לאקשען ברעט האט געשריבן:יישר כוח ערנסטער
דאס איז א געוואלדיגע געדאנק , אז פין דעם וואס רבקב האט געשיקט יעקב קיין חרן איז א סימן אז זי האט פארשטאנען אז דארט
וועט ער זיין אויסגעהיטען פין עשו
יעצט דארף מען פארשטיין פארוואס טאקע , דאס וואס די זאגסט אז ווייל ער איז געווען זיין איידעם איז נישט מסתבר ווייל ווען רבקה האט אים געשיקט איז ער נאך נישט געווען זיין איידעם,
אין דאס אז עס איז געווען ווייט, לייגט זיך מיר אויך נישט אויפען שכל
דארף מען יעצט א הסבר פארוואס האט עשו מורא געהאט צי קומען קיין חרן , אפשר האט ער געהאט עפעס א פחד פין לבן
מען דארף זעהן עפעס א הסבר
איך האב אמאל געהערט אן אונטערעסאנטער תירוץ אויף דעם קשיא, איך געדענק אבער נישט פון וואו די תירוץ קומט אבער מיין זכרון זאגט מיר אז דאס איז פון א גאר פריערדיגער.
די תורה פארציילט אונז פאריכע וואך דעם גאנצן איבערקערעניש וואס לבן האט געמאכט וועגן זיינע תרפים וואס זענען נעבעך גע'גנב'ט געווארן, דארף מען פארשטיין וואס איז געוועהן די תרפים וואס לבן האט נישט געקענט קויפן אדער מאכן נייע ער האט געמוזט נאך יאגן און מאכן אזא ויצעקו?
נאר דער תירוץ איז אז די תרפים איז געוועהן א גלגולת פון א בכור בן בכור בן בכור און צו טרעפן נאך א בכור בן בכור בן בכור און איהם אומברענגען און איינזאלצן זיין קאפ איז שוין נישט אזוי לייכט וועגן דעם האט ער נאכגעיאגט יעקב און גרייט געוועהן אויף אלעם אבי צו טרעפן זיין טייערע תרפים.
לויט דעם קען מען פארשטיין פארוואס ביי לבן האט רבקה געוואוסט אז יעקב איז פארזיכערט פון עשיו, ווייל זי האט דאך געקענט איהר ברודערס געטשקעלעך און זי האט דאס פארציילט פאר אירע קינדער, ממילא האט זי געוואוסט אז עשיו וועט ציטערן צו גיין צו לבן ווייל עשיו איז דאך געוועהן א בכור און זיין טאטע יצחק איז געוועהן א בכור מאם און זיין זיידע אברהם איז געוועהן א בכור ממילא האט עשיו געציטערט אז אויב וועט ער אן קומען צו לבן וועט לבן איהם שחט'ן ווייל ער וועט וועלן האבן זיין קאפ פאר א געטשיק און וועגן דעם איז יעקב געוועהן דארט פארזיכערט פון עשיו
אויב ווייסט איינער א מקור צו דעם ביטע צו צייכענען
ייש"כ