא, אבער דערווייל האט מען קוים געבענטש ר"ח אדר, דא עטליכע מגיבים, און קיינער האט אפילו א פעני נישט אריינגעלייגט :cry:
עפן א אשכול פון משפחת קלאר, דער אשכול איז פאר עניני דרוש ואגדה

יישר כח
=====
יעצט נאך א ענין פון בנים למקום
אמאל געהערט נאכזאגן אז אידן האבן א דין בנים למקום נאר ווען מען איז באחדות, ווי ס'שטייט בנים אתם לה"א ווען ס'איז לא תתגודדו.

ווייסט איינער אפשר א מקור דערפאר?
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

מי יודע האט געשריבן:ווען מען האלט אדר, וואלט איך פארשטאנען ונהפוך הוא, אבער דערווייל האט מען קוים געבענטש ר"ח אדר, דא עטליכע מגיבים, און קיינער האט אפילו א פעני נישט אריינגעלייגט :cry:

:oops:
ועמך כולם צדיקים
אוועטאר
הער שליוואוויץ
שר מאה
תגובות: 109
זיך איינגעשריבן אום: זונטאג יאנואר 17, 2010 11:41 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך הער שליוואוויץ »

כשעושים חסד בין איש לרעהו מעוררים זכות תחיית המתים כי שלש מפתחות לא נמסרו לשליח והם ביד הקב"ה לבד גשמים, חי,תחיית המתים (תענית? ), והקב"ה כהן הוא כדכתיב (ידוע? )והאיך יכול ליטמא למת ? רק כהן מותר ליטמא לקרוב וזהו רק אי אמרינן בנים למקום ולא עבד לרב, וזה נתעורר ע"י חסד כי בן המלך שגלה מעל שולחן אביו מ"מ ניחא לאביו שיתפרנס ממקום אחר משא"כ בעבד שחטא למלך המלך רוצה להענישו בכל אופן אפי' שלא לפניו, וכשבני ישראל גומלים חסד איש לרעהו זוכין לגאולה.

שארית מנחם (ווישווא)

בספה"ק בני יששכר, חודש סיון, הרבה לדרוש בעניני בנים למקום
אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

הער שליוואוויץ האט געשריבן:כשעושים חסד בין איש לרעהו מעוררים זכות תחיית המתים כי שלש מפתחות לא נמסרו לשליח והם ביד הקב"ה לבד גשמים, חי,תחיית המתים (תענית ב ע"ב ), והקב"ה כהן הוא כדכתיב (סנהדרין לט ע"א )והאיך יכול ליטמא למת ? רק כהן מותר ליטמא לקרוב וזהו רק אי אמרינן בנים למקום ולא עבד לרב, וזה נתעורר ע"י חסד כי בן המלך שגלה מעל שולחן אביו מ"מ ניחא לאביו שיתפרנס ממקום אחר משא"כ בעבד שחטא למלך המלך רוצה להענישו בכל אופן אפי' שלא לפניו, וכשבני ישראל גומלים חסד איש לרעהו זוכין לגאולה.

שארית מנחם (ווישווא)

בספה"ק בני יששכר, חודש סיון, הרבה לדרוש בעניני בנים למקום


די בחינה אז פון תחיית המתים זעט מען אז אידן האבן א דין בנים שטייט אין פרשת דרכים דרוש כ"ה
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
אלף בית
שר האלפיים
תגובות: 2738
זיך איינגעשריבן אום: מאנטאג נאוועמבער 10, 2008 4:37 pm

הקדמות לדרוש בעניני ברית מילה

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלף בית »

איך האב זיך געמאכט פארשידענע הקדמות אויף עניני ברי"מ, סקען זיין ווערדפול פאר אידן וואס ווילן זאגן א דרוש בעת שמחתם.

ממצות ברי"מ למידין דלא דרשינן טעמא דקרא
(דברי יואל פרשת תצוה)
סאיז א דרוש, וואס איך האב נישט קיין צייט מאריך צו זיין, דעריבער ברענג א לינק.
http://www.hebrewbooks.org/pdfpager.asp ... &pgnum=267

בזכות מצות מילה יצאו בנ"י ממצרים טרם שנשלם הזמן של ארבע מאות שנה
ידוע הקושיא האיך יצאו בנ"י ממצרים טרם שנשלם הזמן של ועבדים וענו אותו ארבע מאות שנים, ומתרץ בייטב לב (פ' ויגש) כי מה שהשכינה היתה עמהם בגלות וסובלת סבלם השלים הזמן, ויש להוסיף ע"ז עפ"י דברי המדרש על הפסוק (ויקרא ט ו) זה הדבר אשר צוה ה' תעשו וירא אליכם כבוד ה', מהו זה הדבר, זה מילה. הרי שע"י מצות מילה הקב"ה משרה שכינתו בתוך בני ישראל, ועי"ז נשלם זמן הגלות והשעבוד מצרים, (אדמו"ר מהר"א מסאטמאר)

ע"י מצות מילה אין ישראל בטילין ברוב האומות.
איתא במדרש (ויק"ר פ"ד ו') דדעת האוה"ע דישראל בטילים ברוב לגבייהו, כי אתם המעט מכל העמים, וי"ל דנפסק בשו"ע (יו"ד סי' צ"ח סעי' ד') דדבר הניכר לא בטיל אפילו בשישים. וספר החינוך כתב הטעם של מצות מצות מילה כמו מלך שרושם בעבדיו למען יכירו וכו', נמצא לפי זה כיון שבנ"י ניכרים אין יכולים ליבטל ברוב (אלף בית)

כהאב אין קאפ נאך כהאב פשוט נישט קיין צייט יעצט צו שרייבן ועוד חזון.
א גוט ווארט איז אלעמאל גוט
אוועטאר
ווארד2007
שר חמישים ומאתים
תגובות: 483
זיך איינגעשריבן אום: דאנערשטאג אפריל 30, 2009 2:25 pm
לאקאציע: אין אייגן זעקל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווארד2007 »

שיין, אלף בית
אבל כבר קדמך רבך, התירץ במילה של ניכר שמעתיו לפני כמה שנים מאת אדמו"ר מהר"א מסאטמאר שליט"א, וכבר קדמו בערוגת הבשם פ' קדושים
אוועטאר
ווארד2007
שר חמישים ומאתים
תגובות: 483
זיך איינגעשריבן אום: דאנערשטאג אפריל 30, 2009 2:25 pm
לאקאציע: אין אייגן זעקל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווארד2007 »

אגב, אז דער פתיחת האשכול איז געווען בענין בנים למקום
עס איז דא תיקוני זוהר אז דורך מצות מילה באקומט מען א דין בנים.
עיין בהקדמת התיקו"ז דף ב.
אוועטאר
אלף בית
שר האלפיים
תגובות: 2738
זיך איינגעשריבן אום: מאנטאג נאוועמבער 10, 2008 4:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלף בית »

ווארד2007 האט געשריבן:שיין, אלף בית
אבל כבר קדמך רבך, התירץ במילה של ניכר שמעתיו לפני כמה שנים מאת אדמו"ר מהר"א מסאטמאר שליט"א, וכבר קדמו בערוגת הבשם פ' קדושים

יישר כח!
כהאב עס נאך קיינמאל נישט געהערט פון מיין רבי'ן אדער געזעהן אין זיינע ספרים

די ווערטער פונעם ערוגת הבושם איז כעין זה, ער זאגט וויבאלד אידן זענען מצויינים במעשיהם, וכו', איך האב צוגעלייגט אז עס זאל האבן שייכות מיט מצוות מילה.
ערוגת הבושם פרשת קדושים
א גוט ווארט איז אלעמאל גוט
אוועטאר
אלף בית
שר האלפיים
תגובות: 2738
זיך איינגעשריבן אום: מאנטאג נאוועמבער 10, 2008 4:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלף בית »

משה קאפויער האט געשריבן:ס'שטייט נאך פריער אויך... דער אלגאזי ברענגט עס שוין, ווי אויך דער חיד"א, און נאך פילע ספרי דרוש, דו"ק ותשכח.

מקור ביטע
א גוט ווארט איז אלעמאל גוט
אוועטאר
ווארד2007
שר חמישים ומאתים
תגובות: 483
זיך איינגעשריבן אום: דאנערשטאג אפריל 30, 2009 2:25 pm
לאקאציע: אין אייגן זעקל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווארד2007 »

איך האב נישט נאכגעקוקט יעצט דעם ערוה"ב, אבער איך מיין ער רעדט יא פון מילה, איך טראכט אזוי יעצט, קוק אין ערוה"ב פר' אחרי אויפן פסוק כמעשה ארץ מצרים "איך מיין" אז דארט רעדט ער דערפון
אוועטאר
אלף בית
שר האלפיים
תגובות: 2738
זיך איינגעשריבן אום: מאנטאג נאוועמבער 10, 2008 4:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלף בית »

דער מקור וואס דו האסט מיר אנגעגעבן אין פרשת קדושים רעדט ער נישט פון מילה, בייגעלייגט דעם לינק.
אין פרשת אחרי זעה איך נישט רעדן דערוועגן

אדרבה ווער סהאט מקור זאל עס ביטע מודיע זיין.
ספאסט פשוט נישט אז קומענדיגן פורים זאל זיך איינער אויפשטעלן זאגן א תורה אויף ליהודים היתה אורה ושמחה וששון זו מילה, אז המן האט גע'טענה'ט אז אידן דארפן בטל ווערן ברוב האומות, ווי ער האט געזאגט עם "אחד" מפוזר ומפורד בין ה"עמים", אבער וויבאלד אידן האבן מצות מילה און נאכזאכן בשם אלף בית מ'היימישע קרעטשמע אז דורך מצות מילה ווערן אידן נישט בטל.
סוועט דאך נישט האבן קיין פשט, דעריבער איז בעסער צו האבן אן ערנסטע מקור.
א גוט ווארט איז אלעמאל גוט
אוועטאר
ווארד2007
שר חמישים ומאתים
תגובות: 483
זיך איינגעשריבן אום: דאנערשטאג אפריל 30, 2009 2:25 pm
לאקאציע: אין אייגן זעקל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווארד2007 »

דער ישמח משה זאגט אין פר' תולדות ווען מען זאגט נאך א דבר שמועה פון פריערדיגע ווערט מען נישט בטל ברוב
אז יום המיתה ברענגט עצבות איז דאך תחיית המתים שמחה, ועי' ברך משה שמות אז צוליב תחיית המתים ווערט מען נישט בטל ברוב
וכאמור דורך מילה ווערט מען נישט בטל
וזה שאמר ליהודים היתה אור"ה זו תורה, שמח"ה זו תחיית המתים, וששון זו מיל"ה, ויקר, דאס איז א טייער ווארט לכבוד פורים...
אוועטאר
ווארד2007
שר חמישים ומאתים
תגובות: 483
זיך איינגעשריבן אום: דאנערשטאג אפריל 30, 2009 2:25 pm
לאקאציע: אין אייגן זעקל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווארד2007 »

או יאמר ויקר, דער ישמח משה ברענגט דאך אין פר' שמות אז איין איד איז שקול אזוי ווי אסאך גוים ממילא ווערט מען נישט בטל ברוב, און דאס איז ויק"ר צוליב די טייערקייט פון אידן
אוועטאר
מי יודע
שר שמונת אלפים
תגובות: 8706
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

ואני אוסיף לפרש ויקר זו תפילין, תפילין ווייזט דאך אויף אחדותו ית"ש, דער חתם סופר די וואך פ' משפטים זאגט אז אידן ווערן נישט בטל ברוב, ווייל ביי א ספק איז שייך דער דין פון אחרי רבים להטות, אבער א דבר הברור איז דאך ברור, וואס איז שייך צו זאגן מען זאל גיין נאך רוב. ממילא אחדותו ית"ש איז דאך ברור, ממילא איז נישט שייך מען זאל גיין נאך רוב אוה"ע. ער טייטשט "לנטות", א זאך וואס איז שייך צו מאכן א נטי' אהער אדער אהין, דוקא דארט איז "אחרי רבים להטות".
ממילא דורך תפילין ווערט מען נישט בטל ברוב.
===
אגב מעין הפתיחה, דורך תפילין האט מען א דין בנים למקום (עי' בני יששכר מאמרי חודש אלול מאמר א' אות ו').
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
לכאורה
שר עשרים אלף
תגובות: 28042
זיך איינגעשריבן אום: דינסטאג אקטאבער 20, 2009 2:43 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

בענין בנים למקום

אין חתם סופר פ' משפטים שרייבט ער אז אויב מען לערנט תורה מיט אנדערע צייגט דאס אז מען איז א בן להקב"ה, ווייל מען איז זיך משתמש מיט די אומנות פון השי"ת וואס ער איז מלמד תורה לעמו ישראל.
אוועטאר
ווארד2007
שר חמישים ומאתים
תגובות: 483
זיך איינגעשריבן אום: דאנערשטאג אפריל 30, 2009 2:25 pm
לאקאציע: אין אייגן זעקל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווארד2007 »

מורא'דיגע ווערטער אין דרשות חתם סופר דרוש לער"ח אדר (דף קכ"א ע"א)
ההולך בערכאות שלהם יצא מכלל בן, איינער וואס גייט חלילה בערכאות של עכו"ם גייט אוועק פון אים דער דין בנים למקום.
שרייב תגובה

צוריק צו “דברי תורה”